Health
കൊവിഡ് വര്ധിക്കുന്നു; രാജ്യത്ത് 3,823 പുതിയ കേസുകള്
രാജ്യത്ത് കൊറോണ ബാധിതരുടെ എണ്ണത്തില് തുടര്ച്ചയായ വര്ധനവ്. കഴിഞ്ഞ 24 മണിക്കൂറിനിടെ ഇന്ത്യയില് 3,823 പേര്ക്ക് പുതുതായി രോഗബാധ സ്ഥിരീകരിച്ചു. കേന്ദ്ര ആരോഗ്യ മന്ത്രാലയത്തിന്റെ കണക്ക് അനുസരിച്ച് ശനിയാഴ്ചയേക്കാള് 27 ശതമാനത്തിന്റെ വര്ദ്ധനവാണ് ഞായറാഴ്ച ഉണ്ടായിട്ടുള്ളത്. ശനിയാഴ്ച 2,995 ഉം വെള്ളിയാഴ്ച 3,095 ഉം പേര്ക്ക് പുതുതായി രോഗം സ്ഥിരീകരിച്ചിരുന്നു.
ഇന്നലത്തെ അപേക്ഷിച്ച് ഇന്ന് ദിനം പ്രതിയുള്ള കേസുകളുടെ എണ്ണത്തില് വന് വര്ധനവാണ് ഉണ്ടായിരിക്കുന്നത്. ആരോഗ്യ മന്ത്രാലയം പുറത്തുവിട്ട കണക്കുകള് പ്രകാരം കഴിഞ്ഞ 24 മണിക്കൂറിനുള്ളില് രാജ്യത്ത് 3823 പുതിയ കേസുകള് റിപ്പോര്ട്ട് ചെയ്യപ്പെട്ടു. ഇന്നലത്തെ അപേക്ഷിച്ച് 830 കേസുകളുടെ വര്ദ്ധനയാണ് ഇന്നുണ്ടായിട്ടുള്ളത്. കൊവിഡ് ബാധിച്ച് 4 പേര് മരണപ്പെടുകയും ചെയ്തു. രാജ്യത്ത് സജീവ രോഗികളുടെ എണ്ണം 18,389 ആയി ഉയര്ന്നു. ഇതോടെ രാജ്യത്തെ ആകെ കൊറോണ ബാധിതരുടെ എണ്ണം 4 കോടി 47 ലക്ഷത്തി 22,818 ആയി.
ഇന്ന് 1,784 പേര് രോഗമുക്തി നേടിയതോടെ, ആകെ രോഗമുക്തി നേടിയവരുടെ എണ്ണം 4 കോടി 41 ലക്ഷത്തി 73,335 ആയി ഉയര്ന്നു. അതേസമയം രാജ്യത്ത് ആകെ 5 ലക്ഷത്തി 30,880 പേര് കൊറോണ വൈറസ് ബാധിച്ച് മരണപ്പെട്ടു. മന്ത്രാലയത്തിന്റെ വെബ്സൈറ്റ് അനുസരിച്ച്, രാജ്യവ്യാപകമായി വാക്സിനേഷന് െ്രെഡവിന് കീഴില് ഇതുവരെ 220.66 കോടി ഡോസ് ഇഛഢകഉ19 വാക്സിന് നല്കിയിട്ടുണ്ട്.
Health
തല കുളിച്ചത് തലവേദനയാക്കുന്ന ‘ഹെയര് വാഷ് മൈഗ്രെയ്ന്’; വിദഗ്ധരുടെ മുന്നറിയിപ്പ്
തല കുളിച്ചശേഷം ചിലരില് ഉണ്ടാകുന്ന തീവ്രമായ തലവേദന ആരോഗ്യ വിദഗ്ധരെ ആശങ്കപ്പെടുത്തുന്നു.
തല കുളിച്ചശേഷം ചിലരില് ഉണ്ടാകുന്ന തീവ്രമായ തലവേദന ആരോഗ്യ വിദഗ്ധരെ ആശങ്കപ്പെടുത്തുന്നു. സാധാരണ മാനസിക സമ്മര്ദം, അനാരോഗ്യകരമായ ഭക്ഷണം, ഉറക്കക്കുറവ് തുടങ്ങിയവയാണ് തലവേദനയ്ക്കുള്ള അറിയപ്പെടുന്ന കാരണങ്ങള്. എന്നാല് ചിലര്ക്കു മാത്രം തല കഴുകുന്നതാണ് വേദനയെ നേരിട്ട് ട്രിഗര് ചെയ്യുന്നത്. ‘ഹെയര് വാഷ് മൈഗ്രെയ്ന്’ എന്നറിയപ്പെടുന്ന ഈ അവസ്ഥ സ്ത്രീകളിലാണ് കൂടുതലായി കാണുന്നത്. വിദഗ്ധര് പറയുന്നത്, നീളം കൂടിയ മുടി ആഴ്ചയില് മൂന്നു തവണ വരെ കഴുകുമ്പോഴും ഈ തലവേദന ഉണ്ടാകാന് സാധ്യതയുണ്ടെന്നാണ്. മുടി കഴുകിയതിനുശേഷം ദീര്ഘനേരം നനവോടെ വയ്ക്കുന്നതും വേദനയ്ക്ക് വഴിയൊരുക്കുന്നു. തലയോട്ടിയിലൂടെ കടന്നുപോകുന്ന ആക്സിപിറ്റല് നാഡികള്ക്ക് ബാധയുണ്ടാകുന്നതുമൂലം ഉണ്ടാകുന്ന ആക്സിപിറ്റല് ന്യൂറാല്ജിയ, ചെവിക്ക് പിന്നിലുള്ള മസ്റ്റോയ്ഡ് എല്ലില് അണുബാധയുണ്ടാകുന്ന മസ്റ്റോയിഡിറ്റിസ് എന്നിവയും ഇത്തരം തുളച്ചുകയറുന്ന തലവേദനയ്ക്ക് കാരണങ്ങളാകാം. അതുപോലെ തലയോടിനെയും താടിയെയും ബന്ധിപ്പിക്കുന്ന സന്ധിയില് സംഭവിക്കുന്ന ടിഎംജെ (TMJ) ഡിസോര്ഡറും തലവേദനയ്ക്ക് പിന്നില് പ്രവര്ത്തിക്കാം. ചിലപ്പോള് പല്ല് പ്രശ്നങ്ങളും തലവേദനയിലേക്ക് നയിക്കുന്നതായി റിപ്പോര്ട്ടുകള് വ്യക്തമാക്കുന്നു. വിദഗ്ധര് നിര്ദേശിക്കുന്നത്, നന്നായി വെള്ളം കുടിക്കുക, കഫീന് കുറയ്ക്കുക, ദിവസവും മുടി കഴുകുന്നത് ഒഴിവാക്കുക, തല കഴുകുമ്പോള് അമിതമായി സമ്മര്ദം നല്കാതിരിക്കുക എന്നിവയാണ്. ഈ മുന്കരുതലുകള് പാലിച്ചാല് ഹെയര് വാഷ് മൈഗ്രെയ്ന് ഭൂരിഭാഗം കേസുകളിലും കുറയ്ക്കാന് കഴിയുമെന്ന് അവര് പറയുന്നു.
Health
കൊളസ്ട്രോള് ഉയരുന്നത് ഹൃദയാരോഗ്യത്തിന് വലിയ ഭീഷണി; കുറയ്ക്കാന് സഹായിക്കുന്ന ഭക്ഷണങ്ങള് എന്തെല്ലാം !!
ഇന്ത്യയില് മരണത്തിനും വൈകല്യത്തിനും പ്രധാന കാരണമായി ഹൃദയ സംബന്ധമായ അസുഖങ്ങള് തുടരുന്നതായി 2023ല് പ്രസിദ്ധീകരിച്ച ലാന്സെറ്റ് പഠനം വ്യക്തമാക്കുന്നു. Cardiovascular disease (CVD) ഇന്ത്യക്കാരില് മറ്റു രാജ്യങ്ങളേക്കാള് നേരത്തെ പ്രത്യക്ഷപ്പെടുന്നുവെന്നും പഠനങ്ങള് സൂചിപ്പിക്കുന്നു. ഉയര്ന്ന കൊളസ്ട്രോള് നില ഹൃദയത്തിന്റെ പ്രവര്ത്തനത്തെ നേരിട്ട് ബാധിക്കുന്നതിനാല് ഹൃദയാഘാതത്തിന്റെയും പക്ഷാഘാതത്തിന്റെയും സാധ്യത ഗണ്യമായി വര്ദ്ധിക്കുന്നതായി ബ്രിട്ടീഷ് ഹാര്ട്ട് ഫൗണ്ടേഷന് മുന്നറിയിപ്പ് നല്കുന്നു. കൊളസ്ട്രോള് സംബന്ധമായ പ്രശ്നങ്ങള് ഇന്ത്യയിലെ ജനസംഖ്യയുടെ 81 ശതമാനത്തിലധികം പേരെ ബാധിച്ചിട്ടുണ്ടെന്നത് വലിയ ആശങ്കയാണ്. ഡിസ്ലിപിഡീമിയ എന്നറിയപ്പെടുന്ന ഈ അവസ്ഥ മിക്കവാറും ലക്ഷണങ്ങളില്ലാതെ മാറുന്നതിനാല് രോഗനില ഗുരുതരമാവുന്നത് വരെ പലര്ക്കും അത് തിരിച്ചറിയാനാകാതെ പോകുന്നു. ആരോഗ്യകരമായ ഭക്ഷണക്രമം സ്വീകരിക്കണമെന്നതിലാണ് വിദഗ്ധര് പ്രധാനമായും ഊന്നല് നല്കുന്നത്. പൂരിത കൊഴുപ്പുകളുള്ള ഭക്ഷണം കുറയ്ക്കുകയും, നാരുകള് സമൃദ്ധമായ ഭക്ഷണങ്ങള് ഉള്പ്പെടുത്തുകയും ചെയ്താല് കൊളസ്ട്രോള് നിയന്ത്രണം സാധ്യമാകുമെന്ന് അവര് പറയുന്നു. 2025 ഓഗസ്റ്റില് ന്യൂ ഇംഗ്ലണ്ട് ജേണല് ഓഫ് മെഡിസിന് പ്രസിദ്ധീകരിച്ച പഠനത്തില്, വാഴപ്പഴം, ബീറ്റ്, അവോക്കാഡോ പോലുള്ള പൊട്ടാസ്യം അടങ്ങിയ ഭക്ഷണങ്ങള് ഹൈപ്പര്ടെന്ഷന് സാധ്യത 24 ശതമാനം വരെ കുറയ്ക്കുമെന്ന് കണ്ടെത്തി. 2024 ഡിസംബറില് അമേരിക്കന് ജേണല് ഓഫ് ക്ലിനിക്കല് ന്യൂട്രീഷന് പുറത്തിറക്കിയ പഠനത്തില്, സസ്യാധിഷ്ഠിത പ്രോട്ടീന് ഉപയോഗം വര്ദ്ധിപ്പിക്കുന്നത് ഹൃദയ സംബന്ധമായ രോഗങ്ങളുടെ സാധ്യത 19 ശതമാനം കുറയ്ക്കുകയും, കൊറോണറി ആര്ട്ടറി രോഗം വരാനുള്ള സാധ്യത 27 ശതമാനം കുറയ്ക്കുകയും ചെയ്യുന്നുവെന്നും റിപ്പോര്ട്ട് ചെയ്തു. കൊളസ്ട്രോള് കുറയ്ക്കാന് സഹായിക്കുന്ന നിരവധി ഭക്ഷണങ്ങളെ ആരോഗ്യ വിദഗ്ധര് ഊന്നിപ്പറയുന്നു. ലയിക്കുന്ന നാരുകള് സമൃദ്ധമായ ഓട്സ്, ബാര്ലി തുടങ്ങി തവിടുകൂടിയ ധാന്യങ്ങള് എല്ഡിഎല് എന്ന പേരില് അറിയപ്പെടുന്ന ‘ചീത്ത’ കൊളസ്ട്രോള് കുറയ്ക്കാന് സഹായിക്കുന്നു. നാരുകളും പ്രോട്ടീനും അടങ്ങിയ പയര്വര്ഗ്ഗങ്ങളുടെ ഉപയോഗം കൊളസ്ട്രോള് കുറയ്ക്കുന്നതിനൊപ്പം ഭാരനിയന്ത്രണത്തിനും സഹായകമാണ്. ആപ്പിള്, മുന്തിരി, സിട്രസ് പഴങ്ങള്, വഴുതനങ്ങ, വെണ്ടക്ക എന്നീ പഴങ്ങളും പച്ചക്കറികളും പെക്റ്റിന് അടങ്ങിയതിനാല് ഹൃദയാരോഗ്യത്തെ മികച്ച രീതിയില് സംരക്ഷിക്കുന്നു. ബദാം, വാല്നട്ട്, നിലക്കടല തുടങ്ങിയ നട്ട്സില് ആരോഗ്യകരമായ കൊഴുപ്പുകള് അടങ്ങിയതിനാല് ഇവ സ്ഥിരമായി ഉപയോഗിക്കുന്നത് കൊളസ്ട്രോള് നിയന്ത്രണത്തിനും ഹൃദയാരോഗ്യത്തിനും ഗുണകരമാണ്. ഒലിവ്, സൂര്യകാന്തി, കനോല പോലുള്ള സസ്യ എണ്ണകള് പൂരിത കൊഴുപ്പുകള് കുറവായതിനാല് സുരക്ഷിതമാണ്. സാല്മണ്, അയല, സാര്ഡിന് പോലുള്ള കൊഴുപ്പുള്ള മത്സ്യങ്ങളില് അടങ്ങിയ ഒമേഗ3 ഫാറ്റി ആസിഡുകള് ട്രൈഗ്ലിസറൈഡുകളുടെ അളവ് കുറയ്ക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നു. അതേസമയം, ചുവന്ന മാംസവും സംസ്കരിച്ച മാംസങ്ങളും, കൊഴുപ്പ് കൂടിയ പാലുല്പ്പന്നങ്ങളും, കേക്ക്, കുക്കീസ് പോലുള്ള ബേക്കറി ഉല്പ്പന്നങ്ങളും ഒഴിവാക്കണമെന്ന് വിദഗ്ധര് നിര്ദേശിക്കുന്നു. ഇവയില് അടങ്ങിയിട്ടുള്ള പൂരിതയും ട്രാന്സ് കൊഴുപ്പുകളും എല്ഡിഎല് കൊളസ്ട്രോള് ഉയരാന് പ്രധാന കാരണമാകുന്നു. കൊളസ്ട്രോള് നിയന്ത്രണത്തില് ശരിയായ ഭക്ഷണക്രമം നിര്ണായകമാണെന്നും, ഇത് ദീര്ഘകാല ഹൃദയാരോഗ്യം ഉറപ്പാക്കാനുള്ള ഏറ്റവും ലളിതമായ മാര്ഗമാണെന്നും ആരോഗ്യ വിദഗ്ധര് പറയുന്നു.
Health
ബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
News2 days agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala2 days agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
india2 days agoപരീക്ഷാഫലത്തെ തുടര്ന്ന് ഹൈദരാബാദില് പത്താം ക്ലാസ് വിദ്യാര്ത്ഥിനി കെട്ടിടത്തില് നിന്ന് ചാടി മരിച്ചു
-
kerala16 hours agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
india3 days agoഉത്തര്പ്രദേശില് വീണ്ടും ബിഎല്ഒ ആത്മഹത്യ; രണ്ടാഴ്ചയ്ക്കിടെ ആറാമത്തെ സംഭവം
-
kerala14 hours agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala2 days ago‘തെരഞ്ഞെടുപ്പ് പ്രചാരണത്തിൽ ഐപിഎസ് വേണ്ട’; ബിജെപി സ്ഥാനാർഥി ആർ ശ്രീലേഖക്കെതിരെ തെരഞ്ഞെടുപ്പ് കമ്മീഷൻ
-
kerala16 hours agoഅറസ്റ്റിലായ യുവതിയെ പീഡിപ്പിച്ചു; ഡിവൈഎസ്പിക്കെതിരെ ഗുരുതര ആരോപണം ഉന്നയിച്ച് സിഐയുടെ ആത്മഹത്യാക്കുറിപ്പ്