india
കേരള അതിര്ത്തി അടച്ചത് അസംബന്ധം; കര്ണാടക സര്ക്കാരിനെതിരെ രൂക്ഷ വിമര്ശനവുമായി ഹൈക്കോടതി
ദക്ഷിണ കന്നട ജില്ലക്കും കാസര്കോട് ജില്ലക്കുമിടയില് 25 എന്ട്രി പോയന്റുകളുണ്ടായിട്ടും നാല് അതിര്ത്തികളിലൂടെ മാത്രമാണ് യാത്ര അനുവദിക്കുന്നതെന്നും ഏത് നിയമത്തിന്റെ അടിസ്ഥാനത്തിലാണ് അതിര്ത്തികള് അടക്കുന്നതെന്നും കര്ണാടക ഹൈക്കോടതി ചോദിച്ചു
ബംഗളൂരു: കേരളത്തില്നിന്നുള്ളവര്ക്ക് കോവിഡ് ആര്.ടി.പി.സി.ആര് നെഗറ്റിവ് സര്ട്ടിഫിക്കറ്റ് നിര്ബന്ധമാക്കിയ ഉത്തരവിനെ തുടര്ന്ന് അതിര്ത്തികള് അടച്ചിട്ട നടപടിയില് കര്ണാടകയിലെ യെദ്യൂരപ്പ സര്ക്കാറിനെതിരെ വീണ്ടും രൂക്ഷവിമര്ശനവുമായി ഹൈകോടതി. ദക്ഷിണ കന്നട ജില്ലക്കും കാസര്കോട് ജില്ലക്കുമിടയില് 25 എന്ട്രി പോയന്റുകളുണ്ടായിട്ടും നാല് അതിര്ത്തികളിലൂടെ മാത്രമാണ് യാത്ര അനുവദിക്കുന്നതെന്നും ഏത് നിയമത്തിന്റെ അടിസ്ഥാനത്തിലാണ് അതിര്ത്തികള് അടക്കുന്നതെന്നും കര്ണാടക ഹൈക്കോടതി ചോദിച്ചു.
യാത്രനിയന്ത്രണത്തിലെ ഉത്തരവില് ഇളവ് ഏര്പ്പെടുത്തുമെന്ന മുന് നിലപാട് മാറ്റിയ കര്ണാടക സര്ക്കാര്, നിയന്ത്രണം തുടരുമെന്നാണ് ചൊവ്വാഴ്ച ഹൈക്കോടതിയെ അറിയിച്ചത്. തുടര്ന്ന് ഉത്തരവില് ഇളവ് അനുവദിക്കേണ്ടതില്ലെന്ന തീരുമാനത്തെ േചാദ്യം ചെയ്ത ഹൈക്കോടതി, വിഷയത്തില് ദക്ഷിണ കന്നട ഡെപ്യൂട്ടി കമീഷണറില്നിന്ന് വിശദീകരണം തേടി. കേരളത്തില്നിന്ന് വിമാനത്തില് കര്ണാടകയിലേക്ക് വരുന്ന ഒരാളോട് ബംഗളൂരു വിമാനത്താവളത്തിലൂടെ മാത്രമേ വരാന് പാടുള്ളൂവെന്ന് പറയുമോയെന്നും ഒരു റോഡിലൂടെ മാത്രമേ പ്രവേശിക്കാന് പാടുള്ളൂവെന്ന് എന്ത് അധികാരത്തിലാണ് പറയുന്നതെന്നും ഹൈക്കോടതി ചോദിച്ചു.
ആര്.ടി.പി.സി.ആര് നെഗറ്റിവ് സര്ട്ടിഫിക്കറ്റ് നിബന്ധനയോടെ കേരളത്തിലെ മറ്റു ജില്ലകളിലെ എല്ലാ അതിര്ത്തികളിലൂടെയും പ്രവേശനം അനുവദിക്കുമ്പോഴും കാസര്കാടുനിന്ന് ദക്ഷിണ കന്നട ജില്ലയിലേക്ക് നാലു വഴികളിലൂടെ മാത്രമാണ് പ്രവേശനം അനുവദിക്കുന്നതെന്ന ഹരജിക്കാരന്റെ വാദം പരിഗണിച്ചാണ് സര്ക്കാര് നടപടിയെ ഹൈക്കോടതി ചോദ്യം ചെയ്തത്. മറ്റു ജില്ലകളില്നിന്നുള്ള പ്രവേശനം തടയാന് ആഗ്രഹിക്കുന്നില്ല. എന്നാല്, ഒരു ജില്ലയില്നിന്ന് മാത്രം പ്രവേശനം തടയുന്നത് ശുദ്ധ അസംബന്ധമാണെന്ന് ഹൈക്കോടതി വിമര്ശിച്ചു.
india
ഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്
അഹമ്മദാബാദ്: ഇന്ത്യന് ജലാതിര്ത്തിയില് അനധികൃതമായി പ്രവര്ത്തിച്ചിരുന്ന പാകിസ്ഥാനി മത്സ്യബന്ധന ബോട്ട് ഇന്ത്യന് കോസ്റ്റ് ഗാര്ഡ് പിടികൂടി. ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്. ബുധനാഴ്ച നടന്ന ഓപ്പറേഷന് തുടര്ന്ന് ഇവരെ കൂടുതല് അന്വേഷണത്തിനായി ജഖാവു മറിന് പൊലീസിന് കൈമാറി.
ഗുജറാത്ത് ഡിഫന്സ് പിആര്ഒ വിംഗ് കമാന്ഡര് അഭിഷേക് കുമാര് തിവാരി എക്സിലൂടെ പ്രതികരിക്കുമ്പോള്, ഇന്ത്യയുടെ എക്സ്ക്ലൂസീവ് ഇക്കണോമിക് സോണില് (EEZ) പ്രവര്ത്തിച്ചിരുന്ന പാകിസ്ഥാന് ബോട്ടിനെയാണ് പിടികൂടിയത് എന്ന് അറിയിച്ചു. ദേശീയ സമുദ്രസുരക്ഷാ തന്ത്രത്തിന്റെ ഭാഗമായുള്ള തുടര്ച്ചയായ ജാഗ്രതയുടെ ഫലമാണിതെന്നും അദ്ദേഹം വ്യക്തമാക്കി.
കോസ്റ്റ് ഗാര്ഡ് എക്സില് പോസ്റ്റ് ചെയ്തതില്, സമുദ്രാതിര്ത്തി സംരക്ഷണത്തില് തീരസംരക്ഷണ സേനയുടെ അചഞ്ചല ജാഗ്രതയാണ് ഈ നടപടിയിലൂടെ തെളിയുന്നതെന്ന് വ്യക്തമാക്കിയിട്ടുണ്ട്. നിരന്തര നിരീക്ഷണവും കൃത്യമായ പ്രവര്ത്തനവുമാണ് ഇന്ത്യയുടെ സമുദ്രസുരക്ഷയുടെ അടിത്തറയെന്നുമാണ് കോസ്റ്റ് ഗാര്ഡിന്റെ വിശദീകരണം.
india
എസ്ഐആര് സമയപരിധി നീട്ടി
അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
ന്യൂഡല്ഹി: വോട്ടര് പട്ടികയുടെ തീവ്ര പരിശോധനാ പ്രക്രിയയ്ക്കുള്ള സമയപരിധി കേന്ദ്ര തെരഞ്ഞെടുപ്പ് കമ്മിഷന് നീട്ടി. അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
തമിഴ്നാട്, ഗുജറാത്ത് സംസ്ഥാനങ്ങളില് ഡിസംബര് 14 വരെയും മധ്യപ്രദേശ്, ഛത്തീസ്ഗഢ്, ആന്ഡമാന്-നിക്കോബാര് ദ്വീപുസമൂഹങ്ങളില് ഡിസംബര് 18 വരെയും പരിശോധനാ സമയം നീട്ടിയതായി കമ്മിഷന് അറിയിച്ചു. ഉത്തര്പ്രദേശില് സമയപരിധി ഡിസംബര് 26 വരെ ദീര്ഘിപ്പിച്ചിട്ടുണ്ട്.
കേരളത്തില് എസ്ഐആര് നടപടികള് നേരത്തെ തന്നെ നീട്ടിയിരുന്നു. എന്്യൂമറേഷന് ഫോം സമര്പ്പിക്കാനുള്ള അവസാന തീയതി ഡിസംബര് 18 വരെയാണുള്ളത്. ഡിസംബര് 23ന് കരട് വോട്ടര് പട്ടിക പ്രസിദ്ധീകരിക്കും. അന്തിമ പട്ടിക ഫെബ്രുവരി 21ന് പുറത്തിറങ്ങും.
india
ഇന്ഡിഗോ വിമാന സര്വീസ് റദ്ദാക്കിയതില് നഷ്ടപരിഹാരം; 5,000 മുതല് 10,000 വരെ, കൂടാതെ ട്രാവല് വൗച്ചറും
പുറപ്പെടാനിരിക്കെ 24 മണിക്കൂറിനുള്ളില് റദ്ദാക്കിയ സര്വീസുകളാണ് നഷ്ടപരിഹാര പദ്ധതിയില് ഉള്പ്പെടുന്നത്.
വിമാന സര്വീസ് റദ്ദാക്കിയതിനെ തുടര്ന്ന് വലഞ്ഞ യാത്രക്കാര്ക്ക് നഷ്ടപരിഹാരം നല്കുമെന്ന് ഇന്ഡിഗോ പ്രഖ്യാപിച്ചു. പുറപ്പെടാനിരിക്കെ 24 മണിക്കൂറിനുള്ളില് റദ്ദാക്കിയ സര്വീസുകളാണ് നഷ്ടപരിഹാര പദ്ധതിയില് ഉള്പ്പെടുന്നത്. ഇതിന്റെ ഭാഗമായി യാത്രക്കാര്ക്ക് 5,000 മുതല് 10,000 വരെ തുക നല്കും. പ്രതിസന്ധി ഏറ്റവുമധികം ബാധിച്ച യാത്രക്കാര്ക്ക് 10,000 വിലവരുന്ന ട്രാവല് വൗച്ചറുകളും ഇന്ഡിഗോ നല്കും.
ഈ വൗച്ചറുകള് അടുത്ത 12 മാസം കാലയളവില് ഇന്ഡിഗോയുടെ ഏത് യാത്രക്കും ഉപയോഗിക്കാവുന്നതാണ്. ഡിസംബര് 3, 4, 5 തീയതികളില് നിരവധി യാത്രക്കാര് മണിക്കൂറുകളോളം വിമാനത്താവളങ്ങളില് കുടുങ്ങിപ്പോയ സംഭവത്തെത്തുടര്ന്ന്, കാര്യങ്ങള് വിശദീകരിക്കാന് ഇന്ഡിഗോ സിഇഒ പീറ്റര് എല്ബേഴ്സ് ഡിജിസിഎ ആസ്ഥാനത്തെത്തി. സ്ഥിതിഗതികള് വിലയിരുത്തുന്നതിന്റെ ഭാഗമായാണ് ഡിജിസിഎ ഇന്ഡിഗോയുടെ പ്രവര്ത്തനങ്ങള് നിരീക്ഷിക്കാന് എട്ടംഗ മേല്നോട്ട സമിതിയെ നിയമിച്ചത്.
പ്രതിസന്ധി പരിഹരിക്കുംവരെ, ഈ സംഘത്തില് നിന്നുള്ള രണ്ട് പേര് ദിവസവും ഇന്ഡിഗോയുടെ കോര്പ്പറേറ്റ് ഓഫീസില് സാന്നിദ്ധ്യം ഉറപ്പാക്കും. യാത്രക്കാര്ക്ക് നഷ്ടപരിഹാരം നല്കാനുള്ള മാര്ഗനിര്ദേശങ്ങള് കര്ശനമായി പാലിക്കണമെന്ന് ഡല്ഹി ഹൈക്കോടതിയും ഇന്ഡിഗോയെ നിര്ദേശിച്ചിട്ടുണ്ട്. 10% സര്വീസുകള് വെട്ടിക്കുറച്ചതോടെ പ്രതിദിനം ഏകദേശം 400 സര്വീസുകള് കുറയുന്ന സാഹചര്യമാണിപ്പോള് ഉണ്ടാകുന്നത്.
-
india2 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala2 days ago‘ഒരു സ്ത്രീക്കും അനുഭവിക്കാനാകാത്ത ക്രൂരത ആ നടുക്കം ഇന്നും മനസില്’; നടിയുടെ മൊഴി രേഖപ്പെടുത്തിയ എസ്എച്ച്ഒയുടെ വെളിപ്പെടുത്തല്
-
kerala2 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
india2 days agoആര്എസ്എസ് പിന്തുടരുന്നത് അരാജകത്വമാണ്, അവര് സമത്വത്തെ പിന്തുണക്കുന്നില്ല; രാഹുല് ഗാന്ധി
-
kerala2 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
kerala3 days agoഇലക്ഷൻ ഡ്യൂട്ടിയ്ക്കെത്തിയ പൊലീസ് ഉദ്യോഗസ്ഥന് പാമ്പുകടിയേറ്റു
-
kerala2 days agoഎറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
-
india1 day ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി