Video Stories
സഖ്യ സാധ്യതകള് തള്ളി മുലായം; 325 പേരുടെ സ്ഥാനാര്ത്ഥി പട്ടിക പ്രഖ്യാപിച്ചു

ലക്നൗ: വരുന്ന ഉത്തര്പ്രദേശ് തെരഞ്ഞെടുപ്പില് മറ്റു പാ ര്ട്ടികളുമായി സഖ്യത്തിനില്ലെന്ന് അറിയിച്ച് സമാജ്വാദി പാര്ട്ടി അധ്യക്ഷന് മുലായം സിങ് യാദവ്. തെരഞ്ഞെടുപ്പില് സമാജ്വാദി പാര്ട്ടി ഒറ്റക്ക് മത്സരിക്കുമെന്ന് വ്യക്തമാക്കിയ മുലായം 325 പേരുടെ സ്ഥാനാര്ത്ഥി പട്ടികയും പ്രഖ്യാപിച്ചു. കോണ്ഗ്രസ്, രാഷ്ട്രീയ ലോക്ദള് എന്നീ പാര്ട്ടികളുമായി സമാജ് വാദി പാര്ട്ടി തെരഞ്ഞെടുപ്പില് സഖ്യമുണ്ടാക്കുമെന്ന അഭ്യൂഹങ്ങള് ഇതോടെ അസ്ഥാനത്തായി.
മുഖ്യമന്ത്രി സ്ഥാനാര്ത്ഥിയെ മുന്നില് നിര്ത്തി തെരഞ്ഞെടുപ്പിനെ നേരിടാന് ഇല്ലെന്നും മുലായം പറഞ്ഞു. മുഖ്യമന്ത്രി അഖിലേഷ് യാദവിന് ഏത് മണ്ഡലത്തി ല് വേണമെങ്കിലും മല്സരിക്കാ മെന്നും ഒരു ചോദ്യത്തിനുത്തര മായി അദ്ദേഹം മറുപടി നല്കി. അഖിലേഷ് യാദവും പാര്ട്ടി സംസ്ഥാന അധ്യക്ഷന് ശിവ്പാല് യാദവും തമ്മിലുള്ള ഭിന്നത രൂക്ഷമായ സാഹചര്യത്തിലാണ് 325 പേരുടെ പട്ടിക മുലായം പ്രഖ്യാപിച്ചത്. താനാണ് സ്ഥാനാര്ത്ഥികളെ തീരുമാനിക്കുന്നതെന്ന് വ്യക്തമാക്കിയ മുലായം ബാക്കി 78 പേരുടെ പട്ടിക ഉടന് പ്രഖ്യാപിക്കുമെന്നും അറിയിച്ചു. പാര്ട്ടി സംസ്ഥാന അധ്യക്ഷ ന് കൂടിയായ ശിവ്പാല് യാദവും അഖിലേഷ് യാദവും സ്ഥാനാര്ത്ഥി നിര്ണയത്തിലും പരസ്പരം പോരടിച്ചിരുന്നു.
ശിവ്പാല് യാദവിന്റെ അടുപ്പക്കാര്ക്കാണ് കൂടുതല് സീറ്റുകള് കിട്ടിയിരിക്കുന്നതെന്നാണ് അഖിലേഷ് ക്യാമ്പിന്റെ ആരോപണം. വിരുദ്ധ ചേരികളെ അനുനയിപ്പിക്കുന്നതിന്റെ ഭാഗമായാണ് മുഖ്യമന്ത്രി സ്ഥാനാര്ത്ഥിയെ ഉയര്ത്തി കാട്ടാന് മുലായം ഇപ്പോള് തയ്യാറാകാത്തതെന്നാണ്് വിലയിരുത്തല്. നേരത്തെ കോണ്ഗ്രസുമായി സഖ്യമുണ്ടാക്കാന് അഖിലേഷ് യാദവ്് മുന്കൈയെടുത്തിരുന്നു. ഈ സഖ്യം നിലവില് വന്നാല് സീറ്റുകള് തൂത്തുുവാരാനാകുമെന്നായിരുന്നു അഖിലേഷ് യാദവിന്റെ കണക്കുകൂട്ടല്.
എന്നാല് യാദവ് കുടുംബത്തിലെ തമ്മില്തല്ല് സഖ്യ ചര്ച്ചകളെ ബാധിച്ചു. മായാവതിയുടെ നേതൃത്വത്തില് ബഹുജന് സമാജ് വാദി പാര്ട്ടിയും രാഹുല് ഗാന്ധിയുടെ കരുത്തില് കോണ്ഗ്രസും പ്രധാനമന്ത്രി നരേന്ദ്ര മോദിക്ക് കീഴില് ബി.ജെ.പിയും പ്രചരണത്തിനിറങ്ങുമ്പോള് ഉത്തര്പ്രദേശില് പ്രവചനം അസാധ്യമാണ്.
kerala
കൊച്ചി കപ്പലപകടം: ഷിപ്പിങ് കമ്പനിയുമായുള്ള ചര്ച്ചയ്ക്ക് വിദഗ്ത സമിതിയെ നിയോഗിച്ച് സര്ക്കാര്
കപ്പലില് നിന്നും കടലിലേക്ക് വീണ 56 കണ്ടെയ്നറുകള് തീരത്ത് കണ്ടെത്തിയതായി റവന്യു വകുപ്പ് അറിയിച്ചു.

കൊച്ചി തീരത്ത് അറബിക്കടലിലുണ്ടായ കപ്പലപകടവുമായി ബന്ധപ്പെട്ട് ഷിപ്പിങ് കമ്പനിയുമായുള്ള ചര്ച്ചയ്ക്ക് വിദഗ്ത സമിതിയെ നിയോഗിച്ച് സര്ക്കാര്. ഷിപ്പിങ് കമ്പനിയുമായുള്ള ചര്ച്ചയില് നഷ്ടപരിഹാരം, കപ്പലപകടം ഉണ്ടാക്കാന് ഇടയുള്ള മലിനീകരണം, കപ്പലപകടം ഉണ്ടാക്കാനിടയുള്ള ആഘാതം എന്നിവ പഠിക്കാനാണ് സമിതികള് രൂപീകരിച്ചത്. പരിസ്ഥിതി വകുപ്പ് സ്പെഷ്യല് സെക്രട്ടറി, ധനവകുപ്പ് അഡീഷണല് ചീഫ് സെക്രട്ടറി, ശാസ്ത്ര സാങ്കേതിക വകുപ്പ് സെക്രട്ടറി എന്നിവര് അധ്യക്ഷന്മാരായ സമിതികളാണ് രൂപീകരിച്ചത്.
പരിസ്ഥിതി വകുപ്പ് സ്പെഷ്യല് സെക്രട്ടറിയാണ് പ്രിന്സിപ്പല് ഇംപാക്ട് അസെസ്മെന്റ് ഓഫീസര്. ഇദ്ദേഹമാണ് കപ്പല് കമ്പനിയുമായി ചര്ച്ച നടത്തുന്ന നോഡല് ഓഫീസര്. നഷ്ടപരിപരിഹാരം ഉള്പ്പടെയുള്ള കാര്യങ്ങള് ധനവകുപ്പ് അഡീഷണല് ചീഫ് സെക്രട്ടറി അധ്യക്ഷനായ സമിതി ചര്ച്ച ചെയ്യും. മലിനീകരണം പഠിക്കാനാണ് ശാസ്ത്ര സാങ്കേതിക വകുപ്പ് സെക്രട്ടറി അധ്യക്ഷനായ സമിതി.
അതേസമയം കപ്പലില് നിന്നും കടലിലേക്ക് വീണ 56 കണ്ടെയ്നറുകള് തീരത്ത് കണ്ടെത്തിയതായി റവന്യു വകുപ്പ് അറിയിച്ചു. മെയ് 29ന് വൈകിട്ട് 5.30 വരെയുള്ള കണക്കനുസരിച്ച് കൊല്ലത്ത് നിന്ന് 43 എണ്ണവും ആലപ്പുഴ തീരത്ത് നിന്ന് രണ്ടെണ്ണവും തിരുവനതപുരംത്ത് നിന്ന് 13 എണ്ണവുമാണ് കണ്ടെത്തിയത്.
നിലവില് അപകടകാരിയായ കാല്സ്യം കാര്ബൈഡ് അടങ്ങിയ കണ്ടെയ്നറുകള് കണ്ടെത്താനായിട്ടില്ല.
india
ഫുഡ് ലേബലിംഗിലും പ്രമോഷനുകളിലും ഉപഭോക്താക്കളെ തെറ്റിദ്ധരിപ്പിക്കുന്ന ‘100%’ ക്ലെയിമുകള് ഉപയോഗിക്കരുത്: എഫ്എസ്എസ്എഐ
ഫുഡ് ലേബലുകള്, പാക്കേജിംഗ്, പ്രൊമോഷണല് ഉള്ളടക്കം എന്നിവയില് ഈ പദം ഉപയോഗിക്കുന്നതില് നിന്ന് വിട്ടുനില്ക്കാന് അപെക്സ് ഫുഡ് റെഗുലേറ്റര് എല്ലാ ഫുഡ് ബിസിനസ്സ് ഓപ്പറേറ്റര്മാരോടും (FBOs) നിര്ദ്ദേശം നല്കിയിട്ടുണ്ട്

ന്യൂഡല്ഹി: ഫുഡ് സേഫ്റ്റി ആന്ഡ് സ്റ്റാന്ഡേര്ഡ് അതോറിറ്റി ഓഫ് ഇന്ത്യ (എഫ്എസ്എസ്എഐ) ഫുഡ് ലേബലിംഗിലും പ്രൊമോഷണല് മെറ്റീരിയലുകളിലും ‘100%” എന്ന പദം ഉപയോഗിക്കുന്നതിനെതിരെ ശക്തമായ ഉപദേശം നല്കി, ഉപഭോക്താക്കളെ തെറ്റിദ്ധരിപ്പിക്കാനുള്ള സാധ്യത ചൂണ്ടിക്കാട്ടി.
ഫുഡ് ലേബലുകള്, പാക്കേജിംഗ്, പ്രൊമോഷണല് ഉള്ളടക്കം എന്നിവയില് ഈ പദം ഉപയോഗിക്കുന്നതില് നിന്ന് വിട്ടുനില്ക്കാന് അപെക്സ് ഫുഡ് റെഗുലേറ്റര് എല്ലാ ഫുഡ് ബിസിനസ്സ് ഓപ്പറേറ്റര്മാരോടും (FBOs) നിര്ദ്ദേശം നല്കിയിട്ടുണ്ട്, നിലവിലുള്ള റെഗുലേറ്ററി വ്യവസ്ഥകള്ക്ക് കീഴിലുള്ള അവ്യക്തതയും തെറ്റായ വ്യാഖ്യാനത്തിനുള്ള സാധ്യതയും കാരണം.
ഭക്ഷ്യ ഉല്പന്ന ലേബലുകളിലും പരസ്യ പ്ലാറ്റ്ഫോമുകളിലും ‘100%” ഉപയോഗത്തില് ശ്രദ്ധേയമായ വര്ദ്ധനവ് എഫ്എസ്എസ്എഐ വ്യാഴാഴ്ച പുറത്തിറക്കിയ ഒരു ഉപദേശത്തില് എടുത്തുകാട്ടി. നിലവിലെ നിയന്ത്രണങ്ങള് പ്രകാരം ഈ പദം നിര്വചിക്കപ്പെട്ടിട്ടില്ലെന്നും ഉപഭോക്താക്കള്ക്കിടയില് തെറ്റിദ്ധരിപ്പിക്കുന്ന മതിപ്പ് സൃഷ്ടിക്കാന് കഴിയുമെന്നും അതോറിറ്റി ഊന്നിപ്പറഞ്ഞു.
2018ലെ ഫുഡ് സേഫ്റ്റി ആന്ഡ് സ്റ്റാന്ഡേര്ഡ്സ് (പരസ്യവും ക്ലെയിമുകളും) റെഗുലേഷന്സ് അനുസരിച്ച്, 2006ലെ ഫുഡ് സേഫ്റ്റി ആന്റ് സ്റ്റാന്ഡേര്ഡ് ആക്ട് പ്രകാരമോ അതിന് കീഴിലുള്ള ഏതെങ്കിലും നിയമങ്ങളും നിയന്ത്രണങ്ങളും പ്രകാരം ‘100%” എന്ന പദം നിര്വചിക്കുകയോ പരാമര്ശിക്കുകയോ ചെയ്തിട്ടില്ല.
കൂടാതെ, മേല്പ്പറഞ്ഞ നിയന്ത്രണങ്ങളുടെ ഉപനിയന്ത്രണം 10(7) മറ്റ് നിര്മ്മാതാക്കളെ ഇകഴ്ത്തുന്നതോ ഉപഭോക്താക്കളെ തെറ്റിദ്ധരിപ്പിക്കുന്നതോ ആയ ഏതെങ്കിലും പരസ്യമോ ??അവകാശവാദമോ വ്യക്തമായി നിരോധിക്കുന്നു. സബ്-റെഗുലേഷന് 4(1) പ്രകാരം, എല്ലാ ക്ലെയിമുകളും സത്യസന്ധവും അവ്യക്തവും അര്ത്ഥവത്തായതും തെറ്റിദ്ധരിപ്പിക്കുന്നതും അല്ലാത്തതും ഉപഭോക്താക്കള്ക്ക് നല്കിയിരിക്കുന്ന വിവരങ്ങള് മനസ്സിലാക്കാന് സഹായിക്കുന്നതുമായിരിക്കണം.
‘100%’ എന്ന പദം സ്വന്തമായോ മറ്റ് വിവരണങ്ങളുമായി സംയോജിപ്പിച്ചോ ഉപയോഗിക്കുന്നത് കേവലമായ പരിശുദ്ധിയോ ശ്രേഷ്ഠതയോ തെറ്റായി നിര്ദ്ദേശിക്കാന് സാധ്യതയുണ്ടെന്ന് FSSAI അഭിപ്രായപ്പെട്ടു. ”ഇത് വിപണിയില് ലഭ്യമായ മറ്റ് താരതമ്യപ്പെടുത്താവുന്ന ഉല്പ്പന്നങ്ങള് നിലവാരം കുറഞ്ഞതോ അല്ലെങ്കില് റെഗുലേറ്ററി മാനദണ്ഡങ്ങള് പാലിക്കാത്തതോ ആണെന്ന് ഉപഭോക്താക്കളെ തെറ്റിദ്ധരിപ്പിക്കും,” പ്രസ്താവനയില് പറയുന്നു.
ഈ ആശങ്കകളുടെ വെളിച്ചത്തില്, ഭക്ഷ്യ ഉല്പ്പന്ന ലേബലുകള്, പാക്കേജിംഗ്, ഏതെങ്കിലും തരത്തിലുള്ള പ്രമോഷണല് ഉള്ളടക്കം എന്നിവയില് ‘100%’ ഉപയോഗിക്കുന്നത് ഒഴിവാക്കാന് എല്ലാ FBO-കളോടും നിര്ദ്ദേശിച്ചിട്ടുണ്ട്.
ഉപഭോക്തൃ താല്പ്പര്യങ്ങള് സംരക്ഷിക്കുന്നതിനും അറിവോടെയുള്ള തീരുമാനമെടുക്കല് പ്രോത്സാഹിപ്പിക്കുന്നതിനുമായി ഫുഡ് ലേബലിംഗില് സുതാര്യതയും നീതിയും ഉറപ്പാക്കുന്നതിനുള്ള പ്രതിബദ്ധത FSSAI ആവര്ത്തിച്ചു.
Video Stories
എറണാകുളത്ത് കോണ്ക്രീറ്റ്കട്ട തലയില് വീണ് യുവതിക്ക് ദാരുണാന്ത്യം

സംസ്ഥാനത്ത് മഴക്കെടുതിയില് വീണ്ടും മരണം. ജോലി കഴിഞ്ഞു മടങ്ങവെ വൈകീട്ട് കെട്ടിടത്തിന്റെ മുകളില് നിന്നും കോണ്ക്രിറ്റ് കട്ട തലയില് വീണ് യുവതിക്ക് ദാരൂണാന്ത്യം. വടക്കേക്കര സത്താര് ഐലന്റ് സ്വദേശിനി ആര്യാ ശ്യാംമോനാണ് മരിച്ചത്. മൂന്നാം നിലയില് നിന്നും കോണ്ക്രീറ്റ് കട്ട യുവതിയുടെ തലയിലേക്ക് പതിക്കുകയായിരുന്നു.
തുടര്ന്ന് ആര്യയെ നാട്ടുക്കാര് ആശുപത്രിയിലെത്തിച്ചു. എന്നാല് ഇന്ന് രാവിലെ ചികിത്സയിലിരിക്കെ മരണം സംഭവിച്ചു. മകള്ക്കൊപ്പമാണ് ആര്യ ബസ് സ്റ്റോപ്പില് പോയിരുന്നത്. എന്നാല് അപകടത്തില് പരുക്കേല്ക്കാതെ കുട്ടി രക്ഷപ്പെടുകയായിരുന്നു. സംസ്ഥാനത്തെ മഴക്കെടുതിയില് ഇന്ന് മാത്രം മൂന്ന് പേരാണ് മരണപ്പെട്ടത്.
എറണാകുളത്ത് മഴക്കെടുതിയില് വ്യാപകനഷ്ടമാണ് ഉണ്ടായത്. കണ്ണമാലി, നായരമ്പലം എന്നീ ഭാഗങ്ങളിലും കനത്ത മഴയിലും കാറ്റിലും വ്യാപക നാശനഷ്ടമാണ് ഉണ്ടായിരിക്കുന്നത്. തെക്കന് കേരളത്തിലും ശക്തമായ മഴ തുടരുകയാണ്. തിരുവനന്തപുരത്തും കൊല്ലത്തും നിരവധി വീടുകള് തകര്ന്നു. പത്തനംതിട്ടയില് വിവിധ നദികളില് ജലനിരപ്പ് ഉയര്ന്നു.
-
kerala23 hours ago
കൊച്ചി കപ്പലപകടം: ഷിപ്പിങ് കമ്പനിയുമായുള്ള ചര്ച്ചയ്ക്ക് വിദഗ്ത സമിതിയെ നിയോഗിച്ച് സര്ക്കാര്
-
GULF23 hours ago
ഇന്ന് നാട്ടിൽ വരാനിരുന്ന പ്രവാസി അബുദാബിയിൽ മരണപ്പെട്ടു
-
kerala3 days ago
കണ്ണൂരില് ദമ്പതികളെ വീട്ടിനുള്ളില് മരിച്ച നിലയില് കണ്ടെത്തി
-
kerala2 days ago
സി.കെ.സി.ടി.ക്ക് പുതിയ ഭാരവാഹികള്
-
india3 days ago
കന്നഡ തമിഴില് നിന്നാണ് ഉണ്ടായത്; കമല് ഹാസന്റെ വിവാദ പരാമര്ശത്തിനെതിരെ കന്നഡ അനുകൂല സംഘടനകള് രംഗത്ത്
-
kerala3 days ago
സംസ്ഥാനത്ത് രണ്ട് റെയില്വെ സ്റ്റേഷനുകള് അടച്ചുപൂട്ടാന് തീരുമാനം
-
GULF2 days ago
ജീവിത നിലവാരത്തിലും സുരക്ഷയിലും സന്തോഷത്തിലും അബുദാബി മുമ്പില്
-
kerala3 days ago
ജൂണ് മാസത്തിലെ വൈദ്യുതി ബില്ലില് ഇന്ധന സര്ചാര്ജ് കുറയും; കെഎസ്ഇബി