ഡല്‍ഹി: വാക്‌സിന്‍ ലഭ്യത ഉറപ്പാക്കുന്നതിനായി വ്യത്യസ്ത മാര്‍ഗ്ഗങ്ങള്‍ പ്രയോജനപ്പെടുത്താന്‍ ഒരുങ്ങി വിദഗ്ധര്‍. വാക്‌സിന്‍ നല്‍കുന്നതിന് ദിവസങ്ങള്‍ മുമ്പുതന്നെ മരുന്ന് ലഭിക്കേണ്ടവരുടെ ഫോണുകളില്‍ എസ്എംഎസ് അയക്കുന്നത് അടക്കമുള്ള കാര്യങ്ങള്‍ പരിഗണനയിലുണ്ട്. വാക്‌സിന്‍ കേന്ദ്രവും സമയക്രമവും അടങ്ങിയതായിരിക്കും സന്ദേശം. ഓരോ ഡോസ് മരുന്ന് സ്വീകരിച്ചതിന് ശേഷവും ക്യൂആര്‍ കോഡ് സര്‍ട്ടിഫിക്കറ്റ് നല്‍കുക എന്നിവയാണ് പരിഗണയിലുള്ളത്.

അടുത്ത വര്‍ഷം ആദ്യം പ്രതിരോധ മരുന്ന് എത്തിക്കുമ്പോള്‍ എന്തെല്ലാം ക്രമീകരണങ്ങള്‍ ഒരുക്കണം എന്നത് സംബന്ധിച്ച രൂപരേഖയാണ് തയ്യാറാകുന്നത്. വാക്‌സിന്‍ വിതരണം ആരോഗ്യ രംഗത്തെ സൗകര്യങ്ങള്‍ മാത്രം പ്രയോജനപ്പെടുത്തി ആയിരിക്കില്ല മറിച്ച് സ്‌കൂളുകളും വലിയ പങ്ക് വഹിക്കുമെന്ന് അധികൃതരും പറയുന്നു.

ഇലക്ട്രോണിക് വാക്‌സിന്‍ ഇന്റലിജന്‍സ് നെറ്റ്‌വര്‍ക്ക് എന്ന സംവിധാനവും വാക്‌സിന്‍ വിതരണത്തില്‍ പ്രയോജനപ്പെടുത്തുന്നതിനെക്കുറിച്ച് തീരുമാനമെടുത്തിട്ടുണ്ട്. വ്യത്യസ്ത ഘട്ടമായാണ് വാക്‌സിനേഷന്‍ നടക്കുന്നത് എന്നതുകൊണ്ടുതന്നെ ഇവ ആസൂത്രണം ചെയ്യാനും വിവരണപട്ടിക തയ്യാറാക്കാനും ഇലക്ട്രോണിക് പ്ലാറ്റ്‌ഫോം പ്രയോജനപ്പെടുത്തും.