Connect with us

india

സ്വാതന്ത്ര്യദിനത്തില്‍ മുസ്‌ലിം യൂത്ത് ലീഗ് യൂണിറ്റി ഡേ

സ്വാതന്ത്ര്യത്തിന്റെ എഴുപതിയഞ്ചാം വാര്‍ഷികത്തില്‍ യൂണിറ്റ് തലത്തില്‍ യൂണിറ്റി ഡേ ആചരിക്കുമെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങളും ജനറല്‍ സെക്രട്ടറി പി.കെ ഫിറോസും പറഞ്ഞു.

Published

on

കോഴിക്കോട്: സ്വാതന്ത്ര്യത്തിന്റെ എഴുപതിയഞ്ചാം വാര്‍ഷികത്തില്‍ യൂണിറ്റ് തലത്തില്‍ യൂണിറ്റി ഡേ ആചരിക്കുമെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങളും ജനറല്‍ സെക്രട്ടറി പി.കെ ഫിറോസും പറഞ്ഞു. ബ്രട്ടീഷ് രാജില്‍ നിന്നും നാടിന്റെ സ്വാതന്ത്രത്തിനായി നടന്ന പോരാട്ടങ്ങളെ പുതു തലമുറക്ക് പരിചയപ്പെടുത്തേണ്ടത് അനിവാര്യമാണ്. സ്വാതന്ത്ര്യ ദിനം കരിദിനമായി ആചരിച്ചവര്‍ക്ക് പോലുമുണ്ടായ മനം മാറ്റം ജനാധിപത്യത്തിന്റെ വിജയമാണ്. മത നിരപേക്ഷത ഊതിക്കെടുത്തിയും ജനാധിപത്യ ഗോപുരങ്ങളെ പരിക്കേല്‍പിച്ചും സ്വാതന്ത്ര്യത്തിന്റെ അന്ത:സത്ത ഓരോ ദിനത്താലും ഫാസിസ്റ്റുകള്‍ കവരുകയാണ് തങ്ങളും ഫിറോസും തുടര്‍ന്നു. ഇന്ത്യയെ ഗ്രസിച്ച രോഗങ്ങളില്‍ നിന്നം നാടിനെ രക്ഷിക്കാന്‍ രാഷ്ട്ര അവബോധമുളള തലമുറ വളര്‍ന്നു വരേണ്ടതുണ്ട്. ബഹുമുഖ ലക്ഷ്യത്തോടെയാണ് യൂണിറ്റി ഡേ ആചരിക്കുന്നതെന്ന് നേതാക്കള്‍ കൂട്ടിച്ചേര്‍ത്തു. യൂണിറ്റ്/ശാഖ കമ്മറ്റികളുടെ നേതൃത്വത്തിലാണ് പരിപാടി സംഘടിപ്പിക്കുക.

യുണിറ്റി ഡേയുടെ ഭാഗമായി ദേശീയ പതാക ഉയര്‍ത്തുകയും സ്വാതന്ത്രൃ ദിന സന്ദേശം കൈമാറുകയും, പ്രതിജ്ഞ എടുക്കുകയും ചെയ്യും. ദേശീയ ഗാനാലാപനത്തോടെയാണ് പരിപാടി സമാപിക്കുക. മധുര വിതരണവും നടത്തും. യൂണിറ്റി ഡേ വിജയമാക്കാന്‍ നേതാക്കള്‍ അഭ്യര്‍ത്ഥിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ദുര്‍ഗാപൂജയ്ക്കിടെ പന്തലില്‍ തീ പടര്‍ന്നു; അഞ്ചു മരണം; നിരവധി പേര്‍ക്ക് പൊള്ളലേറ്റു

പന്തലില്‍ ചടങ്ങ് നടക്കുന്നതിനിടെ അഗ്‌നിബാധ ഉണ്ടാവുകയായിരുന്നു.

Published

on

ദുര്‍ഗാപൂജക്കിടെ പന്തലില്‍ തീപടര്‍ന്നു ഉണ്ടായ അപകടത്തില്‍ അഞ്ച് പേര്‍ മരിച്ചു. കഴിഞ്ഞദിവസം രാത്രിയോടെ ഉത്തര്‍പ്രദേശിലെ ബഡോഹിലാണ് സംഭവം നടന്നത്.

പന്തലില്‍ ചടങ്ങ് നടക്കുന്നതിനിടെ അഗ്‌നിബാധ ഉണ്ടാവുകയായിരുന്നു. ഇലക്ട്രിക് സര്‍ക്യൂട്ടാകാം അപകടത്തിന് കാരണമെന്ന് കരുതപ്പെടുന്നു. 400 പേരോളം ഉണ്ടായിരുന്ന പന്തലില്‍ 60 ലേറെ പേര്‍ക്ക് പരിക്കേറ്റിട്ടുണ്ട്.

മരിച്ചവരില്‍ 45 കാരിയായ അമ്മയും ഇവരുടെ രണ്ടു കുട്ടികളും ഉള്‍പ്പെടുന്നു. സംഭവത്തില്‍ വിശദമായ അന്വേഷണത്തിന് ജില്ലാ മജിസ്‌ട്രേറ്റ് ഉത്തരവിട്ടു.

Continue Reading

india

കോരിച്ചൊരിയുന്ന മഴ വകവെക്കാതെ രാഹുലിന്റെ പ്രസംഗം; വിഡിയോ വൈറല്‍

മൈസൂരില്‍ നിന്നുള്ള ദൃശ്യങ്ങള്‍ രാഹുല്‍ തന്നെ തന്റെ സാമൂഹ്യ മാധ്യമങ്ങളില്‍ പങ്കുവെച്ചിട്ടുണ്ട്.

Published

on

കര്‍ണാടകയില്‍ പര്യടനം തുടരുന്ന ഭാരത് ജോഡോ യാത്രയില്‍ നിന്നുള്ള രാഹുലിന്റെ ദൃശ്യങ്ങളാണ് ഇപ്പോള്‍ സാമൂഹ്യമാധ്യമങ്ങളില്‍ വൈറലായിരിക്കുന്നത്. കോരിച്ചൊരിയുന്ന മഴയിലും ജനങ്ങളെ അഭിസംബോധന ചെയ്യുന്ന രാഹുല്‍ ഗാന്ധിയാണ് ദൃശ്യങ്ങളില്‍ ഉള്ളത്.

മൈസൂരില്‍ നിന്നുള്ള ദൃശ്യങ്ങള്‍ രാഹുല്‍ തന്നെ തന്റെ സാമൂഹ്യ മാധ്യമങ്ങളില്‍ പങ്കുവെച്ചിട്ടുണ്ട്. ഇന്ത്യയെ ഒന്നിപ്പിക്കുന്ന ഞങ്ങളെ തടയാന്‍ ആര്‍ക്കും കഴിയില്ല, ഇന്ത്യയുടെ ശബ്ദമുയര്‍ത്തുന്ന ഞങ്ങളെ തടയാന്‍ ആര്‍ക്കും കഴിയില്ല കന്യാകുമാരി മുതല്‍ കാശ്മീര്‍ വരെ പോകുന്ന ഭാരത് ജോഡോ യാത്ര ആര്‍ക്കും തടയാനാകില്ല എന്നും രാഹുല്‍ ഗാന്ധി ട്വിറ്ററില്‍ കുറിച്ചു.

Continue Reading

india

കേന്ദ്ര മന്ത്രിസഭയിലെ ന്യൂനപക്ഷ വകുപ്പ് ഇല്ലാതാക്കാന്‍ നീക്കമെന്ന് റിപ്പോര്‍ട്ടുകള്‍

ന്യൂനപക്ഷ ക്ഷേമത്തിനായി മാത്രം പ്രത്യേകം ഒരു മന്ത്രാലയത്തിന്റെ ആവശ്യമില്ലെന്നാണ് കേന്ദ്ര സര്‍ക്കാരിന്റെ നിലപാട്.

Published

on

കേന്ദ്ര മന്ത്രിസഭയിലെ ന്യൂനപക്ഷ വകുപ്പ് ഇല്ലാതാക്കാന്‍ കേന്ദ്ര സര്‍ക്കാര്‍ നീക്കം നടത്തുന്നതായി റിപ്പോര്‍ട്ടുകള്‍. ന്യൂനപക്ഷ വകുപ്പിനെ സാമൂഹിക നീതി ശാക്തീകരണ വകുപ്പിനു കീഴിലേക്ക് ലയിപ്പിക്കാനാണ് നീക്കം.

ന്യൂനപക്ഷ ക്ഷേമത്തിനായി മാത്രം പ്രത്യേകം ഒരു മന്ത്രാലയത്തിന്റെ ആവശ്യമില്ലെന്നാണ് കേന്ദ്ര സര്‍ക്കാരിന്റെ നിലപാട്. സാമൂഹിക നീതി ശാക്തീകരണ വകുപ്പുമായി ലയിപ്പിക്കാനുള്ള ചര്‍ച്ചകള്‍ നടക്കുന്നതായും ഇതുമായി ബന്ധപ്പെട്ട വൃത്തങ്ങള്‍ സൂചിപ്പിക്കുന്നു.

2006 ല്‍ യുപിഎ സര്‍ക്കാര്‍ രൂപീകരിച്ച ന്യൂനപക്ഷ കാര്യ വകുപ്പ് 16 വര്‍ഷങ്ങള്‍ക്കു ശേഷം ഇല്ലാതാക്കാനുള്ള ശ്രമമാണ് കേന്ദ്രസര്‍ക്കാര്‍ നടത്തുന്നത്.രാജ്യത്തെ ന്യൂനപക്ഷങ്ങളായ മുസ്ലിം, ക്രിസ്തു ബുദ്ധ, സിഖ്, ജൈന വിഭാഗങ്ങള്‍ക്കായി പ്രത്യേകം ശ്രദ്ധ നല്‍കി പദ്ധതികളും ക്ഷേമ പ്രവര്‍ത്തനങ്ങളും ആവിഷ്‌കരിച്ചു നടപ്പിലാക്കാനായിരുന്നു ന്യൂനപക്ഷ വകുപ്പ് വഴി യുപിഎ സര്‍ക്കാര്‍ ലക്ഷ്യമിട്ടിരുന്നത്.

ഈയിടെ ന്യൂനപക്ഷക്ഷേമ വകുപ്പ് മന്ത്രിയായിരുന്ന മുക്താര്‍ അബ്ബാസ് നക്വി രാജ്യസഭാ കാലാവധി പൂര്‍ത്തിയാക്കി രാജി വെച്ചതിനു ശേഷം വകുപ്പിന് പുതിയ മന്ത്രിയെ നിയോഗിച്ചിരുന്നില്ല. പകരം വനിത ശിശുവികസന മന്ത്രികൂടിയായ സ്മൃതി ഇറാനിക്ക് പ്രത്യേക ചുമതല നല്‍കുകയായിരുന്നു.

കേന്ദ്ര സര്‍ക്കാരിന് ഈ നീക്കത്തിനെതിരെ കോണ്‍ഗ്രസ് പ്രതിഷേധം ഉയര്‍ത്തി രംഗത്തെത്തിയിട്ടുണ്ട്.

Continue Reading

Trending