gulf
പുതുവര്ഷപ്പുലരിയില് ലോകറെക്കോഡ് തകര്ക്കാന് അബുദാബിയില് വന് ഒരുക്കം
അല്വത്ബയില് നടക്കുന്ന ശൈഖ് സായിദ് ഫെസ്റ്റിവെലിലാണ് ഡിസംബര് 31ന് രാത്രി രണ്ട് ലോകറെക്കോഡുകള് ഭേദിക്കുന്നതിനുള്ള തയാറെടുപ്പ് നടക്കുന്നത്.

റസാഖ് ഒരുമനയൂര്
അബുദാബി: പുതുവര്ഷപ്പുലരിയില് ലോകറെക്കോഡുകള് തകര്ക്കാന് അബുദാബിയില് ഒരുക്കം തകൃതിയായി നടക്കുന്നു. അല്വത്ബയില് നടക്കുന്ന ശൈഖ് സായിദ് ഫെസ്റ്റിവെലിലാണ് ഡിസംബര് 31ന് രാത്രി രണ്ട് ലോകറെക്കോഡുകള് ഭേദിക്കുന്നതിനുള്ള തയാറെടുപ്പ് നടക്കുന്നത്.
ഏറ്റവും ദൈര്ഘ്യമേറിയ കരിമരുന്ന് പ്രയോഗമാണ് ഇതില് ഏറ്റവും ശ്രദ്ധേയമായി മാറുക. നാല്പ്പത് മിനുട്ട്നേരം മാനത്ത് വര്ണ്ണങ്ങള് പെയ്യിച്ചുകൊണ്ടാണ് കരിമരുന്ന് പ്രയോഗം നടക്കുക. പതിനായിരങ്ങളാണ് ഇതിന് സാക്ഷിയാവാന് വിവിധ എമിറേറ്ററുകളില്നിന്ന് എത്തിച്ചേരുക.
3,000 ഡ്രോണുകള് നിരന്ന് അന്തരീക്ഷത്തില് വിവിധ ചിത്രങ്ങള് തെളിയുന്ന മറ്റൊരു കാഴ്ചയാണ് അന്താരാഷ്ട്ര ശ്രദ്ധയാകര്ഷിക്കുന്ന മറ്റൊരുഇനം. ഡിസംബര് 31ന് വൈകീട്ട് നാലുമണിമുതല് ആരംഭിക്കുന്ന വ്യത്യസ്തമായ പരിപാടികള് പുലര്ച്ചെ രണ്ടുമണിവരെ നീണ്ടുനില്ക്കുമെന്ന് ബന്ധപ്പെട്ടവര് വാര്ത്താകുറിപ്പില് വ്യക്തമാക്കി.
വിവിധ രാജ്യങ്ങളുടെ നിരവധി സ്റ്റാളുകളും അന്താരാഷ്ട്ര കലാസാംസ്കാരിക പരിപാടികളും ശൈഖ് സായിദ് ഫെസ്റ്റിവെലില് നടന്നുകൊണ്ടിരിക്കുന്നുണ്ട്. ന്യൂഇയര് പ്രമാണിച്ച് പരിപാടികളില് ഗണ്യമായി മാറ്റംവരുത്തി കൂടുതല് ശ്രദ്ധനേടാനാണ് അധികൃതര് ശ്രമിക്കുന്നത്.
gulf
ഒമാൻ കടലിൽ അമേരിക്കൻ കപ്പൽ തീപിടിച്ചു കത്തി

മസ്കത്ത്: ഒമാൻ ഉൾക്കടലിൽ അമേരിക്കൻ എണ്ണക്കപ്പൽ മറ്റൊരു ടാങ്കറുമായി കൂട്ടിയിടിച്ച് വൻ അഗ്നിബാധ. യുഎഇയിലെ ഖോർഫക്കാന് 22 നോട്ടിക്കൽ മൈൽ അകലെയാണ് പ്രാദേശിക സമയം പുലർച്ചെ 1.40 ന് അപകടമുണ്ടായത്. അമേരിക്കൻ എണ്ണക്കപ്പലായ ഫ്രണ്ട് ഈഗിൾ, ആന്റിഗ ആന്റ് ബർഡുബയുടെ കൊടിയുള്ള അഡലിനുമായി കൂട്ടിയിടിക്കുകയായിരുന്നു. സംഭവത്തിൽ 24 നാവികരെ രക്ഷപ്പെടുത്തിയതായി യുഎഇ അധികൃതർ അറിയിച്ചു.
ക്രൂഡ് ഓയിലുമായി അതിവേഗതയിൽ വരികയായിരുന്ന അമേരിക്കൻ കപ്പൽ പെട്ടെന്ന് വേഗത കുറക്കുകയും വലത്തേക്ക് തിരിഞ്ഞ് അഡലിന്റെ വഴിയിലേക്ക് വരികയും ചെയ്തതാണ് കൂട്ടിയിടിക്കു കാരണം എന്ന് വിദഗ്ധർ പറഞ്ഞു. 12.8 നോട്ട് വേഗത്തിൽ നേർദിശയിൽ വടക്കുഭാഗത്തേക്ക് സഞ്ചരിക്കുകയായിരുന്ന ഫ്രണ്ട് ഈഗിളിന്റെ വേഗത പെട്ടെന്ന് 0.6 നോട്ട് ആയി കുറയുകയും കപ്പൽ വെട്ടിത്തിരിയുകയും ചെയ്തു. തൊട്ടുമുന്നിലെത്തിയ ശേഷമാണ് അഡലിനിലെ നാവികർ ഭീമൻ ടാങ്കർ കണ്ടത്.
അമേരിക്കൻ കപ്പലിലെ എഞ്ചിൻ തകരാറോ നാവിഗേഷൻ ഉപകരണങ്ങൾ പ്രവർത്തനക്ഷമം അല്ലാതിരുന്നതോ ആണ് അപകടകാരണമെന്ന് വിദഗ്ധർ പറയുന്നു. കപ്പലുകളിൽ തീ പടരുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചു. ഇസ്രായിൽ – ഇറാൻ യുദ്ധത്തിന്റെ ഭാഗമായി കപ്പലുകൾ ആക്രമിക്കപ്പെട്ടതായിരിക്കാമെന്ന് സമൂഹമാധ്യമങ്ങളിൽ അഭ്യൂഹങ്ങൾ പരന്നിരുന്നു.
gulf
അഹമ്മദാബാദിലെ വിമാന ദുരന്തം: അനുശോചനം രേഖപ്പെടുത്തി മസ്കത്ത് കെ.എം.സി.സി

മസ്കത്ത്: അഹമ്മദാബാദ് വിമാന ദുരന്തത്തിൽ നിരവധി പേർക്ക് ജീവൻ നഷ്ടമായ ദാരുന്ന സംഭവത്തിൽ അതീവ ദുഖം രേഖപ്പെടുത്തുന്നതായി മസ്കത്ത് കെ.എം.സി.സി കേന്ദ്ര കമ്മിറ്റി പ്രസിഡന്റ് അഹമ്മദ് റഹീസ് പറഞ്ഞു. ഒമാനിലെ സലാലയിൽ മുമ്പ് ജോലി ചെയ്തിരുന്ന ഒരു മലയാളിയും അപകടത്തിൽ മരണപ്പെട്ടത് ഒമാനിലെ പ്രവാസി സമൂഹത്തെയാകെ വേദനിപ്പിക്കുന്നതാണെന്നും അദ്ദേഹം പറഞ്ഞു.
പത്തനംതിട്ട തിരുവല്ല സ്വദേശി രഞ്ജിത ഗോപകുമാറിന്റെ മരണം അവരുടെ കുടുംബത്തെ സംബന്ധിച്ചു മാത്രമല്ല മലയാളി സമൂഹത്തിനാകെ തീരാ വേദനയാണ്. മരണ പെട്ടവരുടെ കുടുംബത്തിന്റെയും പ്രിയപെട്ടവരുടെയും ദുഃഖത്തിൽ മസ്കത്ത് കെ.എം.സി.സി യും പങ്കാളികളാകുന്നുവെന്നും പരിക്കേറ്റവർ വേഗം സുഖം പ്രാപിക്കട്ടെയെന്നും മസ്കത്ത കെ.എം.സി.സി കേന്ദ്രകമ്മറ്റി പ്രസിഡന്റ് റഹീസ് അഹമ്മദ് വാർത്തകുറിപ്പിലൂടെ അറിയിച്ചു.
gulf
ഹജ്ജ് 2025; പുണ്യ മൈതാനില് ആണ്കുഞ്ഞിന് ജന്മം നല്കി തീര്ത്ഥാടക
ഹജ്ജ് സീസണിലെ ആദ്യ പ്രസവമായി രേഖപ്പെടുത്തപ്പെട്ട ഈ സംഭവം തീര്ത്ഥാടകരുടെയും സുരക്ഷാ ജീവനക്കാരുടെയും ഹൃദയങ്ങള് സ്പര്ശിച്ചു.

ഹജ്ജ് തീര്ത്ഥാടനത്തിനിടെ അറഫാ മൈതാനില് ടോഗോ സ്വദേശിനിയായ യുവതി ആണ്കുഞ്ഞിന് ജന്മം നല്കി. ഹജ്ജ് സീസണിലെ ആദ്യ പ്രസവമായി രേഖപ്പെടുത്തപ്പെട്ട ഈ സംഭവം തീര്ത്ഥാടകരുടെയും സുരക്ഷാ ജീവനക്കാരുടെയും ഹൃദയങ്ങള് സ്പര്ശിച്ചു.
മാതാവിന്റെ ആത്മാര്ത്ഥമായ തീവ്രവിശ്വാസത്തിന്റെയും അനുഭവത്തിന്റെയും ഭാഗമായി കുഞ്ഞിന് അറഫാത്ത് എന്ന പേരാണ് നല്കിയത്. ഈ വിശുദ്ധ മണ്ണില് ജനിച്ച കുഞ്ഞിന് അര്ഹമായ പേരാണെന്നും, അറഫാത്തിന്റെ സ്മരണയായും ഈ നാമകരണമെന്നും അധികൃതര് അഭിപ്രായപ്പെട്ടു.
സൗദി ഭരണകൂടത്തിന്റെ സമയോജിതമായ ഇടപെടല് മൂലമാണ് പ്രസവം വിജയകരമായി നടക്കാനായത്. അമ്മയും കുഞ്ഞും പൂര്ണ്ണ ആരോഗ്യവാന്മാരാണെന്ന് അധികൃതര് അറിയിച്ചു.
-
News3 days ago
ഇസ്രാഈലിന്റെ വ്യോമ പ്രതിരോധ ശേഖരം കുറയുന്നു, മിസൈലുകള് 10-12 ദിവസം മാത്രം നിലനില്ക്കുവെന്ന് റിപ്പോര്ട്ട്
-
kerala3 days ago
കൃഷ്ണകുമാറിന്റെയും മകള് ദിയയുടെയും മുന്കൂര് ജാമ്യാപേക്ഷയില് കോടതി ഇന്ന് വിധി പറയും
-
News3 days ago
ഇറാനെതിരെ യുഎസ് നേരിട്ടിറങ്ങിയേക്കുമെന്ന് സൂചന
-
kerala3 days ago
കേരള സര്വകലാശാല പരീക്ഷ മൂല്യനിര്ണയം ക്രമക്കേട്: അന്വേഷണം നടത്താന് മൂന്നംഗ സമിതി
-
kerala3 days ago
എംവി ഗോവിന്ദൻ അറിയാതെ സത്യംപറഞ്ഞു, കോൺഗ്രസിനെ തോൽപിക്കാൻ സിപിഎം- ആർഎസ്എസ് രഹസ്യബന്ധം: സണ്ണി ജോസഫ്
-
kerala2 days ago
നിലമ്പൂര് ഉപതെരഞ്ഞെടുപ്പ്; വോട്ടെടുപ്പ് ഇന്ന്
-
kerala2 days ago
നിലമ്പൂര് നാളെ പോളിങ് ബൂത്തിലേക്ക്
-
GULF3 days ago
പുണ്യാനുഭവവുമായി മലയാളി ഹാജിമാര് മദീനയില്; കെഎംസിസി ഊഷ്മള സ്വീകരണം നല്കി