തിരുവനന്തപുരം: പീഡനത്തിനിരയായ കന്യാസ്ത്രീക്കെതിരെ മോശം പരാമര്‍ശം നടത്തിയെന്ന പരാതിയില്‍ പി.സി ജോര്‍ജ്ജ് എം.എല്‍.എയെ ശാസിക്കാന്‍ നിയമസഭാ പ്രിവിലേജസ് ആന്റ് എത്തിക്‌സ് കമ്മിറ്റി ശുപാര്‍ശ. കമ്മിറ്റിയുടെ ഏഴാം നമ്പര്‍ റിപ്പോര്‍ട്ടിലാണ് പി.സി ജോര്‍ജ്ജിനെതിരായ പരാതി സഭയില്‍വെച്ചത്.

വനിതാ കമ്മിഷന്‍ അധ്യക്ഷ എം.സി ജോസഫൈന്‍ അടക്കമുള്ളവരാണ് പി.സി ജോര്‍ജ്ജിനെതിരെ പരാതി നല്‍കിയത്. പീഡനത്തിനിരയായ കന്യാസ്ത്രീയെ അവഹേളിക്കുന്നതരത്തില്‍ എം.എല്‍.എ പരാമര്‍ശനം നടത്തിയെന്നാണ് പരാതി.