Connect with us

GULF

സണ്‍ റൂഫിലൂടെ കൈയും തലയും പുറത്തിടരുത്; പിഴ ചുമത്തുമെന്ന് അബുദാബി പൊലീസ്‌

60 ദിവസത്തേക്ക് വാഹനം പിടിച്ചെടുക്കും 23 ട്രാഫിക് പോയിൻ്റുകളും ലഭിക്കും

Published

on

അബുദാബി: യാത്രക്കാർ വാഹനങ്ങളുടെ വിന്റോയിലൂടെയോ സൺറൂഫിലൂടെയോ കൈയും തലയും പുറത്തിട്ടാൽ ഡ്രൈവ‍ർമാർക്കെതിരെ പിഴ ചുമത്തുമെന്ന് പൊലീസ് മുന്നറിയിപ്പ്. ഇത്തരം പ്രവർത്തികൾ അപകടകരമാണെന്നും സുരക്ഷാ നിയമത്തിന്റെ ലംഘനമാണെന്നും ഔദ്യോ​ഗിക സോഷ്യൽ മീഡിയ അക്കൗണ്ടിലൂടെ അധികൃതർ ഓർമ്മിപ്പിച്ചു.

ഓടുന്ന വാഹനത്തിൽ നിന്ന് കൈയോ തലയോ പുറത്തിട്ടാൽ 2000 ​ദി‍ർഹം പുഴ ചുമത്തും. കൂടാതെ 60 ദിവസത്തേക്ക് വാഹനം പിടിച്ചെടുക്കും 23 ട്രാഫിക് പോയിൻ്റുകളും ലഭിക്കും. ഈ അപകടകരമായ പ്രവ‍ർത്തി ഡ്രൈവറുടെയും യാത്രക്കാരുടെയും മാത്രമല്ല, മറ്റ് വാഹനങ്ങളിലുള്ളവരുടെയും ജീവന് ഭീഷണിയാണ്. ​ഗുരുതരമായ പരിക്കുകൾക്കും ജീവഹാനിക്കും വരെ ഇത് കാരണമായേക്കുമെന്നും അധികൃതർ പറയുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

GULF

കൊടുവള്ളി സ്വദേശി ഖത്തറിൽ മരണപ്പെട്ടു

Published

on

കോഴിക്കോട് കൊടുവള്ളി സ്വദേശി ഖത്തറിൽ മരിച്ചു. കളരാന്തിരി പോര്‍ങ്ങോട്ടൂര്‍ സ്വദേശി വി.കെ. നാസറാണ് (58) മരിച്ചത്. ജോലിക്കിടെ കുഴഞ്ഞുവീണ് ചികിത്സയിലായിരുന്നു.

രണ്ട് ദിവസം മുമ്പാണ് ഹമദ് മെഡിക്കൽ സെന്ററിൽ പ്രവേശിപ്പിച്ചത്. ഭാര്യ: സാജിത. മക്കൾ: അര്‍ശിനാ തസ്‌നിം, സല്‍സബീല്‍, ഷാദില്‍. കെ.എം.സി.സി അൽ ഇഹ്സാൻ മയ്യിത്ത് പരിപാലന കമ്മിറ്റിക്കു കീഴിൽ നടപടികൾ പൂർത്തിയാക്കിയ ശേഷം, ബുധനാഴ്ച രാവിലെയോടെ നാട്ടിലെത്തിക്കുമെന്ന് ബന്ധപ്പെട്ടവർ അറിയിച്ചു. രാവിലെ 9.30ന് പോർങ്ങോട്ടൂർ ഊരോപറമ്പ് ജുമാ മസ്ജിദിലാണ് മയ്യിത്ത് നമസ്കാരം.

Continue Reading

GULF

വിദ്യാർത്ഥികളെ അനുമോദിച്ചു

Published

on

സൗദി-റിയാദ്-മുസാഹ്മിയ കെഎംസിസി കമ്മറ്റിയുടെ 2023-2024 sslc,+2 ഉന്നത വിജയം കരസ്ഥമാക്കിയ വിദ്യാർത്ഥി വിദ്യാർത്ഥിനികൾക്കുള്ള സ്നേഹോപഹാരം കോട്ടക്കൽ സാജിത ടൂറിസ്റ്റ് ഹോം ഓഡിറ്റോറിയത്തിൽ നടന്ന ചടങ്ങിൽ മുസാഹ്മിയ കെഎംസിസി നേതാക്കളുടെ സാന്നിധ്യത്തിൽ ബഹു പാണക്കാട് സയ്യിദ് മുനവ്വറലി ശിഹാബ് തങ്ങൾ നൽകി.

ഉന്നത വിദ്യാഭ്യാസ രംഗത്ത് പിന്നാക്ക വിഭാഗം നേരിടുന്ന പ്രതിസന്ധികളെ മറികടന്ന് നല്ലൊരു ശോഭന ഭാവി കെട്ടിപ്പടുക്കുന്നതിന്റെ ആവശ്യകത ബഹുമാനപ്പെട്ട തങ്ങൾ എടുത്തു പറഞ്ഞു. അവാർഡ് ഏറ്റുവാങ്ങിയ വിദ്യാർത്ഥികൾക്ക് തുടർ വിദ്യാഭ്യാസരംഗത്തും തിളക്കമാർന്ന വിജയം ആശംസിക്കുകയും ചെയ്തു.

ചടങ്ങിൽ പി ഉബൈദുള്ള എംഎൽഎ, പുത്തൂർ റഹ്മാൻ(UAE കെഎംസിസി കെഎംസിസി നാഷണൽ കമ്മിറ്റി പ്രസിഡന്റ്) എം കെ നാസർ,മുസാഹ്മിയ കെഎംസിസി സെക്രട്ടറി കെ കെ സുബൈർ ചുഴലി, ട്രഷർ ആബിദ് പുത്തൂര്, ചാരിറ്റി കൺവീനർ യൂസഫ് കുന്നപ്പള്ളി, മുൻഉപാധ്യക്ഷൻ റസാഖ് ചെമ്മാട്, അംഗങ്ങളായ ഷാഹുൽ പറപ്പൂര്, ഷെഫീദ് മാനു, പ്രമുഖ സാമൂഹിക പ്രവർത്തകൻ നാസർ കാപ്പൻ, കുഞ്ഞിമുഹമ്മദ് പടപ്പറമ്പ് എന്നിവർ സംബന്ധിച്ചു.

Continue Reading

GULF

റസാഖിനായി ഓടിയെത്തി മുനവ്വറലി തങ്ങൾ

ഒമാനിലെ ജയിലിൽ മരണപെട്ടു മലപ്പുറം സ്വദേശിയുടെ മരണനന്തര ചടങ്ങുകൾ വേഗത്തിലാക്കിയത് തങ്ങളുടെ ഇടപെടൽ

Published

on

പലപ്പോഴും പാണക്കാട്ട് സയ്യിദന്‍മാര്‍ അവരുടെ പ്രവര്‍ത്തനങ്ങള്‍ കൊണ്ടും ഇടപെടലുകള്‍ കൊണ്ടും അത്ഭുതപ്പെടുത്തിയിട്ടുണ്ട്. അതുകൊണ്ട് തന്നെ മുനവ്വറലി ശിഹാബ് തങ്ങളുടെ ഈ ഇടപെടല്‍ സാധാരണമായാണ് തോന്നിയത്, എങ്കിലും ഏത് കാലവും ഒമാനിലെ കെഎംസിസിക്കാരെ ഓര്‍മ്മപ്പെടുത്തുന്നതുമായിരുന്നു.

ഒമാനില്‍ ജയിലില്‍ വെച്ച് മരണപ്പെട്ട മലപ്പുറം സ്വദേശി അബ്ദുല്‍ റസാഖിന്റെ (51) ഖബറടക്കത്തിനും പ്രാര്‍ത്ഥനയ്ക്കുമായി മുനവ്വറലി തങ്ങള്‍ തന്നെയായിരുന്നു വേണ്ട ഇടപെടലുകള്‍ നടത്തി മുന്നിലുണ്ടായത്. ഏറെ നിയമപ്രശ്‌നങ്ങളില്‍ സങ്കീര്‍ണമായ സമയത്ത്, ഇതറിഞ്ഞ മുനവ്വറലി ശിഹാബ് തങ്ങള്‍ പൊലീസ് ആസ്ഥാനതെത്തി റസാഖിന്റെ മയ്യിത്ത് ഏറ്റുവാങ്ങി. തുടര്‍ന്ന് പ്രാര്‍ത്ഥനക്ക് നേതൃത്വം നല്‍കുകയും ചെയ്തു. മയ്യിത്ത് മറവ് ചെയ്യുന്നതിനുള്ള നിര്‍ദ്ദേശം കെഎംസിസി പ്രവര്‍ത്തകര്‍ക്ക് നല്‍കിയാണ് തങ്ങള്‍ അവിടെ നിന്ന് മടങ്ങിയത്. മസ്‌കത്തിലെ അംറാത്ത് ഖബര്‍സ്ഥാനിലാണ് റസാഖിന്റെ മയ്യിത്ത് മറവ് ചെയ്തത്.

 

Continue Reading

Trending