india
ബലിപെരുന്നാളിന് ബീഫ് കൈവശം വെച്ചെന്നാരോപിച്ച് 2 പേർക്കെതിരെ എൻ.എസ്.എ പ്രകാരം കേസ് എടുത്തു
മധ്യപ്രദേശിലെ മോറോനാ ജില്ലയിലാണ് ബീഫ് കണ്ടെത്തിയെന്നാരോപിച്ച് രണ്ട് പേര്‍ക്കെതിരെ കര്‍ശനമായ ദേശീയ സുരക്ഷാ നിയമം ചുമത്തി കേസ്എടുത്തത്.
ബലിപെരുന്നാളിന് ബീഫ് കൈവശം വെച്ചെന്നാരോപിച്ച് മധ്യപ്രദേശില്‍ 2 പേര്‍ക്കെതിരെ എന്‍.എസ്. എ പ്രകാരം കേസ് എടുത്തു. മധ്യപ്രദേശിലെ മോറോനാ ജില്ലയിലാണ് ബീഫ് കണ്ടെത്തിയെന്നാരോപിച്ച് രണ്ട് പേര്‍ക്കെതിരെ കര്‍ശനമായ ദേശീയ സുരക്ഷാ നിയമം ചുമത്തി കേസ്എടുത്തത്.
പശുവിനെ കശാപ്പ് ചെയ്തെന്ന പരാതിയെ തുടര്‍ന്ന് വെള്ളിയാഴ്ച രാത്രി നടത്തിയ അന്വേഷണത്തില്‍ മോറോനയിലെ നൂറാബാദ് ഗ്രാമത്തിലെ ഒരു ബംഗാളി കോളനിയിലെ വീട്ടില്‍ നിന്നും പോത്തിറച്ചി പിടിച്ചെടുത്തതായി പൊലീസ് പറഞ്ഞു. ചിലര്‍ പശുവിനെ കശാപ്പ് ചെയ്യുന്നത് കണ്ടെന്ന് ഗ്രാമവാസിയായ അനിപാല്‍ ഗുജ്ജര്‍ പരാതിപ്പെട്ടുവെന്നും തുടര്‍ന്ന് പോലീസ് അന്വേഷണം നടത്തുകയായിരുന്നണെന്നും പൊലീസ് സബ് ഡിവിഷണല്‍ ഓഫീസര്‍ ആദര്‍ശ് ശുക്ല കൂട്ടിച്ചേര്‍ത്തു.
പശുവിനെ കശാപ്പ് ചെയ്തവര്‍ ഇത് കണ്ട അനിപാലിനെ ആക്രമിച്ചെന്നും അവരുടെ വീട്ടില്‍ നിന്നും പശുവിന്റെ തോലും മാംസവും ലഭിച്ചുവെന്നാണ് പൊലീസിന്റെ ഭാഷ്യം. ‘പശുവിനെ കശാപ്പ് ചെയ്തവര്‍ അനിപാലിനെ ആക്രമിച്ചു. രക്ഷപ്പെട്ട് ഓടിയ അയാള്‍ പൊലീസ് സ്റ്റേഷനില്‍ പരാതി നല്‍കുകയായിരുന്നു. പ്രതിയുടെ വീട്ടില്‍ നിന്ന് പശുവിന്റെ തോലിന് പുറമെ രണ്ട് ചാക്ക് എല്ലുകളും പിടിച്ചെടുത്തു,’ പൊലീസ് പറഞ്ഞു.
രണ്ട് സ്ത്രീകള്‍ ഉള്‍പ്പടെ നാല് പേരെ വെള്ളിയാഴ്ച അറസ്റ്റ് ചെയ്തെന്നും ഒപ്പം പ്രായപൂര്‍ത്തിയാകാത്ത ഒരാളെയും കാസ്റ്റഡിയിലെടുത്തെന്ന് പൊലീസ് പറഞ്ഞു. അറസ്റ്റിലായവരില്‍ അസ്ഗര്‍, റിതുവ എന്നിവര്‍ക്കെതിരെയാണ് എന്‍.എസ്.എ പ്രകാരം കേസ് എടുത്തത്.
കൂടാതെ 9 പേര്‍ക്കെതിരെ ഗോവധത്തിനും മൃഗങ്ങളോടുള്ള ക്രൂരത തടയല്‍ നിയമ പ്രകാരവും കലാപം അക്രമം ഭീഷണിപ്പെടുത്തല്‍ എന്നിവക്കെതിരെയും പൊലീസ് കേസ് എടുത്തിട്ടുണ്ടെന്ന് ശുക്ല പറഞ്ഞു. പശുവിനെ കശാപ്പ് ചെയ്യുന്ന കുറ്റത്തിന് സംസ്ഥാനത്ത് ഏഴ് വര്‍ഷം വരെ ശിക്ഷ ലഭിക്കും. കേസില്‍ ഉള്‍പ്പെട്ടതായി പറയപ്പെടുന്ന മറ്റ് ആറ് ആളുകള്‍ ഒളിവിലാണെന്നും പൊലീസ് പറഞ്ഞു.
ഒരു വ്യക്തി ദേശീയ സുരക്ഷയെ മാനിക്കാതെ എന്തെങ്കിലും തരത്തിലുള്ള പ്രവര്‍ത്തനങ്ങളില്‍ ഏര്‍പ്പെടുന്നത് തടയാന്‍ വേണ്ടി അയാളെ തടങ്കലില്‍ വെക്കാന്‍ കേന്ദ്ര സര്‍ക്കാരിനോ സംസ്ഥാന സര്‍ക്കാരിനോ അനുമതി നല്‍കുന്ന നിയമമാണ് ദേശീയ സുരക്ഷാ നിയമം.
india
കെനിയയിലെ ബസ്സപകടം; മരിച്ച അഞ്ച് മലയാളികളുടെ മൃതദേഹങ്ങള്‍ നാട്ടിലെത്തിക്കാനുള്ള നടപടികള്‍ പുരോഗമിക്കുന്നു
മൃതദേഹങ്ങള്‍ പോസ്റ്റ്മോര്‍ട്ടം നടപടികള്‍ പൂര്‍ത്തിയാക്കി നൈറോബി ആശുപത്രിയില്‍ സൂക്ഷിച്ചിരിക്കുകയാണ്.
കെനിയയില്‍ ബസ്സപകടത്തില്‍ മരിച്ച അഞ്ച് മലയാളികളുടെ മൃതദേഹങ്ങള്‍ നാട്ടിലെത്തിക്കാനുള്ള നടപടികള്‍ പുരോഗമിക്കുന്നു.തിങ്കളാഴ്ച നടന്ന അപകടത്തില്‍ മലയാളികളായ മൂന്ന് വനിതകളും രണ്ട് കുട്ടികളും മരിച്ചിരുന്നു. ഇവരുടെ മൃതദേഹങ്ങള്‍ പോസ്റ്റ്മോര്‍ട്ടം നടപടികള്‍ പൂര്‍ത്തിയാക്കി നൈറോബി ആശുപത്രിയില്‍ സൂക്ഷിച്ചിരിക്കുകയാണ്.
അതേസമയം സഹയാത്രികരായ കുടുംബാംഗങ്ങള്‍ പരിക്കില്‍നിന്നും മോചിതരായി. വിമാന യാത്രചെയ്യാന്‍ കഴിയുമെന്ന ഡോക്ടറുടെ അനുമതി ലഭിക്കുന്നതോടെ മൃതദേഹങ്ങള്‍ നാട്ടിലെത്തിക്കുന്ന കാര്യം തീരുമാനമാകും. അതേസമയം, പരിക്കേറ്റവര്‍ ശനി, ഞായര്‍ ദിവസങ്ങളിലായി പൂര്‍ണമായും ഡിസ്ചാര്‍ജാവുന്നതോടെ നാട്ടിലേക്കുള്ള യാത്രയും ഉറപ്പാക്കാന്‍ കഴിയുമെന്നാണ് പ്രതീക്ഷ.
അഞ്ച് മലയാളികളുടെ മരണത്തിനിടയാക്കിയ അപകടത്തില്‍ പരിക്കേറ്റവര്‍ക്ക് വെള്ളിയാഴ്ച മുതല്‍ ആശുപത്രി വിടാന്‍ കഴിയുമെന്ന് നൈറോബി ഹോസ്പിറ്റല്‍ മെഡിക്കല്‍ സര്‍വിസ് ഡയറക്ടര്‍ ഡോ. സാമുവേല്‍ ഒഡേഡോ അറിയിച്ചു. തിങ്കളാഴ്ച നടന്ന അപകടത്തില്‍ പരിക്കേറ്റ മുഴുവന്‍പേരും നിലവില്‍ നൈറോബി ആശുപത്രിയിലാണ് ചികിത്സയിലുള്ളത്.
ഖത്തറില്‍നിന്ന് വിനോദയാത്ര പോയ സംഘം അപകടത്തില്‍പെട്ട് മാവേലിക്കര ചെറുകോല്‍ സ്വദേശിനി ഗീത ഷോജി ഐസക് (58), പാലക്കാട് മണ്ണൂര്‍ സ്വദേശിനി റിയ ആന്‍ (41), മകള്‍ ടൈറ (8), മൂവാറ്റുപുഴ സ്വദേശിനി ജസ്ന കുറ്റിക്കാട്ടുചാലിയില്‍ (30), ഏക മകള്‍ റൂഹി മെഹ്റിന്‍ (ഒന്നര വയസ്സ്) എന്നിവരാണ് മരിച്ചത്. കേരളം, തമിഴ്നാട്, ഗോവ, കര്‍ണാടക സ്വദേശികളായ ഒമ്പത് കുടുംബങ്ങള്‍ ഉള്‍പ്പെടെ 28 പേരാണ് ഖത്തറില്‍ നിന്ന് കെനിയയിലെത്തിയത്.
india
ദേശീയപാത തകര്‍ന്ന സംഭവം; ദേശീയപാതാ അതോറിറ്റി ശരിയായ ദുരന്ത നിവാരണ പദ്ധതി തയ്യാറാക്കണം: അമികസ് ക്യൂറി
സമയബന്ധിതമായി പദ്ധതി തയ്യാറാക്കാന്‍ NHAIക്ക് നിര്‍ദേശം നല്‍കണമെന്നും അമികസ് ക്യൂറി സമര്‍പ്പിച്ച റിപ്പോര്‍ട്ടില്‍ പറയുന്നു.
ദേശീയപാത തകര്‍ന്ന സംഭവത്തില്‍ ദേശീയപാതാ അതോറിറ്റി ശരിയായ ദുരന്ത നിവാരണ പദ്ധതി തയ്യാറാക്കണമെന്ന് ഹൈക്കോടതിയില്‍ അമികസ് ക്യൂറി. സമയബന്ധിതമായി പദ്ധതി തയ്യാറാക്കാന്‍ NHAIക്ക് നിര്‍ദേശം നല്‍കണമെന്നും അമികസ് ക്യൂറി സമര്‍പ്പിച്ച റിപ്പോര്‍ട്ടില്‍ പറയുന്നു.
അമികസ് ക്യൂറി റിപ്പോര്‍ട്ടിന്മേല്‍ കേന്ദ്ര സര്‍ക്കാര്‍ സത്യവാങ്മൂലം നല്‍കണമെന്ന് ഹൈക്കോടതി ഡിവിഷന്‍ ബെഞ്ചും ഇടക്കാല ഉത്തരവില്‍ ആവശ്യപ്പെട്ടു. മണ്‍സൂണ്‍ കാലത്തെ നേരിടാന്‍ കേന്ദ്ര സര്‍ക്കാര്‍ പദ്ധതി തയ്യാറാക്കുന്ന കാര്യം അറിയിക്കാനും കോടതി നിര്‍ദേശം.
india
വിമാനാപകടം; തകര്‍ന്ന വിമാനത്തിന്റെ ബ്ലാക്ക് ബോക്സ് ഹോസ്റ്റലിന്റെ മേല്‍ക്കൂരയില്‍ നിന്ന് കണ്ടെടുത്തു
241 പേരുടെ ജീവന്‍ നഷ്ടപ്പെട്ട അപകടത്തെക്കുറിച്ച് അന്വേഷിക്കാന്‍ ഇത് സഹായകമാകും.
തകര്‍ന്ന എയര്‍ ഇന്ത്യ വിമാനത്തിന്റെ ബ്ലാക്ക് ബോക്സ് കണ്ടെടുത്തതായി സിവില്‍ ഏവിയേഷന്‍ മന്ത്രാലയം അറിയിച്ചു. 241 പേരുടെ ജീവന്‍ നഷ്ടപ്പെട്ട അപകടത്തെക്കുറിച്ച് അന്വേഷിക്കാന്‍ ഇത് സഹായകമാകും.
അഹമ്മദാബാദിലെ അപകടസ്ഥലത്ത് നിന്ന് 28 മണിക്കൂറിനുള്ളില്‍ ഫ്‌ലൈറ്റ് ഡാറ്റ റെക്കോര്‍ഡര്‍ (ബ്ലാക്ക് ബോക്സ്) എഎഐബി കണ്ടെടുത്തതായി കേന്ദ്ര വ്യോമയാന മന്ത്രി രാം മോഹന്‍ നായിഡു പറഞ്ഞു. ഇത് അന്വേഷണത്തിലെ ഒരു സുപ്രധാന ചുവടുവയ്പ്പിനെ അടയാളപ്പെടുത്തുന്നു. ഇത് സംഭവത്തെക്കുറിച്ചുള്ള അന്വേഷണത്തെ ഗണ്യമായി സഹായിക്കും.
അഹമ്മദാബാദില്‍ വിമാനം ഇടിച്ച റസിഡന്റ് ഡോക്ടര്‍മാരുടെ ഹോസ്റ്റല്‍ കെട്ടിടത്തിന്റെ മേല്‍ക്കൂരയില്‍ നിന്ന് എയര്‍ക്രാഫ്റ്റ് ആക്സിഡന്റ് ഇന്‍വെസ്റ്റിഗേഷന്‍ ബ്യൂറോ (എഎഐബി) സംഘം ഈ ഉപകരണം കണ്ടെടുത്തു.
ബ്ലാക്ക് ബോക്സ് കണ്ടെടുത്തതിനെ തുടര്‍ന്ന് അപകടത്തെക്കുറിച്ചുള്ള കൂടുതല്‍ അന്വേഷണം ആരംഭിച്ചിട്ടുണ്ട്. 40-ലധികം ഗുജറാത്ത് സര്‍ക്കാര്‍ ഉദ്യോഗസ്ഥര്‍ അപകടസ്ഥലത്ത് സിവില്‍ ഏവിയേഷന്‍ മന്ത്രാലയ ടീമുകളെ വര്‍ദ്ധിപ്പിക്കാനുള്ള ശ്രമങ്ങളില്‍ ചേര്‍ന്നു.
വിമാനാപകടത്തിന്റെ അടിത്തട്ടിലെത്താന്‍ ബ്ലാക്ക് ബോക്സ് നിര്‍ണായകമാണ്. ഉപകരണത്തില്‍ ഒരു ഫ്‌ലൈറ്റ് ഡാറ്റ റെക്കോര്‍ഡറും (FDR), കോക്ക്പിറ്റ് വോയ്സ് റെക്കോര്‍ഡറും (CVR) അടങ്ങിയിരിക്കുന്നു. ആദ്യത്തേത് വിമാനവുമായി ബന്ധപ്പെട്ട എല്ലാ സാങ്കേതിക വിവരങ്ങളും രേഖപ്പെടുത്തുമ്പോള്‍, രണ്ടാമത്തേത് രണ്ട് പൈലറ്റുമാര്‍ തമ്മിലുള്ള കോക്ക്പിറ്റ് സംഭാഷണം അവസാന നിമിഷം വരെ രേഖപ്പെടുത്തുന്നു.
വിമാനത്തിന്റെ വാലിനടുത്താണ് ക്രാഷ് പ്രൂഫ് ഉപകരണം സ്ഥിതിചെയ്യുന്നത്. വതീവ്രമായ ചൂടിനെ നേരിടാന്‍ ഉപകരണം ഇന്‍സുലേറ്റ് ചെയ്തിരിക്കുന്നു, കുറഞ്ഞത് ഒരു മണിക്കൂറെങ്കിലും 1,100C വരെ ഉയര്‍ന്ന താപനിലയെ അതിജീവിക്കുന്നു.
ബ്ലാക്ക് ബോക്സിന് പുറമെ ഡിജിറ്റല്‍ വീഡിയോ റെക്കോര്‍ഡറുകളും (ഡിവിആര്‍) ഇത്തരം ക്രാഷുകള്‍ അന്വേഷിക്കുന്നതില്‍ പ്രധാനമാണ്. കോക്ക്പിറ്റിലും ക്യാബിനിലുമുള്ളത് ഉള്‍പ്പെടെ വിവിധ വിമാന ക്യാമറകളില്‍ നിന്നുള്ള സിസിടിവി ദൃശ്യങ്ങള്‍ ഈ ഉപകരണങ്ങള്‍ റെക്കോര്‍ഡ് ചെയ്യുന്നു.
അഹമ്മദാബാദിലെ സര്‍ദാര്‍ വല്ലഭായ് പട്ടേല്‍ അന്താരാഷ്ട്ര വിമാനത്താവളത്തിലെ റണ്‍വേയില്‍ നിന്ന് പറന്നുയര്‍ന്ന് ഒരു മിനിറ്റിനുള്ളില്‍ എയര്‍ ഇന്ത്യ 171 വിമാനം തകര്‍ന്നു. യാത്രക്കാരും ജീവനക്കാരും ഉള്‍പ്പെടെ 241 പേര്‍ മരിച്ചു, ഒരാള്‍ മാത്രം രക്ഷപ്പെട്ടു.
ബോയിംഗ് 787-8 ഡ്രീംലൈനര്‍ നേരെ മെഡിക്കല്‍ കോളേജ് ഹോസ്റ്റലിലേക്ക് ഇടിച്ചു കയറിയാണ് വന്‍ തീപിടിത്തമുണ്ടായത്.
-
Celebrity2 days ago‘എന്നെ വേടന്‍ എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്‍
-
Football3 days agoപാരഗ്വായെ വീഴ്ത്തി ബ്രസീൽ ലോകകപ്പിന്; അർജന്റീനയ്ക്ക് സമനിലക്കുരുക്ക്
-
film3 days agoമരണവീട്ടില്‍ പൊട്ടിച്ചിരിയുടെ കൂട്ടയടി..’വ്യസനസമേതം ബന്ധുമിത്രാദികള്‍’ ; ട്രെയിലര്‍ പുറത്തിറങ്ങി
-
kerala2 days agoലൈഗിംകാരോപണം; ജയസൂര്യക്കും ബാലചന്ദ്രമേനോനും എതിരെ തെളിവില്ലെന്ന് പോലീസ്
-
kerala2 days agoഎംഎസ്‌സി എൽസ 3 കപ്പൽ അപകടം; കേസെടുത്ത് പൊലീസ്
-
kerala1 day agoപടിയൂര്‍ ഇരട്ടക്കൊലപാതകം; പ്രതി പ്രേംകുമാറിനെ മരിച്ച നിലയില്‍ കണ്ടെത്തി
-
kerala3 days agoശക്തമായ മഴ: സംസ്ഥാനത്ത് ഇന്ന് ഒന്‍പത് ജില്ലകളില്‍ മഞ്ഞ അലര്‍ട്ട്
-
News3 days ago‘ഗസ്സ സഹായ ശ്രമങ്ങളെ പിന്തുണയ്ക്കാന്‍ കൂടുതല്‍ നടപടി സ്വീകരിക്കണം’; ഇസ്രാഈല്‍ നാടുകടത്തിയ ഗ്രെറ്റ തുന്‍ബെര്‍ഗ് പാരീസിലെത്തി