Video Stories
ബസ് യാത്രക്കാരെ പരീക്ഷിക്കരുത്
കഴിഞ്ഞ നാലു ദിവസമായി നടന്നുവരുന്ന കേരളത്തിലെ സ്വകാര്യ ബസ് പണിമുടക്ക് ഇവയെ ആശ്രയിച്ച് ജീവിക്കുന്ന ലക്ഷക്കണക്കിന് യാത്രക്കാരെ ദുരിതക്കയത്തിലായിരിക്കയാണ്. കേന്ദ്ര-സംസ്ഥാന സര്ക്കാരുകളുടെ ജനദ്രോഹ നയങ്ങളുടെയും നടപടികളുടെയും ഇരകളാണ് സ്വകാര്യ ബസ് സര്വീസ് നടത്തിപ്പുകാരെന്നാണ് അവരുടെ പരാതി. എന്നാല് വസ്തുതകളിലേക്ക് ചൂഴ്ന്നുനോക്കിയാല് ഇതിന്റെയെല്ലാം പാപഭാരം മുഴുവന് പേറേണ്ടിവരുന്നത് രാജ്യത്തെ സാധാരണക്കാരായ യാത്രക്കാരാണെന്നതാണ് ശരി. വെള്ളിയാഴ്ച ആരംഭിച്ച ബസ് സമരത്തിന് അറുതിവരുത്താന് സര്ക്കാരോ ബസ്സുടമകളോ തയ്യാറല്ല എന്നത് പൗരന്മാരോടാകെയുള്ള വെല്ലുവിളിയാണ്. പല ചെറുകിട ബസ്സുടമകളും ഇന്നലെ സമരം ഉപേക്ഷിക്കാന് തയ്യാറായത് സര്ക്കാരിനുള്ള താക്കീതാണ്.
സംസ്ഥാനത്ത് ഇരുപതിനായിരത്തിലധികം സ്വകാര്യ ബസ്സുടമകള് സര്വീസ് നടത്തുന്നുണ്ടെന്നാണ് കണക്ക്. ഇവയില് ബഹുഭൂരിപക്ഷവും ഓടുന്നത് തൃശൂര്, പാലക്കാട് മുതല് വടക്കോട്ടുള്ള ജില്ലകളിലാണ്. ഇവിടങ്ങളില് കഴിഞ്ഞ ദിവസങ്ങളില് യാത്രക്കാര് അനുഭവിച്ച ബുദ്ധിമുട്ട് വിവരണാതീതമായിട്ടും പേരിനൊരു ചര്ച്ച നടത്തിയെന്നുവരുത്തി കൈകഴുകിയിരിക്കുകയാണ് സര്ക്കാര്. വാര്ഷിക പരീക്ഷ നടക്കുന്ന സമയമാണിത്. ജീവനക്കാരും തൊഴിലാളികളില് മിക്കവരും സ്വകാര്യ ബസ്സുകളെയാണ് ആശ്രയിക്കുന്നത്. രോഗികള്, സ്ത്രീകള്, വിദ്യാര്ത്ഥികള്, വൃദ്ധര്, വികലാംഗര് തുടങ്ങിയവരെല്ലാം ബഹുഭൂരിപക്ഷവും ആശ്രയിക്കുന്നത് ബസ്സുകളെയാണെന്നിരിക്കെ പണിമുടക്ക് നീട്ടിക്കൊണ്ടുപോകുന്നതിലെ ശരികേട് അധികാരികള് തിരിച്ചറിയേണ്ടിയിരുന്നു.
സമരത്തിനുമുമ്പ് സ്വകാര്യ ബസ്സുടമസ്ഥ സംഘടനകളുടെ ആവശ്യം ഉദാരമായിത്തന്നെ സര്ക്കാര് പരിഗണിക്കുകയും അവരുടെ ആവശ്യങ്ങളില് നല്ലൊരുപങ്കും അനുവദിക്കുകയും ചെയ്തിരുന്നുവെന്നതാണ് കൗതുകകരം. ബസ് ചാര്ജ് മിനിമം ഏഴു രൂപയില് നിന്ന് എട്ടു രൂപയായി വര്ധിപ്പിക്കുകയും ആയത് മാര്ച്ച് ഒന്നുമുതല് പ്രാബല്യത്തില് വരുമെന്ന് പ്രഖ്യാപിക്കുകയും ചെയ്തതാണ് സര്ക്കാര്. ഗതാഗത വകുപ്പു മന്ത്രിയാണ് കഴിഞ്ഞ വ്യാഴാഴ്ച തിരുവനന്തപുരത്ത് ബസ്സുടമകളുമായി നടന്ന ചര്ച്ചക്കൊടുവില് ബസ് ചാര്ജ് കൂട്ടിയതായി വ്യക്തമാക്കിയത്. സാധാരണഗതിയില് സ്വകാര്യ ബസ്സുടമകളുടെ സമ്മര്ദം മുറുകുമ്പോഴാണ് ഏതൊരു സര്ക്കാരും നിരക്കു വര്ധനക്ക് തയ്യാറാകുക. എന്നാല് ഒരുദിവസത്തെ സൂചനാപണിമുടക്ക് പോലും ഇല്ലാതെയായിരുന്നു ഈ വര്ധന ജനങ്ങളുടെമേല് സര്ക്കാര് അടിച്ചേല്പിച്ചത്. അതിനുംമുമ്പുതന്നെ അനിശ്ചിതകാല സമരത്തിന് ബസ്സുടമാസംഘടനകള് തയ്യാറായി എന്നത് സര്ക്കാരും ബസ് മുതലാളിമാരും തമ്മിലെ അന്തര്നാടകത്തിലേക്ക് വിരല്ചൂണ്ടപ്പെടുന്നു. ചാര്ജ് വര്ധന പ്രഖ്യാപിച്ച് പിറ്റേന്നു തന്നെ സംഘടനകള് സമരവുമായി മുന്നോട്ടുപോകുമെന്ന് പ്രഖ്യാപിച്ചത് ജനങ്ങള്ക്ക്നേരെയുള്ള വെല്ലുവിളിയായി. സ്വതവേ ഇത്തരമൊരു വര്ധനവ്-മിനിമം ചാര്ജില് ഒരു രൂപയുടെ- ഒറ്റയടിക്ക് വരുത്തിയ നിലക്ക് സമരത്തില്നിന്ന് പിന്തിരിയുമെന്ന് കരുതിയ ജനങ്ങള്ക്കാണ് തെറ്റു പറ്റിയത്. വലിയ തിരക്ക് അനുഭവപ്പെടുന്ന, ആഴ്ചാന്ത്യത്തില് വിവിധ സ്ഥലങ്ങളില് നിന്ന് നാട്ടിലേക്ക് തിരിച്ച ആബാല വൃദ്ധം ജനങ്ങള്ക്കാണ് ശരിക്കും തീ തിന്നേണ്ടിവന്നത്. തൊഴില് മേഖലയില് പകുതിയോളം പേര്ക്ക് തൊഴിലിടങ്ങളിലേക്ക് എത്താനാവാത്തവിധം സമരം തുടരുന്നത് കേരളത്തിന്റെ സാമ്പത്തിക രംഗത്തെ പ്രതികൂലമായി ബാധിക്കുന്നു. വ്യാപാര മേഖലയിലും കാര്യം തഥൈവ. സ്വകാര്യ വാഹനങ്ങളുള്ളതിനാല് പലരും പെട്രോള് തുക ചെലവാക്കിയാണ് നഷ്ടം സഹിച്ചും തൊഴിലിനെത്തുന്നത്.
തുടക്കത്തില്തന്നെ ബസ് മുതലാളിമാരുടെ ആവശ്യം അംഗീകരിച്ചുകൊടുക്കാന് സര്ക്കാര് തയ്യാറായതാണ് സര്ക്കാരിന് പറ്റിയ തന്ത്രപരമായ തെറ്റ്. മിനിമം ചാര്ജിലെ വര്ധനവുകൊണ്ട് തൃപ്തിപ്പെടാനാവില്ലെന്നാണ് അവരുടെ പക്ഷം. പത്തു രൂപയാണ് മിനിമം ചാര്ജായി അവര് ആവശ്യപ്പെടുന്നതെങ്കിലും ഇപ്പോള് പ്രധാനപ്പെട്ട ആവശ്യമായി ഉന്നയിക്കുന്നത് വിദ്യാര്ത്ഥികളുടെ ചാര്ജിലെ വര്ധനയാണ്. വിദ്യാര്ത്ഥി കണ്സഷന് മിനിമം അഞ്ചു രൂപയാക്കുകയും പ്രായം 24 ആക്കുകയുമാണത്രെ ആവശ്യം. ഇത് കേരളം പോലെ വിദ്യാഭ്യാസത്തിന് മുന്തൂക്കം നല്കുന്നൊരു സമൂഹത്തിന് അംഗീകരിക്കാനാകുന്നതല്ല. ഒട്ടനവധി രക്തരൂക്ഷിത പോരാട്ടങ്ങളിലൂടെ കേരളത്തിലെ വിദ്യാര്ത്ഥികള് നേടിയെടുത്തതാണ് കുറഞ്ഞ യാത്രാനിരക്ക്. അത് നിലനിര്ത്തപ്പെടേണ്ടത് വരും തലമുറകളുടെ കൂടി ആവശ്യമാണ്. എന്നാല് സ്വകാര്യ ബസ്സുടമകള് ഇത് സഹിക്കേണ്ടതുണ്ടോ എന്ന ചോദ്യം പ്രസക്തമെന്നു തോന്നുമെങ്കിലും അതിന് മറുപടി കേരളത്തിലൊഴികെ ഇന്ത്യയിലൊരിടത്തും ഇവിടുത്തെയത്രയും ബസ് നിരക്കില്ല എന്നതാണ്. തമിഴ്നാട്ടിലും കര്ണാടകത്തിലും വടക്കേന്ത്യയിലൊരിടത്തും കിലോമീറ്ററിന് ഇത്രയും തുക ഈടാക്കപ്പെടുന്നില്ല. വെറും നാലു രൂപയായിരുന്ന മിനിമം ചാര്ജ് അടുത്തിടെയാണ് ആറു രൂപയാക്കി തമിഴ്നാട് വര്ധിപ്പിച്ചത്. പ്രക്ഷോഭത്തെതുടര്ന്ന് അത് വീണ്ടും വെട്ടിക്കുറച്ചു. മാത്രമല്ല, കേരളത്തിലേതുപോലുള്ള ആളോഹരിയാത്രക്കാരും സ്റ്റോപ്പുകളുമല്ല അവിടുങ്ങളിലൊക്കെ ഉള്ളത്. ഫെയര്സ്റ്റേജ് അപാകതകള് സംബന്ധിച്ച ഹൈക്കോടതി വിധിയും പതിറ്റാണ്ടുകളായി ഏട്ടിലൊതുങ്ങുകയാണ്.
സ്വതവേ ദുര്ബല, പോരാത്തതിന് ഗര്ഭിണിയും എന്ന അവസ്ഥയിലാണ് ഇന്ത്യയിലെ സാധാരണക്കാരിപ്പോള്. പെട്രോളിയം വില ഓരോ ദിവസവും നിലയില്ലാതെ കുതിക്കുകയും അതിന്മേല് നികുതികൂട്ടി അവസരം മുതലാക്കുകയും ചെയ്യുമ്പോള് നിത്യോപയോഗ സാധനങ്ങളുടെ വിലയിലൂടെയും യാത്രാനിരക്കിലുടെയും അവരുടെമേല് സാമ്പത്തിക പാറക്കല്ലുകള് കയറ്റിവെക്കുകയാണ് സര്ക്കാരുകള്. ഇതിനനുസരിച്ച് ജനങ്ങളുടെ വേതനമോ ശമ്പളമോ വര്ധിക്കുന്നുമില്ല. വലിയൊരുഭാഗം ചെറുകിട നാമമാത്ര ഉടമകളാണ് കേരളത്തിലെ ബസ്സര്വീസ് നടത്തുന്നതെങ്കിലും അവരുടെ ന്യായമായ ആവശ്യം വകവെക്കുന്നതിന്റെ മറവില് കുത്തക സര്വീസുകാര് വീണ്ടും തടിച്ചുകൊഴുക്കാന് ഇടവരരുത്. അയ്യായിരം കോടി രൂപയുടെ നഷ്ടം നികത്താനുള്ള അവസരമായി കെ.എസ്.ആര്.ടി.സിയും സമരത്തെ കാണരുത്. ജനങ്ങളെ വഴിയാധാരമാക്കി കൊലപാതക രാഷ്ട്രീയം കളിക്കുന്ന സര്ക്കാരും അവരെ പിഴിയാനിറങ്ങിയിരിക്കുന്ന സംഘടനക്കാരും ജനങ്ങളെ ഇനിയും പരീക്ഷിക്കാതെ സമരം നിര്ത്താന് തയ്യാറാകണം.
Film
‘ജയിലര്2’ന്റെ സെറ്റിലേക്ക് ‘പറന്ന്’ മോഹന്ലാല്
‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ്..
ജയിലര്2 ന്റെ ഷൂട്ടിങ് ലോക്കെഷനിലേക്ക് ‘പറന്ന്’ മോഹന്ലാല്. ‘ദൃശ്യം 3’യുടെ ഷൂട്ട് കഴിഞ്ഞയുടനാണ് താരം ‘ജയിലര്2’ന്റെ സെറ്റിലേക്ക് പോയത്. മോഹന്ലാലിന്റെ പേഴ്സനല് കോസ്റ്റ്യൂം ഡിസൈനറായ ജിഷാദ് ഷംസുദ്ദീനാണ് ഫ്ലൈറ്റില് നിന്നുള്ള ചിത്രം പങ്കുവച്ചു. മോഹന്ലാലിനൊപ്പം ഫ്ലൈറ്റില് സഞ്ചരിക്കുന്ന ചിത്രം ‘ഓഫ് ടു ജെ2’ എന്ന അടിക്കുറിപ്പോടെയാണ് ജിഷാദ് പങ്കുവച്ചത്.
ഇന്നലെയാണ് ‘ദൃശ്യം 3’ സിനിമയുടെ മോഹന്ലാലിന്റെ ഷെഡ്യൂള് പാക്കപ്പ് ആയ വിവരം പങ്കുവച്ചുകൊണ്ടുള്ള വിഡിയോ അണിയറ പ്രവര്ത്തകര് പങ്കുവച്ചത്. ഇതിന് ശേഷമാണ് ജിഷാദ് ഫ്ലൈറ്റില് നിന്നുള്ള ചിത്രം പങ്കുവയ്ക്കുന്നത്.
‘ജയിലര്’ സിനിമയില് ശ്രദ്ധേയമായ മോഹന്ലാലിന്റെ കോസ്റ്റ്യൂം ഡിസൈന് ചെയ്തത് ജിഷാദ് ഷംസുദ്ദീന് ആണ്. ചിത്രം സമൂഹമാധ്യമങ്ങളില് വൈറലായതോടെ ആരാധകരും ആവേശത്തിലാണ്. ‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ് ആരാധകര് ആവശ്യപ്പെടുന്നത്. മാത്യുവിന്റെ രണ്ടാമത്തെ വരവിനായി കാത്തിരിക്കുന്നു എന്നും ആരാധകര് കുറക്കുന്നു.
Film
ദി റൈഡിന്റെ’ ട്രെയിലര് പുറത്തിറക്കി; വെള്ളിയാഴ്ച തിയറ്ററുകളില്
ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര്..
ഒരു കാര്യാത്രക്കിടയില് എടുക്കുന്ന ഒരു കുറുക്കുവഴി ഒരു കൂട്ടം ആളുകളുടെ ജീവിതം മാറ്റിമറിക്കുന്നതാണ് ചിത്രത്തിന്റെ പ്രമേയം. ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര് പുറത്തിറങ്ങി. നിവിന് പോളിയാണ് ട്രെയിലര് റിലീസ് ചെയ്തത്. നേരത്തെ പുറത്തിറങ്ങിയ ടീസറിനും മികച്ച സ്വീകരണമായിരുന്നു ലഭിച്ചത്.
ചിത്രം വെള്ളിയാഴ്ച്ച തീയേറ്ററുകളിലെത്താനിരിക്കേയാണ് അണിയറ പ്രവര്ത്തകര് ട്രെയിലര് പുറത്തുവിട്ടത്. തങ്ങള് ചെയ്ത ചില തെറ്റുകള് ഏറ്റുപറയുന്ന ഒരു കാറിലെ യാത്രക്കാരാണ് ട്രെയിലറിന്റെ കേന്ദ്രബിന്ദു. തങ്ങളുടെ പ്രിയപ്പെട്ടവരെപ്പോലും ചതിച്ചതിനെക്കുറിച്ച് അവര് അജ്ഞാതനായ ഒരാളോട് തുറന്നു പറയുന്ന രംഗങ്ങളാണ് ട്രെയിലറില് നിറയുന്നത്.
എന്നാല് ഇതിലേറെയും പറയാനുണ്ടെന്നും ബാക്കി ആര്് പറയുമെന്നുമുള്ള അയാളുടെ ചോദ്യം പ്രേക്ഷകര്ക്ക് കൂടുതല് ആകാംഷ സമ്മാനിക്കുന്ന നിമിഷങ്ങളാണ് സമ്മാനിക്കുന്നത്.
ഡയസ്പോര് എന്റര്ടെയ്ന്മെന്റ് പ്രൊഡക്ഷന്സിന്റെ ബാനറില് ദര്പണ് ത്രിസാല് നിര്മ്മിച്ച് റിതേഷ് മേനോന് സംവിധാനം ചെയ്യുന്ന ചിത്രത്തില് സുധി കോപ്പ, ആന് ശീതള്, മാലാ പാര്വതി, ശ്രീകാന്ത് മുരളി, പ്രശാന്ത് മുരളി, ഗോപിക മഞ്ജുഷ എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ കഥ സുഹാസ് ഷെട്ടിയുടേതാണ്. റിതേഷ് മേനോന്, സുഹാസ് ഷെട്ടി എന്നിവരാണ് നിര്മ്മാതാക്കളും. ഇവര് തന്നെയാണ് ചിത്രത്തിന്റെ തിരക്കഥയും സംഭാഷണവും തയ്യാറാക്കിയിരിക്കുന്നത്. വിജേന്ദര് സിംഗ്, ഹരീഷ് ലഖാനി, ജിതേന്ദ്രയാദവ്, വി.കെ ഫിലിംസ് ആന്റ് എന്റര്ടെയ്ന്മെന്റ് എന്നിവരാണ് ചിത്രത്തിലെ സഹ നിര്മ്മാതാക്കള്.
ക്രിയേറ്റീവ് പ്രൊഡ്യൂസറായി റീന ഒബ്റോയ്, ഹെഡ് ഓഫ് പ്രൊഡക്ഷനായി ശശി ദുബൈ എന്നിവരും പ്രവര്ത്തിക്കുന്നു. ഛായാഗ്രഹണം നിര്വഹിക്കുന്നത് ബാബ തസാദുഖ് ഹുസൈന് ആണ്. ഈ വര്ഷത്തെ മികച്ച എഡിറ്റര്ക്കുള്ള സംസ്ഥാന പുരസ്കാരം കിഷ്കിന്ദകാണ്ഡത്തിലൂടെ നേടിയ സൂരജ് ഇഎസ് ആണ് ചിത്രത്തിന്റെ എഡിറ്റര്.
എക്സിക്യൂട്ടീവ് പ്രൊഡ്യൂസര് വികാശ് ആര്യ, ലൈന് പ്രൊഡക്ഷന് ഒക്ടോബര് സ്കൈ പിക്ചേഴ്സ്, കലാസംവിധാനം കിഷോര് കുമാര്, സംഗീതം നിതീഷ് രാംഭദ്രന്, കോസ്റ്റിയും മേബിള് മൈക്കിള്, മലയാളം അഡാപ്റ്റേഷന് രഞ്ജിത മേനോന്, സൗണ്ട് ഡിസൈന് അരുണ് വര്മ്മ, സൗണ്ട് മിക്സിംഗ് ഡാന് ജോസ്, കളറിസ്റ്റ് ലിജു പ്രഭാകര്, ആക്ഷന് ജാവേദ് കരീം, മേക്കപ്പ് അര്ഷാദ് വര്ക്കല, സൂപ്പര്വൈസിംഗ് പ്രൊഡ്യൂസര് അവൈസ് ഖാന്, ലൈന് പ്രൊഡ്യൂസര് എ.കെ ശിവന്, അഭിലാഷ് ശങ്കരനാരായണന് എന്നിവര് വിവിധ ചുമതലകള് വഹിക്കുന്നു.
പ്രൊഡക്ഷന് കണ്ട്രോളര് ജാവേദ് ചെമ്പ്, പ്രൊഡക്ഷന് മാനേജര് റഫീഖ് ഖാന്, കാസ്റ്റിംഗ് നിതിന് സികെ ചന്ദ്രന്, ചീഫ് അസോസിയേറ്റ് ഡയറക്ടര് വിഷ്ണു രഘുനന്ദന്, ചീഫ് അസോസിയേറ്റ് ക്യാമറാമാന് ജിയോ സെബി മലമേല്, അസോസിയേറ്റ് ഡയറക്ടര് ശരത്കുമാര് കെ.ജി, അഡീഷണല് ഡയലോഗ് ലോപസ് ജോര്ജ്, സ്റ്റില്സ് അജിത് മേനോന്, വിഎഫ്എക്സ് തിങ്ക് വിഎഫ്എക്സ്, അഡീഷണല് പ്രമോ മനീഷ് ജയ്സ്വാള്, പബ്ലിസിറ്റി ഡിസൈന് ആര്ഡി സഗ്ഗു, ടൈറ്റില് ഡിസൈന് ഹസ്തക്യാര, മാര്ക്കറ്റിംഗ് ഏജന്സി മെയിന്ലൈന് മീഡിയ, ഫോര്വേഡ് സ്ലാഷ് മീഡിയ, പിആര്ഒ സതീഷ് എരിയാളത്ത്, മാര്ക്കറ്റിംഗ് കണ്സള്ട്ടന്റ് വര്ഗീസ് ആന്റണി, വിതരണം ഫിയോക്ക് എന്നിവരാണ് ചിത്രത്തിന്റെ പിന്നണി പ്രവര്ത്തകര്.
Video Stories
പുതിയ മാറ്റത്തിനായി മെറ്റ; ഇന്സ്റ്റഗ്രാമില് ഇനി ഒരു പോസ്റ്റിന് മൂന്ന് ടാഗുകള് മാത്രം
ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള്…
കാലിഫോര്ണിയ: ഇന്സ്റ്റഗ്രാം പ്ലാറ്റ്ഫോമില് പുതിയ മാറ്റം പരീക്ഷിക്കാന് ഒരുങ്ങി മെറ്റ. ഒരു പോസ്റ്റിന് മൂന്ന് ഹാഷ്ടാഗുകള് മാത്രം എന്ന പരിധി അവതരിപ്പിനാണ്് മെറ്റ ഉടമസ്ഥതയിലുള്ള കമ്പനി എന്നാണ് റിപ്പോര്ട്ടുകള്. 2011 മുതല് ഇന്സ്റ്റഗ്രാം തുടര്ന്നുവന്നിരുന്ന നിയമത്തില് നിന്നുള്ള മാറ്റമാണിത്. 2011 മുതല് ഇന്സ്റ്റഗ്രാമില് ഉപയോക്കാള് കണ്ടന്റ് കണ്ടെത്തുന്നതിന്റെ ഒരു പ്രധാന രീതിയാണ് ഹാഷ്ടാഗുകള്. ഒരു പോസ്റ്റില് 30 ഹാഷ്ടാഗുകള് വരെ ചേര്ത്തുകൊണ്ട് കണ്ടന്റ് ക്രിയേറ്റേഴ്സിന് അവരുടെ പോസ്റ്റുകളുടെ റീച്ച് വര്ധിപ്പിക്കാമായിരുന്നു.
എന്നാല് ഇപ്പോള് ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള് ഒരു എറര് സന്ദേശം കാണുന്നതായി ചില റെഡ്ഡിറ്റ് ഉപയോക്താക്കള് റിപ്പോര്ട്ട് ചെയ്തിട്ടുണ്ട്. എങ്കിലും ഈ ഫീച്ചര് നിലവില് എല്ലാ ഉപയോക്താക്കള്ക്കും ലഭ്യമല്ല. ഇത് സൂചിപ്പിക്കുന്നത് മെറ്റ പരിമിതമായ എണ്ണം ഉപയോക്താക്കളില് ഹാഷ്ടാഗ് നിയന്ത്രണ ഫീച്ചര് ഇത് പരീക്ഷിക്കുന്നുണ്ടെന്നും പിന്നീട് പ്ലാറ്റ്ഫോമില് ഉടനീളം ഇത് നടപ്പിലാക്കും എന്നുമാണ്.
ഈ പരീക്ഷണത്തെക്കുറിച്ച് ഇന്സ്റ്റഗ്രാം ഇതുവരെ ഔദ്യോഗിക പ്രസ്താവനകളൊന്നും പുറത്തിറക്കിയിട്ടില്ല. മുമ്പ് ഘട്ടം ഘട്ടമായി പുറത്തിറക്കിയ നിരവധി ഫീച്ചറുകളെപ്പോലെ, ഈ മാറ്റവും ഒരേ പ്രക്രിയയുടെ ഭാഗമാണ് എന്നാണ് റിപ്പോര്ട്ടുകള്.
എന്നാല് കാലക്രമേണ, ഇന്സ്റ്റഗ്രാമിന്റെ റെക്കമന്ഡേഷന് സംവിധാനം മാറി. ഇപ്പോള്, എക്സ്പ്ലോര് വിഭാഗം ഉള്ളടക്കം, അടിക്കുറിപ്പുകള്, ഉപയോക്തൃ പെരുമാറ്റം എന്നിവയ്ക്ക് മുന്ഗണന നല്കുന്നു. റീച്ച് വര്ധിപ്പിക്കുന്നതില് ഹാഷ്ടാഗുകള് ഇനി അത്ര ഫലപ്രദമല്ലെന്ന് ഇന്സ്റ്റഗ്രാം മേധാവി ആദം മൊസേരി ആവര്ത്തിച്ച് പ്രസ്താവിച്ചിട്ടുണ്ട്. ഹാഷ്ടാഗുകള് ഇപ്പോള് ഉള്ളടക്കത്തെ തരംതിരിക്കുന്നതിനുള്ള ഒരു മാര്ഗമായി മാത്രം മാറിയിരിക്കുന്നു എന്നാണ് അദേഹം പറയുന്നത്.
-
kerala1 day agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala3 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala2 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala3 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
india3 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala2 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്