കോഴിക്കോട്: ഷട്ടില്‍ ബാഡ്മിന്റണ്‍ കളിക്കുന്നതിനിടെ യുവാവ് കുഴഞ്ഞു വീണ് മരിച്ചു. കോഴിക്കോട് നരിക്കുനി പുല്ലാളൂര്‍ തച്ചുര്‍താഴം അറീക്കരപ്പോയില്‍ സുബൈര്‍ (സുബി) ആണ് മരിച്ചത്. സുഹൃത്തുക്കള്‍ക്കൊപ്പം ഷട്ടില്‍ കളിക്കുന്നതിനിടെ കുഴഞ്ഞു വീഴുകയായിരുന്നു.
ഉടന്‍തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഇന്ന് രാവിലെ പതിവുപോലെ ഷട്ടില്‍ കളിക്കാന്‍ എത്തിയതായിരുന്നു സുബൈര്‍. കളി തുടങ്ങി അഞ്ച് മിനിട്ടിനകമാണ് സുബൈര്‍ കുഴഞ്ഞുവീണത്. പന്തല്‍ ജോലിക്കാരാനാണ് സുബൈര്‍. ഭാര്യ ഹഫ്‌സത്ത്, മക്കള്‍:ഹിബ, ഹാദില്‍.