Connect with us

Culture

ഹമാരാ ഇ.ടി.., ഹമാരാ നേതാ.., ദാറുല്‍ ഹുദയില്‍ നിന്നും ഉച്ചത്തില്‍ മുഴങ്ങി

Published

on

യു.എ റസാഖ്
തിരൂരങ്ങാടി: ഉത്തരേന്ത്യയിലെ കുട്ടികളെങ്കിലും അവരില്‍ പലര്‍ക്കും ആ മനുഷ്യനെ അറിയാമായിരുന്നു. ജാര്‍ഖണ്ഡിന്റെയും ബീഹാറിന്റെയും ബംഗാളിന്റെയും അല്ല ഒട്ടുമിക്ക ഉത്തരേന്ത്യന്‍ തെരുവീഥികളിലൂടെ നടക്കുന്ന ആ കേരളീയനെ അവരന്ന് ശ്രദ്ധിച്ചിരുന്നു. പക്ഷെ അന്ന് അപരിചിതത്വം അവരെ വേട്ടയാടി. പിന്നീട് നിരവധി തവണ അതേ സ്ഥലത്ത് പല സമയങ്ങളില്‍ പാവപ്പെട്ടവര്‍ക്കും മര്‍ദിതര്‍ക്കും പീഡിതര്‍ക്കും കൈത്താങ്ങായി സഹായ ഹസ്തവുമായി വന്നത് അവരോര്‍ക്കുന്നു. അതേ അദ്ദേഹം തന്നെയാണ് എനിക്കാ കമ്പിളിപ്പുതപ്പ് തന്നതെന്ന് ഉറപ്പിച്ചാണ് ബംഗാളില്‍ നിന്നുള്ള ആലംഗീര്‍ ജുമുഅ നിസ്‌കാരത്തിന് ശേഷം ഇ.ടിക്ക് ഹസ്തദാനം നടത്തുന്നത്. ആ കുട്ടി മന്ത്രിക്കുന്നുണ്ടായിരുന്നു. ഹമാരാ ഇ.ടി……., ഹമാരാ നേതാ……..,
ആ കൊച്ചുമിടുക്കന്റെ നാവില്‍ നിന്നുമുയര്‍ന്ന ആ വാചകം പിന്നീട് എല്ലാവരും മന്ത്രിക്കുന്നതാണ് കണ്ടത്. ഓരോര്‍ത്തരുടെയും മനസ്സില്‍ അവര്‍ക്ക് നല്‍കിയ പിന്തുണയുടെയും സഹായത്തിന്റെയും ചിത്രങ്ങളാണ് ഓടിയെത്തിയതെന്ന് വ്യക്തം. കാരണം നിസ്‌കാരത്തിന് ശേഷം പുറത്തിറങ്ങിയ ഇ.ടി മുഹമ്മദ് ബഷീറിനെ ഇത്തര്യേന്ത്യയില്‍ നിന്നുള്ള വിദ്യാര്‍ഥികള്‍ സ്‌നേഹം കൊണ്ട് വീര്‍പ്പ് മുട്ടിക്കുന്നതാണ് കണ്ടത്. ഒരു പിതാവിനെ കണ്ട സന്തോഷം ആ കുട്ടികളുടെ മുഖത്ത് പ്രകടമായിരുന്നു. ഉത്തര്‍ പ്രദേശ്, ജാര്‍ഖണ്ഡ്, ബീഹാര്‍, മഹാരാഷ്ട്ര, തെലുങ്കാന, രാജസ്ഥാന്‍, ഒറീസ, ജമ്മു ആന്റ് കാശ്മീര്‍, ബംഗാള്‍, കര്‍ണ്ണാടക, തമിഴ്‌നാട്, മേഖാലയ, ചത്തീസ്ഖണ്ഡ്, ആസാം എന്നിങ്ങനെയുള്ള ഇരുപതിലധികം സംസ്ഥാനത്തെ വിദ്യാര്‍ഥികള്‍ ദാറൂല്‍ ഹുദ ഇസ്‌ലാമിക് യൂണിവേഴ്‌സിറ്റിയില്‍ പഠിക്കുന്നുണ്ട്. 11 നും 23 നും ഇടയില്‍ പ്രായമുള്ള 400 ഓളം വിദ്യാര്‍ഥികളാണ് അവിടെ പഠിക്കുന്നത്. നിസ്‌കാരം കഴിഞ്ഞിറങ്ങിയ അവരോട് കുശലാന്വേഷണം നടത്തിയ അദ്ദേഹം കോണ്‍ഗ്രസിന് വോട്ട് ചെയ്യാന്‍ വീട്ടുകാരോട് പറയണമെന്നും വിജയത്തിനായി പ്രാര്‍ത്ഥിക്കാനും അഭ്യര്‍ത്ഥിച്ചാണ് മടങ്ങിയത്. ദാറുല്‍ ഹുദയിലെ അധ്യാപകരെയും ഹുദവിമാരുടെയും ആശിര്‍വാദം വാങ്ങിയാണ് ഇ.ടി ദാറുല്‍ ഹുദയില്‍ നിന്നുമിറങ്ങിയത്.
ദാറുല്‍ ഹുദ ഭാരവാഹികളായ കെ.എം സൈതലവി ഹാജി, ഡോ.യു.വികെ മുഹമ്മദ്, കെ.പി ഷംസുദ്ദീന്‍ ഹാജി എന്നിവര്‍ മികച്ച സ്വീകരണമാണ് ഇ.ടിക്ക് നല്‍കിയത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending