india
മോദി ഉദ്ഘാടനം ചെയ്ത് മാസങ്ങൾ മാത്രം; 18,000 കോടിയുടെ അടൽ സേതുവിൽ വിള്ളൽ
നവി മുംബൈയിലെ അടല് ബിഹാരി വാജ്പേയി സെവ്രി-നവ സേവ അടല് സേതു നഗരവുമായി ബന്ധിപ്പിക്കുന്ന സര്വീസ് റോഡിലാണ് വിള്ളലുകള് ഉണ്ടായിരിക്കുന്നത്.

രാജ്യത്തെ ഏറ്റവും നീളംകൂടിയ കടല്പ്പാലമായ ‘അടല് സേതു’ വില് വിള്ളല്. നവി മുംബൈയിലെ അടല് ബിഹാരി വാജ്പേയി സെവ്രി-നവ സേവ അടല് സേതു നഗരവുമായി ബന്ധിപ്പിക്കുന്ന സര്വീസ് റോഡിലാണ് വിള്ളലുകള് ഉണ്ടായിരിക്കുന്നത്. അടല് സേതുവും നഗരവും തമ്മില് ബന്ധിപ്പിക്കുന്ന താല്ക്കാലിക പാതയാണ് ഈ സര്വീസ് റോഡ്.
പ്രധാനമന്ത്രി നരേന്ദ്രമോദി ഉദ്ഘാടനം ചെയ്ത് അഞ്ച് മാസങ്ങള് മാത്രം പിന്നിടുമ്പോഴാണ് സംഭവം. റിപ്പോര്ട്ടുകള് പുറത്തുവന്നതിന് തൊട്ടുപിന്നാലെ, മഹാരാഷ്ട്ര കോണ്ഗ്രസ് അധ്യക്ഷന് നാനാ പടോലെ സ്ഥലത്ത് പരിശോധന നടത്തി. ജനങ്ങളുടെ സുരക്ഷയ്ക്ക് ഭീഷണിയാകാന് സാധ്യതയുണ്ടെന്ന് ആവര്ത്തിച്ച നാനാ പടോലെ പാലത്തിന്റെ നിര്മാണത്തില് ആശങ്ക പ്രകടിപ്പിക്കുകയും ചെയ്തു.
എന്നാല്, അടല് സേതു പദ്ധതി മേധാവി കൈലാഷ് ഗണത്ര റിപ്പോര്ട്ടുകള് തള്ളി. പുതുതായി ഉദ്ഘാടനം ചെയ്ത അടല് സേതുവില് വിള്ളലുകള് പ്രത്യക്ഷപ്പെട്ടിട്ടില്ലെന്നും നഗരവുമായി ബന്ധിപ്പിക്കുന്ന സര്വീസ് റോഡിലാണ് വിള്ളലുകള് ഉണ്ടായതെന്നുമാണ് കൈലാഷ് ഗണത്ര പറയുന്നത്.
തീരദേശപാതയില്ലാത്തതിനാല് അവസാനനിമിഷം താത്കാലികമായി ബന്ധിപ്പിക്കുന്ന പാതയായാണ് സര്വീസ് റോഡ് നിര്മിച്ചതെന്നും അദ്ദേഹം പറഞ്ഞു. മഴയെ തുടര്ന്നുണ്ടായ ചെറിയ വിള്ളലുകള് മാത്രമാണെന്നും നാളെ വൈകുന്നേരത്തോടെ ഇവ നികത്തുമെന്നും അദ്ദേഹം വ്യക്തമാക്കി.
മുംബൈ നഗരത്തെയും നവി മുംബൈയെയും നേരിട്ടു ബന്ധിപ്പിക്കുന്ന 22 കിലോമീറ്റര്വരുന്ന കടല്പ്പാലം ജനുവരി 13-നാണ് ഗതാഗതത്തിനായി തുറന്നത്. 18,000 കോടി രൂപ ചെലവില് താനെ കടലിടുക്കിന് കുറുകെ മുബൈയേയും നവിമുംബൈയേയും ബന്ധിപ്പിച്ച് നിര്മിച്ച പാലത്തിന് 21.8 കിലോമീറ്ററാണ് നീളം. ലോകത്തെ തന്നെ ഏറ്റവും നീളമേറിയ 12-ാമത്തെ പാലമെന്ന റെക്കോര്ഡും അടല് സേതു സ്വന്തമാക്കിയിട്ടുണ്ട്.
india
കന്യാസ്ത്രീകളെ സ്ഥിരമായി ജയിലില് അടയ്ക്കാനുള്ള സംഘ്പരിവാറിന്റെ ഗൂഢതന്ത്രമാണ് എന്ഐഎ കേടതിയില് നടന്നത്; വി ഡി സതീശന്
ഛത്തീസ്ഗഡില് അറസ്റ്റിലായ കന്യാസ്ത്രീകളെ സ്ഥിരമായി ജയിലില് അടയ്ക്കാനുള്ള സംഘ്പരിവാര് നേതൃത്വത്തിന്റെ ഗൂഢതന്ത്രം വ്യക്തമാക്കുന്ന സംഭവങ്ങളാണ് ബിലാസ്പുരി എന്.ഐ.എ കേടതിയില് നടന്നതെന്ന് വി ഡി സതീശന്.

ഛത്തീസ്ഗഡില് അറസ്റ്റിലായ കന്യാസ്ത്രീകളെ സ്ഥിരമായി ജയിലില് അടയ്ക്കാനുള്ള സംഘ്പരിവാര് നേതൃത്വത്തിന്റെ ഗൂഢതന്ത്രം വ്യക്തമാക്കുന്ന സംഭവങ്ങളാണ് ബിലാസ്പുരി എന്.ഐ.എ കേടതിയില് നടന്നതെന്ന് വി ഡി സതീശന്.
കേന്ദ്ര ആഭ്യന്തര മന്ത്രി എം.പിമാര്ക്കും സഭാ നേതൃത്വത്തിനും നല്കി ഉറപ്പിന് വിരുദ്ധമായാണ് ജാമ്യ ഹര്ജിയെ സര്ക്കാര് അഭിഭാഷകന് എതിര്ത്തത്. സര്ക്കാര് അഭിഭാഷകനെ കൂടാതെ ബജ്റംഗ്ദളിനെ പ്രതിനിധീകരിച്ച് പത്തിലധികം അഭിഭാഷകര് കോടതിലെത്തി. അതും സംഘ്പരിവാര് തിരക്കഥയുടെ ഭാഗമായാണെന്നു വേണം കരുതാമെന്നും വി ഡി സതീശന് പറഞ്ഞു. കന്യാസ്ത്രീകളെ അന്യായമായി അറസ്റ്റു ചെയ്തതിനു പിന്നാലെ മനുഷ്യക്കടത്ത് കുറ്റം ചുമത്തി കേസ് നിയമ വിരുദ്ധമായി എന്.ഐ.എയ്ക്ക് കൈമാറിയതിനു പിന്നിലും ഗൂഡാലോചനയുണ്ടെന്നും അദ്ദേഹം വ്യക്തമാക്കി.
അറസ്റ്റ് തെറ്റിദ്ധാരണയെ തുടര്ന്നാണെന്നും രാഷ്ട്രീയം കളിക്കരുതെന്നും വി ഡി സതീശന് പറഞ്ഞു. കേരളത്തിലെ ബി.ജെ.പി നേതൃത്വം പറഞ്ഞതിനു പിന്നാലെയാണ് ഛത്തീസ്ഗഡ് സര്ക്കാര് ജാമ്യാപേക്ഷയെ എതിര്ത്തതെന്നും സതീശന് പറഞ്ഞു. രാജ്യത്ത് ക്രൈസ്തവ വേട്ട തുടരുമ്പോഴും ആട്ടിന് തോലിട്ട ചെന്നായ്ക്കളെ പോലെ കേരളത്തിലെ ബി.ജെ.പി നേതൃത്വം രാഷ്ട്രീയ നാടകം കളിക്കുന്നത് അപഹാസ്യമാണെന്നും അദ്ദേഹം പറഞ്ഞു.
ഭരണഘടനയെയും നിയമവ്യവസ്ഥയെയും വെല്ലുവിളിച്ച് മതത്തിന്റെ പേരില് നിരപരാധികളെ ജയിലില് അടയ്ക്കുന്ന സംഘ്പരിവാര് ശക്തികളുടെ രാഷ്ട്രീയം അംഗീകരിക്കാനാകില്ലെന്നും സി ഡി സതീശന് വ്യക്തമാക്കി. അന്യായമായി ജയിലില് അടയ്ക്കപ്പെട്ട കന്യാസ്ത്രീകള്ക്ക് നീതി ലഭിക്കുന്നതിന് വേണ്ടിയുള്ള നിയമ പോരാട്ടത്തിന് കോണ്ഗ്രസും യു.ഡി.എഫും എല്ലാ പിന്തുണയും നല്കുമെന്നും സതീശന് പറഞ്ഞു.
india
71ാമത് ദേശീയ ചലച്ചിത്ര പുരസ്കാരം: ‘ഉള്ളൊഴുക്ക്’ മികച്ച മലയാള ചിത്രം
മികച്ച നടന് ഷാരൂഖ് ഖാനും വിക്രാന്ത് മാസിയ്ക്കും.

71-ാമത് ദേശീയ ചലച്ചിത്ര പുരസ്കാരങ്ങള് പ്രഖ്യാപിച്ചു. മികച്ച നടന് ഷാരൂഖ് ഖാനും വിക്രാന്ത് മാസിയ്ക്കും. ജവാനിലെ പ്രകടനമാണ് ഷാരൂഖ് ഖാനെ മികച്ച നടനുള്ള പുരസ്കാരത്തിന് അര്ഹനാക്കിയത്. അതേസമയം ഷാരൂഖ് ഖാന്റെ കരിയറിലെ ആദ്യ ദേശീയ പുരസ്കാരമാണിത്.
മികച്ച നടിക്കുള്ള പുരസ്കാരം റാണി മുഖര്ജിയ്ക്ക്. മികച്ച സംവിധാനത്തിനുള്ള പുരസ്കാരം കേരള സ്റ്റോറിയിലൂടെ സുദിപ്തോ സെന് നേടി. വിധു വിനോദ് ചോപ്രയൊരുക്കിയ ട്വല്ത്ത് ഫെയിലാണ് മികച്ച ചിത്രം. മികച്ച ജനപ്രീയ സിനിമ കരണ് ജോഹര് സംവിധാനം ചെയ്ത റോക്കി ഓര് റാണി കി പ്രേം കഹാനിയാണ്.
ദേശീയ ചലച്ചിത്ര പുസ്കാരങ്ങള് ഡല്ഹിയില് പ്രഖ്യാപിച്ചു. ക്രിസ്റ്റോ ടോമി സംവിധാനം ചെയ്ത ‘ഉള്ളൊഴുക്ക്’ ആണ് മികച്ച മലയാള ചിത്രം. മികച്ച സഹനടിയായി ഉര്വശിയും സഹനടനായി വിജയരാഘവനും തെരഞ്ഞെടുക്കപ്പെട്ടു. ‘പൂക്കാലം’ ചിത്രത്തിലെ അഭിനയത്തിനാണ് വിജയരാഘവന് പുരസ്കാരം. ഉര്വശിയും പാര്വതിയും മുഖ്യ കഥാപാത്രങ്ങള് ആയി വരുന്ന ചിത്രമാണ് ‘ഉള്ളൊഴുക്ക്’.
പുരസ്കാര പട്ടിക
മികച്ച ആക്ഷന് കൊറിയോഫ്രി : ഹനുമാന്, നന്ദു-പൃഥ്വി
മികച്ച കൊറിയോഗ്രഫി : റോക്കി ഓര് റാണി കി പ്രേം കഹാനി, വൈഭവി മര്ച്ചന്റ്
മികച്ച ഗാനരചയീതാവ് : ബലഗം, കസര്ല ശ്യാം
മികച്ച സംഗീത സംവിധാനം: വാത്തി, ജിവി പ്രകാശ്
മികച്ച സംഗീത പശ്ചാത്തല സംഗീതം : ആനിമല്, ഹര്ഷവധന് രാമേശ്വര്
മികച്ച മേക്കപ്പ് : സാം ബഹദൂര്, ശ്രീകാന്ത് ദേശായി
മികച്ച വസ്ത്രാലങ്കാരം : സാം ബഹദൂര്
മികച്ച പ്രൊഡക്ഷന് ഡിസൈന് : 2018
മികച്ച എഡിറ്റിങ് : പൂക്കാലം, മിഥുന് മുരളി
മികച്ച സൗണ്ട് ഡിസൈനിങ് : ആനിമല്, സച്ചിന് സുധാകരന്, ഹരിഹരന് മുരളീധരന്
മികച്ച തിരക്കഥ : ബേബി (തെലുങ്ക് ) പാര്ക്കിങ് (തമിഴ്).
സംഭാഷണം : സിര്ഫ് ഏക് ബന്ദ കാഫി ഹേന്
മികച്ച ഛായാഗ്രഹണം : ദ കേരള സ്റ്റോറി
മികച്ച ഗായിക : ഛലിയ, ജവാന്, ശില്പ റാവു
മികച്ച ഗായകന് : പ്രേമിസ്തുന (ബേബി) പിവിഎന് രോഹിത്
മികച്ച ബാല താരം : സുകൃതി വേണി, കബീര് ഖണ്ഡാരെ, ട്രീഷ തോസര്, ശ്രീനിവാസ് പോകലെ, ഭാര്ഘവ്
സഹനടി : ഉര്വ്വശി (ഉള്ളൊഴുക്ക് ), ജാന്കി ബോദിവാല (വശ്)
സഹ നടന് : വിജയരാഘവന് (പൂക്കാലം ), മുത്തുപ്പേട്ട സോമു ഭാസ്കര് (പാര്ക്കിങ്)
മികച്ച നടി: റാണി മുഖര്ജി ( മിസിസ് ചാറ്റര്ജി വെഴ്സസ് നോര്വെ )
മികച്ച സംവിധാനം : സുദിപ്തോ സെന്, കേരള സ്റ്റോറി
ജനപ്രീയ സിനിമ : റോക്കി ഓര് റാണി കി പ്രേം കഹാനി
മികച്ച നടന് : ഷാരൂഖ് ഖാന് (ജവാന്), വിക്രാന്ത് മാസി (ട്വല്ത്ത് ഫെയില്)
india
കന്യാസ്ത്രീകളുടെ അറസ്റ്റ്; ജാമ്യാപേക്ഷയെ എതിര്ത്ത് ഛത്തീസ്ഗഢ് സര്ക്കാര്; വിധി നാളെ
കേസില് ശനിയാഴ്ച ബിലാസ്പൂരിലെ എന്.ഐ.എ കോടതിയാണ് വിധി പറയുക.

ഛത്തീസ്ഗഡില് അറസ്റ്റിലായ മലയാളി കന്യാസ്ത്രീകളുടെ ജാമ്യാപേക്ഷയില് വിധി നാളെ പറയും. കേസില് ശനിയാഴ്ച ബിലാസ്പൂരിലെ എന്.ഐ.എ കോടതിയാണ് വിധി പറയുക. ഇതോടെ കന്യാസ്ത്രീകള് ഇന്നും ജയിലില് തുടരേണ്ടി വരും.
ഹരജിയില് ഇന്നു വാദം പൂര്ത്തിയായി. ജാമ്യാപേക്ഷയെ ഛത്തീസ്ഗഡ് സര്ക്കാര് എതിര്ത്തുവെന്നാണ് റിപ്പോര്ട്ട്. കേസന്വേഷണം പ്രാഥമിക ഘട്ടത്തിലാണെന്നും പ്രോസിക്യൂഷന് കോടതിയെ അറിയിച്ചു.
സംസ്ഥാന സര്ക്കാര് ജാമ്യാപേക്ഷയെ എതിര്ക്കില്ലെന്ന് കേന്ദ്ര ആഭ്യന്തരമന്ത്രി അമിത് ഷാ നേരത്തെ പറഞ്ഞിരുന്നെങ്കിലും വിപരീതമായാണ് പ്രോസിക്യൂഷന് കോടതിയില് ജാമ്യാപേക്ഷയെ എതിര്ത്തത്. കന്യാസ്ത്രീകള് ഉടന് പുറത്തുവരുമെന്ന് ബി.ജെ.പി നേതാക്കള് വാദിച്ചിരുന്നു.
വിശദമായ വാദമാണ് ഇന്നു കോടതിയില് നടന്നത്. മനുഷ്യക്കടത്ത് ആരോപിച്ച് കഴിഞ്ഞയാഴ്ചയാണ് സിസ്റ്റര് വന്ദന ഫ്രാന്സിസിനെയും പ്രീതി മേരിയെയും അറസ്റ്റ് ചെയ്തത്. ഇരുവരും ദുര്ഗ് സെന്ട്രല് ജയിലിലാണുള്ളത്. അറസ്റ്റില് വലിയ പ്രതിഷേധമാണ് കേരളത്തിലുടനീളം ഉയരുന്നത്.
എന്ഐഎ കോടതിയെ സമീപിക്കാമെന്ന് സെഷന്സ് കോടതിയുടെ ഉത്തരവിലുണ്ടായിരുന്നു. തുടര്ന്നാണ് ജാമ്യാപേക്ഷയുമായി എന്ഐഎ കോടതിയെ സമീപിച്ചത്.
-
kerala3 days ago
മലപ്പുറത്ത് മാലിന്യ സംസ്കരണ യൂണിറ്റില് അപകടം; മൂന്ന് അതിഥി തൊഴിലാളികള് മരിച്ചു
-
News3 days ago
റഷ്യയിലും ജപ്പാനിലും ആഞ്ഞടിച്ച് സുനാമി
-
kerala3 days ago
സമാനതകളില്ലാത്ത ഭാഷാസമരം
-
Video Stories2 days ago
അസമിലെ കുടിയൊഴിപ്പിക്കല്; അധികൃതർ നടത്തിയ നിയമ വിരുദ്ധ പ്രവര്ത്തനം; സമദാനി
-
kerala3 days ago
‘ഉമ്മ ഞാന് മരിക്കുകയാണ്, അല്ലെങ്കില് ഇവര് എന്നെ കൊല്ലും’; തൃശൂരില് ഭര്തൃവീട്ടില് യുവതി ജീവനൊടുക്കി
-
kerala2 days ago
സ്കൂള് അവധിക്കാലം ജൂണ്, ജൂലൈ മാസത്തിലേക്ക് മാറ്റിയാലോ?; ചര്ച്ചക്ക് തുടക്കമിട്ട് മന്ത്രി വി ശിവന്കുട്ടി
-
india2 days ago
മാലേഗാവ് സ്ഫോടനം: പ്രജ്ഞാ സിങ് അടക്കം മുഴുവന് പ്രതികളെയും എന്.ഐ.എ കോടതി വെറുതെ വിട്ടു
-
kerala2 days ago
തെരുവുനായ്ക്കളെ ദയാവധം ചെയ്യുന്നത് നീട്ടിവെക്കണം; ഹൈക്കോടതി