kerala
വിവരം നിഷേധിക്കലും അധിക തുക ഈടാക്കലും; അഞ്ച് ഉദ്യോഗസ്ഥര്ക്ക് 40,000രുപ പിഴ, അധിക തുക തിരികെ നല്കണം
വിവരാവകാശ നിയമ പ്രകാരമുള്ള അപേക്ഷകളില് വിവരം നിഷേധിക്കുക, വൈകിപ്പിക്കുക, തെറ്റിധരിപ്പിക്കുക, അധിക ഫീസ് വാങ്ങുക തുടങ്ങിയ കുറ്റങ്ങള്ക്ക് വിവിധ വകുപ്പുകളിലെ അഞ്ച് ഉദ്യോഗസ്ഥരെ 40,000 രൂപ ശിക്ഷിച്ച് സംസ്ഥാന വിവരാവകാശ കമ്മിഷന്.
തിരുവനന്തപുരം: വിവരാവകാശ നിയമ പ്രകാരമുള്ള അപേക്ഷകളില് വിവരം നിഷേധിക്കുക, വൈകിപ്പിക്കുക, തെറ്റിധരിപ്പിക്കുക, അധിക ഫീസ് വാങ്ങുക തുടങ്ങിയ കുറ്റങ്ങള്ക്ക് വിവിധ വകുപ്പുകളിലെ അഞ്ച് ഉദ്യോഗസ്ഥരെ 40,000 രൂപ ശിക്ഷിച്ച് സംസ്ഥാന വിവരാവകാശ കമ്മിഷന്. ഒരു പൊലീസ് ഓഫീസറെ കുറ്റവിമുക്തനാക്കിയും രണ്ട് അപേക്ഷകര്ക്ക് പണം തിരികെ നല്കാന് നിര്ദ്ദേശിച്ചും വിവരാവകാശ കമ്മിഷണര് എ അബ്ദുല് ഹക്കിം ഉത്തരവായി.
കൊല്ലം പരവൂര് കൂനയില് ജെ. രതീഷ്കുമാറിന്റെ പരാതിയില് പരവൂര് വില്ലേജ് ഓഫീസര് ടി.എസ് ബിജുലാല് 5000 രൂപ, പാലക്കാട് അകത്തേത്തറ എല്. പ്രേംകുമാറിന്റെ അപ്പീലില് പാലക്കാട് ക്ഷീരവികസന ഡപ്യൂട്ടി ഡയറക്ടര് ഓഫീസിലെ എന്. ബിന്ദു 1000 രൂപ, കണ്ണൂര് കണ്ടകാളിയില് കെ.പി. ജനാര്ധനന്റെ ഹര്ജിയില് പയ്യന്നൂര് ഇലക്ട്രിക്കല് സെക്ഷനിലെ എന്. രാജീവ് 25000 രൂപ, തിരുവനന്തപുരം വര്ക്കല ഇലകമണ് എസ്. സാനു കക്ഷിയായ കേസില് ആറ്റിങ്ങല് കെ.എസ്.ആര്.ടി. സിയിലെ ആര്.വി. സിന്ധു 5000 രൂപ, തിരുവനന്തപുരം ചെറിയകൊണ്ണി കെ. രവീന്ദ്രന് നായര് നെടുമങ്ങാട് ബ്ലോക്ക് പഞ്ചായത്തില് സമര്പ്പിച്ച അപേക്ഷയില് പൊതുബോധന ഓഫീസര് ഉമാശങ്കര് 4000 രൂപ എന്നിങ്ങനെയാണ് പിഴ ഒടുക്കേണ്ടത്.
കൊല്ലം ചാത്തന്നൂര് സബ് രജിസ്ട്രാര്, പാണിയില് കെ.സതീശനില് നിന്ന് തെരച്ചില് ഫീസ്, മാര്യേജ് ആക്ട് ഫീസ് എന്നീ ഇനങ്ങളില് വാങ്ങിയ 380 രൂപ തിരിച്ചു നല്കാന് കമ്മിഷന് നിര്ദ്ദേശിച്ചു. കാസര്കോട് കൂഡ്ലുവില് എല്. ജയശ്രീക്ക് വിവരം ലഭ്യമാക്കാന് തഹസീല്ദാര് ഫീസായി ആവശ്യപ്പെട്ട 506 രൂപ നല്കേണ്ടതില്ലെന്നും പകരം ഒമ്പത് രൂപയ്ക്ക് മുഴുവന് വിവരങ്ങളും സാക്ഷ്യപ്പെടുത്തിയ രേഖാപകര്പ്പുകളും ലഭ്യമാക്കണമെന്നും കമ്മിഷണര് ഉത്തരവായി. നിയമം വിട്ട് പണം ഈടാക്കുന്ന ഉദ്യോഗസ്ഥരെ കര്ശനമായി ശിക്ഷിക്കുമെന്ന് കമ്മിഷണര് ഹക്കിം പറഞ്ഞു. വിവിധ ജില്ലകള് സന്ദര്ശിച്ച് തെളിവെടുപ്പ് നടത്തിയ കമ്മിഷണര് സെപ്തമ്പറില് 337 ഹര്ജികളില് വിവരങ്ങള് ലഭ്യമാക്കി ഫയല് തീര്പ്പാക്കി.
kerala
കേരളത്തില് ശക്തമായ മഴ തുടരും; ഏഴ് ജില്ലകളില് യെല്ലോ അലര്ട്ട്
ബംഗാള് ഉള്ക്കടലില് ചൊവ്വാഴ്ചയോടെ വീണ്ടും ചുഴലിക്കാറ്റ് രൂപപ്പെടാന് സാധ്യതയുണ്ടെന്നും അത് യുഎഇ നിര്ദേശിച്ച ‘സെന്യാര്’ എന്ന പേരില് അറിയപ്പെടുമെന്നും വകുപ്പ് അറിയിച്ചു.
തിരുവനന്തപുരം: തെക്കന്, മധ്യ കേരളങ്ങളില് ശക്തമായ മഴ തുടരുമെന്ന മുന്നറിയിപ്പ് കേന്ദ്ര കാലാവസ്ഥാ വകുപ്പ് നല്കി. സംസ്ഥാനത്തെ ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ബംഗാള് ഉള്ക്കടലില് ചൊവ്വാഴ്ചയോടെ വീണ്ടും ചുഴലിക്കാറ്റ് രൂപപ്പെടാന് സാധ്യതയുണ്ടെന്നും അത് യുഎഇ നിര്ദേശിച്ച ‘സെന്യാര്’ എന്ന പേരില് അറിയപ്പെടുമെന്നും വകുപ്പ് അറിയിച്ചു. കേരളലക്ഷദ്വീപ് തീരങ്ങളില് മീന്പിടുത്തത്തിന് വിനോദയാത്രക്കാര്ക്കും കര്ശന നിയന്ത്രണമാണുള്ളത്.
അടുത്ത അഞ്ച് ദിവസവും കേരളത്തില് മഴ ശക്തമായി തുടരുമെന്നാണ് പ്രവചനം. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നിവിടങ്ങളില് ഇന്ന് യെല്ലോ അലര്ട്ട് പ്രാബല്യത്തില്. നാളെയും തിരുവനന്തപുരം, കൊല്ലം, പത്തനംതിട്ട, ആലപ്പുഴ, പാലക്കാട്, മലപ്പുറം ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
24 മണിക്കൂറില് 64.5 മുതല് 115.5 മില്ലിമീറ്റര് വരെ ലഭിക്കുന്ന മഴയാണ് ശക്തമായ മഴയായ് പരിഗണിക്കുക. ഇടിമിന്നലും ശക്തമായ കാറ്റും ഉണ്ടാകാനുള്ള സാധ്യത ഉയര്ന്നിരിക്കുന്നതിനാല് പൊതുജനങ്ങള് പരമാവധി ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിര്ദേശിച്ചു.
കന്യാകുമാരിക്ക് മുകളിലുള്ള ചക്രവാതചുഴ സംസ്ഥാനത്ത് മഴ ശക്തമാകുന്നതിന് പ്രധാന കാരണമെന്നാണ് കാലാവസ്ഥാ വകുപ്പ് വ്യക്തമാക്കുന്നത്.
kerala
മൂന്നേകാല് കോടി രൂപയുടെ കുഴല്പ്പണം കടത്തിയ കേസ്; പൊലീസ് ഉദ്യോഗസ്ഥര്ക്കും പങ്കുണ്ടെന്ന് സംശയം
കുഴല്പ്പണം പിടിച്ചെടുത്തതിന് പിന്നാലെ മുഖ്യപ്രതി സല്മാന് ഒരു പൊലീസ് ഉദ്യോഗസ്ഥനെ വിളിച്ചതായി അന്വേഷണത്തില് കണ്ടെത്തിയിട്ടുണ്ട്.
വയനാട്: മാനന്തവാടിയില് പിടികൂടിയ മൂന്നേകാല് കോടി രൂപയുടെ കുഴല്പ്പണം കേസില് പൊലീസിനും പങ്കുണ്ടെന്ന സംശയം ശക്തമാകുന്നു. കുഴല്പ്പണം പിടിച്ചെടുത്തതിന് പിന്നാലെ മുഖ്യപ്രതി സല്മാന് ഒരു പൊലീസ് ഉദ്യോഗസ്ഥനെ വിളിച്ചതായി അന്വേഷണത്തില് കണ്ടെത്തിയിട്ടുണ്ട്. ഇതോടെ കേസില് കൂടുതല് ഏജന്സികള് ചേര്ന്ന് അന്വേഷണം ആരംഭിച്ചു.
കഴിഞ്ഞ വ്യാഴാഴ്ച കോഴിക്കോട് കസ്റ്റംസും പൊലീസും ചേര്ന്നാണ് പണം പിടികൂടിയത്. ആദ്യം രണ്ട് പേരെയാണ് അറസ്റ്റ് ചെയ്തത്. ഇവരില് നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് കുഴല്പ്പണ ഇടപാടിന്റെ മുഖ്യസൂത്രധാരനായ സല്മാനെ പിന്നീട് അറസ്റ്റ് ചെയ്തത്.
ചോദ്യം ചെയ്യുന്നതിനിടെ സല്മാന് പൊലീസിലെ ഒരു ഉദ്യോഗസ്ഥന്റെ പേരാണ് അന്വേഷണ സംഘത്തോട് വെളിപ്പെടുത്തിയത്. ഈ പൊലീസുകാരനുമായി സല്മാന് ഉണ്ടായ ഫോണ് ബന്ധം സംശയങ്ങള്ക്ക് വഴിവെച്ചതോടെ കസ്റ്റംസ് പ്രത്യേക അന്വേഷണ നടപടികള് ആരംഭിച്ചു.
kerala
പാലക്കാട് സിപിഐഎം പ്രവര്ത്തകന് തെരഞ്ഞെടുപ്പ് കമ്മിറ്റി ഓഫീസില് ജീവനൊടുക്കിയ നിലയില്
പാലക്കാട് പടലിക്കാട് സ്വദേശി ശിവനെ (40) ആണ് മരിച്ച നിലയില് കണ്ടെത്തിയത്. ഇന്ന് രാവിലെയാണ് സംഭവം.
പാലക്കാട് തെരഞ്ഞെടുപ്പ് കമ്മിറ്റി ഓഫീസില് സിപിഐഎം പ്രവര്ത്തകനെ തൂങ്ങിമരിച്ച നിലയില് കണ്ടെത്തി. പാലക്കാട് പടലിക്കാട് സ്വദേശി ശിവനെ (40) ആണ് മരിച്ച നിലയില് കണ്ടെത്തിയത്. ഇന്ന് രാവിലെയാണ് സംഭവം.
മരുതറോഡ് പഞ്ചായത്തിലെ നാലാം വാര്ഡായ പടലിക്കാട് റോഡരികില് തെരഞ്ഞെടുപ്പ് പ്രവര്ത്തങ്ങള്ക്കായി നിര്മ്മിച്ച ഓഫീസില് തൂങ്ങിമരിക്കുകയായിരുന്നു. മരണകാരണം സംബന്ധിച്ച് അന്വേഷണം ആരംഭിച്ചതായി പൊലീസ് അറിയിച്ചു.
-
india2 days agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF2 days agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
kerala2 days agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
india2 days agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala3 days agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala2 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
world14 hours agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്