india
രണ്ടു മാസമായിട്ടും കലാപമടങ്ങാതെ മണിപ്പൂര്
ബിഷ്ണുപൂര്, ചുരാചന്ദ്പൂര് ജില്ലകളിലുണ്ടായ വെടിവെപ്പില് നാലു പേര് കൊല്ലപ്പെട്ടു.

ഇംഫാല്: മണിപ്പൂരില് കലാപം പൊട്ടിപുറപ്പെട്ട് രണ്ട് മാസം പിന്നിട്ടിട്ടും സംഘര്ഷം തുടരുന്നു. ബിഷ്ണുപൂര്, ചുരാചന്ദ്പൂര് ജില്ലകളിലുണ്ടായ വെടിവെപ്പില് നാലു പേര് കൊല്ലപ്പെട്ടു. ബിഷ്ണുപുരിലുണ്ടായ വെടിവെപ്പില് മൂന്നു മെയ്തെയ് വിഭാഗക്കാരാണ് കൊല്ലപ്പെട്ടത്. ഇന്നലെ പുലര്ച്ചെയോടെയാണ് സംഭവം. ഖോയ്ജുമന്തബി ഗ്രാമത്തിന് കാവല് നിന്നവരായിരുന്നു ഇവര്. പ്രദേശത്ത് നിരവധി തവണ വെടിവെപ്പുണ്ടായെന്നാണ് ഗ്രാമീണവാസികള് പറഞ്ഞു. ഇംഫാല് വെസ്റ്റിലും വെടിവെപ്പ് ഉണ്ടായതായി റിപ്പോര്ട്ടുണ്ട്.
ആളപായം ഉയരാനാണ് സാധ്യതയെന്ന് പൊലീസ് പറഞ്ഞു. ഗ്രാമവാസികള് സ്ഥാപിച്ച ബങ്കറുകള് സായുധരായ അക്രമികള് ആക്രമിച്ചതായി ബിഷ്ണുപൂര് പൊലീസ് സൂപ്രണ്ട് ഹൈസ്നം ബല്റാം സിങ് പറഞ്ഞു. പ്രദേശത്ത് ഏകദേശം 50000 പേരാണ് താമസിച്ചിരുന്നത്. കലാപം തുടങ്ങിയതിന് പിന്നാലെ ഭൂരിപക്ഷം ജനങ്ങളും ഗ്രാമം വിട്ടു പോയിരുന്നു.
സുരക്ഷക്കായുള്ള ചില വളണ്ടിയര്മാര് മാത്രമാണ് ഇപ്പോള് ഗ്രാമങ്ങളിലുള്ളത്. സംഘര്ഷം പൊട്ടിപ്പുറപ്പെട്ട മെയ് മൂന്ന് മുതല് കുക്കികള്ക്ക് സ്വാധീനമുള്ള മലനിരകളില് നിന്നും തങ്ങള്ക്ക് നേരെ വെടിവെപ്പുണ്ടാകുന്നുണ്ടെന്നാണ് മെയ്തേയ് വിഭാഗത്തിന്റെ പരാതി. തങ്ങളുടെ സുരക്ഷക്കായി കേന്ദ്രസേനയുടെ സഹായം വേണമെന്നും അവര് ആവശ്യപ്പെടുന്നു. ഖോയ്ജുമന്തബിയിലെ വെടിവെപ്പിനെ തുടര്ന്ന് പ്രക്ഷോഭകാരികള് ചുരാചന്ദ്പൂര് ജില്ലയിലെ കുക്കി ഗ്രാമങ്ങളായ ലാങ്സ, ചിംഗ്ലാങ്മെയി എന്നിവിടങ്ങളിലേക്ക് ഇരച്ചെത്തുകയായിരുന്നു. പിന്നാലെ ഗ്രാമീണ സന്നദ്ധപ്രവര്ത്തകന് കൊല്ലപ്പെടുകയും ക്രിസ്ത്യന് പള്ളി തകര്ക്കുകയും ചെയ്തതായി ഇന്ഡിജിനസ് ട്രൈബല് ലീഡേഴ്സ് ഫോറം (ഐ.ടി.എല്. എഫ്) അറിയിച്ചു. സംസ്ഥാന ജനസംഖ്യയുടെ 53 ശതമാനത്തോളം വരുന്ന മെയ്തെയ് വിഭാഗം ഇംഫാല് താഴ്വരയിലാണ് കൂടുതലും താമസിക്കുന്നത്.
ഗോത്രവര്ഗക്കാരായ നാഗകളും കുക്കികളും അടങ്ങുന്ന ജനസംഖ്യയുടെ 40 ശതമാനം മലയോര ജില്ലകളിലുമാണ് താമസം. മണിപ്പൂരില് മെയ്തെയ്- കുക്കി വിഭാഗങ്ങള് തമ്മിലുള്ള വംശീയ കലാപത്തില് ഇതുവരെ 138 പേര് കൊല്ലപ്പെടുകയും 60,000ത്തിലധികം ആളുകള് പലായനം ചെയ്യുകയും ചെയ്തു.
india
‘കശ്മീരില് ബോംബിട്ട് കൊണ്ടിരിക്കുമ്പോള് സമാധാന ചര്ച്ച സാധ്യമല്ല’: ഒമര് അബ്ദുള്ള

ശ്രീനഗര്: സമാധാന ചര്ച്ചയ്ക്ക് തയ്യാറാണെന്ന പാക് പ്രധാനമന്ത്രി ഷെഹ്ബാസ് ഷെരീഫിന്റെ പ്രസ്താവനയ്ക്കെതിരെ ജമ്മു കശ്മീര് മുഖ്യമന്ത്രി ഒമര് അബ്ദുള്ള. കശ്മീരില് ബോംബിട്ട് കൊണ്ടിരിക്കുമ്പോള് സമാധാന ചര്ച്ച സാധ്യമല്ലെന്ന് ഒമര് അബ്ദുള്ള മാധ്യമങ്ങളോട് പറഞ്ഞു. പഹല്ഗാം ഭീകരാക്രമണം പോലെയുള്ള സംഭവങ്ങള്ക്കിടെ സമാധാന ചര്ച്ച നടത്തുന്നത് എങ്ങനെയെന്നും അദ്ദേഹം ചോദിച്ചു.
അതിര്ത്തി ശാന്തമാണെന്നും ഒമര് അബ്ദുള്ള വ്യക്തമാക്കി. ‘അതിര്ത്തിയില് ഇപ്പോള് പാകിസ്താന്റെ വെടിനിര്ത്തല് ലംഘനമില്ല. അതിര്ത്തിയില് വന്തോതില് നാശനഷ്ടം ഉണ്ടായി. നഷ്ടപരിഹാരത്തിന് പ്രത്യേക പാക്കേജ് തയ്യാറാക്കും’, അദ്ദേഹം പറഞ്ഞു. പാകിസ്താന് സാധാരണക്കാരെ ലക്ഷ്യം വെക്കുന്നത് ദൗര്ഭാഗ്യകരമാണെന്നും ഒമര് അബ്ദുള്ള പറഞ്ഞു.
മലയാളികള് ഭാഗ്യവാന്മാരാണെന്നും അദ്ദേഹം പറഞ്ഞു. കേരളം അതിര്ത്തിയില് നിന്നും വളരെ അകലെയാണ്. തങ്ങള്ക്ക് ഉള്ളതുപോലെ ഒരു അയല്വാസി മലയാളികള്ക്ക് ഇല്ല. അവധി ആഘോഷിക്കാന് മലയാളികള് ജമ്മു കാശ്മീരിലേക്ക് ഇനിയും വരണമെന്നും ഒമര് അബ്ദുള്ള ആവശ്യപ്പെട്ടു.
india
‘ഉറങ്ങാന് അനുവദിക്കാതെ ചോദ്യം ചെയ്തു’:പാകിസ്താന് കസ്റ്റഡിയിലെടുത്ത് വിട്ടയച്ച ബിഎസ്എഫ് ജവാന്
21 ദിവസമാണ് ജവാന് പാക് കസ്റ്റഡിയില് കഴിയേണ്ടി വന്നത്

പാകിസ്താന് കസ്റ്റഡിയിലെടുത്ത് വിട്ടയച്ച ബിഎസ്എഫ് ജവാനെ പാക് റേഞ്ചേഴ്സ് മാനസികമായി പീഡിപ്പിച്ചെന്ന് സൂചന. അബദ്ധത്തില് അതിര്ത്തി കടന്നതിനാണ് ശിക്ഷ. കേന്ദ്ര ഏജന്സികള് പി കെ ഷാ എന്ന ജവാനില് നിന്ന് വിവരങ്ങള് ശേഖരിക്കുകയാണ്. കൂടുതല് സമയവും തന്റെ കണ്ണ് പാക് റേഞ്ചേഴ്സ് മൂടിക്കെട്ടിയിരുന്നുവെന്നും ഉറങ്ങാന് പോലും അനുവദിച്ചില്ലെന്നും അസഭ്യം പറഞ്ഞെന്നും ജവാന് ദേശീയ മാധ്യമങ്ങളോട് പറഞ്ഞു.
21 ദിവസമാണ് ജവാന് പാക് കസ്റ്റഡിയില് കഴിയേണ്ടി വന്നത്. ഇന്ത്യ-പാക് സംഘര്ഷ സമയത്തും ഇയാള് കസ്റ്റഡിയില് തന്നെയായിരുന്നു. ഈ സമയങ്ങളില് ഒന്ന് പല്ല് തേക്കാന് പോലും അനുവദിച്ചില്ലെന്നും തന്നെ അവര് ശാരീരികമായി ഉപദ്രവിച്ചിട്ടില്ലെന്നും ജവാന് വ്യക്തമാക്കി.
മൂന്ന് സ്ഥലങ്ങളിലേക്ക് ഇദ്ദേഹത്തെ കൊണ്ടുപോയി. അതെവിടെയാണെന്ന് കാണാനോ മനസിലാക്കാനോ കഴിയുമായിരുന്നില്ല. ഒരു സ്ഥലം എയര്ബേസിന് അടുത്താണെന്ന് വിമാനങ്ങളുടേയും മറ്റും ശബ്ദം കേട്ട് അദ്ദേഹം മനസിലാക്കി. ഇന്ത്യ-പാക് വെടിനിര്ത്തലിന് പിന്നാലെയാണ് പി കെ ഷായെ പാകിസ്താന് ഇന്ത്യക്ക് കൈമാറിയത്.
india
ഒഡിഷയില് ഇടിമിന്നലേറ്റ് 10 മരണം

ഒഡിഷ: ഒഡിഷയിൽ ഇടിമിന്നലേറ്റ് സ്ത്രീകളും കുട്ടികളുമുൾപ്പടെ 10 പേർ മരിച്ചു. ഒരു വയോധികന് ഗുരുതരമായി പരിക്കേറ്റു. വെള്ളിയാഴ്ച ഒഡിഷയിലെ വിവിധ ജില്ലകളിൽ കനത്ത മഴയും ഇടി മിന്നലും അനുഭവപ്പെട്ടിരുന്നു.
സംസ്ഥാനത്ത് വെള്ളിയാഴ്ച ഇടിമിന്നലോട് കൂടിയ മഴയുണ്ടാകുമെന്ന് കാലാവസ്ഥ വകുപ്പ് മുന്നറിയിപ്പ് നൽകിയിരുന്നു. കോരാപുട്, കട്ടക്ക്, ഖുർദ, നയാഗഞ്ച്, ജജ്രൂർ, ബലാസോർ, ഗഞ്ചം അടക്കമുള്ള ജില്ലകളിൽ റെഡ് അലേർട്ടായിരുന്നു നൽകിയിരുന്നത്. വയലിൽ ജോലി ചെയ്യുന്നതിനിടെ സമീപത്ത് തയ്യാറാക്കിയ താൽക്കാലിക ഷെഡിൽ കയറി നിന്നിരുന്നവർക്കും ഇടിമിന്നലേറ്റിട്ടുണ്ട്. മിന്നലേറ്റ് മരിച്ചവരുടെ ബന്ധുക്കൾക്ക് സർക്കാർ നഷ്ട പരിഹാരം പ്രഖ്യാപിച്ചിട്ടുണ്ട്.
-
india3 days ago
സോഫിയ ഖുറേഷിക്കെതിരായ വിവാദ പരാമര്ശം; വനിതാ കമ്മിഷനില് പരാതി നല്കി ദേശീയ വനിതാ ലീഗ്
-
india3 days ago
‘സോഫിയ ഖുറേഷിയെ തീവ്രവാദിയുടെ സഹോദരിയെന്ന് വിളിച്ചവർ ഒരു നിമിഷം പോലും പദവിയിൽ തുടരാൻ അർഹതയില്ല’: ഷാഫി പറമ്പില്
-
News2 days ago
ട്രംപ് ഭരണകൂടം തടവിലാക്കിയ ഇന്ത്യന് വിദ്യാര്ത്ഥിയെ മോചിപ്പിക്കാന് ജഡ്ജി ഉത്തരവിട്ടു
-
kerala3 days ago
പള്ളിയിലെ കിടപ്പുമുറിയില് വൈദികനെ മരിച്ച നിലയില് കണ്ടെത്തി
-
india3 days ago
‘ഞങ്ങള് രാഷ്ട്രത്തോടൊപ്പം നില്ക്കുന്നു’: ദേശീയ സുരക്ഷ ചൂണ്ടിക്കാട്ടി തുര്ക്കിയിലെ സര്വകലാശാലയുമായുള്ള കരാര് റദ്ദാക്കി ജെഎന്യു
-
india3 days ago
കേണല് സോഫിയ ഖുറേഷിക്കെതിരായ വിവാദ പരാമര്ശം; ബിജെപി മന്ത്രിക്കെതിരെ കേസെടുത്ത് മധ്യപ്രദേശ് ഹൈക്കോടതി
-
india2 days ago
രാഷ്ട്രപതിയും ഗവര്ണര്മാരും ബില്ലുകള് അംഗീകരിക്കുന്നതിന് സുപ്രീം കോടതിക്ക് സമയപരിധി നിശ്ചയിക്കാന് കഴിയുമോ?: ദ്രൗപതി മുര്മു
-
india3 days ago
മുസ്ലിം ലീഗ് ദേശീയ കൗണ്സില് നാളെ ചെന്നൈയില്