Connect with us

More

ബയോമെട്രിക് ഡാറ്റ: ഖത്തറിലെ ഹമദ് വിമാനത്താവളത്തില്‍ നൂതന സംവിധാനം

Published

on

ദോഹ: ഹമദ് രാജ്യാന്തര വിമാനത്താവളത്തില്‍ ഇ- ഗേറ്റ് ഉപയോക്താക്കളുടെ ബയോമെട്രിക് ഡാറ്റ രേഖപ്പെടുത്തുന്നതിന് നൂതന സംവിധാനം. ഡിപ്പാര്‍ച്ചര്‍, അറൈവല്‍ ലോഞ്ചുകളില്‍ എയര്‍പോര്‍ട്ട് പാസ്‌പോര്‍ട്ട് വിഭാഗം സജ്ജീകരിച്ചിരിക്കുന്ന സെന്ററുകളിലെ ഡിവൈസുകളില്‍ ബയോമെട്രിക് ഡേറ്റ പ്രയോഗക്ഷമമാക്കാം.

18 വയസിനു മുകളിലുള്ള പ്രവാസികള്‍ക്ക് ഐഡി കാര്‍ഡും പാസ്‌പോര്‍ട്ടും ഉപയോഗിച്ചുകൊണ്ടുള്ള സൗജന്യ ഇ-ഗേറ്റ് സംവിധാനത്തിനു ആഭ്യന്തര മന്ത്രാലയം നേരത്തെ തുടക്കമിട്ടിരുന്നു. ബയോമെട്രിക് ഡാറ്റ നേരത്തേ ആക്ടിവേറ്റ് ചെയ്യാത്തവരുടെ ഇ-ഗേറ്റ് വഴിയുള്ള യാത്ര സുഗമമാക്കാനാണ് ഡിപ്പാര്‍ച്ചര്‍അറൈവല്‍ ലോഞ്ചുകളില്‍ അഞ്ച് സെല്‍ഫ് സര്‍വീസ് മെഷീനുകള്‍ തുടങ്ങിയതെന്ന് കേണല്‍ മുഹമ്മദ് റാഷിദ് അല്‍മസ്‌റൂഇ പറഞ്ഞു. ഈ മെഷീനുകളിലൂടെ ഡേറ്റ ആക്ടിവേറ്റാക്കാം.
ഒരു മിനിറ്റിനകം സെല്‍ഫ് സര്‍വീസ് ഡിവൈസിലെ ഇ-പ്രോഗ്രാമിലൂടെ ബയോഡാറ്റ പുതുക്കാന്‍ സാധിക്കും. പ്രവാസികളിലധികവും ഒന്നുകില്‍ കണ്ണ് അടയാളമോ അല്ലെങ്കില്‍ വിരലടയാളമോ നല്‍കിയാണ് എയര്‍പോര്‍ട്ടിലെ ഡാറ്റാ ബേസില്‍ രജിസ്റ്റര്‍ ചെയ്തിട്ടുണ്ടാവുക. ഇ-ഗേറ്റുകള്‍ കണ്ണിന്റെയോ വിരലിന്റെയോ വിവരങ്ങളോ അല്ലെങ്കില്‍ രണ്ടും കൂടിയോ ആണ് സേവനത്തിന് ഉപയോഗിക്കുന്നത്. ആക്ടിവേഷന്‍ ഓഫിസുകള്‍ 24 മണിക്കൂറും പ്രവര്‍ത്തിക്കുമെന്നും വിവരങ്ങള്‍ പുതുക്കുന്നതില്‍ വല്ല തടസ്സവും നേരിട്ടാല്‍ സഹായിക്കുന്നതിനു സാങ്കേതിക വിദഗ്ധരെ ഓഫിസുകളില്‍ ലഭ്യമാക്കിയിട്ടുണ്ടെന്നും മുഹമ്മദ് റാഷിദ് ചൂണ്ടിക്കാട്ടി. അതേസമയം, ഡിപ്പാര്‍ച്ചര്‍അറൈവല്‍ ലോഞ്ചുകളിലെ ഇഗേറ്റുകളുടെ എണ്ണം 35ല്‍ എത്തിക്കാന്‍ ആഭ്യന്തര മന്ത്രാലയത്തിനു പദ്ധതിയുണ്ട്. കൗണ്ടറുകള്‍ക്ക് മുന്നിലെ നീണ്ട ക്യൂവില്‍ നില്‍ക്കാതെ യാത്രാ നടപടികള്‍ സുഗമമായി വേഗത്തില്‍ പൂര്‍ത്തീകരിക്കുന്നതിന് ഇ-ഗേറ്റുകള്‍ ഉപയോഗിക്കണമെന്ന് പ്രവാസി യാത്രക്കാരോട് അദ്ദേഹം ആവശ്യപ്പെട്ടു. പാസ്‌പോര്‍ട്ടില്‍ ഡിപാര്‍ച്ചര്‍, അറൈവല്‍ സീല്‍ ആവശ്യമുള്ളവരുണ്ടെങ്കില്‍ അത് പതിക്കാന്‍ ഇ-ഗേറ്റിന് സമീപം പ്രത്യേക കൗണ്ടര്‍ സജ്ജീകരിച്ചതായും മുഹമ്മദ് റാഷിദ് വ്യക്തമാക്കി.
ഇലക്ട്രോണിക് ഐഡി കാര്‍ഡുള്ളവര്‍ക്കും സാധാരണ ഐഡി കാര്‍ഡുള്ളവര്‍ക്കും ഹമദിലെ ഇ-ഗേറ്റ് സേവനം ഉപയോഗിക്കാമെന്ന് എയര്‍പോര്‍ട്ട് പാസ്‌പോര്‍ട്ട് വിഭാഗം മേധാവി മേജര്‍ ഖാലിദ് മുഹമ്മദ് അല്‍മുല്ല പറഞ്ഞു.
ഇ-ഗേറ്റിലുള്ള ഇ-റീഡറില്‍ ഐഡി കാര്‍ഡ് വയ്ക്കുന്നതോടെ കാര്‍ഡിലെ വിവരങ്ങള്‍ വായിച്ചെടുക്കുകയും ഗേറ്റ് തുറക്കകയും ചെയ്യും. പാസ്‌പോര്‍ട്ട് പുതുക്കുന്നവര്‍ ബയോമെട്രിക് ഡാറ്റാ ഉപകരണം വഴിയോ രാജ്യത്തെ ഏതെങ്കിലും സര്‍വീസ് സെന്റര്‍ വഴിയോ തങ്ങളുടെ വിവരങ്ങള്‍ പുതുക്കണം. പാസ്‌പോര്‍ട്ട് ഡയറക്ടറേറ്റ് സംവിധാനത്തില്‍ പുതിയ പാസ്‌പോര്‍ട്ട് വിവരങ്ങള്‍ ലഭ്യമായില്ലെങ്കില്‍ ഇ-ഗേറ്റ് സേവനം ഉപയോഗിക്കാനാവില്ലെന്നും അദ്ദേഹം കൂട്ടിച്ചേര്‍ത്തു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

അബ്ദുൽ റഹീമിൻ്റെ ഉമ്മയെ മുനവ്വറലി തങ്ങൾ സന്ദർശിച്ചു

Published

on

കോഴിക്കോട് : സൗദിയിലെ ജയിലിൽ വധശിക്ഷ കാത്ത് കഴിയുന്നതിനിടെ മലയാളികളുടെ നല്ല മനസ്സ് കൊണ്ട് മോചിതനാകാൻ പോകുന്ന കോഴിക്കോട് ഫറൂഖ് സ്വദേശി അബ്ദുൽ റഹീമിൻ്റെ ഉമ്മയെ മുസ്‌ലിം യൂത്ത് ലീഗ് സംസ്ഥാന പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങൾ സന്ദർശിച്ചു.

കൈയ്യബദ്ധം മൂലം സൗദി കുടുംബത്തിലെ കുട്ടി മരിക്കാൻ ഇടയായതാണ് അബ്ദുൽ റഹീമിനെതിരെ വധശിക്ഷ വിധിക്കാൻ കാരണമായത്. നീണ്ട 18 വർഷമായി സൗദിയിലെ ജയിലിലായിരുന്നു അദ്ദേഹം. ഇന്ത്യൻ രൂപ 34 കോടിക്ക് സമാനമായ സൗദി റിയാൽ നൽകിയാൽ സൗദി കുടുംബം മാപ്പ് നൽകാൻ തയ്യാറാകുമെന്നറിയിച്ചതോടെ റഹീമിൻ്റെ മോചനം സാധ്യമാകുന്ന സാഹചര്യം വന്നു. തുടർന്ന് സാമൂഹ്യ മാധ്യമങ്ങളിലൂടെ നടന്ന ജനകീയ ഫണ്ട് ശേഖരണത്തിലൂടെ ആവശ്യമായ തുക ചുരുങ്ങിയ ദിവസങ്ങൾക്കുള്ളിൽ സമാഹരിച്ചു. ഇതിനായി സയ്യിദ് മുനവ്വറലി ശിഹാബ് തങ്ങളുടെ നേതൃത്വത്തിൽ വലിയ രീതിയിൽ സോഷ്യൽ മീഡിയാ പ്രചാരണം നടത്തിയിരുന്നു. മോചനത്തിനാവശ്യമായ തുക സമാഹരിച്ചതോടെ അബ്ദുൽ റഹീമിൻ്റെ നാട്ടിലേക്കുള്ള തിരിച്ച് വരവും പ്രതീക്ഷിച്ച് കാത്തിരിക്കുകയാണ് ഉമ്മയും മലയാളികളും.

കരുണയുടെ പുതിയ കേരള സ്റ്റോറി നിർമ്മിച്ച എല്ലാവരെയും സയ്യിദ് മുനവ്വറലി ശിഹാബ് തങ്ങൾ അഭിനന്ദിച്ചു. സൗദി കെ.എം.സി.സി നാഷണൽ കമ്മിറ്റി ജനറൽ സെക്രട്ടറി അഷ്‌റഫ്‌ വേങ്ങാട്ട്, റഹീം ലീഗൽ സപ്പോർട്ട് സമിതി ചെയർമാൻ കെ. സുരേഷ്, കൺവീനർ കെ.കെ ആലിക്കുട്ടി, എ. അഹമ്മദ് കോയ, മജീദ് അമ്പലക്കണ്ടി എന്നിവർ തങ്ങളെ അനുഗമിച്ചു.

Continue Reading

Education

കേരള ടീച്ചേഴ്‌സ് എലിജിബിലിറ്റി ടെസ്റ്റ് (K-TET): അപേക്ഷ ഏപ്രിൽ 26 വരെ

Published

on

. ലോവർ പ്രൈമറി വിഭാഗം, അപ്പർ പ്രൈമറി വിഭാഗം, ഹൈസ്‌കൂൾ വിഭാഗം, സ്പെഷ്യൽ വിഭാഗം (ഭാഷാ-യു.പി. തലംവരെ/സ്പെ‌ഷ്യൽ വിഷയങ്ങൾ -ഹൈസ്കൂൾതലം വരെ) എന്നിവയിലെ അദ്ധ്യാപക യോഗ്യത പരീക്ഷ (കെ-ടെറ്റ്)യുടെ വിജ്ഞാപനം പ്രസിദ്ധീകരിച്ചു.

. https://ktet.kerala.gov.in വെബ്പോർട്ടൽ വഴി ഏപ്രിൽ 17മുതൽ ഏപ്രിൽ 26 വരെ അപേക്ഷ ഓൺലൈനായി സമർപ്പിക്കാം.

. ഒന്നിലധികം കാറ്റഗറികൾക്ക് അപേക്ഷിക്കുന്നവർ കാറ്റഗറിക്കും 500/- വീതവും എസ്.സി/എസ്.റ്റി/ഭിന്നശേഷി/കാഴ്‌ച പരിമിത വിഭാഗത്തിലുള്ളവർ 250/- രൂപ വീതവും ഫീസ് അട‌യ്ക്കേണ്ടതാണ്. ഓൺലൈൻ നെറ്റ്‌ബാങ്കിംഗ്, ക്രെഡിറ്റ്/ ഡെബിറ്റ് കാർഡ് എന്നിവ മുഖേന പരീക്ഷാഫീസ് അടയ്ക്കാവുന്നതാണ്.

. ഓരോ കാറ്റഗറിയിലേയ്ക്കും അപേക്ഷിക്കുവാനുള്ള യോഗ്യതയുടെ വിവരങ്ങൾ അടങ്ങിയ വിജ്ഞാപനം, ഓൺലൈൻ രജിസ്ട്രേഷൻ നടത്തുന്നതിനുള്ള മാർഗ്ഗനിർദ്ദേശങ്ങൾ എന്നിവ https://ktet.kerala.gov.in. https://pareekshabhavan.kerala.gov.in ലഭ്യമാണ്.

. ഒന്നിലധികം കാറ്റഗറികളിൽ ഒരുമിച്ച് ഒരു പ്രാവശ്യം മാത്രമേ അമപക്ഷിക്കാൻ കഴിയൂ. അപേക്ഷ സമർപ്പിച്ച് ഫീസ് അടച്ച് കഴിഞ്ഞാൽ പിന്നീട് യാതൊരുവിധ തിരുത്തലുകളും അനുവദിക്കുന്നതല്ല. മാർഗ്ഗ നിർദ്ദേശങ്ങളടങ്ങിയ വിജ്ഞാപനം വിശദമായി വായിച്ചു മനസ്സിലാക്കിയ ശേഷം മാത്രം അപേക്ഷ സമർപ്പിക്കേണ്ടതാണ്.

. പേര്, ജനനതീയതി, കാറ്റഗറി, ജാതി, വിഭാഗം എന്നിവ വളരെ ശ്രദ്ധയോടെ പൂരിപ്പിക്കേണ്ടതും വിജ്ഞാപനത്തിൽ പറഞ്ഞ പ്രകാരമുള്ള നിബന്ധനകൾ പാലിച്ച് ഫോട്ടോ അപ്‌ലോഡ് ചെയ്യേണ്ടതുമാണ്.

. വെബ്സൈറ്റിൽ നിന്നും ഹാൾടിക്കറ്റ് ഡൗൺലോഡ് ചെയ്യേണ്ട തീയതി: 03.06.2024

. പരീക്ഷ ജൂൺ 22,23 തിയ്യതികളിൽ

. ഓൺലൈൻ ആയി അപേക്ഷ സമർപ്പിക്കാനുള്ള അവസാന തിയ്യതി: 2024 ഏപ്രിൽ 26 വെള്ളി

Continue Reading

kerala

വീട്ടിലേക്കുള്ള വഴിയിൽ സിപിഎം കൊടിമരം സ്ഥാപിച്ചു; ആത്മഹത്യ ഭീഷണിയുമായി ഗൃഹനാഥൻ

കൊടി മാറ്റി സ്ഥാപിക്കാന്‍ സിപിഎം കൗണ്‍സിലര്‍ മൂന്നര ലക്ഷം രൂപ ചോദിച്ചെന്ന് പുരുഷോത്തമന്‍ പറഞ്ഞു

Published

on

വീട്ടിലേക്കുള്ള വഴിയില്‍ സിപിഎം കൊടിമരം സ്ഥാപിച്ചു. സംഭവത്തില്‍ പ്രതിഷേധിച്ച് കൊടിമരത്തില്‍ കയറി ആത്മഹത്യ ഭീഷണിയുമായി ഗൃഹനാഥന്‍. ചേര്‍ത്തല വെളിങ്ങാട്ട് ചിറയില്‍ പുരുഷോത്തമനാണ് ആത്മഹത്യ ഭീഷണി മുഴക്കിയത്.

വഴിയില്‍ കൊടിമരം നില്‍ക്കുന്നത് കാരണം വീട് നിര്‍മ്മാണം നടത്താനാകുന്നില്ലെന്ന് കുടുംബം വ്യക്തമാക്കി. കൊടി മാറ്റുവാന്‍ എട്ട് മാസമായി പാര്‍ട്ടി നേതൃത്വത്തോട് ആവശ്യപ്പെട്ടിരുന്നുവെന്ന് കുടുംബം പറയുന്നു. കൊടി മാറ്റി സ്ഥാപിക്കാന്‍ സിപിഐഎം കൗണ്‍സിലര്‍ മൂന്നര ലക്ഷം രൂപ ചോദിച്ചെന്ന് പുരുഷോത്തമന്‍ പറഞ്ഞു.

Continue Reading

Trending