Culture

പരക്കെ ആക്രമം; ഭീതിയോടെ ലങ്കന്‍ മുസ്‌ലിംകള്‍

Published

4 years ago

May 10, 2019

കൊളംബോ: ഈസ്റ്റര്‍ ദിനത്തില്‍ 250ലേറെ പേര്‍ കൊല്ലപ്പെട്ട ചാവേറാക്രമണങ്ങള്‍ക്കുശേഷം ശ്രീലങ്കയിലെ മുസ്്‌ലിംകള്‍ ആശങ്കയില്‍. പല നഗരങ്ങളിലും മുസ്്‌ലിം വീടുകള്‍ക്കും അവരുടെ ഉടമസ്ഥതയിലുള്ള വ്യാപാര സ്ഥാപനങ്ങള്‍ക്കും നേരെ അക്രമങ്ങളാണ് നടക്കുന്നത്. പ്രത്യേകിച്ചും നെഗോംബോ നഗരത്തില്‍ മുസ്്‌ലിംകള്‍ക്കുനേരെ വ്യാപക അക്രമങ്ങളുണ്ടായി.

ദുബായില്‍ ജോലി ചെയ്യുന്ന ശ്രീലങ്കന്‍ പൗരന്‍ മുഹമ്മദ് ഞെട്ടിക്കുന്ന വിവരങ്ങളാണ് പുറത്തുവിട്ടത്. ഞായറാഴ്ച രാത്രി നെഗോംബോയിലുള്ള തന്റെ വീടിന് നേരെ ആക്രണമുണ്ടായതായി അദ്ദേഹം പറയുന്നു. വീട്ടില്‍ മുഹമ്മദിന്റെ ഭാര്യയും മക്കളും ഒറ്റക്കാണ് കഴിയുന്നത്. ‘രാത്രി ഭാര്യ എന്നെ ഫോണില്‍ വിളിച്ചു. അവള്‍ കരയുന്നുണ്ടായിരുന്നു. ഏത് നിമിഷവും തങ്ങള്‍ക്ക് നേരെ ആക്രണമുണ്ടാകുമെന്ന് അവള്‍ പറഞ്ഞു. ശേഷം അവള്‍ ഫോണ്‍ കട്ട് ചെയ്തു. പത്തും ഒന്നും വയസുള്ള തന്റെ മക്കള്‍ക്കും ഭാര്യക്കും എന്ത് സംഭവിച്ചുവെന്ന് അറിയാതെ ഞാന്‍ അടുത്ത ഫോണ്‍ കോളിനുവേണ്ടി കാത്തിരുന്നു. ഭീതി നിറഞ്ഞ നിമിഷങ്ങള്‍. ശേഷം വീണ്ടും ഭാര്യയുടെ വിളി വന്നു. അപ്പോള്‍ തങ്ങളെ രക്ഷിക്കാന്‍ എത്രയും വേഗം ദുബായില്‍ നിന്നും എത്തണമെന്ന് ആവശ്യപ്പെട്ട് അവളും കുട്ടികളും കരയുകയായിരുന്നു.’ ആയുധങ്ങളുമായെത്തിയ ഒരു സംഘം ആളുകള്‍ വീട്ടിലേക്ക് കടന്ന് സാധനങ്ങള്‍ മുഴുവന്‍ അടിച്ചുതകര്‍ത്തതായി ഭാര്യ അദ്ദേഹത്തെ അറിയിച്ചു. മുഹമ്മദിന്റെത് ഉള്‍പ്പെടെ 25 ഓളം വീടുകള്‍ക്ക് നേരെ ആ ദിവസം ആക്രമണമുണ്ടായി.

Pakistani Ahmadi Muslim refugees who found refuge in Sri Lanka are now being moved to a safe location after facing threats following the Easter Sunday bombings. pic.twitter.com/YGxrUECwuL
— Al Jazeera English (@AJEnglish) April 30, 2019

ചാവേറാക്രമണങ്ങള്‍ക്ക് ശേഷം മുസ്്‌ലിംകള്‍ക്ക് നേരെ നടക്കുന്ന പല ആക്രമണങ്ങളും മാധ്യമങ്ങള്‍ റിപ്പോര്‍ട്ട് ചെയ്യുന്നില്ലെന്ന് മാത്രം. കഴിഞ്ഞ ദിവസമുണ്ടായ ആക്രമണത്തില്‍ നാശനഷ്ടം സംഭവിച്ചവര്‍ക്ക് നഷ്ടപരിഹാരം നല്‍കുമെന്ന് ശ്രീലങ്കന്‍ പ്രധാനമന്ത്രി റനില്‍ വിക്രമസിംഗെ അറിയിച്ചിട്ടുണ്ട്. ബൈക്കുകളിലും ഓട്ടോറിക്ഷകളിലും എത്തുന്ന അക്രമി സംഘങ്ങള്‍ വ്യാപക അക്രമങ്ങള്‍ അഴിച്ചിവിട്ടതായി ദൃക്‌സാക്ഷികള്‍ പറയുന്നു. അക്രമങ്ങള്‍ക്ക് ശേഷം അഭ്യൂഹങ്ങള്‍ പടരാതിരിക്കാന്‍ മേഖലയില്‍ അധികൃതര്‍ സോഷ്യല്‍ മീഡിയകള്‍ക്ക് വിലക്കേര്‍പ്പെടുത്തിയിട്ടുണ്ട്. വീടുകളില്‍നിന്ന് പുറത്തിറങ്ങാന്‍ സാധിക്കാതെ ബന്ദികളെപ്പോലെയാണ് തങ്ങള്‍ കഴിയുന്നതെന്ന് ചിലര്‍ പറയുന്നു. വര്‍ഗീയ കലാപങ്ങള്‍ തടയാന്‍ ലങ്കന്‍ മനുഷ്യാവകാശ കമ്മീഷന്‍ ശ്രമങ്ങള്‍ തുടങ്ങിയിട്ടുണ്ട്. സമാധാനം പാലിക്കാന്‍ മതനേതാക്കളും അഭ്യര്‍ത്ഥിക്കുന്നു.

Up Next

ലൈംഗിക പീഡനം: ഫ്രാങ്കോ മുളക്കല്‍ ഇന്ന് കോടതിയില്‍ ഹാജരാവും

Don't Miss

50 ഡോളര്‍ നോട്ടില്‍ അക്ഷരത്തെറ്റ്; തെറ്റ് പറ്റിയതായി സമ്മതിച്ച് റിസര്‍വ് ബാങ്ക് ഓഫ് ഓസ്‌ട്രേലിയ

Click to comment

Culture

ഒ വി വിജയന്‍ സ്മൃതിദിന പരിപാടികള്‍ മാര്‍ച്ച് 30 ന് തസ്രാക്കില്‍ നടക്കും

എഴുത്തുകാരിയും കേരള സാഹിത്യ അക്കാദമി മുൻ വൈസ് പ്രസിഡണ്ടുമായ ഖദീജ മുംതാസ് ഉത്ഘാടനം ചെയ്യും

Published

7 hours ago

March 28, 2023

webdesk15

സാഹിത്യകാരൻ ഒ ,വി,വിജയൻറെ സ്മൃതിദിന പരിപാടികള്‍ മാര്‍ച്ച് 30 ന് പാലക്കാട്ടെ തസ്രാക്ക് ഒ.വി.വിജയൻ സ്മാരകത്തിൽ നടക്കും. ‘ചിതലിയിലെ ആകാശം’ എന്ന പേരിലാണ് പരിപാടികൾ സംഘടിപ്പിച്ചിരിക്കുന്നത്. എഴുത്തുകാരിയും കേരള സാഹിത്യ അക്കാദമി മുൻ വൈസ് പ്രസിഡണ്ടുമായ ഖദീജ മുംതാസ് ഉത്ഘാടനം ചെയ്യും.വിവിധ സെഷനുകളില്‍ അശോകന്‍ ചരുവില്‍, കെ എം അനില്‍, എം എം നാരായണന്‍, സുജ സൂസന്‍ ജോര്‍ജ്, സി അശോകന്‍, സി പി ചിത്രഭാനു, കെ ഇ എന്‍ തുടങ്ങിയവർ സംസാരിക്കും. ഭാരതത്തിന്‍റെ സാംസ്കാരിക വര്‍ത്തമാനം എന്ന സംവാദമുണ്ടാകും.

ഖസാക്കിന്‍റെ തമിഴ് വിവര്‍ത്തനം നടത്തിയ യുമ വാസുകി പങ്കെടുക്കും. ഖസാക്കിന്‍റെ ഇതിഹാസം – നൂറ് കവര്‍ചിത്രങ്ങളുടെ പ്രദര്‍ശനവും, ഹ്രസ്വനാടകങ്ങളും ഉണ്ടാകും. പാലക്കാടന്‍ പുതുതലമുറയിലെ കലാ, സാഹിത്യപ്രതിഭകളെ അനുമോദിക്കുന്ന സദസ്സും സംഘടിപ്പിച്ചിട്ടുണ്ട്.

Art

നാടകാചാര്യന്‍ വിക്രമന്‍ നായര്‍ അന്തരിച്ചു

തിങ്കളാഴ്ച രാത്രി കോഴിക്കോട്ടെ സ്വകാര്യാശുപത്രിയിലായിരുന്നു അന്ത്യം

Published

12 hours ago

March 28, 2023

webdesk14

നാടക എഴുത്തുകാരനും അഭിനേതാവുമായ വിക്രമന്‍ നായര്‍ (78) അന്തരിച്ചു. ആറുപത് വര്‍ഷത്തോളം നാടകജീവിതത്തിനൊപ്പം തന്നെ സിനിമ, സീരിയല്‍ രംഗങ്ങളിലും അദ്ദേഹം തിളങ്ങി. തിങ്കളാഴ്ച രാത്രി കോഴിക്കോട്ടെ സ്വകാര്യാശുപത്രിയിലായിരുന്നു അന്ത്യം.

ജനനംകൊണ്ട് മണ്ണാര്‍ക്കാട്ടുകാരനാണെങ്കിലും കോഴിക്കോട് സെയ്ന്റ് ജോസഫ് ഹൈസ്‌കൂളിലെ വിദ്യാഭ്യാസകാലമാണ് വിക്രമന്‍നായരെ നാടകതത്പരനാക്കുന്നത്. 16 വയസ്സുമുതല്‍ കോഴിക്കോട്ടെ കലാസമിതിപ്രവര്‍ത്തകരുമായി സഹകരിച്ചുപോന്നിരുന്നു. കെ.ടി. മുഹമ്മദടക്കമുള്ള നാടകാചാര്യന്മാരോടൊപ്പം നാടകരംഗത്ത് തന്റേതായ കൈയൊപ്പ് പതിപ്പിക്കാന്‍ അദ്ദേഹത്തിന് സാധിച്ചു.

Film

ഇന്നസെന്റിന്റെ സംസ്‌കാരം ഇന്ന്

പ്രിയതാരത്തിന് അന്ത്യാഞ്ജലി അര്‍പ്പിക്കാന്‍ ഇന്നലെ പതിനായിരങ്ങളാണ് കൊച്ചിയിലും ഇരിങ്ങാലക്കുടയിലും എത്തിയത്

Published

14 hours ago

March 28, 2023

webdesk14

അന്തരിച്ച സിനിമാ താരവും മുന്‍ എംപിയുമായ ഇന്നസെന്റിന്റെ സംസ്‌കാരം ഇന്ന് രാവിലെ പത്ത് മണിക്ക് ഇരിങ്ങാലക്കുട സെന്റ് തോമസ് കത്തീഡ്രല്‍ പള്ളി സെമിത്തേരിയില്‍ നടക്കും. പ്രിയതാരത്തിന് അന്ത്യാഞ്ജലി അര്‍പ്പിക്കാന്‍ ഇന്നലെ പതിനായിരങ്ങളാണ് കൊച്ചിയിലും ഇരിങ്ങാലക്കുടയിലും എത്തിയത്.

മുഖ്യമന്ത്രി പിണറായി വിജയന്‍ ഇരിങ്ങാലക്കുടയിലെത്തി അന്തിമോപചാരം അര്‍പ്പിച്ചു. മന്ത്രിമാരായ ആര്‍.ബിന്ദു, കെ രാധാകൃഷ്ണന്‍, എംബി രാജേഷ് തുടങ്ങിയവര്‍ എല്ലാം ഇരിങ്ങാലക്കുട ടൗണ്‍ ഹാളിലെത്തി അന്ത്യാഞ്ജലി അര്‍പ്പിച്ചു. പ്രിയ സുഹൃത്തിനെ അവസാനമായി ഒരുനോക്ക് കാണാന്‍ സിനിമാ പ്രവര്‍ത്തകരും ആരാധകരും രാത്രി വൈകിയും എത്തിക്കൊണ്ടിരുന്നു.

ഇന്നസെന്റിനെ അവസാനമായി ഒരുനോക്ക് കാണാന്‍ മോഹന്‍ലാല്‍ എത്തി. ഇരിങ്ങാലക്കുടയിലെ വീട്ടിലെത്തിയാണ് മോഹന്‍ലാല്‍ അന്ത്യോപചാരം അര്‍പ്പിച്ചത്. രാജസ്ഥാനില്‍ ഷൂട്ടിങ്ങിലായിരുന്ന മോഹന്‍ലാല്‍ ഇന്നസെന്റിന് അന്ത്യാഞ്ജലി അര്‍പ്പിക്കാനാണ് കേരളത്തിലെത്തിയത്. ഇരിങ്ങാലക്കുട ടൗണ്‍ഹാളിലെ പൊതുദര്‍ശനത്തിന് ശേഷമാണ് ഇന്നസെന്റിന്റെ മൃതദേഹം വീട്ടിലേക്ക് കൊണ്ടുവന്നത്.