Connect with us

More

യുവന്തസ്ത്താഴ്; പ്രതിരോധത്തില്‍ നിഷ്പ്രഭമായി എം.എസ്.എന്‍

Published

on

ബാര്‍സിലോണ: നെയ്മര്‍ എന്ന ബ്രസീലുകാരന്‍ തന്റെ സഹതാരം ഡാനി ആല്‍വസിന്റെ ചുമലില്‍ മുഖം പൂഴ്ത്തി വിതുമ്പിയതിലുണ്ട് ആ ആഘാതം. ആക്രമണ ഫുട്‌ബോളിന്റെ ശക്തമായ സൗന്ദര്യം ലോകത്തിന് മുന്നില്‍ പലവട്ടം തെളിയിച്ച ബാര്‍സിലോണ യൂറോപ്പിലെ ചാമ്പ്യന്‍ ക്ലബിനെ കണ്ടെത്താനുള്ള പോരാട്ടവേദിയില്‍ കാലിടറി വീണിരിക്കുന്നു. ലിയോ മെസിയും നെയ്മര്‍ ജൂനിയറും ലൂയിസ് സുവാരസുമെന്നാല്‍ അത് ലോകത്തിന്റെ ഗോള്‍ വേട്ടക്കാരാണ്. അതിവേഗതയുടെ ആശാന്മാരായും അസ്ത്ര തുല്യ ഗോളുകളുടെ വിലസക്കാരുമെല്ലാമായി കളിയെഴുത്ത് ലോകം വാഴ്ത്തിയ താരങ്ങളെ പ്രതിരോധത്തിന്റെ വരച്ചവരയില്‍ നിര്‍ത്തിയ യുവന്തസ് യുവേഫ ചാമ്പ്യന്‍സ് ലീഗ് ഫുട്‌ബോളിന്റെ സെമിബെര്‍ത്ത് സ്വന്തമാക്കി. ആദ്യപാദത്തില്‍ മൂന്ന് ഗോളിന്റെ ലീഡ് നേടിയ ഇറ്റലിക്കാര്‍ രണ്ടാം പാദത്തില്‍ ബാര്‍സയെ ഗോള്‍രഹിത സമനിലയില്‍ പൂട്ടിയാണ് കരുത്ത് തെളിയിച്ചത്.
മൂന്ന് ഗോളിന്റെ ആദ്യപാദ നഷ്ടം നികത്താന്‍ രണ്ടാം പാദത്തില്‍ ഏതെങ്കിലും ടീമിന് കഴിയുമെങ്കില്‍ അത് ബാര്‍സക്ക് മാത്രമാണെന്ന് ലോകം വിളിച്ചുപറഞ്ഞ രാത്രിയില്‍ എല്ലാ കണ്ണുകളും കാതുകളും ടെലിവിഷനും ഓണ്‍ലൈനുകളുമെല്ലാം നുവോ കാമ്പിലായിരുന്നു. ഇന്ത്യന്‍ സമയം അര്‍ധരാതിയില്‍ ഉറക്കമൊഴിഞ്ഞ് കളി ആസ്വദിച്ച ലക്ഷോപലക്ഷം ആരാധകരുള്‍പ്പെടെ എല്ലാവരും ആസ്വദിച്ചത് ഏത് വിധം മുന്‍നിരയെ പൂട്ടാമെന്ന പ്രതിരോധത്തിന്റെ ശക്തിയാണ്.
ഡിഫന്‍സീവ് ഫുട്‌ബോളിന്റെ വക്താക്കളായ യുവന്തസ് അതീവ ജാഗ്രതയിലാണ് കളിച്ചത്. മൂന്ന് ഗോള്‍ ലീഡ് ഭദ്രമായി നിലനിര്‍ത്താന്‍ നാല് ഡിഫന്‍ഡര്‍മാരും ഇറങ്ങി കളിച്ച രണ്ട് മധ്യനിരക്കാരുമുള്‍പ്പെടെ ആറ് പേര്‍. ഈ ആറ് പേരുടെ കാവല്‍കണ്ണുകളില്‍ നിന്ന് ഏത് വിധേനയെങ്കിലും പന്ത് നഷ്ടമായാല്‍ വിരിച്ച കൈകളുമായി ക്യാപ്റ്റന്‍ ജിയാന്‍ ലുക്കാ ബഫണ്‍ ഗോള്‍വലയത്തില്‍.
അല്‍ഭുതങ്ങളൊന്നും നുവോ കാമ്പില്‍ സംഭവിച്ചില്ല. സംഭവിക്കാന്‍ യുവന്തസ് പ്രതിരോധം അനുവദിച്ചില്ല എന്ന് പറയുന്നതാവും യാഥാര്‍ത്ഥ്യം. ആക്രമണം മാത്രമായിരുന്നു ബാര്‍സയുടെ മുദ്രാവാക്യം. കിക്കോഫ് മുതല്‍ ആന്ദ്രെ ഇനിയസ്റ്റയുടെ നേതൃത്വത്തില്‍ മെസിയും നെയ്മറും സുവാരസുമെല്ലാം ഓടിക്കയറുകയായിരുന്നു. ഇത് മനസ്സിലാക്കി തന്നെ യുവന്തസ് പ്രതിരോധം ജാഗ്രത പാലിച്ചു. എല്ലാവരും പെനാല്‍ട്ടി ബോക്‌സിന് പുറത്തായി മതില്‍കെട്ടി. കൊച്ചുപാസുകളുമായുള്ള ബാര്‍സ മുന്നേറ്റത്തിന്റെ മുനയൊടിക്കാന്‍ അപകടകാരികളെയെല്ലാം പ്രത്യേകം മാര്‍ക്ക് ചെയ്തു. ആര്‍ക്ക് മുന്നിലും തോല്‍ക്കാതെ നില്‍ക്കുന്ന കാവല്‍ക്കാരനാണ് ബഫണ്‍. ഇത് വരെ അദ്ദേഹത്തിന്റെ വലയില്‍ പന്ത് എത്തിക്കാന്‍ മെസിക്ക് പോലും കഴിഞ്ഞിട്ടില്ല. ഇന്നലെയും പലവട്ടം മെസി ബഫണിനെ പരീക്ഷിച്ചു. പക്ഷേ വിജയം ഗോള്‍ക്കീപ്പര്‍ക്കായിരുന്നു. പ്രി ക്വാര്‍ട്ടര്‍ രണ്ടാം പാദത്തില്‍ ബാര്‍സയെ മുന്നില്‍ നിന്ന് നയിച്ച നെയ്മറാവട്ടെ പലവട്ടം അതിവേഗതയില്‍ ബോക്‌സില്‍ കയറി. പക്ഷേ സമര്‍ദ്ദത്തില്‍ പിഴച്ചു. സുവാരസിന് മോശം ദിവസമായിരുന്നു.

india

മഹാരാഷ്ട്രയില്‍ വോട്ടിങ് മെഷീനില്‍ മാലയിട്ട് സ്ഥാനാര്‍ഥി

മാലയുമായാണ് അനുയായി പോളിങ്ങ്‌സ്റ്റേഷനിലുണ്ടായിരുന്നത്

Published

on

മുംബൈ: വോട്ട് രേഖപ്പെടുത്തിയ ശേഷം വോട്ടിങ്ങ് മെഷീനില്‍ മാലയിട്ട് സ്ഥാനാര്‍ത്ഥി. മഹാരാഷ്ട്രയിലെ നാസികിലെ സ്ഥാനാര്‍ത്ഥി ശാന്തിഗിരി മഹാരാജാണ് മാലയിട്ടത്.

വോട്ട് രേഖപ്പെടുത്തി വന്നതിന് ശേഷം വോട്ടിനായി എത്തിയ അനുയായിയില്‍ നിന്നാണ് ഇയാള്‍ മാല പൊടുന്നനെ എടുത്ത് വോട്ടിങ് മെഷീന്‍ മറച്ച ബോക്‌സിന് മുകളില്‍ ഇട്ടത്. മാലയുമായാണ് അനുയായി പോളിങ്ങ്‌സ്റ്റേഷനിലുണ്ടായിരുന്നത്. ഇയാള്‍ ഒപ്പിടാന്‍ ഒരുങ്ങുമ്പോള്‍ വോട്ട് രേഖപ്പെടുത്തി വരികയായിരുന്ന സ്ഥാനാര്‍ത്ഥി വേഗത്തില്‍ മാല കൈക്കലാക്കുകയും ബോക്‌സിന് മുകളില്‍ വെക്കുകയുമായിരുന്നു.

ഇതിന്റെ വീഡിയോ സമൂഹമാധ്യമങ്ങളില്‍ നിറഞ്ഞു. മാലയിട്ടതിന് ശേഷം ചിരിച്ചുകൊണ്ടാണ് ശാന്തിഗിരി മഹാരാജ് പുറത്തേക്ക് വരുന്നത്.

Continue Reading

kerala

സംസ്ഥാനത്ത് 14 ജില്ലകളിലും മഴ മുന്നറിപ്പ്; നാല് ജില്ലകളില്‍ റെഡ് അലര്‍ട്ട്

പത്തനംത്തിട്ട, കോട്ടയം,ഇടുക്കി, ആലപ്പുഴ ജില്ലകളില്‍ നാളെയും മറ്റന്നാളും റെഡ് അലര്‍ട്ട് പ്രഖ്യാപിച്ചു

Published

on

സംസ്ഥാനത്ത് 14 ജില്ലകളിലും മഴ മുന്നറിപ്പ്.തിരുവനന്തപുരം പത്തനംത്തിട്ട, ഇടുക്കി, മലപ്പുറം, കോഴിക്കോട് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. 9 ജില്ലകളില്‍ യെല്ലോ അലര്‍ട്ട പ്രഖ്യാപിച്ചിട്ടുണ്ട്. കൊല്ലം, ആലപ്പുഴ, കോട്ടയം, എറണാകുളം, തൃശ്ശൂര്‍, പാലക്കാട്, വഴനാട്, കണ്ണൂര്‍, കാസര്‍ഗോഡ് ജില്ലകളില്‍ നാളെ യെല്ലോ അലര്‍ട്ട് പ്രഖ്യാപിച്ചിട്ടുണ്ട്.

പത്തനംത്തിട്ട, കോട്ടയം,ഇടുക്കി, ആലപ്പുഴ ജില്ലകളില്‍ നാളെയും മറ്റന്നാളും റെഡ് അലര്‍ട്ട് പ്രഖ്യാപിച്ചു. കണ്ണൂര്‍,കാസര്‍ഗോഡ് ഒഴികെയുള്ള 12 ജില്ലകളില്‍ അടുത്ത മൂന്ന് ദിവസങ്ങളിലായി മഴ മുന്നറിയിപ്പുണ്ട്. പത്തനംതിട്ട, ഇടുക്കി, മലപ്പുറം ജില്ലകളില്‍ ഇന്ന് ഓറഞ്ച് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ, എറണാകുളം ജില്ലകളില്‍ 19,20 തിയതികളില്‍ ഓറഞ്ച് അലേര്‍ട്ടുണ്ട്. 21-ാം തിയതി തിരുവനന്തപുരം മുതല്‍ പാലക്കാട് വരെയുള്ള ജില്ലകളില്‍ ഓറഞ്ച് അലേര്‍ട്ടാണ്. 22ന് പത്തനംതിട്ട, കോട്ടയം, ഇടുക്കി ജില്ലകളില്‍ ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്.

Continue Reading

kerala

ജിഷ വധക്കേസ്: അമീറുള്‍ ഇസ്ലാമിന്റെ വധശിക്ഷ ശരിവച്ച് ഹൈക്കോടതി

Published

on

പെരുമ്പാവൂരില്‍ നിയമ വിദ്യാര്‍ത്ഥിനി ജിഷയെ ബലാല്‍സംഗം ചെയ്ത് കൊലപ്പെടുത്തിയ കേസില്‍ പ്രതി അമീറുള്‍ ഇസ്ലാമിന്റെ വധശിക്ഷ ശരിവച്ച് ഹൈക്കോടതി ഉത്തരവ്. വധശിക്ഷ റദ്ദാക്കണമെന്നാവശ്യപ്പെട്ട് അമീറുള്‍ ഇസ്ലാം നല്‍കിയ അപ്പീലും കോടതി തള്ളി. ജസ്റ്റിസുമാരായ പി.ബി. സുരേഷ് കുമാര്‍, എസ് മനു എന്നിവരടങ്ങിയ ഡിവിഷന്‍ ബഞ്ചാണ് വിധി പ്രസ്താവം നടത്തിയത്.

എറണാകുളം പ്രിന്‍സിപ്പല്‍ സെഷന്‍സ് കോടതി 2017 ഡിസംബറിലാണ് ജിഷ വധക്കേസില്‍ അമീറുള്‍ ഇസ്ലാമിന് വധശിക്ഷ വിധിച്ചത്. ഇത് ശരിവയ്ക്കാന്‍ സംസ്ഥാന സര്‍ക്കാര്‍ നല്‍കിയ അപേക്ഷയിലാണ് ഹൈക്കോടതിയുടെ വിധി വന്നിരിക്കുന്നത്. പ്രതിയുടെ അപ്പീലിലും സര്‍ക്കാരിന്റെ അപേക്ഷയിലും ഹൈക്കോടതി ഡിവിഷന്‍ ബഞ്ച് വിശദമായി വാദം കേട്ടിരുന്നു.  ദൃക്‌സാക്ഷികളില്ലാത്ത സംഭവത്തില്‍ തന്നെ കുറ്റക്കാരനാക്കുകയായിരുന്നുവെന്നാണ് പ്രതിഭാഗം വാദിച്ചത്.

Continue Reading

Trending