india
വര്ഷകാല പാര്ലമെന്റ് സമ്മേളനത്തില് മുതിര്ന്ന അംഗങ്ങള് പങ്കെടുത്തേക്കില്ലെന്ന് റിപ്പോര്ട്ട്
സെപ്തംബര് 14ന് മുതല് ഒക്ടോബര് 1 വരെ ചേരുന്ന 17 ദിവസത്തെ സഭാ സെക്ഷന് മുതിര്ന്ന അംഗങ്ങളില് ആശങ്ക ഉളവാക്കിയാതായാണ് റിപ്പോര്ട്ട് സൂചിപ്പിക്കുന്നത്. ഇതിനാല് തന്നെ മുതിര്ന്ന അംഗങ്ങളില് പലരും സെക്ഷനില് പങ്കെടുത്തേക്കില്ലെന്നും റിപ്പോര്ട്ട് സൂചിപ്പിക്കുന്നു.
ന്യൂഡല്ഹി: രാജ്യത്ത് കൊവിഡ് വ്യാപനം ശക്തമായ സാഹചര്യത്തില് ചേരുന്ന വര്ഷകാല പാര്ലമെന്റ് സെഷനില് 65 വയസിനു മുകളില് പ്രായമുള്ള എംപിമാര് പങ്കെടുക്കാന് സാധ്യതയില്ലെന്ന് റിപ്പോര്ട്ട്. പകര്ച്ചവ്യാധി സമയത്ത് മണ്സൂണ് സെഷന് നടത്തുന്നത് ഒരു വെല്ലുവിളിയാണെന്നായിരുന്നു, ഇന്നലെ വാര്ത്താസമ്മേശനത്തില് സഭാ സ്പീക്കര് ഓം ബിര്ള വ്യക്തമാക്കിയത്. ഭരണഘടനാപരമായ ഉത്തരവാദിത്തങ്ങള് നിറവേറ്റേണ്ടതിനാല് കോവിഡ് മാര്ഗ്ഗനിര്ദ്ദേശങ്ങള്ക്കനുസൃതമായാലും സെഷന് നടത്തുകയെന്നും അദ്ദേഹം പറഞ്ഞിരുന്നു.
എന്നാല്, 785 അംഗങ്ങളുള്ള പാര്ലമെന്റില് 200 ഓളം അംഗങ്ങള് 65 വയസിനു മുകളില് ഉള്ളവരാണെന്ന് എന്ഡിടിവിയുടെ റിപ്പോര്ട്ട് ചെയ്യുന്നു. രാജ്യസഭയിലെ 240 എംപിമാരില് 97 പേര് 65 വയസിനു മുകളിലുള്ളവരാണ്. ഇതില് 20 പേര് 80 വയസിനു മുകളിലുള്ളവരാണ്. ഇതില് മുതിര്ന്ന അംഗങ്ങളായ ഡോ മന്മോഹന് സിങ്- 87, എകെ ആന്റണി-82 എന്നിങ്ങനെയാണ് പ്രായം, റിപ്പോര്ട്ട് വ്യക്തമാക്കുന്നു.
ലോക്സഭയില് 130 എംപിമാര് 65 വയസിനു മുകളിലുള്ളവരാണ്. അതില് 30 പേര് 75 വയസിനു മുകളിലുള്ളവരും ഒരാള്ക്ക് 90 വയസുമാണ് പ്രായം. നിലവില് ഇരുസഭകളിലുമായി ആഭ്യന്ത്രര മന്ത്രി അമിത് ഷാ അടക്കം കേന്ദ്ര മന്ത്രിസഭയിലെ ഏഴ് മന്ത്രിമാര്ക്കും രണ്ട് ഡസണില് അധികം എംപിമാര്ക്കും കൊവിഡ് ബാധിച്ചിട്ടുണ്ട്. ഒരു ലോക്സഭാ എംപി കൊവിഡ് ബാധിച്ച് മരിക്കുകയും ചെയ്തിരുന്നെന്നും റിപ്പോര്ട്ട് ചൂണ്ടിക്കാണിക്കുന്നു.
സെപ്തംബര് 14ന് മുതല് ഒക്ടോബര് 1 വരെ ചേരുന്ന 17 ദിവസത്തെ സഭാ സെക്ഷന് മുതിര്ന്ന അംഗങ്ങളില് ആശങ്ക ഉളവാക്കിയാതായാണ് റിപ്പോര്ട്ട് സൂചിപ്പിക്കുന്നത്. ഇതിനാല് തന്നെ മുതിര്ന്ന അംഗങ്ങളില് പലരും സെക്ഷനില് പങ്കെടുത്തേക്കില്ലെന്നും റിപ്പോര്ട്ട് സൂചിപ്പിക്കുന്നു.
പാര്ലമെന്റ് വീണ്ടും ചേരുമ്പോള് ഫേസ് മാസ്ക്, സാമൂഹിക അകലം ഉള്പ്പെടെയുള്ള കൊവിഡ് സുരക്ഷാ മാനഗണ്ഡങ്ങള് പാലിക്കണമെന്നായിരുന്നു സ്പീക്കറിടെ നിര്ദ്ദേശം. പാര്ലമെന്റ് സമ്മേളനത്തിന് എത്തുന്നതിന് മൂന്ന് ദിവസം മുമ്പ് പരിശോധനയ്ക്ക് വിധേയമാകണമെന്നും കൊവിഡ് നെഗറ്റീസ് സര്ട്ടിഫിക്കറ്റ് കരുതണമെന്നും നിര്ദ്ദേശമുണ്ട്. പേപ്പര് ഉപയോഗം അനുകരിക്കാനുള്ള ശ്രമങ്ങള് നടക്കുന്നുണ്ടെന്നും എംപിമാര് അവരുടെ സാന്നിധ്യം ഡിജിറ്റലായി അടയാളപ്പെടുത്തുമെന്നും അദ്ദേഹം പറഞ്ഞു. നടപടികള് സുഗമമായി നടത്തുന്നതിന് സ്ക്രീന് എല്ഇഡികള് സ്ഥാപിക്കും. അറകള് ശുചിത്വവല്ക്കരിക്കുമെന്നും കോവിഡ് -19 നായി എംപിഎസ് ആര്ടി-പിസിആര് പരിശോധനയ്ക്ക് വിധേയമാകുമെന്നും ലോക്സഭാ സ്പീക്കര് പറഞ്ഞു. ലോക്സഭാ ഹാളില് 257യും, ലോക്സഭാ ഗാലറിയില് 172യും, രാജ്യസഭയില് 60തും, രാജ്യസഭ ഗാലറിയില് 51ന്നും അംഗങ്ങള് ഇരിക്കുമെന്ന് ബിര്ള പറഞ്ഞു.
അതേസമയം, ജിഡിപിയുടെ തകര്ച്ചയും രാജ്യം കടുത്ത സാമ്പത്തിക മാന്ദ്യത്തിലേക്ക് നീങ്ങുകയും ചെയ്യുന്ന കാലത്ത് ചേരുന്ന പാര്ലമെന്റ് സമ്മേളനത്തില് ചോദ്യോത്തരവേള ഒഴുവാക്കിയ നടപടിക്കെതിരെയുള്ള പ്രതിപക്ഷ പ്രതിഷേധം ഗൗനിക്കാതെ രീതിയാണ് കേന്ദ്ര സര്ക്കാറിന്റെത്. ചോദ്യോത്തരവേള വേണമെന്ന് പ്രതിപക്ഷത്തിന്റെ ആവശ്യത്തോട് വിട്ടുവീഴ്ച്ചനല്കാത്ത ലോക്സഭാ സ്പീക്കര് ഓം ബിര്ല. ശൂന്യവേളയില് അംഗങ്ങള്ക്ക് ചോദ്യങ്ങള് ചോദിക്കാനുള്ള അവസരമുണ്ടാകില്ലെന്നും എന്നാല് രേഖാമൂലമുള്ള ചോദ്യങ്ങള്ക്ക് മറുപടിയുണ്ടാകുമെന്നും സ്പീക്കര് അറിയിച്ചു. ശൂന്യവേള മുപ്പത് മിനിറ്റാക്കി കുറച്ചതായും കോവിഡ് പ്രതിരോധ നടപടികളുടെ ഭാഗമായാണ് ചോദ്യോത്തരവേള ഒഴിവാക്കാന് തീരുമാനിച്ചതെന്നും, സെപ്റ്റംബര് 14 മുതല് ആരംഭിക്കുന്ന വര്ഷകാല സമ്മേളനത്തെ കുറിച്ച് വാര്ത്താ സമ്മേളനത്തില് ലോകസഭാ സ്പീക്കര് വ്യക്തമാക്കി.
ഡെപ്യൂട്ടി സ്പീക്കറെ തെരഞ്ഞെടുക്കണമെന്ന പ്രതിപക്ഷത്തിന്റെ ആവശ്യത്തോടും ലോക്സഭാ സ്പീക്കര് ഓം ബിര്ള വ്യക്താമായ മറുപടി നല്കിയില്ല. ഡെപ്യൂട്ടി സ്പീക്കര് തെരഞ്ഞെടുപ്പിനെക്കുറിച്ചുള്ള പ്രതിപക്ഷ നേതാക്കളുടെ ആവശ്യത്തെ കുറിച്ച് മാധ്യമപ്രവര്ത്തകര് ചോദിച്ചപ്പോള്, താനല്ല അത് തെരഞ്ഞെടുക്കേണ്ടതെന്നും സര്ക്കാറും സഭയുമാണത് തീരുമാനിക്കേണ്ടതെന്നുമാണ് ബിര്ള പറഞ്ഞത്. ഡെപ്യൂട്ടി സ്പീക്കറെ നിയമിക്കണമെന്ന് ആവശ്യപ്പെട്ട് കോണ്ഗ്രസ് നേതാവ് അധീര് രഞ്ജന് ചൗധരി സ്പീക്കര്ക്ക് കത്ത് നല്കിയിരുന്നു. സ്പീക്കറുടെ അസാന്നിധ്യത്തില് സഭാ നടപടികള് നിയന്ത്രിക്കേണ്ട ഡെപ്യൂട്ടി സ്പീക്കറുടെ നിയമനം അടുത്തകാലത്തെങ്ങും ഇത്രയും വൈകിയിട്ടില്ലെന്ന് കോണ്ഗ്രസ് ചൂണ്ടിക്കാണിക്കുന്നത്.
india
പരീക്ഷാഫലത്തെ തുടര്ന്ന് ഹൈദരാബാദില് പത്താം ക്ലാസ് വിദ്യാര്ത്ഥിനി കെട്ടിടത്തില് നിന്ന് ചാടി മരിച്ചു
ചൊവ്വാഴ്ച ഹബ്സിഗുഡയിലെ കാരിയ സ്കൂളിലാണ് സംഭവം നടന്നത്.
ഹൈദരാബാദ്: പരീക്ഷയില് കുറഞ്ഞ മാര്ക്ക് നേടിയതിനെ തുടര്ന്ന് മാതാപിതാക്കളുടെ ശാസനയെ തുടര്ന്ന് അസ്വസ്ഥയായ പത്താം ക്ലാസ് വിദ്യാര്ത്ഥിനി സ്കൂള് കെട്ടിടത്തിന്റെ അഞ്ചാം നിലയില് നിന്ന് ചാടി ജീവനൊടുക്കി. ചൊവ്വാഴ്ച ഹബ്സിഗുഡയിലെ കാരിയ സ്കൂളിലാണ് സംഭവം നടന്നത്.
പോലീസ് വിവരങ്ങള് പ്രകാരം, സംഭവത്തിനുശേഷം സ്ഥലത്തെത്തിയ ഉദ്യോഗസ്ഥര് മൃതദേഹം സെക്കന്ത്രാബാദ് ഗാന്ധി ആശുപത്രിയിലേക്ക് പോസ്റ്റ്മോര്ട്ടത്തിനായി മാറ്റി. സംഭവത്തില് കേസ് രജിസ്റ്റര് ചെയ്ത് പൊലീസ് അന്വേഷണം ആരംഭിച്ചു.
സംഭവത്തെക്കുറിച്ച് എഐഎംഐഎം പ്രസിഡന്റും ഹൈദരാബാദ് എംപിയുമായ അസദുദ്ദീന് ഒവൈസി ടിഎംആര്ഇഎസ് വൈസ് ചെയര്മാന് ഫഹീം ഖുറേഷിയുമായി സംസാരിച്ചു.സംഭവത്തില് സമഗ്രമായ അന്വേഷണം നടത്തണമെന്നും ഉത്തരവാദികളായവര്ക്കെതിരെ നടപടിയെടുക്കണമെന്നും അദ്ദേഹം ആവശ്യപ്പെട്ടു. കുട്ടിയുടെ കുടുംബത്തിന് സര്ക്കാര് സാമ്പത്തിക സഹായവും എല്ലാ പിന്തുണയും നല്കണമെന്നും എംപി ആവശ്യപ്പെട്ടു. കുടുംബത്തിലെ ഒരാള്ക്ക് സര്ക്കാര് ജോലി നല്കണമെന്ന് ഒവൈസി സര്ക്കാരിനോട് ആവശ്യപ്പെട്ടു.
തെലങ്കാനയില് സ്കൂള് വിദ്യാര്ത്ഥികളുടെ ആത്മഹത്യ ഇപ്പോള് ആശങ്ക ഉയര്ത്തുന്ന സാഹചര്യമാണ്. തിങ്കളാഴ്ച നിസാമാബാദ് ജില്ലയിലെ തെലങ്കാന മൈനോറിറ്റി റെസിഡന്ഷ്യല് സ്കൂളിലുണ്ടായ സമാന സംഭവത്തിന് പിന്നാലെയാണ് ഹൈദരാബാദ് കേസും റിപ്പോര്ട്ട് ചെയ്യപ്പെട്ടിരിക്കുന്നത്.
india
സോഷ്യല് മീഡിയയില് വിജയിയെ വിമര്ശിച്ച് വീഡിയോ; ചെന്നൈയില് യൂട്യൂബര്ക്ക് നേരെ ആക്രമണം; നാല് പേര് അറസ്റ്റില്
മുഗളിവാക്കം സ്വദേശിയായ കിരണ് ബ്രൂസ് എന്ന കണ്ടന്റ് ക്രിയേറ്ററെയാണ് പാര്ട്ടി അനുനായകര് തിയേറ്ററില് വെച്ച് തടഞ്ഞുനിര്ത്തിയും കൊല്ലുമെന്ന് ഭീഷണിപ്പെടുത്തിയും ആക്രമിച്ചത്.
ചെന്നൈ: നടനും ടി.വി.കെ നേതാവുമായ വിജയിയെ വിമര്ശിച്ച വീഡിയോകള് പോസ്റ്റ് ചെയ്തതിനെ തുടര്ന്ന് യൂട്യൂബര്ക്ക് നേരെ ഉണ്ടായ ആക്രമണത്തില് നാല് ടി.വി.കെ പ്രവര്ത്തകരെ പൊലീസ് അറസ്റ്റ് ചെയ്തു. മുഗളിവാക്കം സ്വദേശിയായ കിരണ് ബ്രൂസ് എന്ന കണ്ടന്റ് ക്രിയേറ്ററെയാണ് പാര്ട്ടി അനുനായകര് തിയേറ്ററില് വെച്ച് തടഞ്ഞുനിര്ത്തിയും കൊല്ലുമെന്ന് ഭീഷണിപ്പെടുത്തിയും ആക്രമിച്ചത്.
നവംബര് 21ന് തിയേറ്ററില് നിന്ന് പുറത്തുവന്നപ്പോള് നാല് പേര് വഴിയടച്ചു നിര്ത്തി തന്റെ വീഡിയോകള്ക്കുറിച്ച് ചോദ്യം ചെയ്തുവെന്നും ഭീഷണിപ്പെടുത്തിയുവെന്നും കിരണ് ബ്രൂസ് വടപളനി പൊലീസ് സ്റ്റേഷനില് നല്കിയ പരാതിയില് പറയുന്നു. സംഭവത്തിന്റെ ദൗര്വൃത്ത്യം ചൂണ്ടിക്കാട്ടി അദ്ദേഹം കേസ് രജിസ്റ്റര് ചെയ്തതിനെ തുടര്ന്ന് അന്വേഷണം തുടങ്ങി.
ബാലകൃഷ്ണന്, ധനുഷ്, അശോക്, പാര്ത്തസാരഥി എന്നീ നാല് ടി.വി.കെ പ്രവര്ത്തകരെയാണ് പൊലീസ് അറസ്റ്റ് ചെയ്തത്. ഭാരതീയ ന്യായസംഹിത പ്രകാരം ആക്രമണം, പരിക്കേല്പ്പിക്കല്, ഭീഷണിപ്പെടുത്തല്, അസഭ്യം പറയല്, ക്രമസമാധാനം ലംഘിക്കല് എന്നിവയ്ക്കാണ് കേസെടുത്തിരിക്കുന്നത്.
india
2500 കോടി രൂപയുടെ കൊക്കെയ്ന് കേസ്: പ്രധാന പ്രതി പവന് ഠാക്കൂര് ദുബായില് അറസ്റ്റില്
ഇയാളെ ഉടന് ഇന്ത്യയിലേക്ക് നാടുകടത്തുമെന്നും അധികൃതര് വ്യക്തമാക്കി.
ന്യൂഡല്ഹി: രാജ്യത്ത് ഇതുവരെയുള്ള ഏറ്റവും വലിയ കൊക്കെയ്ന് കടത്തിന്റെ പശ്ചാത്തലത്തില് ഒളിവില് നിന്നിരുന്ന കുപ്രസിദ്ധ മയക്കുമരുന്ന് കച്ചവടക്കാരന് പവന് ഠാക്കൂര് ദുബായില് അറസ്റ്റിലായതായി റിപ്പോര്ട്ടുകള്. ഇയാളെ ഉടന് ഇന്ത്യയിലേക്ക് നാടുകടത്തുമെന്നും അധികൃതര് വ്യക്തമാക്കി.
2024 നവംബറില് ഡല്ഹിയില് 2500 കോടി രൂപ വിലവരുന്ന 82 കിലോ കൊക്കെയ്ന് പിടികൂടിയ കേസിലാണ് പവന് ഠാക്കൂര് മുഖ്യപ്രതിയായത്. കടല്മാര്ഗം ഇന്ത്യയിലെത്തിച്ച മയക്കുമരുന്ന് ട്രക്കില് ഡല്ഹിയിലെ ഗോഡൗണിലെത്തിച്ച് സൂക്ഷിക്കുകയായിരുന്നു. ഈ കേസില് അഞ്ചുപേരെ നേരത്തെ അറസ്റ്റ് ചെയ്തതോടെ പവന് ഠാക്കൂരും കുടുംബവും വിദേശത്തേക്ക് ഒളിവിലായിരുന്നു.
ഒളിവിലായിരുന്നും കള്ളപ്പണം വെളുപ്പിക്കല്, ഹവാല ഇടപാടുകള്, രാജ്യത്തെ മയക്കുമരുന്ന് ശൃംഖലകള് എന്നിവ പവന് ഠാക്കൂര് നിയന്ത്രിച്ചിരുന്നതായി അന്വേഷണത്തില് കണ്ടെത്തി. ഇക്കഴിഞ്ഞ ദിവസം ഡല്ഹിയില് പിടികൂടിയ 282 കോടി രൂപയുടെ മെത്താഫെറ്റമിന് കേസിലും ഇയാള് തന്നെയാണ് മുഖ്യ സൂത്രധാരനെന്ന് പൊലീസ് വ്യക്തമാക്കി.
പവന് ഠാക്കൂര് ഡല്ഹിയിലെ കുച്ച മഹാജനി മാര്ക്കറ്റിലെ ഹവാല ഏജന്റായിരുന്നു. ഇന്ത്യ, ചൈന, ഹോങ്കോങ് തുടങ്ങിയ രാജ്യങ്ങളിലെ ഷെല് കമ്പനികളിലൂടെ കോടികളുടെ കള്ളപ്പണം കൈമാറുകയും വെളുപ്പിക്കുകയും ചെയ്തതായും റിപ്പോര്ട്ടുകള് പറയുന്നു.
കഴിഞ്ഞ സെപ്റ്റംബറില് എന്സിബി പവന് ഠാക്കൂറിനെതിരെ ഇന്റര്പോളിന്റെ സില്വര് നോട്ടീസ് പുറപ്പെടുവിച്ചിരുന്നു. പ്രതിയുടെ സമ്പാദ്യങ്ങളും സാമ്പത്തിക ഇടപാടുകളും കണ്ടെത്തി പിടിച്ചെടുക്കാന് അധികാരം നല്കുന്ന നോട്ടീസിന് പിന്നാലെ, ഇഡിയും 681 കോടി രൂപയുടെ കള്ളപ്പണം വെളുപ്പിച്ചതിന് കേസ് രജിസ്റ്റര് ചെയ്തിരുന്നു.
ഒട്ടേറെ തവണ നോട്ടീസ് നല്കിയിട്ടും പവന് ഹാജരാകാത്തതിനാല് ഡല്ഹിയിലെ പട്യാല ഹൗസ് കോടതി ജാമ്യമില്ലാ അറസ്റ്റ് വാറന്റും പുറപ്പെടുവിച്ചിരുന്നു. ദുബായിലുണ്ടായ അറസ്റ്റോടെ കേസില് നിര്ണായക മുന്നേറ്റമാണ് രേഖപ്പെടുത്തിയിരിക്കുന്നത്.
-
world2 days agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
News1 day agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala3 days ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
kerala1 day agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
Health2 days agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala1 day agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala1 day agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
gulf2 days agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.