തിരുവനന്തപുരം: സംസ്ഥാനത്ത് അമീബിക് മസ്തിഷ്ക ജ്വരം ബാധിച്ചു മരിച്ചവരുടെ കണക്കുകള് വ്യക്തമാക്കി ആരോഗ്യവകുപ്പ്. ഈ വര്ഷം ഇതുവരെ 66 പേര്ക്ക് അമീബിക് മസ്തിഷ്ക ജ്വരം ബാധിച്ചുവെന്നും 17 പേര് മരിച്ചുവെന്നുമാണ് ആരോഗ്യ വകുപ്പിന്റെ റിപ്പോര്ട്ട്.
ഈ മാസം 10ലെ കണക്കനുസരിച്ച് ഈ വര്ഷം രോഗം റിപ്പോര്ട്ട് ചെയ്ത 60 പേരില് 42 പേര്ക്ക് രോഗം സംശയിക്കുന്നുവെന്നാണ് ആരോഗ്യവകുപ്പ് വ്യക്തമാക്കിയിരുന്നത്. എന്നാല് ഇക്കൊല്ലം 66 പേര്ക്കു രോഗം സ്ഥിരീകരിച്ചുവെന്നും 17 പേര് മരിച്ചുവെന്നുമാണ് പുതിയ കണക്കില് പറയുന്നത്.
സെപ്റ്റംബര് 12ന് രണ്ടു പേര്ക്കാണ് രോഗം സ്ഥിരീകരിച്ചത്. ഈ മാസം ഇതുവരെ 19 പേര്ക്കു രോഗം സ്ഥിരീകരിക്കുകയും ഏഴു പേര് മരിക്കുകയും ചെയ്തിട്ടുണ്ട്.