More
മധ്യപ്രദേശിലും മിസോറാമിലും വോട്ടെടുപ്പ് തുടങ്ങി
ഭോപാല്/ ഐസ്വാള്:മധ്യപ്രദേശ്, മിസോറം നിയമസഭകളിലേക്കുള്ള വോട്ടെടുപ്പ് തുടങ്ങി. 15 വര്ഷമായി ബി.ജെ.പി ഭരണം തുടരുന്ന മധ്യപ്രദേശില് 230 സീറ്റുകളിലേക്ക് 2,907 സ്ഥാനാര്ത്ഥികളാണ് ജനവിധി തേടുന്നത്. ബി.ജെ.പി 230 സീറ്റുകളിലും സ്ഥാനാര്ത്ഥികളെ നിര്ത്തിയപ്പോള് കോണ്ഗ്രസ് 229 ഇടത്താണ് മത്സരിക്കുന്നത്. ഒരു സീറ്റ് ശരത് യാദവിന്റെ എല്.ജെ.ഡിക്ക് വിട്ടു നല്കി. ബി.എസ്.പി 227 ഇടത്തും, എസ്.പി 51 ഇടത്തും മത്സര രംഗത്തുണ്ട്. 1102 സ്വതന്ത്ര സ്ഥാനാര്ത്ഥികളും തെരഞ്ഞെടുപ്പില് ഭാഗ്യം തേടുന്നുണ്ട്. മുഖ്യമന്ത്രി ശിവരാജ് സിങ് ചൗഹാനും മുന് കേന്ദ്ര മന്ത്രിയും മുതിര്ന്ന കോണ്ഗ്രസ് നേതാവുമായ അരുണ് യാദവും തമ്മില് ഏറ്റുമുട്ടുന്ന ബുധ്നിയാണ് ഏവരും ഉറ്റുനോക്കുന്ന മത്സരം നടക്കുന്ന മണ്ഡലങ്ങളിലൊന്ന്. 2013ല് 165 ഇടത്ത് വിജയിച്ച ബി.ജെ.പിക്ക് ഇത്തവണ കാര്യങ്ങള് അത്ര പന്തിയല്ല. ഭരണ വിരുദ്ധ വികാരവും, കര്ഷക രോഷവുമടക്കം സര്ക്കാറിനെതിരായ വികാരം ശക്തമാണ്. കഴിഞ്ഞ തവണ 58 മണ്ഡലങ്ങളില് വിജയിച്ച കോണ്ഗ്രസ് ഇത്തവണ അധികാരം തിരിച്ചു പിടിക്കാന് കഴിയുമെന്ന ആത്മ വിശ്വാസത്തിലാണ്. വലിയ രീതിയിലുള്ള തെരഞ്ഞെടുപ്പ് പ്രചാരണമാണ് സംസ്ഥാനത്ത് നടന്നത്. പ്രധാനമന്ത്രി മോദിയടക്കം മുഴുവന് കേന്ദ്ര നേതാക്കളെയും അണിനിരത്തിയാണ് ബി.ജെ.പി പ്രചരണം നയിച്ചതെങ്കില് പാര്ട്ടി അധ്യക്ഷന് രാഹുല് ഗാന്ധിയുടെ നേതൃത്വത്തില് സംസ്ഥാന നേതാക്കളായ ജ്യോതിരാദിത്യ സിന്ധ്യ, കമല്നാഥ് എന്നിവരെ മുന്നിര്ത്തിയാണ് കോണ്ഗ്രസ് പ്രചാരണം മുന്നോട്ടുവെച്ചത്. 2,41,30,390 സ്ത്രീകളും, 2,63,01,300 പുരുഷന്മാരും 1,389 മൂന്നാംലിംഗക്കാരുമാണ് സംസ്ഥാനത്ത് വോട്ടര്മാര്. 40 അംഗ മിസോറം നിയമസഭയിലേക്ക് കോണ്ഗ്രസ് മുഴുവന് സീറ്റുകളിലും മത്സരിക്കുമ്പോള് പ്രധാന പ്രതിപക്ഷമായ എം.എന്.എഫ് 39 ഇടത്തും മത്സര രംഗത്തുണ്ട്. മുഖ്യമന്ത്രി രണ്ട് മണ്ഡലങ്ങളില് മത്സരിക്കുന്നുണ്ട്. 7.7 ലക്ഷം വോട്ടര്മാരാണ് സംസ്ഥാനത്ത് ആകെയുള്ളത്. 209 സ്ഥാനാര്ത്ഥികളാണ് ഇത്തവണ ജനവിധി തേടുന്നത്. ഭരണം നിലനിര്ത്താനായി കോണ്ഗ്രസും തിരിച്ചു പിടിക്കാനായി എം.എന്.എഫും തമ്മിലാണ് പ്രധാന പോരാട്ടം. വടക്കു കിഴക്കന് സംസ്ഥാനങ്ങളില് ഏറ്റവും കൂടുതല് ക്രിസ്ത്യാനികള് അധിവസിക്കുന്ന മിസോറമില് സീറ്റു പിടിച്ചെടുക്കുന്നതിനായി കോണ്ഗ്രസിലെ വിമതന്മാരെ കൂട്ടുപിടിച്ചാണ് ബി.ജെ.പി അങ്കത്തിനിറങ്ങിയത്. ഇരു സംസ്ഥാനങ്ങളിലേയും വോട്ടെണ്ണല് തെലങ്കാന, രാജസ്ഥാന്, ഛത്തീസ്ഗഡ് സംസ്ഥാനങ്ങളോടൊപ്പം അടുത്ത മാസം 11ന് നടക്കും.
News
അറിയാത്ത നമ്പര് വിളികള്ക്ക് ഇനി പരിഭ്രമം വേണ്ട: സിഎന്എപി സംവിധാനം കൊണ്ടുവരാന് ട്രായ്
ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
അറിയാത്ത നമ്പരുകളില് നിന്നുള്ള ഫോണ്കോളുകള് വഴി വഞ്ചിക്കപ്പെടുന്ന സംഭവങ്ങള് ആവര്ത്തിക്കുമ്പോള്, ഇത്തരം പ്രശ്നങ്ങള്ക്ക് പരിഹാരമായി ടെലികോം റെഗുലേറ്ററി അതോറിറ്റി ഓഫ് ഇന്ത്യ പുതിയ സംവിധാനവുമായി മുന്നോട്ട് വന്നു. ഇനി ട്രൂകോളര് പോലുള്ള മൂന്നാം കക്ഷി ആപ്പുകളില് ആശ്രയിക്കാതെ തന്നെ, വിളിക്കുന്നയാളുടെ യഥാര്ത്ഥ പേര് നേരിട്ട് കാള് സമയത്ത് മൊബൈലില് പ്രത്യക്ഷപ്പെടും.
കോളര് നെയിം പ്രസെന്റഷന് (സിഎന്എപി) എന്നാണ് പുതിയ സംവിധാനത്തിന്റെ പേര്. രാജ്യത്തെ എല്ലാ ടെലികോം സേവനങ്ങളിലും 2026 മാര്ച്ചോടെ ഇത് നിര്ബന്ധമായും നടപ്പാക്കണമെന്ന് ടെലികോം വകുപ്പ് നിര്ദേശം നല്കിയിട്ടുണ്ട്.
വിശ്വാസ്യത വര്ധിപ്പിക്കുകയും തട്ടിപ്പ്, സ്പാം, ആള്മാറാട്ടം എന്നീ പ്രശ്നങ്ങള് കുറയ്ക്കുകയും ചെയ്യുകയാണ് സംവിധാനത്തിന്റെ ലക്ഷ്യം. 4ജി
, 5ജി നെറ്റ്വര്ക്കുകളില് ചില നഗരങ്ങളിലെ പരീക്ഷണ പ്രവര്ത്തനങ്ങള് വിജയകരമായി പൂര്ത്തിയായതായി ട്രായ് അറിയിച്ചു.
നിലവില് ട്രൂകോളര് തുടങ്ങിയ ആപ്പുകള് കാള് ചെയ്യുന്നയാളുടെ പേര് പ്രദര്ശിപ്പിക്കുന്നുണ്ടെങ്കിലും, ഉപയോക്താവിന് ഇഷ്ടമുള്ള പേരിടാന് സാധിക്കുന്നതിനാല് അതിന് വിശ്വാസ്യതാ പ്രശ്നങ്ങളുണ്ട്. പക്ഷേ ഇചഅജ വഴി, സിം കണക്ഷന് എടുക്കുമ്പോള് കെ.വൈ.സി അടിസ്ഥാനത്തില് നല്കിയ സര്ക്കാര് അംഗീകരിച്ച പേരാണ് കാള് സമയത്ത് കാണുക.
സ്പാം കോളുകളും തട്ടിപ്പുകളും കാര്യമായി കുറയുമെന്നാണ് ട്രായിയുടെ പ്രതീക്ഷ. ഉപയോക്താക്കള്ക്ക് അപേക്ഷകളൊന്നും നല്കാതെ ഈ സേവനം ലഭ്യമാകും. അതേസമയം ഈ ഫീച്ചര് ഉപയോഗിക്കാനില്ലെന്ന് ആഗ്രഹിക്കുന്നവര്ക്ക് ഒഴിവാക്കാനുള്ള ഓപ്ഷന് ലഭ്യമായിരിക്കും.
News
നാനോ ബനാന 2 ഉടന് വരുന്നു; പുതിയ ഇമേജ് ജനറേഷന് മോഡലിനെ കുറിച്ച് റിപ്പോര്ട്ടുകള് ആവേശം കൂട്ടുന്നു
സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്.
ജെമിനിയുടെ ഇമേജ് ജനറേഷന് ടൂളായ നാനോ ബനാന പുറത്തിറങ്ങി മാസങ്ങള്കൊണ്ടുതന്നെ ഉപയോക്താക്കളെ ആകര്ഷിച്ചിരുന്നു. സങ്കീര്ണമായ ഇമേജ് എഡിറ്റുകളും സ്വാഭാവിക ഭാഷ നിര്ദേശങ്ങളില് നിന്ന് ദൃശ്യങ്ങള് സൃഷ്ടിക്കുന്ന കഴിവുമാണ് ഇതിനെ ജനപ്രിയമാക്കിയത്. ഇപ്പോള് ഇതിന്റെ അടുത്ത പതിപ്പായ നാനോ ബനാന 2-നെക്കുറിച്ച് വലിയ പ്രതീക്ഷകളാണ്. പുറത്ത് വരുന്ന സൂചനകള് പ്രകാരം പുതിയ പതിപ്പിന്റെ ഔദ്യോഗിക ലോഞ്ചിങ് ഉടന് നടക്കാനാണ് സാധ്യത.
പ്രതീക്ഷ ഉയര്ത്തിയത്, കഴിഞ്ഞ ദിവസങ്ങളില് ചില ഉപയോക്താക്കള്ക്ക് നാനോ ബനാന 2 ഉപയോഗിക്കാന് കഴിഞ്ഞതും അവര് സൃഷ്ടിച്ച ചിത്രങ്ങള് സമൂഹമാധ്യമങ്ങളില് പ്രചരിക്കുകയും ചെയ്തതുമാണ്. എന്നാല് ലോഞ്ചിങ് തീയതിയെക്കുറിച്ച് ഗൂഗിള് ഇതുവരെ പ്രതികരിച്ചിട്ടില്ല.
ജെമിനി 2.5 ഫ്ലാഷ് മോഡലിന്റെ തുടര്ച്ചയായ നാനോ ബനാന 2 ചിത്രങ്ങളുടെ കൃത്യത, റെന്ഡറിങ് ഗുണനിലവാരം, ഇന്ഫോഗ്രാഫിക്സ്, ചാര്ട്ടുകള്, നിര്ദ്ദേശങ്ങള് പിന്തുടരല് തുടങ്ങിയ മേഖലകളില് വലിയ പരിഷ്കാരങ്ങളോടെയാണ് വരുന്നതെന്നാണ് റിപ്പോര്ട്ടുകള്. ഉയര്ന്ന റെസല്യൂഷന് ഡൗണ്ലോഡുകളും ഒന്നിലധികം വീക്ഷണാനുപാതങ്ങളും (9:16, 16:9 എന്നിവ) പിന്തുണയ്ക്കുന്ന പുതിയ പതിപ്പ് സോഷ്യല് മീഡിയ പോസ്റ്റുകള്ക്കും പ്രൊഫഷണല് അവതരണങ്ങള്ക്കും കൂടുതല് അനുയോജ്യമാകും.
പുതിയ മോഡലില് ചിത്ര നിര്മ്മാണം പല ഘട്ടങ്ങളിലായാണ് നടക്കുകപ്ലാന് ചെയ്യല്, വിലയിരുത്തല്, സ്വയം അവലോകനം എന്നിവയിലൂടെ അന്തിമ ചിത്രം കൂടുതല് യാഥാര്ഥ്യത്തോടും കൃത്യതയോടും കൂടി ലഭ്യമാക്കും. നാനോ ബനാന 2 ജെമിനി 3 പ്രോ ഇമേജ് മോഡലിലാണ് പ്രവര്ത്തിക്കുന്നത്.
പ്രശസ്തരുടേതടക്കം ഉയര്ന്ന കൃത്യതയുള്ള ചിത്രങ്ങള് സൃഷ്ടിക്കാനും വ്യത്യസ്ത പശ്ചാത്തലങ്ങളില് ക്രിയേറ്റീവ് പ്രോംപ്റ്റുകള് ഉപയോഗിച്ച് അവയെ ഇഷ്ടാനുസൃതമാക്കാനും നാനോ ബനാന 2 സഹായിക്കുന്നുവെന്നാണ് റിപ്പോര്ട്ടുകള്. ഉപയോക്താക്കളുടെ ചിത്രങ്ങള് എഡിറ്റ് ചെയ്യാനായി ‘എഡിറ്റ് വിത്ത് ജെമിനി’ എന്ന ഫീച്ചറും ലഭ്യമാകും.
kerala
മത്സരിക്കാന് ആകുമോ എന്നത് രണ്ടാമത്തെ കാര്യം, പിന്നില് വേറെയും ആളുകളുണ്ടാകും; വൈഷ്ണ
“25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായത്”
തിരുവനന്തപുരം: സ്ഥാനാര്ഥി പട്ടികയില് നിന്ന് പേര് നീക്കം ചെയ്തെന്ന വിവരം ഇതുവരെ ലഭിച്ചിട്ടില്ലെന്ന് മുട്ടട യുഡിഎഫ് സ്ഥാനാര്ഥിയായി തീരുമാനിച്ചിരുന്ന വൈഷ്ണ. മാധ്യമങ്ങളിലൂടെയാണ് താന് കാര്യങ്ങള് അറിഞ്ഞത്. മറ്റു കാര്യങ്ങള് പാര്ട്ടി നോക്കുമെന്നും മത്സരിക്കാന് കഴിയുമോ ഇല്ലയോ എന്നുള്ളത് രണ്ടാമത്തെ കാര്യമാണെന്നും വൈഷ്ണ പറഞ്ഞു.
പരാതിപ്പെട്ടത് സിപിഎം ബ്രാഞ്ച് കമ്മറ്റി അംഗം ആണെങ്കിലും അത് അദേഹത്തിന്റെ പരാതി മാത്രം ആയി കാണുന്നില്ല. മറ്റു ആളുകളും ഇതിന് പിന്നില് കാണും. ആദ്യം മുതല് ജയിക്കും എന്ന ഒരു ട്രെന്ഡ് വന്നിട്ടുണ്ടായിരുന്നു. 25 വര്ഷമായി സിപിഎമ്മിന്റെ സിറ്റിംഗ് സീറ്റാണ് മുട്ടട. അതിന്റെ ഭാഗമായായിരിക്കും ഇത്തരം സംഭവങ്ങള് ഉണ്ടായതെന്നും വൈഷ്ണ പ്രതികരിച്ചു.
കോടതിയെ സമീപിക്കണോ തെരഞ്ഞെടുപ്പ് കമ്മീഷനെ സമീപിക്കണമോ എന്ന് പാര്ട്ടി തീരുമാനിക്കുമെന്നും വൈഷ്ണ വ്യക്തമാക്കി.
അതേസമയം, പരാതിക്കാരനായ ധനേഷ് കുമാര് അയാളുടെ വിലാസത്തില് 20 പേരുടെ വോട്ട് ചേര്ത്തിട്ടുണ്ടെന്ന് ഡിസിസി ഭാരവാഹി മുട്ടട അജിത് പറഞ്ഞു. മുട്ടട വാര്ഡിലെ അഞ്ചാം നമ്പര് ബൂത്തില് ആണ് വോട്ട് ചേര്ത്തത്. രണ്ടു മുറി വീട്ടില് എങ്ങനെയാണ് 20 പേര് താമസിക്കുക എന്നും ഇതിനെതിരെയും കോടതിയെ സമീപിക്കുമെന്നും അജിത് കൂട്ടിച്ചേര്ത്തു.
-
GULF7 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
Video Stories19 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം