Connect with us

More

ഫെബ്രുവരി എട്ടിനുള്ളില്‍ ഈ മാറ്റം സ്വീകരിച്ചില്ലെങ്കില്‍ നിങ്ങളുടെ വാട്‌സാപ്പ് അക്കൗണ്ട് നഷ്ടപ്പെടും; സ്വകാര്യ വിവരങ്ങളും പോവും

ആപ്ലിക്കേഷനിലെ അറിയിപ്പില്‍ കൂടുതല്‍ വിശദാംശങ്ങള്‍ വെളിപ്പെടുത്തുന്നില്ല. എന്നാല്‍, ലിങ്കുകളില്‍ ക്ലിക്കു ചെയ്തു പോകുമ്പോള്‍ ചില വിവരങ്ങള്‍ ലഭിക്കുന്നുണ്ട്.

Published

on

സോഷ്യല്‍ മീഡിയ പ്ലാറ്റ്‌ഫോമായ വാട്‌സാപ്പ് വന്‍ മാറ്റങ്ങള്‍ക്കൊരുങ്ങുന്നതായി സുചന. 200 കോടി വാട്‌സാപ് അക്കൗണ്ടുകള്‍ക്ക് ഇത് സംബന്ധിച്ച് ഒരു ഇന്‍-ആപ് അറിയിപ്പ് ലഭിച്ചിട്ടുണ്ട്. ഒന്നുകില്‍ അതിന്റെ സേവന നിബന്ധനകളിലും സ്വകാര്യതാ നയത്തിലും മാറ്റങ്ങള്‍ സ്വീകരിക്കാന്‍ തയാറാകുക, അല്ലെങ്കില്‍ വാട്‌സാപ് അക്കൗണ്ട് നഷ്ടപ്പെടും. നിയമങ്ങള്‍ അംഗീകരിച്ചില്ലെങ്കില്‍ ഫെബ്രുവരി 8 നകം അക്കൗണ്ടുകള്‍ ഇല്ലാതാക്കപ്പെടും.

ആപ്ലിക്കേഷനിലെ അറിയിപ്പില്‍ കൂടുതല്‍ വിശദാംശങ്ങള്‍ വെളിപ്പെടുത്തുന്നില്ല. എന്നാല്‍, ലിങ്കുകളില്‍ ക്ലിക്കു ചെയ്തു പോകുമ്പോള്‍ ചില വിവരങ്ങള്‍ ലഭിക്കുന്നുണ്ട്. വാട്‌സാപ് ഉപയോക്താക്കളുടെ വിവരങ്ങള്‍ എങ്ങനെ ശേഖരിക്കുകയും പ്രോസസ്സ് ചെയ്യുകയും ചെയ്യും എന്നതിലെ പ്രധാന മാറ്റങ്ങളും മാതൃ കമ്പനിയായ ഫെയ്സ്ബുക്കുമായുള്ള പങ്കാളിത്തവും വ്യക്തമായി പരാമര്‍ശിക്കുന്നുണ്ട് നോട്ടിഫിക്കേഷന്‍ മെസേജില്‍.

ഉപയോക്താക്കള്‍ക്ക് സേവനങ്ങള്‍ പ്രവര്‍ത്തിപ്പിക്കുന്നതിനും നല്‍കുന്നതിനും മെച്ചപ്പെടുത്തുന്നതിനും മനസ്സിലാക്കുന്നതിനും ഇഷ്ടാനുസൃതമാക്കുന്നതിനും പിന്തുണയ്ക്കുന്നതിനും വിപണനം ചെയ്യുന്നതിനുമായി വാട്‌സാപ്പിന് ഉപയോക്താക്കളില്‍ നിന്ന് ചില വിവരങ്ങള്‍ സ്വീകരിക്കുകയോ ശേഖരിക്കുകയോ ചെയ്യണം എന്നാണ് അപ്ഡേറ്റ് ചെയ്ത നയത്തില്‍ പറയുന്നത്.

ഞങ്ങളുടെ സേവനങ്ങള്‍ ഉപയോഗിച്ച് നിങ്ങള്‍ നടത്തുന്ന ബിസിനസ് ഇടപെടലുകളെക്കുറിച്ചുള്ള വിവരങ്ങളെല്ലാം ഞങ്ങള്‍ക്ക് കൈമാറിയേക്കാം. ഈ ബിസിനസ്സുകളില്‍ ഓരോന്നും ഞങ്ങള്‍ക്ക് എന്തെങ്കിലും വിവരങ്ങള്‍ നല്‍കുമ്പോള്‍ ബാധകമായ നിയമത്തിന് അനുസൃതമായി പ്രവര്‍ത്തിക്കാന്‍ ഞങ്ങള്‍ ആവശ്യപ്പെടുന്നു, എന്നും കുറിപ്പില്‍ പറയുന്നുണ്ട്. അതായത് ഉപയോക്താവ് നടത്തുന്ന എല്ലാ കാര്യങ്ങളും വാട്‌സാപ് അറിയുമെന്നും വേണ്ട ഡേറ്റകള്‍ എടുക്കുമെന്നുമുള്ള സൂചനയാണിത്.

തേര്‍ഡ് പാര്‍ട്ടി കമ്പനികള്‍ ചില സാഹചര്യങ്ങളില്‍ നിങ്ങളെക്കുറിച്ചുള്ള വിവരങ്ങള്‍ ഞങ്ങള്‍ക്ക് നല്‍കിയേക്കാം. ഉദാഹരണത്തിന്, സേവന പ്രശ്നങ്ങള്‍ നിര്‍ണയിക്കാനും പരിഹരിക്കാനും ഞങ്ങളെ സഹായിക്കുന്നതിന് ആപ്ലിക്കേഷന്‍ സ്റ്റോറുകള്‍ ഞങ്ങള്‍ക്ക് റിപ്പോര്‍ട്ടുകള്‍ നല്‍കിയേക്കാം എന്നും നയത്തില്‍ പറയുന്നുണ്ട്. വിവിധ രാജ്യങ്ങളിലെ നിയമങ്ങളെ മറികടക്കാന്‍ ലക്ഷ്യമിട്ടുള്ളതാണ് ഈ നയങ്ങളെന്നും സൂചനയുണ്ട്.

അടുത്ത വാട്‌സാപ് അപ്ഡേറ്റുകളില്‍ സേവനത്തെക്കുറിച്ചും ഉപയോക്തൃ ഡേറ്റ പ്രോസസ്സ് ചെയ്യുന്നതിനെക്കുറിച്ചും കൂടുതല്‍ വിവരങ്ങള്‍ ഉള്‍പ്പെടുമെന്നാണ് അറിയുന്നത്. ചാറ്റുകള്‍ സൂക്ഷിക്കുന്നതിനും നിയന്ത്രിക്കുന്നതിനും ബിസിനസ്സുകള്‍ക്ക് ഫെയ്‌സ്ബുക് ഹോസ്റ്റുചെയ്ത സേവനങ്ങള്‍ എങ്ങനെ ഉപയോഗിക്കാമെന്നതിനെക്കുറിച്ചുള്ള വിവരങ്ങളും ഇതില്‍ ഉള്‍പ്പെടുന്നുണ്ട്.

ഫെബ്രുവരി 8 മുതലാണ് പുതിയ നിബന്ധനകള്‍ പ്രാബല്യത്തില്‍ വരിക. ‘ഈ തിയതിക്ക് ശേഷം, വാട്‌സാപ് ഉപയോഗിക്കുന്നത് തുടാന്‍ നിങ്ങള്‍ക്ക് ആഗ്രഹമുണ്ടെങ്കില്‍ പുതിയ നിയമങ്ങള്‍ സ്വീകരിക്കേണ്ടതുണ്ട് അല്ലെങ്കില്‍ നിങ്ങള്‍ക്ക് എന്നന്നേക്കുമായി അക്കൗണ്ട് ഡിലീറ്റ് ചെയ്യാന്‍ കഴിയും’ എന്നാണ് മെസേജിലുള്ളത്.

കടപ്പാട്: മനോരമ

 

Career

കേരള കേന്ദ്ര സര്‍വകലാശാലക്ക് എ ഗ്രേഡ്

കഴിഞ്ഞ തവണ ബി പ്ലസ് പ്ലസ് ഗ്രേഡിലായിരുന്ന സര്‍വകലാശാല ഇത്തവണ എ ഗ്രേഡിലേക്ക് കുതിച്ചു. 2.76 പോയിന്റ് 3.14 ആയി ഉയര്‍ത്തിയാണ് ഈനേട്ടം.

Published

on

കാസര്‍കോട്: നാഷണല്‍ അസസ്മെന്റ് ആന്റ് അക്രഡിറ്റേഷന്‍ കൗണ്‍സില്‍ (നാക്) ഗ്രേഡിങ്ങില്‍ കേരള കേന്ദ്ര സര്‍വകലാശാലക്ക് ചരിത്ര നേട്ടം. കഴിഞ്ഞ തവണ ബി പ്ലസ് പ്ലസ് ഗ്രേഡിലായിരുന്ന സര്‍വകലാശാല ഇത്തവണ എ ഗ്രേഡിലേക്ക് കുതിച്ചു. 2.76 പോയിന്റ് 3.14 ആയി ഉയര്‍ത്തിയാണ് ഈനേട്ടം.

കരിക്കുലര്‍ ആസ്പെക്ട്സ്, റിസര്‍ച്ച്-ഇന്നവേഷന്‍സ് ആന്റ് എക്സ്റ്റന്‍ഷന്‍, ഇന്‍ഫ്രാസ്ട്രക്ചര്‍ ആന്റ് ലേണിംഗ് റിസോഴ്സസ്, ഗവേണന്‍സ്-ലീഡര്‍ഷിപ്പ് ആന്റ് മാനേജ്മെന്റ്, ഇന്‍സ്റ്റിറ്റിയൂഷണല്‍ വാല്യൂസ് ആന്റ് ബെസ്റ്റ് പ്രാക്ടീസസ് എന്നീ മേഖലകളില്‍ പോയിന്റ് വര്‍ധിച്ചു.

മിസോറാം യൂണിവേഴ്സിറ്റി വൈസ് ചാന്‍സലര്‍ പ്രൊഫ.കെ.ആര്‍.എസ്. സാംബശിവ റാവു ചെയര്‍മാനായ ആറംഗ സംഘമാണ് ഗ്രേഡ് നിര്‍ണയത്തിനെത്തിയത്. 2009ല്‍ സ്ഥാപിതമായ കേരള കേന്ദ്ര സര്‍വകലാശാലക്ക് ചുരുങ്ങിയ വര്‍ഷങ്ങള്‍ക്കുള്ളിലാണ് എ ഗ്രേഡ് നേടാന്‍ സാധിച്ചത്.

Continue Reading

Career

career chandrika: ബിരുദം കഴിഞ്ഞവര്‍ക്ക് തുടര്‍പഠനാവസരമൊരുക്കി ‘ജാം’

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്.

Published

on

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്. ബയോടെക്‌നോളജി, കെമിസ്ട്രി, എക്കൊണോമിക്‌സ്, ജിയോളജി, മാത്തമാറ്റിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിങ്ങനെ 7 വിഷയങ്ങളിലാണ് പരീക്ഷ നടക്കുന്നത്. കമ്പ്യൂട്ടര്‍ അധിഷ്ഠിത പരീക്ഷയാണ്. 2023 ഫെബ്രുവരി 12 ന് നടക്കുന്ന പരീക്ഷക്ക് ഒക്ടോബര്‍ 11 നകം https://jam.iitg.ac.in/ എന്ന വെബ്‌സൈറ്റ് വഴി അപേക്ഷിക്കണം.

21 ഐഐടികളിലായുള്ള 3,000 ത്തിലധികം ബിരുദാനന്തര ബിരുദ പ്രോഗ്രാമുകള്‍ക്ക് പുറമെ വിവിധ എന്‍.ഐ.ടികള്‍, ശിബ്പൂരിലുള്ള ഐ.ഐ. ഇ.എസ്.ടി, പഞ്ചാബിലുള്ള എസ്.എല്‍.ഐ. ഇ.ടി, പൂനയിലെ ഡിഫന്‍സ് ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് ടെക്‌നോളജി, ഐ.ഐ.എസ്.സി, ജവാഹര്‍ലാല്‍ നെഹ്‌റു സെന്റര്‍ ഫോര്‍ അഡ്വാന്‍സ്ഡ് സയന്റിഫിക് റിസര്‍ച്ച്, ഐസറുകള്‍, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പെട്രോളിയം ആന്‍ഡ് എനര്‍ജി തുടങ്ങിയ സ്ഥാപനങ്ങളിലെ കോഴ്‌സുകളിലെ പ്രവേശനത്തിനും ‘ജാം’ സ്‌കോര്‍ മാനദണ്ഡമാണ്.

വിവിധ വിഷയങ്ങളില്‍ എം.എസ്.സി, ജോയന്റ് എം.എസ്.സിപി.എച്ച്.ഡി. എം.എസ്.സിപി.എച്ച്.ഡി ഡ്യുവല്‍ ഡിഗ്രി, എം.എസ്.സി (ടെക്), എം.എസ്.സിഎം.ടെക് ഡ്യുവല്‍ ഡിഗ്രി എന്നിവയാണ് പ്രധാന പ്രോഗ്രാമുകള്‍. പാലക്കാട് ഐ.ഐ.ടിയില്‍ കെമിസ്ട്രി, ഫിസിക്‌സ്, മാത്തമാറ്റിക്‌സ് എന്നീ വിഷയങ്ങളിലാണ് എം.എസ്.സി പ്രോഗ്രാമാണുള്ളത്.

ഓരോ വിഷയത്തിലും 60 ചോദ്യങ്ങളിലായി 100 മാര്‍ക്കാണ് പരമാവധി ലഭിക്കുക. തന്നിട്ടുള്ള ഓപ്ഷനുകളില്‍ നിന്ന് ശരിയുത്തരം തിരഞ്ഞെടുക്കേണ്ട മള്‍ട്ടിപ്പിള്‍ ചോയ്‌സ്, ഒരു ചോദ്യത്തിന് ഒന്നോ അതിലധികമോ ശരിയുത്തരങ്ങള്‍ ഉണ്ടാവുന്ന മള്‍ട്ടിപ്പിള്‍ സെലക്ട്, സംഖ്യകള്‍ ഉത്തരമായി വരുന്ന ന്യൂമെറിക്കല്‍ ആന്‍സര്‍ ടൈപ്പ് എന്നീ വിഭാഗങ്ങളിലുള്ള ചോദ്യങ്ങള്‍ ഉണ്ടാവും. മള്‍ട്ടിപ്പിള്‍ ചോയ്‌സ് വിഭാഗത്തില്‍ തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും.

കെമിസ്ട്രി, ജിയോളജി, മാത്തമാറ്റിക്‌സ് എന്നിവയില്‍ ഒരു വിഷയവും ബയോടെക്‌നോളജി, എക്കണോമിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിവയില്‍ ഒരു വിഷയവുമടക്കം പരമാവധി രണ്ട് വിഷയങ്ങള്‍ തിരഞ്ഞെടുക്കാം. ഒരു വിഷയം മാത്രം തിരഞ്ഞെടുത്താല്‍ 1800 രൂപയും രണ്ട് വിഷയങ്ങള്‍ തിരഞ്ഞെടുത്താല്‍ 2500 രൂപയുമാണ് അപേക്ഷാ ഫീസ്. പെണ്‍കുട്ടികള്‍, പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് ഇത് യഥാക്രമം 900 രൂപ, 1250 രൂപ എന്നിങ്ങനെയാണ്.

തിരഞ്ഞെടുക്കാനുദ്ദേശിക്കുന്ന പ്രോഗ്രാമിന് ബാധകമായ അര്‍ഹത, വിദ്യാഭ്യാസ യോഗ്യത എന്നിവ ഉറപ്പ് വരുത്തണം. അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാവുന്നതാണ്. ഓരോ വിഷയത്തിന്റെയും സിലബസ് പ്രോസ്‌പെക്ടസിലുണ്ട്. തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂര്‍, പാലക്കാട്, കോഴിക്കോട്, വടകര, കണ്ണൂര്‍, മംഗളുരു, മൈസൂരു, ചെന്നൈ, കോയമ്പത്തൂര്‍, ബംഗളുരു എന്നിവിടങ്ങളിലടക്കം നിരവധി പരീക്ഷാ കേന്ദ്രങ്ങളുണ്ട്.

നിയമം പഠിക്കാന്‍ ആള്‍ ഇന്ത്യാ ലോ എന്‍ട്രന്‍സ് ടെസ്റ്റ്

ഡല്‍ഹിയിലുള്ള ദേശീയ നിയമ സര്‍വകലാശാലയിലെ പഞ്ചവര്‍ഷ നിയമബിരുദ പ്രോഗ്രാമായ ബി.എ.എല്‍.എല്‍.ബി (ഓണേഴ്‌സ്) കോഴ്‌സിന്റെ പ്രവേശനത്തിനുള്ള മാനദണ്ഡമായ ആള്‍ ഇന്ത്യാ ലോ എന്‍ട്രന്‍സ് ടെസ്റ്റിനു (‘ഐലറ്റ്’2023). 45 ശതമാനം മാര്‍ക്കോടെ പ്ലസ്ടു വിജയിച്ചവര്‍ക്ക് (പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് 40 ശതമാനം) നവംബര്‍ 15 വരെ അപേക്ഷിക്കാം. 2023 ല്‍ പ്ലസ്ടു പരീക്ഷ എഴുതുന്നവര്‍ക്കും അപേക്ഷിക്കാം.

2022 ഡിസംബര്‍ 11 ന് നടക്കുന്ന ഒന്നര മണിക്കൂര്‍ ദൈര്‍ഘ്യമുള്ള പ്രവേശന പരീക്ഷയില്‍ ഇംഗ്ലീഷ് ഭാഷ, പൊതുവിജ്ഞാനം & ആനുകാലികം, ലോജിക്കല്‍ റീസണിങ് എന്നിങ്ങനെ മൂന്ന് കാറ്റഗറികളിലായി 150 മള്‍ട്ടിപ്പിള്‍ ചോയ്‌സ് രീതിയിലുള്ള ചോദ്യങ്ങളാണുണ്ടാവുക. തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും. പൊതുവിഭാഗത്തില്‍ 3,500 രൂപയാണ് പരീക്ഷാ ഫീസ്. തിരുവനന്തപുരം, കൊച്ചി, ബംഗളുരു, ചെന്നൈ, മംഗളൂരു, എന്നിവയടക്കം നിരവധി പരീക്ഷാ കേന്ദ്രങ്ങളുണ്ട്. 110 സീറ്റുകളിലേക്കാണ് പ്രവേശന പരീക്ഷയനുസരിച്ച് അഡ്മിഷന്‍ നടത്തുന്നത്. അപേക്ഷിക്കാനും മറ്റു വിശദ വിവരങ്ങള്‍ക്കും https://nationallaw universtiydelhi.in/ എന്ന വെബ്‌സൈറ്റ് സന്ദര്‍ശിക്കാം.നിയമബിരുദം പൂര്‍ത്തിയാക്കിയവര്‍ക്കും അവസാന വര്‍ഷ പരീക്ഷ എഴുതുന്നവര്‍ക്കും ‘ഐലറ്റ്’ പരീക്ഷ വഴി ഒരു വര്‍ഷം ദൈര്‍ഘ്യമുള്ള എല്‍.എല്‍.എം കോഴ്‌സിനും ഇപ്പോള്‍ അപേക്ഷിക്കാം.

Continue Reading

kerala

രേഖാ രാജിന്റെ നിയമനം റദ്ദാക്കിയത് സുപ്രീംകോടതി ശരിവെച്ചു

Published

on

ന്യൂഡല്‍ഹി: മഹാത്മാഗാന്ധി സര്‍വകലാശാലയില്‍ ദളിത് സ്ത്രീ ചിന്തക രേഖാരാജിനെ അസിസ്റ്റന്റ് പ്രൊഫസറായി നിയമിച്ചത് റദ്ദാക്കിയ ഹൈക്കോടതി വിധി സുപ്രീംകോടതി ശരിവെച്ചു. മഹാത്മാഗാന്ധി സര്‍വകലാശാലക്കെതിരെ രൂക്ഷ വിമര്‍ശനം ഉന്നയിച്ചാണ് പരമോന്നത കോടതി ഹര്‍ജി തള്ളിയത്. നിയമന രീതി ശുദ്ധ അസംബന്ധമാണെന്നും അംഗീകരിക്കാനാവില്ലെന്നും കോടതി വ്യക്തമാക്കി.

Continue Reading

Trending