More
പുതു ചരിത്രമെഴുതി ജാമിഅ നൂരിയ സമ്മേളനം
അഞ്ച് ദിവസമായി പൂക്കോയ തങ്ങള് നഗരിയില് ആത്മീയ വെളിച്ചം പകര്ന്ന പട്ടിക്കാട് ജാമിഅ നൂരിയ സമ്മേളനം പുതു ചരിത്രമെഴുതി. ശുഭ്ര സാഗരം തീര്ത്ത് ഫൈസാബാദ് വീര്പ്പുമുട്ടി. സുന്നി കൈരളി ജാമിഅയിലേക്ക് ഒഴുകുകയായിരുന്നു. കാര്യമായ പ്രചാരണങ്ങളില്ലാതെ എല്ലാ വര്ഷവും നടന്നു വരുന്ന സമ്മേളനത്തിനു ലഭിക്കുന്ന സ്വീകാര്യത ജാമിഅനൂരിയ്യയുടെ നിസ്വാര്ത്ഥമായ സേവനത്തെ സ്വര്ണതിളക്കത്തോടെ അടയാളപ്പെടുത്തുകയാണ്. ഓരോ വര്ഷവും സമ്മേളനം വമ്പിച്ചതായി മാറുന്നത് ജാമിഅക്ക് ലഭിക്കുന്ന അംഗീകാരം അളവറ്റതാണെന്ന് സാക്ഷ്യപ്പെടുത്തുന്നു. ആത്മീയ വിജ്ഞാനത്തിന്റെ ഗോപുരമായി പരിലസിക്കുന്ന ജാമിഅയുടെ ഓരോ സമ്മേളനവും മാനവ സ്നേഹവും മഹത്പാതയും വിളംബരം ചെയ്തു.
സമ്മേളനത്തില് മുടങ്ങാതെ പങ്കെടുക്കുവാന് ദൂരദിക്കുകളില് നിന്നും എത്തുന്ന എത്രയോ പേര്, ജാമിഅയില് നിന്നും നറുനിലാവായൊഴുകുന്ന ആത്മീയവെളിച്ചത്തില് കണ്ണിയാവാന് ആത്മനിര്വൃതിയോടെയാണ് വിശ്വാസികള് പ്രവഹിച്ചത്. കേരളക്കരയിലും പുറത്തും മതപ്രബോധനത്തിനു മുഖ്യപങ്ക് വഹിക്കുവാന് വീഥിയിലിറങ്ങുന്ന യുവ പണ്ഡിതര് സനദ് ഏറ്റുവാങ്ങിയത് ചരിത്ര നിമിഷം കൂടിയായി. ഇസ്ലാമിക പ്രബോധനം കൂടുതല് ഊര്ജിതമാക്കാനും പടരുന്ന ജീര്ണതകള് വെടിഞ്ഞ് മതമൂല്യങ്ങളോടെ ആദര്ശപാതയില് സഞ്ചരിക്കാനും ആഹ്വാനം ചെയ്താണ് ജാമിഅ നൂരിയ്യ 55-മത് വാര്ഷിക 53-ാമത് സനദ്ദാന സമ്മേളനം സമാപിച്ചത്.
മതവൈജ്ഞാനിക ഗോപുരത്തിലെ വിളികേട്ട് ഫൈസാബാദിലേക്ക് ദിവസങ്ങളായി അണമുറിയാത്ത ജനപ്രവാഹമായിരുന്നു. സമാപന സമ്മേളനത്തില് അക്ഷരാര്ത്ഥത്തില് പട്ടിക്കാട് വീര്പ്പു മുട്ടി. ജാമിഅയുടെ അനിവാര്യതയും ജനപിന്തുണയും അത്യുന്നതങ്ങളിലാണെന്ന് വരച്ചുകാട്ടി.
കേരളക്കരയിലെ ഇസ്ലാമിക പ്രബോധനവീഥിയില് അരനൂറ്റാണ്ടിലേറെയായി നിറഞ്ഞ ജാമിഅയുടെ വരുംദിനങ്ങളിലെ നിരവധി പദ്ധതികള് കൂടുതല് ശോഭയുള്ളതാകുമെന്നും സമ്മേളനം പ്രഖ്യാപിച്ചു. തക്ബീര് ധ്വനികള് മുഴങ്ങിയ അന്തരീക്ഷത്തില് ഇരുന്നൂറില്പരം യുവപണ്ഡിതര് ഫൈസി ബിരുദം വാങ്ങി പ്രബോധനവീഥിയിലിറങ്ങിയപ്പോള് ജാമിഅയുടെ ചരിത്രത്തില് പുതിയ നാഴികക്കല്ല് കൂടിയാണ് പിന്നിട്ടത്. മതമൂല്യങ്ങളിലേക്ക് സമൂഹത്തെ മാടിവിളിക്കാന് പ്രതിജ്ഞാബദ്ധരായാണ് അവര് ഫൈസി ബിരുദം ഏറ്റുവാങ്ങിയത്. അഞ്ച് പതിറ്റാണ്ടിനിടെ ബിരുദം ഏറ്റുവാങ്ങിയവരുടെ എണ്ണം ആറായിരം കവിഞ്ഞു. ഇന്ത്യയിലെ വിവിധ സംസ്ഥാനങ്ങളിലും ബ്രിട്ടന്, അമേരിക്ക, തുടങ്ങിയ വിവിധ വിദേശ രാജ്യങ്ങളിലും ജാമിഅയുടെ സന്തതികള് പ്രബോധനം നടത്തി വരുന്നുണ്ട്. രാജ്യത്തെ പിന്നാക്ക ജനവിഭാഗങ്ങളുടെയും നൂനപക്ഷങ്ങളുടെയും പുരോഗതി ലക്ഷ്യംവെച്ച് പ്രവര്ത്തനമാരംഭിച്ച മുഹമ്മദലി ശിഹാബ് തങ്ങള് സെന്റര് ഫോര് ഇസ്ലാമിക് സ്റ്റഡീസ് സ്കൂള് തുടങ്ങിയത് വഴിത്തിരിവാണ്. സയ്യിദ് അബ്ദുറഹ്മാന് ബാഫഖി തങ്ങള് സ്മാരക സ്കോളര്ഷിപ്പ്, പി.എം.എസ്.എ പൂക്കോയ തങ്ങള് സ്മാരക ട്രെയിനേഴ്സ് ട്രെയിനിങ് സെന്റര്, ശംസുല് ഉലമ റിസര്ച്ച് സെന്റര്, കെ.വി ബാപ്പുഹാജി സ്മാരക മഹല്ല് മാനേജ്മെന്റ് അക്കാദമി, കോട്ടുമല അബൂബക്കര് മുസ്ലിയാര് സ്മാരക ഫൈസി പ്രതിഭ പുരസ്കാരം, തുടങ്ങിയവയും ശ്രദ്ദേയമാണ്.
നിരവധി വിഷയങ്ങളാണ് കഴിഞ്ഞ ദിവസങ്ങളില് സമ്മേളനം ചര്ച്ച ചെയ്തത്. രാജ്യത്തിനു ഭീഷണിയായ ഫാസിസത്തിനെതിരെ എല്ലാവരും കൈകോര്ക്കണമന്ന് സമ്മേളനം വിളംബരം ചെയ്തു. ഇസ്ലാമില് തീവ്രവാദത്തിന് സ്ഥാനമില്ലെന്നും മിതഭാഷയാണ് ഇസ്ലാമിന്റേതെന്നും ആഗോള തലത്തില് ഇസ്ലാമിനെതിരെയുള്ള ഗൂഢശ്രമങ്ങള്ക്കെതിരെ ജാഗ്രതരായിരിക്കാനും സമ്മേളനം ആഹ്വാനം ചെയ്തു.
ശാക്തീകരണ സമ്മേളനം സമസ്ത ഉപാധ്യക്ഷന് അബ്ദുല്ജബ്ബാര് മുസ്ലിയാര് മിത്തബൈല് ഉദ്ഘാടനം ചെയ്തു. കെ.ടി.ഹംസ മുസ്ലിയാര് അധ്യക്ഷനായി. മുന് വിദ്യാഭ്യാസ മന്ത്രി പി.കെ അബ്ദുറബ്ബ്, ചന്ദ്രിക എഡിറ്റര് സി.പി.സൈതലവി, എസ്.വി.മുഹമ്മദലി, പിണങ്ങോട് അബൂബക്കര്, നാസര് ഫൈസി കൂടത്തായി, സി.എച്ച്.ത്വയ്യിബ് ഫൈസി,മുസ്തഫാ മുണ്ടുപാറ, സിദ്ധീഖ് ഫൈസി വാളക്കുളം,മുജീബ് ഫൈസി പൂലോട,ഇബ്രാഹിം ഫൈസി തിരൂര്ക്കാട്, റിശാദലി ഓമാനൂര്് സംസാരിച്ചു. എസ്.കെ.ഹംസ ഹാജി,കാടാമ്പുഴ മൂസ ഹാജി,ഹംസ ഹാജി മൂന്നിയൂര്,ശമീര് ഫൈസി ഒടമല,ശഹീര് അന്വരി പുറങ്ങ ്സംസാരിച്ചു.
ദേശീയ സമ്മേളനം വഖഫ ബോര്ഡ് ചെയര്മാന് പാണക്കാട് സയ്യിദ് റശീദലി ശിഹാബ് തങ്ങള് ഉദ്ഘാടനം ചെയ്തു. മെട്രോ മുഹമ്മദ് ഹാജി അധ്യക്ഷനായി. മൗലാനാ ഖമറുസ്സമാന് ബംഗാള് മുഖ്യപ്രഭാഷണം നടത്തി.
ഇദ്രീസ് അലി മണ്ടേല്, ഇസ്ഹാഖ് ഹാജി തോഡാര്, കെ.പി.മുഹമ്മദ് കുട്ട്ി, എം.കെ.നൗഷാദ് ബാംഗ്ലൂര്, ഡോ.ബശീര് പനങ്ങാങ്ങര,അംജദ് ഫൈസി മുട്ടില്,വി.കെ.കുഞ്ഞിമുഹമ്മജ് ഹാജി ബഹ്റൈന്, എ.ഹബീബുറഹ്മാന് വേങ്ങൂര്,ശിയാസ് സുല്ത്താന്, മുഹമ്മദലി പുതുപ്പറമ്പ്,ഇല്യാസ് ഫൈസി കുഴല്മന്ദം,റഹീം പകര സംസാരിച്ചു.
അരുണാചലില് ട്രക്ക് കൊക്കയിലേക്ക് മറിഞ്ഞുണ്ടായ അപകടത്തില് 22 മരണം. തൊഴിലാളികളുമായി പോയ ട്രക്കാണ് അപകടത്തില് പെട്ടത്. ഇന്ത്യ- ചൈന അതിര്ക്ക് സമീപം അഞ്ചാവ് മേഖലയില് വെച്ച് നിയന്ത്രണം വിട്ട് ട്രക്ക് താഴ്ചയിലേക്ക് മറിയുകയായിരുന്നു. ചൊവ്വാഴ്ചയാണ് സംഭവം.
അപകടത്തില് ട്രക്കിലുണ്ടായിരുന്ന ഒരാള് മാത്രമേ അതിജീവിച്ചിട്ടുള്ളൂവെന്നാണ് പ്രാഥമിക നിഗമനം. മലയോരമേഖല ആയതിനാല് തന്നെ അപകടം നടന്ന വിവരം ആളുകളില് ആദ്യഘട്ടത്തില് അറിഞ്ഞിരുന്നില്ല. അപകടത്തില് രക്ഷപ്പെട്ടയാള് മലകയറി തിരികെയെത്തിയതോടെയാണ് അപകടവിവരം പുറംലോകമറിഞ്ഞത്.
13 മൃതദേഹങ്ങള് ഇതിനോടകം കണ്ടെത്തിയെന്നാണ് ജില്ലാ ഭരണകൂടം അറിയിച്ചത്. സംസ്ഥാന ദുരന്തനിവാരണ സേനയുടെയും ദുരന്ത നിവാരണസേനയുടെയും നേതൃത്വത്തിൽ രക്ഷാപ്രവർത്തനം പുരോഗമിച്ചുകൊണ്ടിരിക്കുകയാണ്.
അപകടത്തില് പരിക്കേറ്റവരെ പുറത്തെടുക്കുന്നതിനായുള്ള രക്ഷാപ്രവര്ത്തനങ്ങള്ക്കാണ് നിലവില് മുന്ഗണന കല്പിക്കുന്നതെന്നും തുടര്നടപടികളും പരിശോധനകളും പിന്നാലെയുണ്ടാകുമെന്നും സര്ക്കാര് വ്യക്തമാക്കി.
ഇംഫാൽ: രാഷ്ട്രപതി ദ്രൗപദി മുർമു നാളെ മണിപ്പൂരിലെത്തും. രണ്ട് ദിവസത്തെ സന്ദർശനത്തിനായാണ് രാഷ്ട്രപതി എത്തുന്നത്. സന്ദർശനത്തെ തുടർന്ന് ഇംഫാൽ വിമാനത്താവളത്തിൽ സുരക്ഷാ സംവിധാനങ്ങൾ ഒരുക്കിയിട്ടുണ്ട്.
ദ്രൗപതി മുർമുവിന്റെ ആദ്യ മണിപ്പൂർ സന്ദർശനമാണിത്. ഡിസംബർ 11ന് ഇംഫാലിൽ എത്തിയ ശേഷം രാഷ്ട്രപതി പോളോ പ്രദർശന മത്സരം കാണാൻ ചരിത്ര പ്രസിദ്ധമായ മാപ്പൽ കാങ്ജീബങ് സന്ദർശിക്കും.
ഡിസംബർ 12ന് രാഷ്ട്രപതി ഇംഫാലിലെ നൂപി ലാൽ സ്മാരക സമുച്ചയം സന്ദർശിക്കുകയും മണിപ്പൂരിലെ ധീര വനിതാ യോദ്ധാക്കൾക്ക് ആദരാഞ്ജലികൾ അർപ്പിക്കുകയും ചെയ്യും. പിന്നീട് സേനാപതിയിൽ പൊതുചടങ്ങിൽ പങ്കെടുക്കും.
രണ്ടു വർഷത്തിലധികമായി മണിപ്പൂരിൽ തുടരുന്ന മെയ്തി, കുക്കി വിഭാഗങ്ങൾ തമ്മിലുള്ള കലാപത്തിൽ 260ഓളം പേർക്കാണ് ജീവൻ നഷ്ടമായത്. 60000ലധികം പേർ പാലായനം ചെയ്തു. മുഖ്യമന്ത്രി എൻ. ബിരേൻ സിങ് രാജിവച്ചതിനെ തുടർന്ന് ഫെബ്രുവരി 13 മുതൽ മണിപ്പൂർ രാഷ്ട്രപതി ഭരണത്തിലാണ്.
Health
കാൻസർ ഉണ്ടാക്കുന്ന ജീൻ മ്യൂട്ടേഷൻ സംഭവിച്ച ബീജ ദാതാവിൽ നിന്ന് യൂറോപ്പിൽ 197 കുട്ടികൾ ജനിച്ചു; ഞെട്ടിക്കുന്ന കണ്ടെത്തൽ
14 യൂറോപ്യൻ രാജ്യങ്ങളിലെ 67 ക്ലിനിക്കുകളിലായാണ് ഈ രോഗബാധിതമായ സ്പേം ദാനം നടന്നത്
കോപ്പൻഹേഗൻ: കാൻസർ ഉണ്ടാക്കുന്ന ജീൻ മ്യൂട്ടേഷൻ സംഭവിച്ച ബീജ ദാതാവിൽ നിന്ന് യൂറോപ്പിൽ 197 കുട്ടികൾ ജനിച്ചതായി ഞെട്ടിക്കുന്ന കണ്ടെത്തൽ. കോപ്പൻഹേഗൻ ആസ്ഥാനമായി പ്രവർത്തിക്കുന്ന യൂറോപ്യൻ സ്പേം ബാങ്കിനാണ് ഈ വലിയ അമളി പിണഞ്ഞത്. 14 യൂറോപ്യൻ രാജ്യങ്ങളിലെ 67 ക്ലിനിക്കുകളിലായാണ് ഈ രോഗബാധിതമായ സ്പേം ദാനം നടന്നത്.
ദുഃഖകരമെന്ന് പറയട്ടെ ജനിച്ച കുട്ടികളിൽ ചിലർക്കും പിതാവിൻ്റെ ജീനിൽ ലി-ഫ്രൗമേനി സിൻഡ്രം എന്ന അർബുദ രോഗം കണ്ടെത്തിയിട്ടുണ്ട്. ഇതിൽ ചില കുഞ്ഞുങ്ങൾ ഇതിനോടകം മരിച്ചതായും റിപ്പോർട്ട് ചെയ്തിട്ടുണ്ട്. ആരോഗ്യവാനായ യുവാവിൽ കാൻസർ കണ്ടെത്തിയിരുന്നില്ല. എന്നാൽ അയാളുടെ കോശത്തിൽ ജനിതകപരമായി കാൻസർ ഉണ്ടാകുന്ന ജനിതക വ്യതിയാനം മുൻകൂട്ടി കണ്ടെത്താനാകാത്തത് ആരോഗ്യ പ്രവർത്തകരുടെ ഭാഗത്തുണ്ടായ ഗുരുതര വീഴ്ചയാണ്.
സ്പേം ദാതാവിൽ നിന്നും ബീജം സ്വീകരിക്കുമ്പോൾ നടത്തുന്ന സാധാരണ ജനിതക പരിശോധനകളിൽ കണ്ടെത്താനാകാത്ത അസുഖമാണിതെന്നാണ് വിലയിരുത്തൽ. ബിബിസി ഉൾപ്പെടെയുള്ള 14 പൊതുമേഖലാ ചാനലുകൾ യൂറോപ്യൻ സ്പേം ബാങ്കുമായി സംയുക്തമായി നടത്തിയ അന്വേഷണത്തിലാണ് ഈ ഞെട്ടിക്കുന്ന സംഭവം വെളിച്ചത്ത് വന്നത്.
2005ൽ വിദ്യാർഥിയായിരിക്കെ ബീജ ദാനം ചെയ്യാൻ തുടങ്ങിയ അജ്ഞാതനായ ഒരു ദാതാവിൽ നിന്നാണ് 20 ശതമാനം വരെ കാൻസർ ബാധിതമായ ബീജം നിരവധി സ്ത്രീകളിൽ ഗർഭധാരണത്തിനായി ഉപയോഗിച്ചത്. 17 വർഷത്തിനിടയിൽ നിരവധി പേർക്ക് കുട്ടികളുണ്ടാകാൻ രോഗിയായ ഈ യുവാവിൻ്റെ ബീജം ഉപയോഗിച്ചിരുന്നു. ആരോഗ്യവാനായ യുവാവ് പ്രാഥമികമായി നടത്തുന്ന സ്റ്റാൻഡേർഡ് ഡോണർ സ്ക്രീനിംഗ് ടെസ്റ്റുകൾ വിജയിച്ചിരുന്നു.
ജനനത്തിനു മുമ്പ് അദ്ദേഹത്തിൻ്റെ ചില കോശങ്ങളിൽ ഒരു മ്യൂട്ടേഷൻ സംഭവിച്ചിരുന്നു. അസാധാരണമായ കോശ വളർച്ച നിയന്ത്രിക്കുന്നതിലൂടെ കാൻസർ വികസിക്കുന്നതിൽ നിന്ന് ശരീരത്തെ സംരക്ഷിക്കാൻ സഹായിക്കുന്ന ഒരു സുപ്രധാന ജീൻ ആയ ടിപി53 എന്ന ജീനിനെ ഈ മ്യൂട്ടേഷൻ ബാധിച്ചു.
അയാളുടെ ശരീരത്തിൽ മറ്റെവിടെയും മ്യൂട്ടേഷൻ ചെയ്യപ്പെട്ട ടിപി53 ജീൻ സാന്നിധ്യം ഉണ്ടായിരുന്നില്ലെങ്കിലും, അയാളുടെ ബീജത്തിൽ 20% വരെ മ്യൂട്ടേഷൻ സംഭവിച്ച ജീനുകൾ ഉണ്ടായിരുന്നു. ഈ ബാധിച്ച ബീജങ്ങളിൽ ഒന്നിൽ നിന്നാണ് ഒരു കുട്ടി ഗർഭം ധരിക്കുന്നതെങ്കിൽ ആ കുട്ടിയുടെ ശരീരത്തിലെ എല്ലാ കോശങ്ങളിലും മ്യൂട്ടേഷൻ സംഭവിക്കാം.
ഇത് കുഞ്ഞുങ്ങളിൽ അർബുദങ്ങൾക്കുള്ള സാധ്യത വർധിപ്പിക്കും. ഡെൻമാർക്ക് ആസ്ഥാനമായുള്ള യൂറോപ്യൻ ബീജ ബാങ്ക് 2023 നവംബറിൽ, വളരെ വൈകിയാണ് ഈ യുവാവിൻ്റെ ജനിതക വൈകല്യം തിരിച്ചറിഞ്ഞത്. അപ്പോഴേക്കും നിരവധി കുഞ്ഞുങ്ങൾക്ക് കാൻസർ ബാധിക്കുകയും ചില കുഞ്ഞുങ്ങൾ മരിക്കുകയും ചെയ്തിരുന്നു.
-
india3 days agoഡോളറിന്റെ മൂല്യം കൂടിയാല് നമുക്കെന്ത ഇന്ത്യക്കാര് രൂപയല്ലേ ഉപയോഗിക്കുന്നത്: വിവാദ പരാമര്ശവുമായി ബിജെപി എംപി
-
kerala2 days ago‘ഒരു സ്ത്രീക്കും അനുഭവിക്കാനാകാത്ത ക്രൂരത ആ നടുക്കം ഇന്നും മനസില്’; നടിയുടെ മൊഴി രേഖപ്പെടുത്തിയ എസ്എച്ച്ഒയുടെ വെളിപ്പെടുത്തല്
-
india1 day agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
india3 days ago‘നെഹ്റു ജീവിച്ചതും മരിച്ചതും ഇന്ത്യയ്ക്ക് വേണ്ടി’; പ്രിയങ്ക ഗാന്ധി
-
kerala2 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
kerala3 days agoകുപ്പിവെള്ളത്തില് ചത്ത പല്ലി; വെള്ളം കുടിച്ച യുവാവ് ആശുപത്രിയില്
-
kerala2 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
india2 days agoആര്എസ്എസ് പിന്തുടരുന്നത് അരാജകത്വമാണ്, അവര് സമത്വത്തെ പിന്തുണക്കുന്നില്ല; രാഹുല് ഗാന്ധി