kerala
കരുവന്നൂര് ബാങ്ക് തട്ടിപ്പ്; ഇ.ഡി റെയ്ഡ് സി.പി.എമ്മിന് കനത്ത പ്രഹരം; 300 കോടിയുടെ വെട്ടിപ്പ് നേതൃത്വത്തെ ഞെട്ടിച്ചു
കരുവന്നൂര് പ്രശ്നം തണുത്തെന്നു കരുതിയ സി.പി.എമ്മിനു കിട്ടിയ വന് ആഘാതം കൂടിയാണിത്.
കരുവന്നൂര് സഹകരണ ബാങ്കിലെ 300 കോടി രൂപയുടെ വെട്ടിപ്പുമായി ബന്ധപ്പെട്ട് പാര്ട്ടി സംസ്ഥാന സെക്രട്ടേറിയറ്റ് അംഗം എ.സി.മൊയ്തീന് എം.എല്.എയുടെ വീട്ടില് എന്ഫോഴ്സ്മെന്റ് ഡയറക്ടറേറ്റ് പരിശോധനയ്ക്കെത്തിയത് സി.പി.എം നേതൃത്വത്തെ ഞെട്ടിച്ചു. കരുവന്നൂര് പ്രശ്നം തണുത്തെന്നു കരുതിയ സി.പി.എമ്മിനു കിട്ടിയ വന് ആഘാതം കൂടിയാണിത്. വെട്ടിപ്പിനെക്കുറിച്ച് ഏരിയ കമ്മിറ്റികള്ക്കോ ലോക്കല് കമ്മിറ്റികള്ക്കോ അറിവുണ്ടായിരുന്നില്ലെന്നാണ് സി.പി.എം നിലപാട്.
മുതിര്ന്ന നേതാക്കള്ക്കു പങ്കുണ്ടെന്ന ആരോപണം നുണ മാത്രമാണെന്നു ജില്ലാ നേതൃത്വം വ്യക്തമാക്കുകയും ചെയ്തിരുന്നു. ബാങ്ക് ബോര്ഡ് ഓഫ് ഡയറക്ടേഴ്സ് അംഗങ്ങള് ഒഴികെ ആര്ക്കെതിരെയും കാര്യമായ നടപടിയും പാര്ട്ടി എടുത്തില്ല. 300 കോടി രൂപയുടെ തിരിമറി തീരെ ഗൗരവമില്ലാതെയാണു ജില്ലാ കമ്മിറ്റി കൈകാര്യം ചെയ്തത്. ‘നോട്ടപ്പിശകി’ന്റെ പേരിലാണ് ജില്ലാ കമ്മിറ്റി അംഗങ്ങളായ ഉല്ലാസ് കളയ്ക്കാടിനെയും കെ.ആര്.വിജയയെയും ജില്ലാ കമ്മിറ്റിയില്നിന്നു തരം താഴ്ത്തുക മാത്രമാണ് ആകെ ചെയ്തത്.
എ.സി. മൊയ്തീനു പങ്കുണ്ടെന്നു തുടക്കം മുതലേ ആരോപണമുണ്ടായിരുന്നു. ഇതില് മൊയ്തീനെ ബന്ധിപ്പിക്കുന്നതിലേക്കു നയിക്കുന്ന ഘടകങ്ങള് പലതാണ്. കരുവന്നൂരില് തട്ടിപ്പു നടക്കുന്നുവെന്നു പാര്ട്ടിയംഗമായ ബാങ്ക് മുന് ജീവനക്കാരന് എസ്.സുരേഷ് പാര്ട്ടിക്കു പരാതി നല്കിയിരുന്നു. പാര്ട്ടി ജില്ലാ സെക്രട്ടറിയായിരുന്ന ബേബി ജോണ് ഈ പരാതി പരിഗണിച്ചുകൊണ്ടിരിക്കെയാണു നിയമസഭാ തിരഞ്ഞെടുപ്പിനായി സ്ഥാനം രാജിവച്ചത്. തുടര്ന്നു സെക്രട്ടറിയായ മൊയ്തീന്റെ കയ്യിലാണ് പരാതി വന്നത്.
കരുവന്നൂരിലെ അഴിമതിയെക്കുറിച്ച് അന്വേഷിക്കാന് പാര്ട്ടി നിയോഗിച്ച കമ്മിറ്റി നല്കിയ റിപ്പോര്ട്ട് ഏറെക്കാലം പാര്ട്ടി ജില്ലാ നേതൃത്വം പരിഗണിച്ചതേയില്ല. സംസ്ഥാന ഘടകത്തെ അറിയിച്ചതുമില്ല. മാത്രമല്ല ഇത്രയും ഗുരുതരമായ ആരോപണമുണ്ടായിട്ടും പരാതി നല്കിയ പാര്ട്ടിയംഗത്തെ വിളിച്ചു വിവരങ്ങള് ചോദിച്ചുമില്ല. പരാതിയില് അഴിമതിക്കാരെന്നു പറയുന്ന ചിലരുടെ പേരുകള് പറഞ്ഞിട്ടുണ്ടായിരുന്നു. ഇവരുടെ അടുത്ത ബന്ധുക്കള് ആരംഭിച്ച സൂപ്പര് മാര്ക്കറ്റിന്റെ ഉദ്ഘാടനത്തില് എ.സി.മൊയ്തീനും ഏരിയ ചുമതലക്കാരനായ ഉല്ലാസ് കളയ്ക്കാടും പങ്കെടുത്തു.
ഇന്നലെ ഇ.ഡി റെയ്ഡ് നേരിട്ട രണ്ട് ബിസിനസുകാരെ ബാങ്കിനു പരിചയപ്പെടുത്തിയതില് മൊയ്തീനു പങ്കുണ്ടെന്നും സൂചനയുണ്ട്. ഇതില് ഒരാളുമായി കണ്ണൂരിലെ മുതിര്ന്ന സി.പി.എം നേതാവിനു ബന്ധമുണ്ടെന്ന ആരോപണം ശക്തമാണ്. കണ്ണൂരില്നിന്നു വന്ന് ഇവിടെ വാടകവീട്ടില് താമസിച്ച ഈ പാര്ട്ടി അനുഭാവിയുടെ വളര്ച്ച പെട്ടെന്നായിരുന്നു.
കഴിഞ്ഞ മന്ത്രിസഭയുടെ കാലത്തു പിണറായി വിജയനുമായി അടുത്ത ബന്ധം പുലര്ത്തിയിരുന്ന മൊയ്തീനെതിരെ എന്തെങ്കിലും പറയാന് ജില്ലാ കമ്മിറ്റിയിലെ ആര്ക്കും ധൈര്യമുണ്ടായിരുന്നില്ല. ബാങ്കുമായി ബന്ധപ്പെട്ട പരാതി എന്തുകൊണ്ടു വേണ്ട സമയത്ത് അന്വേഷിച്ചില്ലെന്നും സംസ്ഥാന നേതൃത്വത്തെ അറിയിച്ചില്ലെന്നും ആരും ചോദിക്കാതിരുന്നതും അതുകൊണ്ടാണ്.
Health
കൊളസ്ട്രോള് ഉയരുന്നത് ഹൃദയാരോഗ്യത്തിന് വലിയ ഭീഷണി; കുറയ്ക്കാന് സഹായിക്കുന്ന ഭക്ഷണങ്ങള് എന്തെല്ലാം !!
ഇന്ത്യയില് മരണത്തിനും വൈകല്യത്തിനും പ്രധാന കാരണമായി ഹൃദയ സംബന്ധമായ അസുഖങ്ങള് തുടരുന്നതായി 2023ല് പ്രസിദ്ധീകരിച്ച ലാന്സെറ്റ് പഠനം വ്യക്തമാക്കുന്നു. Cardiovascular disease (CVD) ഇന്ത്യക്കാരില് മറ്റു രാജ്യങ്ങളേക്കാള് നേരത്തെ പ്രത്യക്ഷപ്പെടുന്നുവെന്നും പഠനങ്ങള് സൂചിപ്പിക്കുന്നു. ഉയര്ന്ന കൊളസ്ട്രോള് നില ഹൃദയത്തിന്റെ പ്രവര്ത്തനത്തെ നേരിട്ട് ബാധിക്കുന്നതിനാല് ഹൃദയാഘാതത്തിന്റെയും പക്ഷാഘാതത്തിന്റെയും സാധ്യത ഗണ്യമായി വര്ദ്ധിക്കുന്നതായി ബ്രിട്ടീഷ് ഹാര്ട്ട് ഫൗണ്ടേഷന് മുന്നറിയിപ്പ് നല്കുന്നു. കൊളസ്ട്രോള് സംബന്ധമായ പ്രശ്നങ്ങള് ഇന്ത്യയിലെ ജനസംഖ്യയുടെ 81 ശതമാനത്തിലധികം പേരെ ബാധിച്ചിട്ടുണ്ടെന്നത് വലിയ ആശങ്കയാണ്. ഡിസ്ലിപിഡീമിയ എന്നറിയപ്പെടുന്ന ഈ അവസ്ഥ മിക്കവാറും ലക്ഷണങ്ങളില്ലാതെ മാറുന്നതിനാല് രോഗനില ഗുരുതരമാവുന്നത് വരെ പലര്ക്കും അത് തിരിച്ചറിയാനാകാതെ പോകുന്നു. ആരോഗ്യകരമായ ഭക്ഷണക്രമം സ്വീകരിക്കണമെന്നതിലാണ് വിദഗ്ധര് പ്രധാനമായും ഊന്നല് നല്കുന്നത്. പൂരിത കൊഴുപ്പുകളുള്ള ഭക്ഷണം കുറയ്ക്കുകയും, നാരുകള് സമൃദ്ധമായ ഭക്ഷണങ്ങള് ഉള്പ്പെടുത്തുകയും ചെയ്താല് കൊളസ്ട്രോള് നിയന്ത്രണം സാധ്യമാകുമെന്ന് അവര് പറയുന്നു. 2025 ഓഗസ്റ്റില് ന്യൂ ഇംഗ്ലണ്ട് ജേണല് ഓഫ് മെഡിസിന് പ്രസിദ്ധീകരിച്ച പഠനത്തില്, വാഴപ്പഴം, ബീറ്റ്, അവോക്കാഡോ പോലുള്ള പൊട്ടാസ്യം അടങ്ങിയ ഭക്ഷണങ്ങള് ഹൈപ്പര്ടെന്ഷന് സാധ്യത 24 ശതമാനം വരെ കുറയ്ക്കുമെന്ന് കണ്ടെത്തി. 2024 ഡിസംബറില് അമേരിക്കന് ജേണല് ഓഫ് ക്ലിനിക്കല് ന്യൂട്രീഷന് പുറത്തിറക്കിയ പഠനത്തില്, സസ്യാധിഷ്ഠിത പ്രോട്ടീന് ഉപയോഗം വര്ദ്ധിപ്പിക്കുന്നത് ഹൃദയ സംബന്ധമായ രോഗങ്ങളുടെ സാധ്യത 19 ശതമാനം കുറയ്ക്കുകയും, കൊറോണറി ആര്ട്ടറി രോഗം വരാനുള്ള സാധ്യത 27 ശതമാനം കുറയ്ക്കുകയും ചെയ്യുന്നുവെന്നും റിപ്പോര്ട്ട് ചെയ്തു. കൊളസ്ട്രോള് കുറയ്ക്കാന് സഹായിക്കുന്ന നിരവധി ഭക്ഷണങ്ങളെ ആരോഗ്യ വിദഗ്ധര് ഊന്നിപ്പറയുന്നു. ലയിക്കുന്ന നാരുകള് സമൃദ്ധമായ ഓട്സ്, ബാര്ലി തുടങ്ങി തവിടുകൂടിയ ധാന്യങ്ങള് എല്ഡിഎല് എന്ന പേരില് അറിയപ്പെടുന്ന ‘ചീത്ത’ കൊളസ്ട്രോള് കുറയ്ക്കാന് സഹായിക്കുന്നു. നാരുകളും പ്രോട്ടീനും അടങ്ങിയ പയര്വര്ഗ്ഗങ്ങളുടെ ഉപയോഗം കൊളസ്ട്രോള് കുറയ്ക്കുന്നതിനൊപ്പം ഭാരനിയന്ത്രണത്തിനും സഹായകമാണ്. ആപ്പിള്, മുന്തിരി, സിട്രസ് പഴങ്ങള്, വഴുതനങ്ങ, വെണ്ടക്ക എന്നീ പഴങ്ങളും പച്ചക്കറികളും പെക്റ്റിന് അടങ്ങിയതിനാല് ഹൃദയാരോഗ്യത്തെ മികച്ച രീതിയില് സംരക്ഷിക്കുന്നു. ബദാം, വാല്നട്ട്, നിലക്കടല തുടങ്ങിയ നട്ട്സില് ആരോഗ്യകരമായ കൊഴുപ്പുകള് അടങ്ങിയതിനാല് ഇവ സ്ഥിരമായി ഉപയോഗിക്കുന്നത് കൊളസ്ട്രോള് നിയന്ത്രണത്തിനും ഹൃദയാരോഗ്യത്തിനും ഗുണകരമാണ്. ഒലിവ്, സൂര്യകാന്തി, കനോല പോലുള്ള സസ്യ എണ്ണകള് പൂരിത കൊഴുപ്പുകള് കുറവായതിനാല് സുരക്ഷിതമാണ്. സാല്മണ്, അയല, സാര്ഡിന് പോലുള്ള കൊഴുപ്പുള്ള മത്സ്യങ്ങളില് അടങ്ങിയ ഒമേഗ3 ഫാറ്റി ആസിഡുകള് ട്രൈഗ്ലിസറൈഡുകളുടെ അളവ് കുറയ്ക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നു. അതേസമയം, ചുവന്ന മാംസവും സംസ്കരിച്ച മാംസങ്ങളും, കൊഴുപ്പ് കൂടിയ പാലുല്പ്പന്നങ്ങളും, കേക്ക്, കുക്കീസ് പോലുള്ള ബേക്കറി ഉല്പ്പന്നങ്ങളും ഒഴിവാക്കണമെന്ന് വിദഗ്ധര് നിര്ദേശിക്കുന്നു. ഇവയില് അടങ്ങിയിട്ടുള്ള പൂരിതയും ട്രാന്സ് കൊഴുപ്പുകളും എല്ഡിഎല് കൊളസ്ട്രോള് ഉയരാന് പ്രധാന കാരണമാകുന്നു. കൊളസ്ട്രോള് നിയന്ത്രണത്തില് ശരിയായ ഭക്ഷണക്രമം നിര്ണായകമാണെന്നും, ഇത് ദീര്ഘകാല ഹൃദയാരോഗ്യം ഉറപ്പാക്കാനുള്ള ഏറ്റവും ലളിതമായ മാര്ഗമാണെന്നും ആരോഗ്യ വിദഗ്ധര് പറയുന്നു.
kerala
‘ ചേട്ടാ എന്നു വിളിക്കണ്ട ‘ സഞ്ചാരികളെ ശകാരിച്ച് എഎസ്ഐ; മൂന്നാറിലെ സംഭവം വിവാദത്തില്
ഇന്നലെ രാവിലെ 11 മണിയോടെയായിരുന്നു സംഭവം.
മൂന്നാര്: വിനോദസഞ്ചാരികളായ യുവാക്കള് ‘ ചേട്ടാ ‘ എന്ന് അഭിസംബോധന ചെയ്തതില് അസ്വസ്ഥനായി പൊലീസ് എഎസ്ഐ ശകാരിച്ച സംഭവമാണ് മൂന്നാറില് വിവാദമാകുന്നത്. യൂണിഫോമില് ഡ്യൂട്ടിയിലിരിക്കെ തങ്ങളെ ‘ സാര് ‘ എന്ന് വിളിക്കണമെന്ന് ആവശ്യപ്പെട്ട് ഉദ്യോഗസ്ഥന് യുവാക്കളോട് ഉയര്ത്തിയ ശബ്ദമാണ് നാട്ടുകാരും വ്യാപാരികളും കേട്ടത്. ഇന്നലെ രാവിലെ 11 മണിയോടെയായിരുന്നു സംഭവം. മൂന്നാര് ട്രാഫിക് യൂണിറ്റില് ഡ്യൂട്ടിയിലിരുന്ന എഎസ്ഐയുടെ അടുത്തെത്തി ‘ ചേട്ടാ, ബൈക്കുകള് ഇവിടെ വച്ചോട്ടെ? ‘ എന്ന് ചോദിച്ചപ്പോള് ഉദ്യോഗസ്ഥന് കോപാകുലനായി. ‘ യൂണിഫോം കണ്ടില്ലേ?’ , സാര് എന്ന് വിളിക്കണം തുടങ്ങിയ വാക്കുകളില് യുവാക്കളെ വിരട്ടിയതായും സാക്ഷികള് അറിയിച്ചു. ശബ്ദം ശക്തമായതോടെ ചുറ്റുപാടുള്ളവര് ശ്രദ്ധിച്ചു, തുടര്ന്ന് യുവാക്കള് സ്ഥലത്ത് നിന്ന് പിന്മാറി. സംഭവത്തിന്റെ ദൃശ്യങ്ങള് സോഷ്യല് മീഡിയയില് പ്രചരിക്കാന് സാധ്യതയുണ്ടെന്ന് പ്രദേശവാസികള് പറയുന്നു. വിനോദസഞ്ചാര മേഖലയായ മൂന്നാറില് പോലീസിന്റെ പെരുമാറ്റശൈലി സംബന്ധിച്ച് ചര്ച്ചകള് വീണ്ടും ശക്തമാവുകയാണ്.
kerala
ക്യാമ്പിനിടെ അശ്ലീലപ്രവര്ത്തനം; ബി.എല്.ഒക്കെതിരെ നടപടി
തൃപ്രങ്ങോട് പഞ്ചായത്തിലെ 38-ാം നമ്പര് ബൂത്തിലെ ആനപ്പടി വെസ്റ്റ് എല്.പി. സ്കൂളില് ചുമതലയുള്ള ബി.എല്.ഒ വാസുദേവനെ ചുമതലയില് നിന്ന് മാറ്റിയതായി ജില്ല കലക്ടര് അറിയിച്ചു.
മലപ്പുറം: എസ്.ഐ.ആര് എന്യൂമേറേഷന് ഫോം വിതരണ ക്യാമ്പിനിടെ മുണ്ട് പൊക്കിക്കാണിച്ച ബി.എല്.ഒക്കെതിരെ നടപടി. തൃപ്രങ്ങോട് പഞ്ചായത്തിലെ 38-ാം നമ്പര് ബൂത്തിലെ ആനപ്പടി വെസ്റ്റ് എല്.പി. സ്കൂളില് ചുമതലയുള്ള ബി.എല്.ഒ വാസുദേവനെ ചുമതലയില് നിന്ന് മാറ്റിയതായി ജില്ല കലക്ടര് അറിയിച്ചു. സര്ക്കാര് ജീവനക്കാര് പാലിക്കേണ്ട പെരുമാറ്റച്ചട്ടങ്ങള് ലംഘിച്ചതിനാലാണ് നടപടി.
സംഭവത്തിന് കാരണം കാണിക്കല് നോട്ടീസ് നല്കുമെന്ന് കലക്ടര് അറിയിച്ചു. വിശദീകരണം ലഭിച്ച ശേഷമാണ് തുടര്നടപടികള് തീരുമാനിക്കുക.
കഴിഞ്ഞ വ്യാഴാഴ്ചയാണ് സംഭവം നടന്നത്. പ്രായമായവരുള്പ്പെടെ ജനങ്ങളെ വെയിലത്ത് കാത്തുനിര്ത്തുന്നതിനെ കുറിച്ച് നാട്ടുകാര് ചോദ്യം ചെയ്തതിന് പിന്നാലെ പ്രകോപിതനായി മുണ്ട് പൊക്കി നഗ്നത പ്രദര്ശിപ്പിക്കുകയായിരുന്നു വാസുദേവന്. സ്ത്രീകള് ഉള്പ്പെടെയുള്ളവര് സാന്നിധ്യത്തിലായിരിക്കെയാണ് ഈ അശ്ലീലപ്രവര്ത്തനം നടന്നത്. സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിച്ചിരുന്നു.
താന് പെട്ടെന്നുള്ള പ്രകോപനത്തിലാണ് ഇത്തരം പ്രവൃത്തി ചെയ്തത് എന്നാണ് വാസുദേവന്റെ പ്രതികരണം.
-
world2 days agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
News19 hours agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala2 days ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
world3 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala22 hours agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
Health2 days agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala21 hours agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala20 hours agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്