Connect with us

gulf

ഇസ്രായേലുമായി യു.എ.ഇ,ബഹ്‌റൈന്‍ ചരിത്ര കരാര്‍ ഒപ്പുവച്ചു

യു.എ.ഇ വിദേശകാര്യ മന്ത്രി ശൈഖ് അബ്ദുല്ല ബിന്‍ സായിദ് ആല്‍ നഹ്യാന്‍, ബഹ്‌റൈന്‍ വിദേശകാര്യ മന്ത്രി ഡോ. അബ്ദുല്ല ലത്തീഫ് ബിന്‍ റാഷിദ് അല്‍ സയാനി എന്നിവര്‍ ഇസ്രയേല്‍ പ്രധാനമന്ത്രി ബെന്യമിന്‍ നെതന്യാഹുവുമായാണ് കരാര്‍ ഒപ്പുവച്ചത്

Published

on

വാഷിംഗ്ടണ്‍: ഇസ്രായേലുമായി യു.എ.ഇ,ബഹ്‌റൈന്‍ ചരിത്ര കരാര്‍ ഒപ്പുവച്ചു. വൈറ്റ് ഹൗസില്‍ നടന്ന ചടങ്ങില്‍ യുഎസ് പ്രസിഡന്റ് ഡൊണാള്‍ഡ് ട്രംപ് പങ്കെടുത്തു. യു.എ.ഇ വിദേശകാര്യ മന്ത്രി ശൈഖ് അബ്ദുല്ല ബിന്‍ സായിദ് ആല്‍ നഹ്യാന്‍, ബഹ്‌റൈന്‍ വിദേശകാര്യ മന്ത്രി ഡോ. അബ്ദുല്ല ലത്തീഫ് ബിന്‍ റാഷിദ് അല്‍ സയാനി എന്നിവര്‍ ഇസ്രയേല്‍ പ്രധാനമന്ത്രി ബെന്യമിന്‍ നെതന്യാഹുവുമായാണ് കരാര്‍ ഒപ്പുവച്ചത്. ഗള്‍ഫ് രാജ്യങ്ങള്‍ ഇതാദ്യമായാണ് ഇസ്രായേലുമായി കൈകോര്‍ക്കുന്നത്.

ഈജിപ്തും ജോര്‍ദ്ദാനും മാത്രമാണ് ഇതുവരെ ഇസ്രായേലുമായി നയതന്ത്ര ബന്ധമുള്ള അറബ് രാജ്യങ്ങള്‍. യു.എ.ഇയില്‍ നിന്ന് മന്ത്രിമാരായ അബ്ദുല്ല ബിന്‍ തൗഖ് അല്‍ മറി, ഉബൈദ് ബിന്‍ ഹുമൈദ് അല്‍തായര്‍, റീം ബിന്‍ത് ഇബ്രാഹീം അല്‍ ഹാഷ്മി തുടങ്ങിയവരും സംഘത്തിലുണ്ടായിരുന്നു.

കരാര്‍ ഒപ്പുവയച്ചതോടെ ഇസ്രായേല്‍ യുഎഇയിലേക്കും ബഹ്‌റൈനിലെക്കും ചരക്ക് കയറ്റുമതി ആരംഭിക്കും. ബുധനാഴ്ച അബുദാബിയില്‍ ഇസ്രായേലില്‍ നിന്നുള്ള ആദ്യ ചരക്ക് എത്തുമെന്നാണ് വിവരം. ഇസ്രായേലിന് പുതുയുഗ പിറവിയാണ് എന്ന് ബെഞ്ചമിന്‍ നെതന്യാഹു പറഞ്ഞു.

കൂടുതല്‍ അറബ് രാജ്യങ്ങള്‍ ഇസ്രായേലുമായി കരാര്‍ ഒപ്പുവയ്ക്കുമെന്നാണ് കരുതുന്നത്. യുഎഇയുടെയും ബഹ്‌റൈന്റെയും നടപടിയെ പിന്തുണച്ച് ഒമാന്‍ രംഗത്തുവന്നിരുന്നു. ഇത്തരം നീക്കങ്ങള്‍ പലസ്തീന്‍- ഇസ്രായേല്‍ സമാധാനത്തിന് സഹായിക്കുമെന്നാണ് ഒമാന്റെ അഭിപ്രായം.

സ്വതന്ത്ര പലസ്തീന്‍ എന്ന സ്വപ്‌ന സാക്ഷാത്കാരത്തിലേക്ക് വഴി തെളിക്കും. കിഴക്കന്‍ ജറുസലേം ആസ്ഥാനമായി പലസ്തീന്‍ രാജ്യം വേണമെന്നാണ് മുസ്ലിം രാജ്യങ്ങളുടെ ആവശ്യം. ഈ ലക്ഷ്യം നേടാന്‍ ഗള്‍ഫ് രാജ്യങ്ങളുടെ പുതിയ നീക്കങ്ങള്‍ സഹായിക്കുമെന്നും ഒമാന്‍ ഭരണകൂടം പ്രതികരിച്ചു.

യുഎഇ-ഇസ്രായേല്‍ നയതന്ത്ര ബന്ധം സ്ഥാപിച്ചതിന് പിന്നാലെ കൂടുതല്‍ ഗള്‍ഫ് രാജ്യങ്ങള്‍ ഇസ്രായേലുമായി അടുക്കുമെന്ന് ഇസ്രായേല്‍ കരുതുന്നു. 2018ല്‍ ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു ഒമാന്‍ സന്ദര്‍ശിച്ചിരുന്നു. പശ്ചിമേഷ്യയിലെ സമാധാന ചര്‍ച്ചയുടെ ഭാഗമായിട്ടായിരുന്നു സന്ദര്‍ശനം. മേഖലയിലെ എല്ലാ രാജ്യങ്ങളുമായും സൗഹൃദം നിലനിര്‍ത്തുകയാണ് ഒമാന്റെ പതിവ്.

ആഫ്രിക്കയിലെ മുസ്ലിം രാജ്യമായ സുഡാന്‍ ഇസ്രായേലുമായി ബന്ധം സ്ഥാപിക്കുമെന്ന് റിപ്പോര്‍ട്ടുകളുണ്ട്. ഇസ്രായേലുമായി ആദ്യം ബന്ധം സ്ഥാപിച്ച മുസ്ലിം രാജ്യം ഈജിപ്താണ്. പിന്നാലെ ജോര്‍ദാന്‍ നയതന്ത്ര ബന്ധം സ്ഥാപിച്ചു. ഇപ്പോള്‍ യുഎഇയും ബഹ്‌റൈനും കരാറിലെത്തുന്നു. ഒമാന്‍, സുഡാന്‍ എന്നീ രാജ്യങ്ങള്‍ കരാറിലെത്തുമെന്ന് റിപ്പോര്‍ട്ടുകളുണ്ട്.

 

 

gulf

യുഎഇ ദേശീയദിനം: അബുദാബി ഇന്ത്യന്‍ ഇസ്ലാമിക് സെന്ററില്‍ ഞായറാഴ്ച വിപുലമായ പരിപാടികള്‍

രാത്രി എട്ടുമണിക്ക് നടക്കുന്ന പരിപാടി ശൈഖ് അലി അല്‍ഹാഷിമി ഉല്‍ഘാടനം ചെയ്യും.

Published

on

അബുദാബി: യുഎഇ 51-ാം ദേശീയദിനാഘോഷം വിപുലമായ പരിപാടികളോടെ 4ന് ഞായറാഴ്ച അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കും.രാത്രി എട്ടുമണിക്ക് നടക്കുന്ന പരിപാടി ശൈഖ് അലി അല്‍ഹാഷിമി ഉല്‍ഘാടനം ചെയ്യും. ലുലു ഇന്റര്‍നാഷണല്‍ ഗ്രൂപ്പ് ചെയര്‍മാന്‍ യൂസുഫലി എംഎ മുഖ്യാതിഥിയായിരിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

50 വര്‍ഷം പിന്നിടുന്ന അബുദാബി ഇന്ത്യന്‍ ഇസ്ലാമിക് സെന്റര്‍ യുഎഇയുടെ ചരിത്രത്തോടൊപ്പം സഞ്ചരിച്ച സംഘടനയാണ്. തലസ്ഥാന നഗരിയില്‍ യുഎഇ പ്രസിഡണ്ട് സൗജന്യമായി നിര്‍മ്മിച്ചു നല്‍കിയ കെട്ടിടത്തിലാണ് ഇസ്ലാമിക് സെന്റര്‍ പ്രവര്‍ത്തിച്ചുകൊണ്ടിരിക്കുന്നത്.
ഞായറാഴ്ച നടക്കുന്ന പരിപാടി വന്‍വിജയമാക്കുന്നതിനു വിപുലമായ ഒരുക്കങ്ങളാണ് നടന്നുകൊണ്ടിരിക്കുന്നത്. പൊതുസമ്മേളനത്തിനുശേഷം കണ്ണൂര്‍ ഷരീഫും സംഘവും അവതരിപ്പിക്കുന്ന മാപ്പിളകലാവിരുന്നും അരങ്ങേറും.

ജനറല്‍ സെ്ക്രട്ടറി ടികെ അബ്ദുല്‍സലാം, കെഎംസിസി സംസ്ഥാന ജനറല്‍ സെക്രട്ടറി അഡ്വ. കെവി മുഹമ്മദ്കുഞ്ഞി, അസീസ് കാളിയാടന്‍, മുസ്ഥഫ വാഫി, സലീം നാട്ടിക, അബ്ദുല്‍അസീസ്, അഷറഫ് നജാത്ത്, ഹനീഫ പടിഞ്ഞാര്‍മൂല എന്നിവര്‍ വാര്‍ത്താസമ്മേളനത്തില്‍ സംബന്ധിച്ചു.

Continue Reading

gulf

യുഎഇ ദേശീയദിനം വിപുലമായ പരിപാടികളോടെ ആഘോഷിച്ചു

വിവിധ രാഷ്ട്രത്തലവന്മാര്‍ യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്യാനെ നേരില്‍ വിളിച്ചും സന്ദേശങ്ങള്‍ വഴിയും ആശംസകള്‍ അറിയിച്ചു.

Published

on

അബുദാബി: യുഎഇ 51-ാം ദേശീയദിനം വിപുലമായ പരിപാടികളോടെ ആഘോഷിച്ചു. അബുദാബി നാഷണല്‍ എക്സിബിഷന്‍ സെന്ററില്‍ നടന്ന ഒദ്യോഗിക പരിപാടിയില്‍ യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്യാന്‍, പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍മഖ്തൂം, ഷാര്‍ജ ഭരണാധികാരി ശൈഖ് സുല്‍ത്താന്‍ ബിന്‍ മുഹമ്മദ് അല്‍ഖാസിമി, അജ്മാന്‍ ഭരണാധികാരി ശൈഖ് ഹുമൈദ് ബിന്‍ റാഷിദ് അല്‍നുഐമി, ഫുജൈറ ഭരണാധികാരി ശൈഖ് ഹമദ് ബിന്‍ മുഹമ്മദ് അല്‍ഷര്‍ഖി, ഉമ്മുല്‍ഖുവൈന്‍ ഭരണാധികാരി ശൈഖ് ശൈഖ് സഊദ് ബിന്‍ റാഷിദ് അല്‍മുഅല്ല, റാസല്‍ഖൈമ ഭരണാധികാരി ശൈഖ് സഊദ് ബിന്‍ സഖര്‍ അല്‍ഖാസിമി എന്നിവരും കിരീടാവകാശികള്‍ ഉള്‍പ്പെടെ നിരവധി രാജകുടുംബാംഗങ്ങളും, മന്ത്രിമാരും മറ്റു ഉന്നതരും സംബന്ധിച്ചു.

വിവിധ രാഷ്ട്രത്തലവന്മാര്‍ യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്യാനെ നേരില്‍ വിളിച്ചും സന്ദേശങ്ങള്‍ വഴിയും ആശംസകള്‍ അറിയിച്ചു. വിവിധ എമിറേറ്റുകളില്‍ വ്യത്യസ്ഥമായ നൂറുകണക്കിന് പരിപാടികളാണ് കഴിഞ്ഞ ദിവസങ്ങളില്‍ അരങ്ങേറിയത്.

പ്രത്യേകം സജ്ജീകരിച്ചയിടങ്ങളില്‍ രാജ്യത്തിന്റെ പൈതൃകം വിളിച്ചോതുന്ന നിരവധി കാഴ്ചകള്‍ ഒരുക്കിയിരുന്നു. രാജ്യം രൂപീകൃതമായ 1971ന് മുമ്പും ശേഷവുമുള്ള ചരിത്രപ്രധാനമായ സംഭവങ്ങളും അതിന്റെ വിവരണങ്ങളും ഏറെ ഹൃദ്യമായിരുന്നു. കടലില്‍നിന്നും മുത്തുവാരി ജീവിച്ചിരുന്ന ജനത സര്‍വ്വസൗകര്യങ്ങളുമുള്ള അത്യാധുനിക ജീവിതത്തിന്റെ വഴികളിലേക്ക് നടന്നുകയറിയ നാള്‍വഴികള്‍ പുതിയ തലമുറക്കും വിദേശികള്‍ക്കും ഒരുപോലെ പഠനാര്‍ഹമായിരുന്നു.

ശൈഖ് സായിദ് ഫെസ്റ്റിവെലില്‍ ഒരുക്കിയ പ്രത്യേക പരിപാടികള്‍ ആസ്വദിക്കാന്‍ പതിനായിരങ്ങളാണ് ഒഴുകിയെത്തിയത്. ആകാശത്ത് ഡ്രോണുകള്‍ തീര്‍ത്ത വിസ്മയക്കാഴ്കളും വര്‍ണ്ണങ്ങള്‍ പെയ്തിറങ്ങിയ വെടിക്കെട്ടും കാണാന്‍ പതിനായിരങ്ങളാണ് തടിച്ചുകൂടിയത്.

നാലുദിവസം പൊതുഅവധി പ്രഖ്യാപിച്ചിരുന്നതുകൊണ്ട് പ്രവാസിള്‍ക്ക് കൂടുതല്‍ സന്തോഷം പകര്‍ന്നു. ആഘോഷങ്ങള്‍ ആസ്വദിക്കാന്‍ നിരവധി കുടുംബങ്ങളാണ് കഴിഞ്ഞ ദിവസങ്ങളില്‍ സന്ദര്‍ശക വിസയില്‍ അബുദാബിയിലും ഇതര എമിറേറ്റുകളിലും നാട്ടില്‍നിന്നെത്തിയത്.

Continue Reading

gulf

ലഹരിക്കെതിരെ ബോധവല്‍ക്കരണവുമായി അബുദാബി ഇന്ത്യന്‍ ഇസ്ലാഹി സെന്റര്‍; ഉന്നത ഉദ്യോഗസ്ഥര്‍ സംബന്ധിക്കും

ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.

Published

on

അബുദാബി: ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.ഡിസംബര്‍ രണ്ടിന് രാത്രി എട്ടുമണിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കുന്ന പരിപാടിയില്‍ അബുദാബിയിലെ ഉന്നത പൊലീസ് ഉദ്യോഗസ്ഥര്‍ സംബന്ധിക്കും.

വര്‍ത്തമാനകാലത്തെ യുവതികള്‍ പോലും മയക്കുമരുന്നിന് അടിപ്പെട്ടുകൊണ്ടിരിക്കുന്ന വിഷമകരമായ ആഗോള ചുറ്റുപാടില്‍ ഇതിനെതിരെ മതാപിതാക്കളെയും കുട്ടികളെയും ബോധവല്‍ക്കരിക്കുയെന്നതാണ് പരിപാടികൊണ്ട് ലക്ഷ്യമിടുന്നതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

‘മാറുന്നലോകം മയങ്ങുന്ന മക്കള്‍’ എന്ന വിഷയം ആസ്പദമാക്കി ഡോ.ജൗഹര്‍ മുനവ്വറും ധാര്‍മ്മികതയുടെവീണ്ടെടുപ്പിന് എന്ന വിഷയത്തില്‍ ഷാര്‍ജ അല്‍അസീസ് മസ്ജിദ് ഇമാം ഹുസൈന്‍ സലഫിയും സംസാരിക്കും.

പ്രവാസികള്‍ തങ്ങളുടെ മക്കളുടെ ജീവിത രീതിയും സൗഹൃദങ്ങളും പരിശോധിക്കുകയും സമൂഹത്തിന് നന്മ പകരുന്ന മക്കളായി വളരുകയും ചെയ്യേണ്ടതിന്റെ ആവശ്യകത പരിപാടിയില്‍ പ്രമുഖര്‍ അവതരിപ്പിക്കും. അബുദാബി പൊലീസിലെ ഉന്നതരും ലഹരിവിരുദ്ധ വിഭാഗം ഉദ്യോഗസ്ഥരും പരിപാടിയില്‍ം സംബന്ധിക്കും.

അബുദാബി ഇസ്ലാഹി സെന്റര്‍ പ്രസിഡണ്ട് ഡോ.ബഷീര്‍, സെക്രട്ടറി അബ്ദുല്‍റഹ്മാന്‍ സെയ്ദുട്ടി, മാലിക് ബിന്‍ അനസ് ഖുര്‍ആന്‍ സെന്റര്‍ പ്രിന്‍സിപ്പള്‍ സായിദ് അല്‍ഹകമി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

Continue Reading

Trending