Connect with us

kerala

80 ലക്ഷം ലോട്ടറിയടിച്ചു; ഉടന്‍ തന്നെ കൂട്ടുകാരെയും കൂട്ടി പൊലീസ് സ്റ്റേഷനിലേക്ക്

കൂലിപ്പണിക്കായി കൊയിലാണ്ടിയില്‍ എത്തിയ മുഹമ്മദ്‌സായിദ് നന്തി ലൈറ്റ് ഹൗസിനടുത്തു വാടക കെട്ടിടത്തിലാണ് താമസിക്കുന്നത്

Published

on

ലോട്ടറിയടിച്ചതിനു പിന്നാലെ കൂട്ടുകാരെയും കൂട്ടി പൊലീസ് സ്റ്റേഷനില്‍ പോയി ഇതര സംസ്ഥാന തൊഴിലാളിയായ യുവാവ്. ബിഹാര്‍ സ്വദേശി മുഹമ്മദ് സായിദാണ് സ്റ്റഷനില്‍ ചെന്ന് അഭയം തേടിയത്. 80 ലക്ഷം രൂപയുടെ ലോട്ടറിയാണ് സിയാദിന് അടിച്ചത്. ഉടന്‍ തന്നെ കൂട്ടുകാരെ വിളിച്ചു. അവരെ ഒപ്പം കൂട്ടി നേരെ സ്‌റ്റേഷനില്‍ പോയി. ഭാഗ്യവാനായപ്പോള്‍ ആരെങ്കിലും അപായപ്പെടുത്തുമെന്ന ഭീതിയിലാണ് ലോട്ടറി ടിക്കറ്റുമായി പൊലീസിനെ സമീപിച്ചത്.

കൂലിപ്പണിക്കായി കൊയിലാണ്ടിയില്‍ എത്തിയ മുഹമ്മദ്‌സായിദ് നന്തി ലൈറ്റ് ഹൗസിനടുത്തു വാടക കെട്ടിടത്തിലാണ് താമസിക്കുന്നത്. ടിക്കറ്റ് വാങ്ങിയ ശേഷം തുടര്‍ നടപടിക്കായി സഹായം നല്‍കുമെന്നു പൊലീസ് ഉറപ്പുനല്‍കിയിട്ടുണ്ട്.

kerala

‘മനുഷ്യരാണ്, മറക്കരുത്’, വിരമിച്ച കെഎസ്ആര്‍ടിസി ജീവനക്കാര്‍ക്ക് ആനുകൂല്യം വൈകരുതെന്ന് ഹൈക്കോടതി

കെഎസ്ആര്‍ടിസി ജീവനക്കാര്‍ മനുഷ്യരാണെന്ന് മറക്കരുതെ്ന്ന് ഹൈക്കോടതി ഓര്‍മിപ്പിച്ചു.

Published

on

വിരമിച്ച കെഎസ്ആര്‍ടിസി ജീവനക്കാര്‍ക്ക് ആനുകൂല്യം വൈകരുതെന്ന് ഹൈക്കോടതി. കെഎസ്ആര്‍ടിസി ജീവനക്കാര്‍ മനുഷ്യരാണെന്ന് മറക്കരുതെ്ന്ന് ഹൈക്കോടതി ഓര്‍മിപ്പിച്ചു.

വിരമിച്ച ജീവനക്കാര്‍ക്കുള്ള പെന്‍ഷന്‍ ആനുകൂല്യങ്ങള്‍ നാലു മാസത്തിനകം നല്‍കണമെന്ന സിംഗിള്‍ ബെഞ്ചിന്റെ ഉത്തരവ് പുനര്‍ പരിശോധിക്കണമെന്ന് ആവശ്യപ്പെട്ട് കെഎസ്ആര്‍ടിസി നല്‍കിയ ഹര്‍ജികള്‍ പരിശോധിക്കുന്നതിനിടയാണ് കോടതിയുടെ പ്രതികരണം. വിരമിച്ചവര്‍ക്ക് ആനുകൂല്യം നല്‍കാന്‍ രണ്ടുവര്‍ഷം സാവകാശം അനുവദിക്കാനാവില്ല. കുറച്ചെങ്കിലും ആനുകൂല്യം നല്‍കിയിട്ട് സാവകാശം തേടാനും കോടതി നിര്‍ദേശം. എല്ലാ മാസവും കൃത്യമായി ഒരു തുക പെന്‍ഷന് വേണ്ടി മാറ്റിവെക്കാതെ വേറെ നിവൃത്തിയില്ലെന്നും കോടതി പറഞ്ഞു.

Continue Reading

kerala

നായക്കുട്ടിയെ മോഷ്ടിച്ച എഞ്ചിനീയറിങ് വിദ്യാര്‍ത്ഥികള്‍ക്ക് ജാമ്യം; കേസ് തുടരാന്‍ താല്‍പ്പര്യമില്ലെന്ന് ഉടമ

കഴിഞ്ഞ ദിവസമാണ് പ്രതികളെ പൊലീസ് പിടികൂടിയത്.

Published

on

കൊച്ചിയിലെ പെറ്റ് ഷോപ്പില്‍ നിന്ന് നായ്ക്കുട്ടിയെ മോഷ്ട്ടിച്ച കേസിലെ പ്രതികള്‍ക്ക് ജാമ്യം. എന്‍ജിനിയറിങ് വിദ്യാര്‍ത്ഥികളായ നിഖില്‍, ശ്രേയ എന്നിവര്‍ക്കാണ് ജാമ്യം ലഭിച്ചിരിക്കുന്നത്. മോഷണം പോയ നായ്ക്കുട്ടിയെ കടയുടമ ബാസിതിന് തിരികെ കോടതി നല്‍കി.

എറണാകുളം ജൂഡിഷ്യല്‍ ഫസ്റ്റ് ക്ലാസ് കോടതിയാണ് ഇരുവര്‍ക്കും ജാമ്യം നല്‍കിയത്. പ്രതികളെ രണ്ടുപേരെയും കോടതിയില്‍ ഹാജരക്കിയിരുന്നു. എന്നാല്‍ അതേസമയം കേസുമായി മുന്നോട്ട് പോകാന്‍ താല്‍പര്യമില്ലെന്ന് ഷോപ്പുടമ മുഹമ്മദ് ബാസിത് കോടതിയെ അറിയിച്ചു.

കഴിഞ്ഞ ദിവസമാണ് പ്രതികളെ പൊലീസ് പിടികൂടിയത്. പ്രതികള്‍ ഹെല്‍മറ്റിന് ഉള്ളില്‍ ഒളിച്ച് കടത്തിയാണ് നായ്ക്കുട്ടിയെ മോഷ്ടിച്ചത്.

Continue Reading

crime

കുളിമുറി ദൃശ്യം പകര്‍ത്തി ഭീഷണി: മുങ്ങിയ പ്രതി വീണ്ടും പിടിയില്‍

വീഡിയോ പകര്‍ത്തിയ ശേഷം സമൂഹ മാധ്യമങ്ങളില്‍ പ്രചരിപ്പിക്കുമെന്ന് യുവതിയെ ഭീഷണിപ്പെടുത്തി

Published

on

പേരാവൂര്‍: യുവതിയുടെ കുളിമുറി ദൃശ്യങ്ങള്‍ പകര്‍ത്തി ഭീഷണിപ്പെടുത്തിയ കേസില്‍ യുവാവ് അറസ്റ്റില്‍. വീഡിയോ പകര്‍ത്തിയ ശേഷം സമൂഹ മാധ്യമങ്ങളില്‍ പ്രചരിപ്പിക്കുമെന്ന് യുവതിയെ ഭീഷണിപ്പെടുത്തിയിരുന്നു. കോളയാട് സ്വദേശി കെ. ഹരീഷാണ് പേരാവൂര്‍ പൊലീസിന്റെ പിടിയിലായത്.

ഇക്കഴിഞ്ഞ 11നായിരുന്നു സംഭവം. യുവതിയുടെ പരാതിയെ തുടര്‍ന്നാണ നടപടി. ഞായറാഴ്ച രാത്രി കസ്റ്റഡിയിലെടുത്ത പ്രതിയെ പേരാവൂര്‍ പൊലീസ് കോവിഡ് പരിശോധനയ്ക്കായി കണ്ണൂര്‍ ജില്ലാ ആശുപത്രിയില്‍ എത്തിച്ചിരുന്നു. എന്നാല്‍ യുവാവ് കണ്ണുവെട്ടിച്ച് മുങ്ങുകയായിരുന്നു. തുടര്‍ന്ന് പൊലീസ് നടത്തിയ തിരച്ചിലില്‍ തായത്തെരുവില്‍ നിന്ന് പിടികൂടുകയായിരുന്നു. പ്രതിയെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.

Continue Reading

Trending