അഷ്‌റഫ് വേങ്ങാട്ട്

റിയാദ്: ഉംറക്ക് പുറപെട്ടവരുടെ ബസ് അപകടത്തില്‍ പെട്ട് 21 പേര്‍ മരണപ്പെട്ടു. 26 പേര്‍ക്ക് പരിക്കേറ്റു. റിയാദില്‍ നിന്ന് ആയിരത്തോളം കിലോമീറ്റര്‍ അകലെ മഹായില്‍ സിറ്റിക്കടുത്ത് വെച്ചാണ് ഇന്ന് വൈകീട്ട് നാലരയോടെ അപകടം നടന്നത്. ഖമീസ് മുശൈതില്‍ നിന്ന് ഉംറക്ക് പുറപ്പെട്ട 47 പേരായിരുന്നു ബസ്സിലുണ്ടായിരുന്നത്. ഇതില്‍ രണ്ടുപേര്‍ ഇന്ത്യക്കാരാണ്. മുഹമ്മദ് ബിലാല്‍, റാസാ ഖാന്‍ എന്നിവരാണ് അവര്‍. രണ്ടു ആശുപത്രികളിലായി കഴിയുന്ന ഇവരില്‍ ഒരാളുടെ നില ഗുരുതരമാണ്. ഇരുവരും സംസ്ഥാനത്തിലുള്ളവരാണെന്ന് വ്യക്തമായിട്ടില്ല.

വിവിധ രാജ്യങ്ങളില്‍ നിന്നുള്ളവര്‍ ബസിലുള്ളതായി വിവരം. അബഹയിലെ വിവിധ ആശുപത്രികളില്‍ പ്രവേശിപ്പിച്ച പതിനെട്ട് പേരില്‍ പതിനാറ് പേരുടെ നില ഗുരുതരമാണ്. പരിക്കേറ്റവരെ അബഹയിലുള്ള അസീര്‍ ആശുപത്രി, അബഹ െ്രെപവറ്റ് ആശുപത്രി, സഊദി ജര്‍മന്‍ ആശുപത്രി എന്നിവിടങ്ങളിലാണ് പ്രവേശിപ്പിച്ചിട്ടുള്ളത്. യാത്രക്കാരില്‍ മലയാളികള്‍ ഇല്ലെന്നാണ് പ്രാഥമിക വിവരം.

സഊദിയുടെ തെക്ക് പടിഞ്ഞാറ് ഭാഗത്തെ പ്രധാന നഗരങ്ങളിലൊന്നായ ഖമീസ് മുശൈത്തില്‍ നിന്നും പരിസര പ്രദേശങ്ങളില്‍ നിന്നുള്ളവരാണ് അപകടത്തില്‍ പെട്ടവരിലധികവും .മഹായിലില്‍ നിന്ന് എഴുപത് കിലോമീറ്റര്‍ അകലെയുള്ള ശആര്‍ ചുരത്തില്‍ നിന്ന് നിയന്ത്രണം വിട്ട ബസ്സ് സമീപത്തെ പാലത്തില്‍ ഇടിച്ചു മറിഞ്ഞു കത്തുകയായിരുന്നുവത്രേ. ബസ്സില്‍ ഇന്ത്യക്കാരെ കൂടാതെ ബംഗ്ലാദേശ്, പാകിസ്ഥാന്‍ പൗരന്മാരാണ് ഉണ്ടായിരുന്നത് . ഏഷ്യക്കാര്‍ നടത്തുന്ന ഉംറ ഗ്രൂപിന്ന് കീഴില്‍ ഉംറക്ക് പുറപെട്ടവരാണ് അപകടത്തില്‍പെട്ടത്.

അബുദാബി: യുഎഇ പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍മഖ്തൂം പ്രഖ്യാപിച്ച ഒരു ബില്യന്‍ ഭക്ഷണപ്പൊതി പദ്ധതിയിലേക്ക് പ്രമുഖ വ്യവസായിയും ലുലു ഇന്റര്‍നാഷണല്‍ ഗ്രൂപ്പ് ചെയര്‍മാനുമായ യൂസുഫലി എംഎ പത്ത് ദശലക്ഷം ദിര്‍ഹം (ഏകദേശം 22.5കോടിരൂപ) നല്‍കി.

ഇന്ത്യന്‍ സമൂഹത്തിന് അഭിമാനത്തിന്റെ മറ്റൊരു മാറ്റൊലി സൃഷ്ടിച്ചുകൊണ്ടാണ് ദുബൈ ഭരണാധികാരിയുടെ ആഹ്വാനമനുസരിച്ചു യൂസുഫലി ഇത്രയും വലിയ തുക കൈമാറിയത്. ലോകത്തിന്റെ വിവിധ ഭാഗങ്ങളില്‍ വിശന്നു കഴിയുന്നവരുടെ ആശ്വാസം പകരാന്‍ ശൈഖ് മുഹമ്മദ് സ്വരൂപിക്കുന്ന വണ്‍ ബില്യന്‍ ഫുഡ് പദ്ധതിക്ക് വലിയ പങ്ക് വഹിക്കാനാകുമെന്നതില്‍ സംശയമില്ല.

പെട്രോളുമായി പോയ ടാങ്കറിന് തീപിടിച്ച് മലയാളി ഡ്രൈവര്‍ മരിച്ചു. കല്ലേകുളങ്ങര സ്വദേശി വിനോദ് വിഹാറില്‍ അനില്‍കുമാര്‍ ദേവന്‍ നായര്‍ (56) ആണ് മരിച്ചത്.

ഞായറാഴ്ച ഉച്ചകഴിഞ്ഞ് ജുബൈയില്‍ അബൂ ഹദ്രിയ റോഡിലായിരുന്നു സംഭവം. നിറയെ ഇന്ധനവുമായി പോയ ലോറി അപകടത്തില്‍ പെടുകയായിരുന്നു. പൊള്ളലേറ്റ ഇദ്ദേഹം സംഭവസ്ഥലത്ത് തന്നെ മരിച്ചു. ടാങ്കര്‍ പൂര്‍ണമായും കത്തി നശിച്ചു.