india
ശിവസേനയുമായുള്ള പോരിനിടെ കങ്കണക്ക് വൈ കാറ്റഗറി സെക്യൂരിറ്റി; അമിത് ഷാക്ക് നന്ദി പറഞ്ഞ് താരം
രാജ്യം കോവിഡ് ദുരിതവും സാമ്പത്തിക മാന്ദ്യവും നേരിടുന്നതിനിടെ പ്രമുഖര്ക്കെതിരെ നിരന്തരം ആരോപണങ്ങളുമായി മാധ്യമങ്ങളെ വിവാദ വിഷയങ്ങളിലേക്ക് എത്തിക്കുന്ന രീതിയായിരുന്നു കങ്കണയുടേത്. സര്ക്കാരിനും മുംബൈ പൊലീസിനുമെതിരെ നിരന്തരമായി ആക്രമണമഴിച്ചുവിട്ടിരുന്നു
ന്യൂഡല്ഹി: മുംബൈയ്ക്കെതിരായ ‘അധിനിവേശ കശ്മീര്’ പരാമര്ശത്തില് പ്രതിഷേധമുയരുന്നതിനിടെ ബോളിവുഡ് നടി കങ്കണ റനൗട്ടിന് വൈ പ്ലസ് കാറ്റഗറി സുരക്ഷ ഏര്പ്പെടുത്തി കേന്ദ്ര സര്ക്കാര്. സുശാന്ത് സിങ് രാജ്പുത്തിന്റെ മരണത്തിനു പിന്നാലെ തുടങ്ങിയ വിവാദങ്ങള് മഹാരാഷ്ട്രയില് ബിജെപി മുതലെടുക്കുന്നതിനിടെയാണ് ശിവസേനക്ക് എതിരെ തിരിഞ്ഞ കങ്കണക്ക് കേന്ദ്ര സര്ക്കാര് സംരക്ഷണമൊരുക്കുന്നത്.
ഒരു സ്വകാര്യ സുരക്ഷ ഉദ്യോഗസ്ഥന്, കമാന്ഡോകള് ഉള്പ്പെടെ 11 പൊലീസുകാരും കങ്കണയുടെ സുരക്ഷയ്ക്കുണ്ടാകുമെന്ന് കേന്ദ്ര ആഭ്യന്തരമന്ത്രാലയ വൃത്തങ്ങള് അറിയിച്ചു. സുശാന്ത് സിങ് രാജ്പുത്തിന്റെ മരണത്തിനു പിന്നാലെ ചലച്ചിത്ര മേഖലയില് മയക്കുമരുന്ന് ഉപയോഗം വ്യാപകമാണെന്ന് കങ്കണ പറഞ്ഞിരുന്നു. അതിനാല് നിലനില്ക്കുന്ന ഭീഷണികളെത്തുടര്ന്നാണ് സുരക്ഷയെന്ന് വാര്ത്താ ഏജന്സിയായ പിടിഐ റിപ്പോര്ട്ട് ചെയ്യുന്നു.
https://twitter.com/KanganaTeam/status/1302846165637971969
ഒരു ദേശസ്നേഹിയുടെ ശബ്ദത്തെ തകര്ക്കാന് ഒരു ഫാസിസ്റ്റിനും കഴിയില്ലെന്നതിന്റെ തെളിവാണിത്. ഇപ്പോഴത്തെ സാഹചര്യം കണക്കിലെടുത്ത് പിന്നീട് മുംബൈ സന്ദര്ശിക്കാന് എന്നോട് ആവശ്യപ്പെട്ടിരുന്ന അമിത് ഷായോട് ഞാന് നന്ദിയുള്ളവളാണ്, ഇന്ത്യയുടെ മകളുടെ വാക്കുകള് യാഥാര്ഥ്യമാക്കാന് അദ്ദേഹത്തിന് സാധിച്ചു, നമ്മുടെ ആത്മാഭിമാനത്തെ ബഹുമാനിക്കുന്നു, ജയ് ഹിന്ദ്.. കങ്കണ ട്വിറ്ററില് കുറിച്ചു.
നടന് സുശാന്ത് സിങ് രാജ്പുത്തിന്റെ മരണത്തില് കോണ്ഗ്രസ് -ശിവസേന -എന്സിപി സര്ക്കാരുകള്ക്കെതിരെ ബിജെപിക്കൊപ്പം കങ്കണ രംഗത്തെത്തിയിരുന്നു. രാജ്യം കോവിഡ് ദുരിതവും സാമ്പത്തിക മാന്ദ്യവും നേരിടുന്നതിനിടെ പ്രമുഖര്ക്കെതിരെ നിരന്തരം ആരോപണങ്ങളുമായി മാധ്യമങ്ങളെ വിവാദ വിഷയങ്ങളിലേക്ക് എത്തിക്കുന്ന രീതിയായിരുന്നു കങ്കണയുടേത്. സര്ക്കാരിനും മുംബൈ പൊലീസിനുമെതിരെ നിരന്തരമായി ആക്രമണമഴിച്ചുവിട്ടിരുന്നു കങ്കണ പരിധിവിട്ട പല ആരോപണങ്ങളും നടത്തിയിരുന്നു. ഇതിനുപിന്നാലെ കങ്കണയ്ക്കെതിരെ ശിവസേന എംപി സഞ്ജയ് റാവുത്ത് അടക്കം പലരും രംഗത്തെത്തി. തുടര്ന്നാണ് മുംബൈ പാക്ക് അധിനിവേശ കശ്മീര് പോലെയെന്ന് കങ്കണ പ്രസ്താവന നടത്തിയത്.
നരേന്ദ്ര മോദി അനുയായിയും ബിജെപി അനുഭാവിയുമായ കങ്കണ മുംബൈയിലെത്തിയാല് വനിത നേതാക്കളെക്കൊണ്ട് മര്ദിപ്പിക്കുമെന്ന് ശിവസേന എംപി പ്രതാപ് സര്നായിക് കഴിഞ്ഞ ദിവസം പറഞ്ഞിരുന്നു. ഇതിന്റെ പശ്ചാത്തലത്തില് കങ്കണയ്ക്ക് മുംബൈയിലും സുരക്ഷയൊരുക്കുമെന്ന ഹിമാചല് പ്രദേശ് സര്ക്കാര് വ്യക്തമാക്കുകയും ചെയ്തിരുന്നു. കങ്കണ ഹിമാചലിന്റെ മകളാണെന്നും അതിനാല് സുരക്ഷയൊരുക്കേണ്ടത് സംസ്ഥാനത്തിന്റെ കടമയാണെന്നും മുഖ്യമന്ത്രി ജയ്റാം താക്കൂര് വ്യക്തമാക്കി. കങ്കണയുടെ സഹോദരിയും പിതാവും സുരക്ഷ ആവശ്യപ്പെട്ടിട്ടുണ്ടെന്നും അദ്ദേഹം കൂട്ടിച്ചേര്ത്തു. ഈമാസം ഒന്പതിന് കങ്കണ മുംബൈയിലെത്തുന്നുണ്ട്.
india
സ്കൂള് വിദ്യാര്ത്ഥിനികളോട് മോശമായി പെരുമാറിയ അധ്യാപകനെ രക്ഷിതാക്കളും നാട്ടുകാരും മര്ദിച്ച് പൊലീസിന് കൈമാറി
. അസ്ക പ്രദേശത്തെ ബലിച്ഛായ് യു.പി. സ്കൂള് അധ്യാപകനായ സൂര്യനാരായണ് നഹകെയാണ് നാട്ടുകാരുടെ കോപത്തിന് ഇരയായത്.
ഭുവനേശ്വര്: സ്കൂള് വിദ്യാര്ത്ഥിനികളോട് മോശമായി പെരുമാറിയ അധ്യാപകനെ രക്ഷിതാക്കളും നാട്ടുകാരും ചേര്ന്ന് മര്ദിച്ച സംഭവത്തില് ഒഡിഷയിലെ ഗഞ്ചാം ജില്ലയില് കലഹം. അസ്ക പ്രദേശത്തെ ബലിച്ഛായ് യു.പി. സ്കൂള് അധ്യാപകനായ സൂര്യനാരായണ് നഹകെയാണ് നാട്ടുകാരുടെ കോപത്തിന് ഇരയായത്.
കഴിഞ്ഞ ദിവസം ഒരു വിദ്യാര്ത്ഥിനിയെ തന്റെ മുറിയിലേക്ക് വിളിച്ചുവരുത്തി കെട്ടിപ്പിടിക്കാന് ശ്രമിക്കുകയും, അതിനെ മറ്റൊരു വിദ്യാര്ത്ഥിയെ കൊണ്ട് മൊബൈല് ഫോണില് പകര്ത്താന് നിര്ദ്ദേശിക്കുകയും ചെയ്തുവെന്നാണ് ആരോപണം. സംഭവം രക്ഷിതാക്കളുടെ ശ്രദ്ധയില്പ്പെട്ടതോടെ അവര് സ്കൂളില് എത്തി അധ്യാപകനെ നേരിട്ടും അടിച്ചുമാറ്റുകയായിരുന്നു.
ട്യൂഷന് ക്ലാസിലും സ്കൂള് സമയത്തും പെണ്കുട്ടികളോട് അധ്യാപകന് മോശമായി പെരുമാറിയിരുന്നു എന്ന മുന്പരാതികളും ഉണ്ടെന്ന് പ്രദേശവാസികള് ആരോപിക്കുന്നു. അതിന്റെ തുടര്ച്ചയായാണ് പുതിയ വെളിപ്പെടുത്തല്.
വിവരം ലഭിച്ചതോടെ പോലീസ് സ്കൂളിലെത്തിയപ്പോഴാണ് നാട്ടുകാര് അധ്യാപകനെ മര്ദിച്ചു കൊണ്ടിരുന്നത്. തുടര്ന്ന് പൊലീസ് ഇടപെട്ട് നഹകിനെ രക്ഷപ്പെടുത്തുകയും സുരക്ഷയ്ക്കായി കസ്റ്റഡിയിലെടുക്കുകയും ചെയ്തു. പരാതിയുമായി രക്ഷിതാക്കള് എത്തിയതായി പൊലീസ് സ്ഥിരീകരിച്ചു.
വിഷയം വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരെ അറിയിച്ചതായി സ്കൂള് ഹെഡ്മാസ്റ്റര് അറിയിച്ചു. സംഭവത്തെക്കുറിച്ച് വിശദമായ അന്വേഷണം പുരോഗമിക്കുകയാണെന്നും ഹെഡ്മാസ്റ്റര് വ്യക്തമാക്കി.
വിദ്യാര്ത്ഥിനികളോട് അധ്യാപകന് അപമര്യാദപരമായ പരാമര്ശങ്ങള് നടത്തിയെന്നും എതിര്ത്തപ്പോള് അടിച്ചുവെന്നും ഒരു വിദ്യാര്ത്ഥിനിയുടെ അമ്മ പറയുന്നു. മകള് മോശം അനുഭവത്തെ കുറിച്ച് പറഞ്ഞതിനെ തുടര്ന്ന് അധ്യാപകന്റെ മുന്നില് ചോദ്യം ചെയ്തപ്പോള് ‘അനുസരണക്കേട് കാണിച്ചതിനാല് ശിക്ഷിച്ചതാണ്’ എന്നായിരുന്നു അധ്യാപകന്റെ മറുപടിയെന്നും അവര് ആരോപിച്ചു.
പെണ്കുട്ടികളുടെയും രക്ഷിതാക്കളുടെയും ജീവനക്കാരുടെയും മൊഴി പൊലീസ് രേഖപ്പെടുത്തിയിട്ടുണ്ട്. കേസില് കൂടുതല് അന്വേഷണം നടക്കുകയാണെന്ന് പൊലീസ് അറിയിച്ചു.
india
ഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്
അഹമ്മദാബാദ്: ഇന്ത്യന് ജലാതിര്ത്തിയില് അനധികൃതമായി പ്രവര്ത്തിച്ചിരുന്ന പാകിസ്ഥാനി മത്സ്യബന്ധന ബോട്ട് ഇന്ത്യന് കോസ്റ്റ് ഗാര്ഡ് പിടികൂടി. ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്. ബുധനാഴ്ച നടന്ന ഓപ്പറേഷന് തുടര്ന്ന് ഇവരെ കൂടുതല് അന്വേഷണത്തിനായി ജഖാവു മറിന് പൊലീസിന് കൈമാറി.
ഗുജറാത്ത് ഡിഫന്സ് പിആര്ഒ വിംഗ് കമാന്ഡര് അഭിഷേക് കുമാര് തിവാരി എക്സിലൂടെ പ്രതികരിക്കുമ്പോള്, ഇന്ത്യയുടെ എക്സ്ക്ലൂസീവ് ഇക്കണോമിക് സോണില് (EEZ) പ്രവര്ത്തിച്ചിരുന്ന പാകിസ്ഥാന് ബോട്ടിനെയാണ് പിടികൂടിയത് എന്ന് അറിയിച്ചു. ദേശീയ സമുദ്രസുരക്ഷാ തന്ത്രത്തിന്റെ ഭാഗമായുള്ള തുടര്ച്ചയായ ജാഗ്രതയുടെ ഫലമാണിതെന്നും അദ്ദേഹം വ്യക്തമാക്കി.
കോസ്റ്റ് ഗാര്ഡ് എക്സില് പോസ്റ്റ് ചെയ്തതില്, സമുദ്രാതിര്ത്തി സംരക്ഷണത്തില് തീരസംരക്ഷണ സേനയുടെ അചഞ്ചല ജാഗ്രതയാണ് ഈ നടപടിയിലൂടെ തെളിയുന്നതെന്ന് വ്യക്തമാക്കിയിട്ടുണ്ട്. നിരന്തര നിരീക്ഷണവും കൃത്യമായ പ്രവര്ത്തനവുമാണ് ഇന്ത്യയുടെ സമുദ്രസുരക്ഷയുടെ അടിത്തറയെന്നുമാണ് കോസ്റ്റ് ഗാര്ഡിന്റെ വിശദീകരണം.
india
എസ്ഐആര് സമയപരിധി നീട്ടി
അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
ന്യൂഡല്ഹി: വോട്ടര് പട്ടികയുടെ തീവ്ര പരിശോധനാ പ്രക്രിയയ്ക്കുള്ള സമയപരിധി കേന്ദ്ര തെരഞ്ഞെടുപ്പ് കമ്മിഷന് നീട്ടി. അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
തമിഴ്നാട്, ഗുജറാത്ത് സംസ്ഥാനങ്ങളില് ഡിസംബര് 14 വരെയും മധ്യപ്രദേശ്, ഛത്തീസ്ഗഢ്, ആന്ഡമാന്-നിക്കോബാര് ദ്വീപുസമൂഹങ്ങളില് ഡിസംബര് 18 വരെയും പരിശോധനാ സമയം നീട്ടിയതായി കമ്മിഷന് അറിയിച്ചു. ഉത്തര്പ്രദേശില് സമയപരിധി ഡിസംബര് 26 വരെ ദീര്ഘിപ്പിച്ചിട്ടുണ്ട്.
കേരളത്തില് എസ്ഐആര് നടപടികള് നേരത്തെ തന്നെ നീട്ടിയിരുന്നു. എന്്യൂമറേഷന് ഫോം സമര്പ്പിക്കാനുള്ള അവസാന തീയതി ഡിസംബര് 18 വരെയാണുള്ളത്. ഡിസംബര് 23ന് കരട് വോട്ടര് പട്ടിക പ്രസിദ്ധീകരിക്കും. അന്തിമ പട്ടിക ഫെബ്രുവരി 21ന് പുറത്തിറങ്ങും.
-
india2 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala2 days ago‘ഒരു സ്ത്രീക്കും അനുഭവിക്കാനാകാത്ത ക്രൂരത ആ നടുക്കം ഇന്നും മനസില്’; നടിയുടെ മൊഴി രേഖപ്പെടുത്തിയ എസ്എച്ച്ഒയുടെ വെളിപ്പെടുത്തല്
-
kerala2 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
india2 days agoആര്എസ്എസ് പിന്തുടരുന്നത് അരാജകത്വമാണ്, അവര് സമത്വത്തെ പിന്തുണക്കുന്നില്ല; രാഹുല് ഗാന്ധി
-
kerala2 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
kerala2 days agoഎറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
-
india1 day ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി
-
kerala1 day agoതദ്ദേശ തെരഞ്ഞെടുപ്പ് രണ്ടാം ഘട്ടം; ഏഴു ജില്ലകള് നാളെ പോളിംഗ് ബൂത്തിലേക്ക്