Culture
വോട്ടിങ് മെഷീനിലെ കൃത്രിമം തെളിയിക്കല്: ഭരണഘടനാ വിരുദ്ധമെന്ന് ഉത്തരാഖണ്ഡ് ഹൈക്കോടതി

ന്യൂഡല്ഹി: വോട്ടിങ് മെഷീനിലെ കൃത്രിമം തെളിയിക്കുന്നതിന് രാഷ്ട്രീയ പാര്ട്ടികളെ പങ്കെടുപ്പിച്ച് തെരഞ്ഞെടുപ്പ് കമ്മീഷന് നടത്തുന്ന പരിപാടി ഭരണഘടനാ വിരുദ്ധമാണെന്ന് ഉത്തരാഖണ്ഡ് ഹൈക്കോടതി. ഇ.വി.എം ഹാക്കത്തോണ് എന്ന പേരില് ഇന്ന് കാലത്ത് 10 മണി മുതല് രാഷ്ട്രീയ പാര്ട്ടികള്ക്ക് കൃത്രിമം തെളിയിക്കാന് അവസരം നല്കാനായിരുന്നു തെരഞ്ഞെടുപ്പ് കമ്മീഷന്റെ തീരുമാനം. ഇതിനായി വിപുലമായ ഒരുക്കങ്ങളും കമ്മീഷന് നടത്തിയിരുന്നു. അതേസമയം ഹൈക്കോടതി വിധിയോടെ തെരഞ്ഞെടുപ്പ് കമ്മീഷന് നിശ്ചയിച്ച പരിപാടി അനിശ്ചിതത്വത്തിലായി.
കോണ്ഗ്രസ് പ്രവര്ത്തകന് ഡോ. രമേശ് പാണ്ഡെ സമര്പ്പിച്ച ഹര്ജിയിലാണ് ഉത്തരാഖണ്ഡ് ഹൈക്കോടതിയുടെ ഇടപെടല്. ക്രമക്കേട് ആരോപിച്ചുള്ള ഹര്ജിയില് ഉത്തരാഖണ്ഡ് നിയമസഭാ തെരഞ്ഞെടുപ്പിന് ഉപയോഗിച്ച ഇലക്ട്രോണിക് വോട്ടിങ് മെഷീനുകള് കണ്ടു കെട്ടണമെന്ന് നേരത്തെ ഇതേ കോടതി ഉത്തരവിട്ടിരുന്നു. ഹാക്കത്തണ് സംഘടിപ്പിക്കാന് തെരഞ്ഞെടുപ്പ് കമ്മീഷന് അധികാരമില്ലെന്നായിരുന്നു ഹര്ജിക്കാരന്റെ വാദം. ബി.ജെ.പിക്ക് അനുകൂലമായി കാര്യങ്ങള് സ്ഥാപിച്ചെടുക്കാനാണ് തെരഞ്ഞെടുപ്പ് കമ്മീഷന് ശ്രമിക്കുന്നതെന്നും ഹര്ജിക്കാരന് ആരോപിച്ചു. തെരഞ്ഞെടുപ്പ് കമ്മീഷന് സംഘടിപ്പിച്ച ഇ.വി.എം ഹാക്കത്തോണ് സ്റ്റേ ചെയ്യണമെന്ന ആവശ്യം കോടതി വിധി പറയാന് മാറ്റുകയായിരുന്നു.
അതേസമയം ഇ.വി.എം ഹാക്കത്തോണ് റദ്ദാക്കില്ലെന്ന് തെരഞ്ഞെടുപ്പ് കമ്മീഷന് പറഞ്ഞു. പരിപാടിയുമായി മുന്നോട്ടു പോകും. എല്ലാ ഒരുക്കങ്ങളും പൂര്ത്തിയായിട്ടുണ്ടെന്നും കമ്മീഷന് വ്യക്തമാക്കി.
എന്.സി.പിയും ഇടതുപക്ഷവും മാത്രമാണ് പരിപാടിയില് പങ്കെടുക്കുന്നത്. കോണ്ഗ്രസ് ഉള്പ്പെടെയുള്ള കക്ഷികള് ബഹിഷ്കരിച്ചിരുന്നു. വോട്ടിങ് മെഷീന് ക്രമക്കേട് ആരോപണവുമായി ആദ്യം രംഗത്തെത്തിയ എ.എ.പിയോ ബി.എസ്.പിയോ പരിപാടിയുമായി സഹകരിക്കുന്നില്ല. മദര്ബോര്ഡ് മാറ്റിയുള്ള പരിശോധനക്ക് അനുവദിക്കില്ലെന്ന തെരഞ്ഞെടുപ്പ് കമ്മീഷന് നിലപാടില് പ്രതിഷേധിച്ചാണ് എ.എ.പി വിട്ടു നില്ക്കുന്നത്. ഇതേ ദിവസം തന്നെ ഡല്ഹിയില് സമാന്തര ഇ.വി.എം ഹാക്കത്തോണ് സംഘടിപ്പിക്കുമെന്ന് എ.എ.പി നേതാക്കള് പറഞ്ഞിരുന്നു.
Film
മാത്യു തോമസ് നായകനാകുന്ന ‘നൈറ്റ് റൈഡേഴ്സ്’; നെല്ലിക്കാംപൊയിൽ എന്ന ഗ്രാമത്തിലെ കഥ; ഫസ്റ്റ് ലുക്ക് പോസ്റ്റർ പുറത്തിറങ്ങി
ഹൊറർ കോമഡി ജോണറിൽ ഒരുങ്ങിയ “നൈറ്റ് റൈഡേഴ്സ്” രചിച്ചത് “പ്രണയവിലാസം” എന്ന ചിത്രത്തിലൂടെ ശ്രദ്ധേയരായ ജ്യോതിഷ് എം, സുനു എ.വി. എന്നിവരാണ്.

എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന “നൈറ്റ് റൈഡേഴ്സ്” ൻ്റെ ഫസ്റ്റ് ലുക്ക് പുറത്ത്. പ്രശസ്ത ചിത്രസംയോജകനായ നൗഫൽ അബ്ദുള്ള ആദ്യമായി സംവിധാനം ചെയ്യുന്ന ചിത്രമാണിത്. ഹൊറർ കോമഡി ജോണറിൽ ഒരുങ്ങിയ “നൈറ്റ് റൈഡേഴ്സ്” രചിച്ചത് “പ്രണയവിലാസം” എന്ന ചിത്രത്തിലൂടെ ശ്രദ്ധേയരായ ജ്യോതിഷ് എം, സുനു എ.വി. എന്നിവരാണ്. വമ്പൻ പ്രേക്ഷക – നിരൂപക പ്രശംസ നേടിയ നീലവെളിച്ചം, അഞ്ചക്കള്ളകോക്കാൻ, ഹലോ മമ്മി തുടങ്ങിയ ചിത്രങ്ങളുടെ സഹനിർമാണത്തിനു ശേഷം എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ നിർമിക്കുന്ന സിനിമ കൂടിയാണിത്. വിമൽ ടി.കെ, കപിൽ ജാവേരി, ഗുർമീത് സിംഗ് എന്നിവരാണ് ചിത്രത്തിന്റെ സഹനിർമ്മാണം.
യുവതാരം മാത്യു തോമസ് ആണ് ചിത്രത്തിലെ നായകൻ. മീനാക്ഷി ഉണ്ണികൃഷ്ണൻ, അബു സലിം, റോണി ഡേവിഡ് രാജ്, വിഷ്ണു അഗസ്ത്യ, റോഷൻ ഷാനവാസ്, ശരത് സഭ, മെറിൻ ഫിലിപ്പ്, സിനിൽ സൈനുദ്ധീൻ, നൗഷാദ് അലി, നസീർ സംക്രാന്തി, ചൈത്ര പ്രവീൺ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
Film
ഇരുപതാം ദിവസം പിന്നിട്ട് പ്രേക്ഷകഹൃദയങ്ങൾ കവർന്ന് ‘നരിവേട്ട’ മുന്നോട്ട്

ടൊവിനോ തോമസ്, സുരാജ് വെഞ്ഞാറമൂട്, ചേരൻ എന്നിവരെ പ്രധാന കഥാപാത്രങ്ങളാക്കി അബിൻ ജോസഫിന്റെ തിരക്കഥയിൽ അനുരാജ് മനോഹർ സംവിധാനം ചെയ്ത നരിവേട്ട ഗംഭീര പ്രദർശന വിജയം നേടി മുന്നേറുന്നു. ഇതിനോടകം മൂന്നാം ആഴ്ച പിന്നിട്ടിരിക്കുന്ന നരിവേട്ടയുടെ പ്രദർശനം ഭാഷാഭേദമില്ലാതെ ഏവർക്കും ആസ്വദിക്കാവുന്ന വിധത്തിലാണ് ഒരുക്കിയിരിക്കുന്നത്. അതോടൊപ്പം ആഗോള ബോക്സ് ഓഫീസില് 22 കോടിയിലധികം നരിവേട്ട നേടി എന്നാണ് ട്രേഡ് അനലിസ്റ്റുകളുടെ റിപ്പോര്ട്ടുകള് സൂചിപ്പിക്കുന്നത്.
ഒന്നിലധികം യഥാർത്ഥ സംഭവങ്ങളെ അടിസ്ഥാനമാക്കി തയ്യാറാക്കിയിരിക്കുന്ന ചിത്രത്തിൽ വർഗീസ് പീറ്റർ എന്ന ചെറുപ്പക്കാരന്റെ ജീവിതയാത്ര കൂടിയാണ് പറയുന്നത്. മലയാള സിനിമയിലെ തന്നെ ഏറ്റവും മികച്ച പൊളിറ്റിക്കല് സോഷ്യോ ത്രില്ലർ ഗണത്തിൽ പെടുത്താവുന്ന നരിവേട്ട നോണ് ലീനിയറായാണ് ആവിഷ്കരിച്ചിരിക്കുന്നത്. മികച്ച പ്രേക്ഷക – നിരൂപക പ്രശംസയും അതോടൊപ്പം ഓസ്ട്രേലിയയിൽ നടന്ന പ്രീമിയർ ഷോയിൽ മികച്ച പ്രതികരണവും കരസ്ഥമാക്കിയ ചിത്രമിപ്പോൾ ടോവിനോ തോമസ് എന്ന നടന്റെയും സ്റ്റാറിന്റെയും കരിയർ ഗ്രാഫ് വളർച്ചയുടെയും കാരണമായി മാറിയിരിക്കുകയാണ്.
ആദിവാസി ഭൂമി പ്രശ്നം എന്ന സാമൂഹിക വിഷയത്തെ മുന്നില് നിര്ത്തി തന്നെ 2003 ഫെബ്രുവരി 19ന് വയനാട്ടിലെ മുത്തങ്ങയില് നടന്ന സംഭവങ്ങളെ കഥാകാരന്റെ ഭാവന കൂടി ചേര്ത്തുവെച്ച് അവതരിപ്പിക്കുകയാണ് നരിവേട്ട. മുത്തങ്ങ സമര കാലത്ത് പരക്കെ പറയപ്പെട്ടിരുന്ന സംശയങ്ങളാണ് സിനിമയുടെ അടിത്തട്ടിലൂടെ സഞ്ചരിക്കുന്നത്. അതോടൊപ്പം ചെങ്ങര സമരം, പൂയംകുട്ടി സമരം തുടങ്ങിയ സകല സമരങ്ങളോടും ഐക്യപ്പെടുന്ന തരത്തില് അതിലെ കണ്ടെന്റുകളെയെല്ലാം നീതിപൂര്വമായി സമീപിച്ചിരിക്കുന്ന സിനിമ കൂടിയാണിത്. ചിത്രത്തിൽ ബഷീറായി എത്തിയ സുരാജ് വെഞ്ഞാറമൂട്, ഡിഐജി കേശവദാസ് എന്ന കഥാപാത്രത്തെ അവതരിപ്പിച്ച ചേരൻ, ആര്യ സലീം, പ്രിയംവദ കൃഷ്ണൻ എന്നിവർ ശ്രദ്ധേയമായ പ്രകടനമാണ് കാഴ്ച വെച്ചിരിക്കുന്നത്.
ഇന്ത്യൻ സിനിമ കമ്പനിയുടെ ബാനറിൽ ഷിയാസ് ഹസ്സൻ, ടിപ്പു ഷാൻ എന്നിവർ ചേർന്നാണ് നരിവേട്ട നിർമ്മിചിരിക്കുന്നത്. ഇഷ്ഖില് നിന്നും നരിവേട്ടയിലെത്തുമ്പോഴുള്ള അനുരാജ് മനോഹറെന്ന സംവിധായകന്റെ സംവിധാന മികവും , ജേക്സ് ബിജോയുടെ സംഗീത മികവുമാണ് ചിത്രത്തെ ഏറെ ആകർഷകമാക്കിയത്. അബിൻ്റെ എഴുത്തിനും അനുരാജിന്റെ മേക്കിങ്ങിനും ഒപ്പംനിന്നുകൊണ്ട് ഒരു സിംഫണിതന്നെ തീർക്കുകയായിരുന്നു ജേക്സ് ബിജോയ്. ഛായാഗ്രഹണം നിർവഹിച്ച വിജയ്, സംഗീതം നൽകിയ ജേക്സ് ബിജോയ്, എഡിറ്റർ ഷമീർ മുഹമ്മദ്, ആർട്ട് ചെയ്ത ബാവ എന്നിവരുടെ സംഭാവനകളും ഗംഭീരമായി തന്നെ പ്രതിഫലിക്കുന്നുണ്ട്.
Film
വാഹനാപകടം; നടന് ഷൈന് ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില് പൊതുദര്ശനത്തിന് വെക്കും.

തമിഴ്നാട്ടിലെ വാഹനാപകടത്തില് മരിച്ച നടന് ഷൈന് ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര് മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില് പൊതുദര്ശനത്തിന് വെക്കും. നാളെ മുണ്ടൂര് പരികര്മ്മല മാതാ പള്ളിയിലാണ് സംസ്കാര ചടങ്ങുകള് നടക്കുക.
വെള്ളിയാഴ്ച ധര്മപുരിയെയും ഹൊസൂറിനെയും തമ്മില് ബന്ധിപ്പിക്കുന്ന പുതുതായി നിര്മിച്ച അതിവേഗ ദേശീയപാത 844ലൂടെ കാറില് ബെംഗളുരുവിലേക്ക് സഞ്ചരിക്കവെയായിരുന്നു ഇവര് അപകടത്തില്പ്പെട്ടത്. അപകടത്തില് നടന്റെ ഷോള്ഡറിന് താഴെ മൂന്ന് പൊട്ടലുകള്, നട്ടെല്ലിനും ചെറിയ പൊട്ടല് സംഭവിച്ചു. ശസ്ത്രക്രിയ അനിവാര്യമെങ്കിലും സംസ്കാര ചടങ്ങുകള്ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില് കൂടുതല് പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില് ആശങ്കപ്പെടേണ്ടതില്ലെന്ന് ഡോക്ടര്മാര് വ്യക്തമാക്കി.
-
News3 days ago
ഇസ്രാഈല് ആക്രമണം; ഇറാന് സൈനിക മേധാവി മുഹമ്മദ് ബഗേരി കൊല്ലപ്പെട്ടു
-
film3 days ago
കുടുംബസമേതം രസിപ്പിക്കാന് പൊട്ടിച്ചിരിപ്പിക്കാന് ‘വ്യസനസമേതം ബന്ധുമിത്രാദികള്’
-
india3 days ago
വിമാനാപകടം; ഡിഎന്എ പരിശോധനക്കായി മരിച്ച രഞ്ജിതയുടെ സഹോദരന് അഹമ്മദാബാദിലേക്ക്
-
kerala3 days ago
ശക്തമായ മഴ; കണ്ണൂരിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു
-
kerala2 days ago
നീറ്റ് യുജി 2025; ആദ്യ നൂറില് കേരളത്തില് നിന്നും ആരുമില്ല
-
News3 days ago
ഇറാനില് വീണ്ടും ഇസ്രാഈല് ആക്രമണം; ടെഹ്റാനില് സ്ഫോടന ശബ്ദങ്ങള് കേട്ടതായി റിപ്പോര്ട്ട്
-
india3 days ago
ദേശീയപാത തകര്ന്ന സംഭവം; ദേശീയപാതാ അതോറിറ്റി ശരിയായ ദുരന്ത നിവാരണ പദ്ധതി തയ്യാറാക്കണം: അമികസ് ക്യൂറി
-
india3 days ago
വിമാനാപകടം; തകര്ന്ന വിമാനത്തിന്റെ ബ്ലാക്ക് ബോക്സ് ഹോസ്റ്റലിന്റെ മേല്ക്കൂരയില് നിന്ന് കണ്ടെടുത്തു