Connect with us

kerala

കെ.പി.ഉമ്മര്‍ പുരസ്‌കാരം ചന്ദ്രിക റിപ്പോര്‍ട്ടര്‍ ഫൈസല്‍ മാടായിക്ക്

കെ.പി.ഉമ്മറിന്റെ ഇരുപത്തിരണ്ടാം ചരമവാര്‍ഷികദിനമായ ഒക്ടോബര്‍ 29 ഞായറാഴ്ച വൈകുന്നേരം 4 മണിക്ക് കണ്ണൂര്‍ ചേമ്പര്‍ ഹാളില്‍ വെച്ച് മേയര്‍ അഡ്വക്കറ്റ് ടി.ഒ.മോഹനന്‍ അവാര്‍ഡുകള്‍ സമ്മാനിക്കുമെന്ന് സംഘാടകസമിതി ഭാരവാഹികള്‍ അറിയിച്ചു

Published

on

കണ്ണൂര്‍: മലയാള ചലച്ചിത്ര സൗഹൃദവേദിയും കെ.പി.ഉമ്മര്‍ അനുസ്മരണവേദിയും, കണ്ണൂരിലെ എയറോസിസ് കോളേജിന്റെ സഹകരണത്തോടെ ഏര്‍പ്പെടുത്തിയ കെ.പി.ഉമ്മര്‍ അവാര്‍ഡുകള്‍ പ്രഖ്യാപിച്ചു.

നടന്മാരായ സിബി തോമസ്, പി.പി.കുഞ്ഞികൃഷ്ണന്‍, സംവിധായകന്‍ ഷെരീഫ് ഈസ, നടി അജിഷ പ്രഭാകരന്‍, ഗാനരചയിതാവ് ടി.പി.രഞ്ജിത്ത് പത്മനാഭന്‍, സംഗീത സംവിധായകന്‍ പ്രിയേഷ് പേരാവൂര്‍, നോവലിസ്റ്റുകളായ ബേപ്പൂര്‍ മുരളീധര പണിക്കര്‍, പ്രൊഫസര്‍ കെ.പി.മാത്യു, ഡോക്ടര്‍ ശശികല പണിക്കര്‍, കഥാകൃത്ത് തമ്പാന്‍ മേലാചാരി, മാതൃഭൂമി ന്യൂസ് ന്യൂസ് എഡിറ്റര്‍ ഡോക്ടര്‍ ജി.പ്രസാദ്കുമാര്‍, മലയാള മനോരമ റിപ്പോര്‍ട്ടര്‍ ദീപ്തി പെല്ലിശേരി, ചന്ദ്രിക റിപ്പോര്‍ട്ടര്‍ ഫൈസല്‍ മാടായി, കണ്ണൂര്‍ മീഡിയ എഡിറ്റര്‍ ശിവദാസന്‍ കരിപ്പാല്‍, കേരളവിഷന്‍ റിപ്പോര്‍ട്ടര്‍ റിയാസ് കെ.എം.ആര്‍., കണ്ണൂര്‍വിഷന്‍ ന്യൂസ് റീഡര്‍ കൃഷ്‌ണേന്ദു എം ഭാസ്‌കരന്‍, ഷോര്‍ട്ട് ഫിലിം സംവിധായകന്‍ ജലീല്‍ ബാദുഷ, വീഡിയോ ആല്‍ബം സംവിധായകന്‍ ഗിരീഷ് പെരുവയല്‍ എന്നിവര്‍ക്കാണ് അവാര്‍ഡ്.

കെ.പി.ഉമ്മറിന്റെ ഇരുപത്തിരണ്ടാം ചരമവാര്‍ഷികദിനമായ ഒക്ടോബര്‍ 29 ഞായറാഴ്ച വൈകുന്നേരം 4 മണിക്ക് കണ്ണൂര്‍ ചേമ്പര്‍ ഹാളില്‍ വെച്ച് മേയര്‍ അഡ്വക്കറ്റ് ടി.ഒ.മോഹനന്‍ അവാര്‍ഡുകള്‍ സമ്മാനിക്കുമെന്ന് സംഘാടകസമിതി ഭാരവാഹികളായ ഡോക്ടര്‍ ഷാഹുല്‍ഹമീദ്, രമേഷ്‌കുമാര്‍ ടി.കെ., പി.പി.സക്കറിയ, എം.ടി.പ്രകാശന്‍, റഹിം പൂവാട്ടുപറമ്പ്, സനീഷ് ജെയിംസ് എന്നിവര്‍ പത്രക്കുറിപ്പിലൂടെ അറിയിച്ചു.

kerala

പരിശീലനത്തിനിടെ പാലത്തില്‍ നിന്ന് ചാടി; ടാന്‍സാനിയന്‍ നാവിക ഉദ്യോഗസ്ഥനെ കാണാതായി

ടാന്‍സാനിയയില്‍ നിന്ന് പരിശീലനത്തിനെത്തിയ നാവികന്‍ തേവര പാലത്തില്‍ നിന്ന് ചാടിയപ്പോള്‍ ഒഴുക്കില്‍പ്പെടുകയായിരുന്നു.

Published

on

കൊച്ചിയില്‍ പരിശീലനത്തിനിടെ ടാന്‍സാനിയന്‍ നാവിക ഉദ്യോഗസ്ഥനെ ഒഴുക്കില്‍പ്പെട്ട് കാണാതായി. ടാന്‍സാനിയയില്‍ നിന്ന് പരിശീലനത്തിനെത്തിയ നാവികന്‍ തേവര പാലത്തില്‍ നിന്ന് ചാടിയപ്പോള്‍ ഒഴുക്കില്‍പ്പെടുകയായിരുന്നു. നേവിയും ഫയര്‍ഫോഴ്‌സും തിരിച്ചില്‍ നടത്തുകയാണ്.

Continue Reading

kerala

പാലക്കാട് പത്താം ക്ലാസ് വിദ്യാര്‍ഥി വീട്ടിനുള്ളില്‍ മരിച്ച നിലയില്‍

അമ്മ വഴക്കു പറഞ്ഞതിലുള്ള മനോവിഷമമാണ് മരണ കാരണമെന്ന് പൊലീസ് പറഞ്ഞു.

Published

on

പാലക്കാട് വിദ്യാര്‍ത്ഥിയെ വീട്ടിനുള്ളില്‍ മരിച്ച നിലയില്‍ കണ്ടെത്തി. മണ്ണാര്‍ക്കാട് അലനല്ലൂരില്‍ പാലക്കാഴി ചോലാക്കാടന്‍ വീട്ടില്‍ മുഹമ്മദാലിയുടെ മകന്‍ പത്താം ക്ലാസ് വിദ്യാര്‍ത്ഥിയായ ആദില്‍ ( 14) നെയാണ് വൈകിട്ടോടെ തൂങ്ങി മരിച്ച നിലയില്‍ കണ്ടെത്തിയത്.

മൃതദേഹം മണ്ണാര്‍ക്കാട് താലൂക്ക് ആശുപത്രിയിലെ മോര്‍ച്ചറിയിലേക്ക് മാറ്റി. അമ്മ വഴക്കു പറഞ്ഞതിലുള്ള മനോവിഷമമാണ് മരണ കാരണമെന്ന് പൊലീസ് പറഞ്ഞു. സംഭവത്തെ തുടര്‍ന്ന് പാലക്കാട് നാട്ടുകല്‍ പൊലീസെത്തി തുടര്‍ നടപടി സ്വീകരിച്ചു.

Continue Reading

kerala

കൊല്ലത്ത് പൊട്ടിക്കിടന്ന വൈദ്യുതിലൈനില്‍ ചവിട്ടി ഗൃഹനാഥന്‍ ഷോക്കേറ്റു മരിച്ചു

പെരുമ്പുഴ സ്വദേശി ഗോപാലകൃഷ്ണ പിള്ള (72) ആണ് മരിച്ചത്.

Published

on

കൊല്ലത്ത് പൊട്ടിക്കിടന്ന വൈദ്യുതിലൈനില്‍ ചവിട്ടി ഗൃഹനാഥന്‍ ഷോക്കേറ്റു മരിച്ചു. പെരുമ്പുഴ സ്വദേശി ഗോപാലകൃഷ്ണ പിള്ള (72) ആണ് മരിച്ചത്. വീടിന് സമീപം പൊട്ടിവീണ വൈദ്യുതി കമ്പിയില്‍ നിന്ന് ഷോക്കേല്‍ക്കുകയായിരുന്നു. രക്ഷിക്കാന്‍ ശ്രമിച്ച മകള്‍ അശ്വതിക്കും വൈദ്യുതാഘാതമേറ്റു.

Continue Reading

Trending