നാവികസേനയുടെ ആയുധപരിശീലന കേന്ദ്രമായ കൊച്ചിയിലെ ഐ.എൻ.എസ് ദ്രോണാചാര്യയ്ക്ക് രാഷ്ട്രപതി പ്രസിഡൻ്റ്സ് കളർ അവാർഡ് സമ്മാനിച്ചു. യുദ്ധത്തിലും സമാധാനത്തിലും രാജ്യത്തിന് നൽകിയ അസാധാരണ സേവനത്തിനുള്ള അംഗീകാരമായി ഐ.എൻ.എസ് ദ്രോണാചാര്യയ്ക്ക് പ്രസിഡന്റ്സ് കളര്‍ അവാര്‍ഡ് സമർപ്പിക്കാനായതിൽ പരമോന്നത സൈനിക അധികാരി എന്ന നിലയിൽ സന്തോഷിക്കുന്നുവെന്ന് രാഷ്‌ട്രപതി പറഞ്ഞു.

രാഷ്ട്രപതിയിൽ നിന്ന് ലെഫ്. കമാൻഡർ ദീപക് സ്കറിയ അവാർഡ് ഏറ്റുവാങ്ങി.രാജ്യത്തെ ഒരു സായുധസേനാ യൂണിറ്റിന് നൽകുന്ന ഏറ്റവും വലിയ ബഹുമതിയാണിത്.ഐ എൻ എസ് ദ്രോണാചാര്യയിലെ എല്ലാ ജീവനക്കാർക്കും ആശംസകൾ നേരുന്നതായി രാഷട്രപതി പറഞ്ഞു. മുഖ്യമന്ത്രി പിണറായി വിജയൻ, ഗവർണർ ആരിഫ് മുഹമ്മദ് ഖാൻ, നാവിക സേനാ മേധാവി അഡ്മിറൽ ആർ ഹരികുമാർ, വൈസ് അഡ്മിറൽ ഹംപി ഹോളി തുടങ്ങിയവർ ചടങ്ങിൽ പങ്കെടുത്തു.

സാം​സ്കാ​രി​ക വ​കു​പ്പി​ന്​ കീഴിൽ പ്രവർത്തിക്കുന്ന ആലപ്പുഴയിലെ ത​ക​ഴി സ്മാ​ര​കം ഏർപ്പെടുത്തിയ തകഴി സ്മാരക പുരസ്‌കാരത്തിന് നോവലിസ്റ്റ് എം.മുകുന്ദൻ അർഹനായി.അമ്പതിനായിരം രൂ​പ​യും പ്ര​ശ​സ്തി​പ​ത്ര​വും അ​ട​ങ്ങു​ന്ന​താ​ണ് പുരസ്‌കാരം. അടുത്തമാസം 17 ന് തകഴിയുടെ ജന്മദിനത്തിൽ ശങ്കരമംഗലത്ത് നടക്കുന്ന ചടങ്ങിൽ പുരസ്‌കാരം വിതരണം ചെയ്യും.

തൃശൂര്‍: ഗുരുവായൂര്‍ ദേവസ്വം ജ്ഞാനപ്പാന പുരസ്‌കാരം പ്രശസ്ത കവിയും അധ്യാപകനുമായ പ്രൊഫ. വി മധുസൂദനന്‍ നായര്‍ക്ക്. 50,001 രൂപയും ഗുരുവായൂരപ്പന്റെ ചിത്രം ആലേഖനം ചെയ്ത പത്ത് ഗ്രാം സ്വര്‍ണപ്പതക്കവും പ്രശസ്തിപത്രവും ഫലകവും അടങ്ങുന്നതാണ് ജ്ഞാനപ്പാന പുരസ്‌കാരം. സമഗ്ര സംഭാവനയ്ക്കാണ് പുരസ്‌കാരം.

പൂന്താനത്തിന്റെ ജന്മദിനമായ ഫെബ്രുവരി 24, വൈകീട്ട് അഞ്ചിന് മേല്‍പുത്തൂര്‍ ആഡിറ്റോറിയത്തില്‍ ചേരുന്ന സാംസ്‌കാരിക സമ്മേളനത്തില്‍ പുരസ്‌കാരം സമ്മാനിക്കും. ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍ ബിന്ദുവാണ് പുരസ്‌കാരം സമ്മാനിക്കുന്നത്.

കേരള സാഹിത്യ അക്കാദമി നിര്‍വാഹക സമിതി അംഗമായ ആലങ്കോട് ലീലാകൃഷ്ണന്‍, ഏങ്ങണ്ടിയൂര്‍ ചന്ദ്രശേഖരന്‍, ദേവസ്വം ചെയര്‍മാന്‍ ഡോ. വികെ വിജയന്‍, ഭരണ സമിതി അംഗങ്ങളായ മല്ലിശേരി പരമേശ്വരന്‍ നമ്പൂതിരിപ്പാട്, വിജി രവീന്ദ്രന്‍ എന്നിവരുള്‍പ്പെട്ട പുരസ്‌കാര നിര്‍ണയ സമിതിയാണ് ജേതാവിനെ തിരഞ്ഞെടുത്തത്.