Connect with us

Football

തന്റെ കരിയര്‍ മാറ്റിയത് അനസ് എടത്തൊടിക; വെളിപ്പെടുത്തലുമായി ആഷിഖ് കുരുണിയന്‍

ബെംഗളൂരു എഫ് സിയുടെ താരമായ ആശിഖ് കുരുണിയന്‍ തന്റെ ഫുട്‌ബോള്‍ കരിയറില്‍ അനസ് എടത്തൊടികയുടെ സാന്നിദ്ധ്യം വളരെ വലുതാണെന്ന് വ്യക്തമാക്കി

Published

on

മലപ്പുറം: ബെംഗളൂരു എഫ് സിയുടെ താരമായ ആശിഖ് കുരുണിയന്‍ തന്റെ ഫുട്‌ബോള്‍ കരിയറില്‍ അനസ് എടത്തൊടികയുടെ സാന്നിദ്ധ്യം വളരെ വലുതാണെന്ന് വ്യക്തമാക്കി. താന്‍ സെവന്‍സ് കളിച്ച് നടക്കുന്ന സമയത്ത് പൂനെ എഫ് സിയുടെ അക്കാദമിയില്‍ തനിക്ക് ട്രയല്‍സ് ഒരുക്കി തന്നത് അനസായിരുന്നു എന്ന് ആശിഖ് പറഞ്ഞു. അന്ന് അനസായിരുന്നു പൂനെയുടെ ക്യാപ്റ്റന്‍. ആ സമയത്ത് താന്‍ അനസിനെ നേരിട്ട് കണ്ടിട്ടു പോലുമില്ലായിരുന്നു എന്നും ആശിഖ് പറഞ്ഞു.

പൂനെ അക്കാദമിയില്‍ എത്തിയതോടെ കാര്യങ്ങള്‍ എല്ലാം മാറി എന്ന് ആശിഖ് പറഞ്ഞു. അവിടെ നിന്ന് സ്‌പെയിനിലേക്ക് പോകാന്‍ അവസരം ലഭിച്ചതും പിന്നീട് ഐ എസ് എല്ലില്‍ ആദ്യ ഇലവനില്‍ എത്താന്‍ കഴിഞ്ഞതുമൊക്കെ അനസ് അന്ന് ട്രയല്‍സ് ഒരുക്കി തന്നത് കൊണ്ടാണെന്ന് ആശിഖ് പറയുന്നു. ഇപ്പോള്‍ ബെംഗളൂരു എഫ് സിയുടെ താരമായ ആശിഖ് താന്‍ ബെംഗളൂരു എഫ് സിയില്‍ ഒരുപാട് സന്തോഷവാന്‍ ആണെന്നും വ്യക്തമാക്കി.

 

Continue Reading
Advertisement
Click to comment

Leave a Reply

Your email address will not be published. Required fields are marked *

Football

ഹാട്രിക്കുകളുടെ ചരിതം

ലോകകപ്പ് ചരിത്രത്തിലെ ഇരുപത്തിയൊന്നു എഡിഷനുകള്‍ പൂര്‍ത്തീകരിച്ചപ്പോള്‍ ആകെ 52 ഹാട്രിക്കുകളാണ് പിറന്നിട്ടുളളത്. 1954ല്‍ സ്വിറ്റസര്‍ലാന്റില്‍ എട്ട് ഹാട്രിക്കുകള്‍ ഉണ്ടായതാണ് ഒരു ലോകകപ്പിലെ കൂടുതല്‍

Published

on

മധു പി

ചടുലവും കൃത്യതയാര്‍ന്നതുമായ നീക്കങ്ങളിലൂടെ ഗോള്‍ അടിക്കുന്നതാണ് സോക്കര്‍ വീക്ഷിക്കുന്നയാളുകള്‍ക്ക് ആവേശം സൃഷ്ടിക്കുന്നത്. ഇരു ടീമുകളും മാറി മാറി ഗോള്‍വല ചലിപ്പിക്കുന്ന കളിയെകുറിച്ച് ഓര്‍ക്കുമ്പോള്‍ തന്നെ സോക്കര്‍ ആരാധകരുടെ മനം നിറയും. അത്തരമൊന്ന് ലോക ഫുട്‌ബോള്‍ മാമാങ്കത്തിന്റെ ചരിത്ര രേഖകളിലുമുണ്ട്.

1954 ലെ സ്വിറ്റ്‌സര്‍ലാന്റ് ലോകകപ്പിലെ സ്വിറ്റ്‌സര്‍ ലാന്റ് ഓസ്ട്രിയ ക്വാട്ടര്‍ ഫൈനല്‍ മത്സരം. ലുസൈനിലെ ഉഷ്ണ യുദ്ധമെന്ന് വിളിപേരിലറിയപ്പടുന്ന ആ കളി നടന്നത് 1954 ജൂണ്‍ 26 നായിരുന്നു. നാല്പതു ഡിഗ്രി ചൂടില്‍ വെന്തുരുകി നടന്ന കളിയുടെ തൊണ്ണൂറു മിനുട്ടുകള്‍ പൂര്‍ത്തികരിക്കുമ്പോള്‍ ഓസ്ട്രിയ ഏഴും സ്വിറ്റ്‌സര്‍ലാന്റ് അഞ്ചും ഗോളുകള്‍ നേടിയിരുന്നു. ഇരു ടിമുകളെയും കനത്ത ചൂടു ബാധിച്ചിരുന്നു എന്ന് പിന്നീട് മാധ്യമങ്ങള്‍ വിലയിരുത്തിയിരുന്നു. ലോകകപ്പ് ഫുട്‌ബോള്‍ മത്സരങ്ങളിലെ കൂടുതല്‍ ഗോള്‍ വര്‍ഷിച്ച മത്സരത്തിന്റെ റെക്കോര്‍ഡ് ഇന്നും ഈ കളിക്കാണ്. മറ്റൊരു പ്രത്യേകത കൂടിയുണ്ട് ഈ കളിക്ക്. ചരിത്രത്തില്‍ രണ്ടു ഹാട്രികുകള്‍ പിറവിയെടുത്ത ലോകകപ്പ് മത്സരമായിരുന്നു അത്. ഓസ്ട്രിയയുടെ തിയോടര്‍ വാഗ്‌നറും സ്വിറ്റ്‌സര്‍ലാന്റിന്റെ ജോസഫ് ഹ്യുഗിയുമാണ് ആ ഹാട്രിക് ശില്പികള്‍.

ഒരു കളിക്കാരന്‍ ഒരേ മത്സരത്തില്‍ മൂന്നു ഗോളുകള്‍ സ്വന്തം പേരില്‍ നേടുന്നതിനെയാണ് ഹാട്രിക് എന്ന് സോക്കര്‍ പദാവലിയില്‍ വിവക്ഷിക്കപ്പെടുന്നത്, ഒരേ കളിയില്‍ ഒരു കളിക്കാരനടിക്കുന്ന രണ്ടു ഗോളുകള്‍ക്ക് ‘ബ്രേസ്’ എന്നും, നാലു ഗോളുകള്‍ക്ക് ‘ഹൌള്‍’ എന്നും അഞ്ചു ഗോളുകള്‍ക്ക് ‘ഗ്ലട്ട്’ എന്നും ആറു ഗോളുകള്‍ക്ക് ‘ഡബിള്‍ ഹാട്രിക്കെ’ന്നും എഴു ഗോളുകള്‍ക്ക് ‘ഹൌള്‍ട്രിക്കെ’ ന്നുമുളള നാമകരണം ഫുട്‌ബോള്‍ പദാവലികളില്‍ കാണുന്നു വെങ്കിലും ഹാട്രിക്കാണ് ഏറെ പ്രശസ്തം.

ലോകകപ്പ് ചരിത്രത്തിലെ ഇരുപത്തിയൊന്നു എഡിഷനുകള്‍ പൂര്‍ത്തീകരിച്ചപ്പോള്‍ ആകെ 52 ഹാട്രിക്കുകളാണ് പിറന്നിട്ടുളളത്. 1954ല്‍ സ്വിറ്റസര്‍ലാന്റില്‍ എട്ട് ഹാട്രിക്കുകള്‍ ഉണ്ടായതാണ് ഒരു ലോകകപ്പിലെ കൂടുതല്‍. 2006ലെ ജര്‍മ്മനി ലോകകപ്പില്‍ ഹാട്രിക്കുകള്‍ ഒന്നുമുണ്ടായില്ല. നാല് ഹാട്രിക്കുകള്‍ 1938 ലുണ്ടായി. മൂന്നെണ്ണമുണ്ടായ അഞ്ച് ലോകകപ്പുകളുണ്ട് (1930, 1934, 1958, 1982, 1986 ), രണ്ടെണ്ണമുണ്ടായ പത്തും ( 1950, 1966, 1970, 1974, 1978, 1990, 1994, 2002, 2014, 2018 ), ഒരെണ്ണെഃ മാത്രം സ്‌കോര്‍ ബുക്കിലേറിയ മൂന്നും (1962, 1998, 2010) ലോകകപ്പ് മത്സരങ്ങളുണ്ട്. ആറു തവണ ഹാട്രിക്ക് നേടിയിട്ടുണ്ട് ജര്‍മ്മന്‍ കളിക്കാര്‍. തൊട്ടുപുറകെ നാലു തവണ ഹാട്രിക് സ്‌കോര്‍ചെയ്‌സ് അര്‍ജന്റീനയുടെ ചുണകുട്ടന്‍മാരുണ്ട്..

ഗോള്‍വര്‍ഷത്തിന്റെ ഈ പടയോട്ടം ആരംഭിക്കുന്നത് 1930ല്‍ ഉറുഗ്വേയില്‍ നടന്ന ആദ്യ ചാമ്പ്യന്‍ഷിപ്പിലായിരുന്നു, 1930 ജൂണ്‍ 17 ന് പരാഗ്വേക്കെയിരെ അമേരിക്കയുടെ ബെര്‍ട്ട് പാറ്റിനൌഡ് കളിയുടെ 10, 15, 50 മിനിട്ടുകളില്‍ നേടിയ ഗോളുകളാണ് ചരിത്രം കുറിച്ചത്. 2006 ലാണ് ഇത് ഫിഫ അംഗീകരിച്ചത്. അതുവരെ 1930ലെ ലോകകപ്പില്‍ മെക്‌സിക്കോക്കെതിരെ മൂന്നു ഗോളുകള്‍ നേടിയ അജന്റീനയുടെ ഗുലിര്‍മോ സ്റ്റബൈലിനായിരുന്നു ഈ റെക്കോര്‍ഡ് നല്കിയിരുന്നത്. പെലെ പതിനേഴ് വയസ്സ് 244 ദിവസം പ്രായമുളളപ്പോള്‍ 1958ലെ ലോകകപ്പ് സെമിഫൈനലില്‍ ഫ്രാന്‍സിനെതിരെ നേടിയതാണ് എറ്റവും പ്രായം കുറഞ്ഞ കളിക്കാരന്റെ ഹാട്രിക്. 2018ല്‍ സ്‌പെയിനിനെതിരെ റൊണാള്‍ഡോ ഹാട്രിക് നേടുന്ന ഏറ്റവും പ്രായമേറിയ കളിക്കാരനായി, നാലുപേരാണ് രണ്ടു ഹാട്രിക്കുകള്‍ സ്വന്തം പേരില്‍ എഴുതി ചേര്‍ത്തിട്ടുളളത്. 1954 ല്‍ ഹംഗറിയുടെ സാന്റര്‍ കോക്‌സിസ്, 1958 ല്‍ ഫ്രാന്‍സിന്റെ ജസ്റ്റ് ഫോണ്‍ടെയ്ന്‍, 1970 ല്‍ ജര്‍മ്മനിയുടെ ഗേര്‍ഡ് മുളളര്‍, 1994ലും 1998ലുമായി അര്‍ജന്റീനയുടെ ഗബ്രിയേല്‍ ബാറ്റിസ്ട്യൂട്ട എന്നിവരാണ് അവര്‍. രണ്ടു തുടര്‍ച്ചയായ ലോകകപ്പില്‍ ഹാട്രിക് നേടിയത് ബാറ്റിസ്ട്യൂട്ട മാത്രമാണ്.

ഹാട്രിക് നേട്ടം കൈവരിച്ചിട്ടും ടീം തോല്‍വി ഏറ്റു വാങ്ങിയ മൂന്നു സന്ദര്‍ഭങ്ങളുണ്ട്. 1938 ല്‍ നാലു ഗോള്‍ നേടിയിട്ടും എണസ്റ്റ് വില്‌മോവ്‌സ്‌കിയുടെ പോളണ്ട് ബ്രസീലിനോടു പരാജയപ്പെട്ടു. ഹാട്രിക് നേടിയിട്ടും 1954 ല്‍ സ്വിറ്റ്‌സര്‍ലാന്റിന്റെ ജോസഫ് ഹ്യൂഗി ക്കും, 1986 ല്‍ റഷ്യയുടെ ഇഗോര്‍ ബെലനോവിനും പരാജയമേറ്റു വാങ്ങേണ്ടി വന്നു. 2018 ല്‍ ക്രിസ്റ്റിയാനോ റൊണാള്‍ഡോ ഹാട്രിക് നേടിയ സ്‌പെയിനെതിരായ മത്സരം സമനിലയിലാണ് അവസാനിച്ചത്. ലോകകപ്പിന്റെ ഫൈനലില്‍ ഹാട്രിക് നേടിയത് 1966ല്‍ ജര്‍മ്മനിക്കെതിരെ ഇംഗ്ലണ്ടിന്റെ ജഫ് ഹര്‍സ്റ്റ് മാത്രമാണ്. ഇത് ഏറ്റവും ദൈര്‍ഘ്യമേറിയ ഹാട്രിക്കുമാണ്. 1982 ല്‍ എഴു മിനിട്ടിനിടയില്‍ ഹംഗറിയുടെ ലാസിയോ കിസ്സ് എല്‍സാല്‍വ ഡോറിനെതിരെ നേടിയതാണ് എറ്റവും ദൈര്‍ഘ്യം കുറഞ്ഞത്. അര്‍ജന്റീനയുടെ ഗിലിര്‍മോ സ്റ്റബൈല്‍ മാത്രമാണ് തന്റെ അന്താരാഷ്ട്രമത്സരത്തിന്റെ തുടക്കത്തില്‍ തന്നെ ഹാട്രിക്കിനര്‍ഹ നായത്, 2018 റഷ്യ ലോകകപ്പിലാണ് ഇന്നുവരെയുളളതില്‍ അവസാന ത്തെ ഹാട്രിക്ക് ഉണ്ടായത്. ഇംഗ്ലണ്ടിന്റെ ഹാരി കെയ്ന്‍ പനാമ ക്കെതിരെ 2018 ജൂണ്‍ 24 നു നേടിയതായിരുന്നു അത്.
ഒരു മത്സരത്തില്‍ ഏറ്റവുമധികം ഗോള്‍ നേടിയത് 1994 ല്‍ റഷ്യയുടെ ഒലേക് സാലങ്കോ ആണ്. കാമറൂണിനെതിരായ കളിയിലായിരുന്നു അത്. അറു പേര്‍ നാലു ഗോളുകളും 52 പേര്‍ മൂന്നു ഗോളുകളും നേടിയതായി കാണുന്നു.

ഗോള്‍ വര്‍ഷത്തിന്റെ ചരിത്രം ഇനിയുമെറെ നീളുന്നതാണ്. വരും നാളുകളില്‍ ഖത്തറിലെ ഇരുപത്തിരണ്ടാം ലോകകപ്പിലും ഈ ചരിത്രത്തിലേക്കു രേഖപ്പെടുത്താനാവുന്ന റിക്കാര്‍ഡുകള്‍ പിറക്കുമെന്നു നമുക്കു പ്രത്യാശിക്കാം.

Continue Reading

Football

ലോകകപ്പിലെ മദ്യനിരോധനം; സ്ത്രീകള്‍ കൂടുതല്‍ സുരക്ഷിതരെന്ന് ദ ടൈംസ് റിപ്പോര്‍ട്ട്

ഹെര്‍ ഗെയിം ടൂ (കളി അവളുടേത് കൂടിയാണ്) എന്ന ക്യാംപയിന്‍ നടത്തുന്ന ബ്രിട്ടീഷ് ഫുട്‌ബോള്‍ ആരാധിക എല്ലി മോളോസണ്‍ പറഞ്ഞ വാക്കുകള്‍ ടൈംസ് റിപ്പോര്‍ട്ട് ചെയ്യുന്നത് ഇങ്ങനെയാണ്.

Published

on

ഖത്തര്‍ ലോകകപ്പലെ മധ്യനിരോധനം കളി ആരാധകരായ വനിതകള്‍ക്ക് കുടുതല്‍ സുരക്ഷ നല്‍കുന്നെന്ന് ദ ടൈംസ് റിപ്പോര്‍ട്ട്. മദ്യപാനികളുടെ ശല്യമില്ലാതെ കളി ആസ്വദിക്കാന്‍ കഴിയുന്നതായും വനിതാ കളി പ്രേമികള്‍ക്കിടയില്‍ നടത്തിയ സര്‍വേയില്‍ വ്യക്തമായി. സ്വരാഷ്ട്രങ്ങളിലേതിനേക്കാള്‍ സുരക്ഷയാണ് ഖത്തര്‍ നല്‍കുന്നതെന്ന് വനിതാ ആരാധകര്‍ ടൈംസിനോടു പറഞ്ഞു. സ്‌റ്റേഡിയത്തില്‍ മദ്യം നിരോധിച്ച തീരുമാനത്തിനെതിരെ യൂറോപ്യന്‍ ആരാധകര്‍ രൂക്ഷമായ വിമര്‍ശനം ഉന്നയിക്കുന്ന വേളയിലാണ് ലണ്ടന്‍ ആസ്ഥാനമായ അന്താരാഷ്ട്ര മാധ്യമത്തിന്റെ റിപ്പോര്‍ട്ട് പുറത്ത് വിടുന്നത്.

ഹെര്‍ ഗെയിം ടൂ (കളി അവളുടേത് കൂടിയാണ്) എന്ന ക്യാംപയിന്‍ നടത്തുന്ന ബ്രിട്ടീഷ് ഫുട്‌ബോള്‍ ആരാധിക എല്ലി മോളോസണ്‍ പറഞ്ഞ വാക്കുകള്‍ ടൈംസ് റിപ്പോര്‍ട്ട് ചെയ്യുന്നത് ഇങ്ങനെയാണ്. ‘ഇവിടേക്ക് (ഖത്തറില്‍) വരികയെന്നത് എന്റെ സംവിധാനത്തില്‍ വലിയ ഞെട്ടലുണ്ടാക്കുന്നതായിരുന്നു. എന്നാലിവിടെ ചൂളമടിയോ, യാതൊരു തരത്തിലുള്ള ലൈംഗികച്ചുവയുള്ള പരാമര്‍ശങ്ങളോ ഇതുവരെ നേരിടേണ്ടി വന്നിട്ടില്ല. ഇവടുത്തെ അനുഭവം മറ്റൊന്നായിരിക്കും എന്നായിരുന്നു മുന്‍ധാരണ. എന്നാല്‍ യാഥാര്‍ത്ഥ്യം ഇംഗ്ലണ്ടില്‍ അനുഭവിച്ചതു പോലുള്ള ഒരു ഉപദ്രവവും ഇവിടെ ഏല്‍ക്കേണ്ടി വന്നില്ല എന്നതാണ്. ഇവിടത്തേത് വിസ്മയകരമായ അനുഭവമാണ്. അതെങ്ങനെ സാധിച്ചു എന്നറിയില്ല.’ 19കാരിയായ എല്ലി മോളോസണ്‍ പറയുന്നു.

എല്ലി മോളോസനും അച്ഛന്‍ ആഡമുമാണ് കളി കാണാനെത്തിയിട്ടുള്ളത്. ഖത്തറിന്റെ വരവേല്‍പ്പില്‍ അദ്ദേഹവും സന്തുഷ്ടനാണെന്ന് വ്യക്തമാക്കി. ‘എല്ലിയുടെ കാര്യങ്ങള്‍ നോക്കാനാണ് ഞാന്‍ സത്യത്തില്‍ വന്നത്. തുറന്നു പറയട്ടെ, എനിക്കതിന്റെ ആവശ്യമുണ്ടായിട്ടില്ല’ അധ്യാപകനായ 49കാരന്‍ പറയുന്നു.

ദ ടൈംസ് റിപ്പോര്‍ട്ട് ചെയ്ത മറ്റൊരു ആരാധിക ജോ ഗ്ലോവറാണ്. ചെല്‍സി ആരാധികയാണ് ജോ ഗ്ലോവര്‍. അവര്‍ ദക്ഷിണാഫ്രിക്കന്‍ ലോകകപ്പുമായി ഖത്തറിനെ താരതമ്യം ചെയ്തു പറഞ്ഞത് ഇങ്ങനെയാണ്. ‘ഇവിടത്തെ അന്തരീക്ഷം വംശീയമല്ല. ഓരോരുത്തലും അവരുടെ ടീമിന്റെ നിറമണിയുന്നു. വഴക്കൊന്നുമില്ല.’

മദ്യവില്‍പ്പന വേണ്ടെന്നു വയ്ക്കാനുള്ള രാജകുടുംബത്തിന്റെ തീരുമാനം സ്‌റ്റേഡിയത്തിലെ വൈരാന്തരീക്ഷം കുറയ്ക്കാന്‍ സഹായകരമായെന്നാണ് നിരവധി വനിതാ ആരാധകര്‍ പറഞ്ഞതായി ടൈംസ് റിപ്പോര്‍ട്ടു ചെയ്യുന്നത്. ലോകകപ്പ് ആരംഭിക്കുന്നതിന് 48 മണിക്കൂര്‍ മുമ്പാണ് സ്‌റ്റേഡിയത്തില്‍ ബീര്‍ ഉള്‍പ്പെടെയുള്ള ലഹരിപാനീയങ്ങള്‍ അനുവദിക്കില്ലെന്ന് അധികൃതര്‍ വ്യക്തമാക്കിയത്. ബീര്‍ നിരോധനം മൂലം 40 ദശലക്ഷം പൗണ്ടിന്റെ ഭീമമായ നഷ്ടമാണ് ഫിഫയ്ക്കുണ്ടാകുക.

മദ്യവില്‍പ്പനയുമായി ബന്ധപ്പെട്ട നിയന്ത്രണങ്ങള്‍ നീക്കേണ്ട സാഹചര്യമില്ലെന്ന് യുകെ ഫുട്‌ബോള്‍ പൊലീസിങ് ചീഫ് കോണ്‍സ്റ്റബ്ള്‍ മാര്‍ക് റോബര്‍ട്‌സ് ദ ടൈംസിനോടു പ്രതികരിച്ചു. ‘ഇവിടത്തെ അന്തരീക്ഷം ഒരേസമയം വികാര ഭരിതവും സൗഹൃദ പൂര്‍ണവുമാണ്. ഇവിടെ മദ്യമില്ല. എന്നാലും മികച്ച അന്തരീക്ഷമാണ്.’ അദ്ദേഹം കൂട്ടിച്ചേര്‍ത്തു. ഖത്തറിലെ അന്തരീക്ഷം മികച്ചതാണെന്ന് മുന്‍ ഇംഗ്ലീഷ് ഫുട്‌ബോളര്‍ ലിയാനെ സാന്‍ഡേഴ്‌സണും അഭിപ്രായപ്പെട്ടിട്ടുണ്ട്.

Continue Reading

Football

മെസ്സിയുടെ കളി ഇന്ന് 1,000 തികയും; പോരാട്ടം ആസിട്രേലിയക്കെതിരെ

മെസ്സിയുടെ കരിയറിലെ നിര്‍ണായ അക്കത്തിന്റെ കളിയാണ് ഇന്ന് കളിക്കളത്തില്‍ നിറയാനിരിക്കുന്നത്.

Published

on

ലോകകപ്പ് കിരീടത്തിനായുള്ള അങ്കം മുറുകുകയാണ്. വാശിയും വീറും കടുത്ത ഖത്തര്‍ ലോകകപ്പില്‍ ഇന്ന് അര്‍ജന്റീന കളത്തിലിറങ്ങുമ്പോള്‍ പടനായകന്‍ ലയണല്‍ മെസ്സിക്കിത് കരിയറിലെ 1,000ാമത്തെ മത്സരം. ക്ലബ് തലത്തില്‍ ലാ ലിഗ അതികായരായ ബാഴ്‌സലോണക്കായി 778 കളിയും പി.എസ്.ജി ക്ക് 53 കളിയുമാണ് ഇതുവരെ തിമിര്‍ത്താടിയത്. ദേശീയ അടയാളപ്പെടുത്തലിന്റെ 169ാം മത്സരത്തിനാണ് ഇന്നിറങ്ങുന്നത്.

ഇപ്രാവശ്യത്തെ ലോകകപ്പില്‍ മെസ്സി രണ്ടു തവണയാണ് എതിരാളികളുടെ വല കുലുക്കിയിട്ടത്്. ഗോള്‍ ശ്രമങ്ങള്‍ 23 ഉം. പലതും തലനാരിഴക്കാണ് തെറിച്ച് പോയത്. ഇതുവരെ ഏഴു തവണയാണ് ഇരു ടീമുകളും മുഖാമുഖം വന്നിട്ടുള്ളത്. ഒരു തവണ ആസ്‌ട്രേലിയ വിജയക്കൊടി ഏന്തുകയും ചെയ്തു. മെസ്സിയുടെ കരിയറിലെ നിര്‍ണായ അക്കത്തിന്റെ കളിയാണ് ഇന്ന് കളിക്കളത്തില്‍ നിറയാനിരിക്കുന്നത്.

Continue Reading

Trending