Connect with us

Money

കണ്ണടച്ചു തുറന്നപ്പോള്‍ അക്കൗണ്ടില്‍ 10 കോടി; പാക് പൊലീസുകാരന്റെ അക്കൗണ്ട് പൂട്ടി ബാങ്ക് അധികൃതര്‍

നേരം ഇരുട്ടിവെളുത്തപ്പോഴേക്കും പാക് പൊലീസുകാരന്റെ അക്കൗണ്ടില്‍ കോടികളുടെ കുത്തൊഴുക്ക്

Published

on

കറാച്ചി: നേരം ഇരുട്ടിവെളുത്തപ്പോഴേക്കും പാക് പൊലീസുകാരന്റെ അക്കൗണ്ടില്‍ കോടികളുടെ കുത്തൊഴുക്ക്.കറാച്ചിയിലെ ബഹാദൂറാബാദിലുള്ള പൊലീസ് സ്റ്റേഷനിലെ ആമിര്‍ ഗോപൊങ്ങിന്റെ അക്കൗണ്ടിലാണ് ഉറവിടമറിയാത്ത 10 കോടി രൂപ എത്തിയത്.ബാങ്ക് ഉദ്യോഗസ്ഥര്‍ വിളിച്ചപ്പോഴാണ് ആമിര്‍ വിവരം അറിയുന്നത്.

എന്നാല്‍,പണത്തെക്കുറിച്ച് അറിയില്ലെന്ന് പറഞ്ഞതോടെ അക്കൗണ്ട് മരവിപ്പിക്കുകയും എ.ടി.എം കാര്‍ഡ് ബ്ലോക്ക് ചെയ്യുകയും ചെയ്തു.ഇത്രയധികം പണം അക്കൗണ്ടിലേക്ക് എങ്ങനെ എത്തിയെന്നറിയാന്‍ ബാങ്ക് അധികൃതര്‍ അന്വേഷണം തുടങ്ങിയിട്ടുണ്ട്.അടുത്തിടെ പാകിസ്താനിലെ ലര്‍കാനയിലും സുക്കൂറിലും സമാനമായ സംഭവങ്ങള്‍ റിപ്പോര്‍ട്ട് ചെയ്തിരുന്നു.

 

 

crime

മരിച്ച ബാസ്‌കറ്റ് ബോള്‍ താരം ലിതാരയുടെ വീട്ടില്‍ ജപ്തി നോട്ടീസ്

രണ്ടുമാസത്തിനകം 16 ലക്ഷം രൂപ അടച്ചില്ലെങ്കില്‍ ജപ്തി ചെയ്യുമെന്ന് നോട്ടീസില്‍ പറയുന്നു

Published

on

ദുരൂഹ സാഹചര്യത്തില്‍ മരിച്ച ദേശീയ ബാസ്‌കറ്റ് ബോള്‍ താരം ലിതാരയുടെ വീട്ടില്‍ ജപ്തി നോട്ടീസ് പതിച്ചു. രണ്ടുമാസത്തിനകം 16 ലക്ഷം രൂപ അടച്ചില്ലെങ്കില്‍ ജപ്തി ചെയ്യുമെന്ന് നോട്ടീസില്‍ പറയുന്നു. റെയില്‍വേ ബാസ്‌കറ്റ് ബോള്‍ താരവും കോഴിക്കോട് കക്കട്ടില്‍ പാതിരപ്പറ്റ സ്വദേശിയുമായ ലിതാരയെ പാറ്റ്‌നയിലെ ഫ്‌ലാറ്റിലാണ് മരിച്ച നിലയില്‍ കണ്ടെത്തിയത്. മരണത്തില്‍ ദുരൂഹത ആരോപിച്ച് കുടുംബം പരാതി നല്‍കിയിരുന്നു. കോച്ച് രവി സിങില്‍ നിന്നുണ്ടായ മാനസിക പീഡനമാണ് ലിതാരയുടെ മരണത്തിലേക്ക് നയിച്ചതെന്ന് ബന്ധുക്കള്‍ പറയുന്നത്.

Continue Reading

crime

ആദിവാസി ഭൂമിയില്‍ വീണ്ടും നിയമവിരുദ്ധ പ്രവര്‍ത്തനങ്ങള്‍

പലയിടങ്ങളിലും നിയമവിരുദ്ധമായി ആദിവാസി ഭൂമി 33 വര്‍ഷത്തിന് പാട്ടത്തിനെടുത്ത് എജന്‍സി കൃഷി ചെയ്യുകയാണ്

Published

on

പാലക്കാട് അട്ടപാടിയില്‍ അദിവാസി മേഖലയില്‍ വീണ്ടും എച്ച്.ആര്‍.ഡി.എസിന്റെ നിയമവിരുദ്ധ പ്രവര്‍ത്തനങ്ങള്‍. പലയിടങ്ങളിലും നിയമവിരുദ്ധമായി ആദിവാസി ഭൂമി 33 വര്‍ഷത്തിന് പാട്ടത്തിനെടുത്ത് എജന്‍സി കൃഷി ചെയ്യുകയാണ്. ഔഷധ കൃഷി പദ്ധതിയായ കര്‍ഷകയുടെ യോഗം ഈ മാസം 26ന് ചേരുമെന്ന് കാണിച്ച് നിരവധിപേര്‍ക്ക് നോട്ടീസ് അയച്ചിട്ടുണ്ട്.

എച്ച്.ആര്‍.ഡി.എസിന്റെ കേരളത്തിലെ എല്ലാ പ്രവര്‍ത്തനങ്ങളും നിര്‍ത്തുകയാണെന്ന് നേരത്തെ പ്രഖ്യാപിച്ചിരുന്നു. എന്നാല്‍ കര്‍ഷക എന്ന ഔഷധ കൃഷിക്കായി യോഗം ചേരുകയാണെന്ന് കാണിച്ചാണ് ആദിവാസികള്‍ക്ക് നോട്ടീസ് അയച്ചിരിക്കുന്നത്. ആദിവാസികളുടെ ഭൂമി ആദിവാസികളാല്ലാത്തവര്‍ വാങ്ങാനൊ പാട്ടത്തിന് എടുക്കാനൊ പാടില്ല.

Continue Reading

Health

ആലപ്പുഴ മെഡിക്കല്‍ കോളേജ് സൂപ്പര്‍ സ്‌പെഷ്യാലിറ്റി ബ്ലോക്ക് ഉദ്ഘാടനം നാളെ

60-ാമത് വര്‍ഷത്തിലേക്ക് നീങ്ങുന്ന അമ്പലപ്പുഴ വണ്ടാനത്തുള്ള ആലപ്പുഴ മെഡിക്കല്‍ കോളേജിന്റെ സൂപ്പര്‍ സ്‌പെഷ്യാലിറ്റി ബ്ലോക്ക് ഉദ്ഘാടനം നാളെ ജനുവരി 21 ന് കേരള മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും

Published

on

60-ാമത് വര്‍ഷത്തിലേക്ക് നീങ്ങുന്ന അമ്പലപ്പുഴ വണ്ടാനത്തുള്ള ആലപ്പുഴ മെഡിക്കല്‍ കോളേജിന്റെ സൂപ്പര്‍ സ്‌പെഷ്യാലിറ്റി ബ്ലോക്ക് ഉദ്ഘാടനം നാളെ ജനുവരി 21 ന് കേരള മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. പ്രധാന മന്ത്രിയുടെ സ്വാസ്ഥ്യ സുരക്ഷായോജനാപദ്ധതി പ്രകാരം സംസ്ഥാന സര്‍ക്കാരിന്റെ സാമ്പത്തിക പങ്കാളിത്തത്തോടുകൂടി 173.18 കോടി രൂപ അടങ്കലില്‍ നിര്‍മിച്ച പടുകൂറ്റന്‍ 6 നില മന്ദിരമാണ് പണിപൂര്‍ത്തിയാക്കി ഉദ്ഘാടനം ചെയ്യുന്നത്.

ഉദ്ഘാടനം സംബന്ധിച്ച് ചില വിവാദങ്ങള്‍ മാധ്യമങ്ങള്‍ ഉയര്‍ത്തുന്നു. 2012 ല്‍ ഈ മെഡിക്കല്‍ കോളേജിലെ അപര്യാപ്തതകള്‍ പരിഹരിക്കുന്നതിനായി ഒരു ഗ്യാപ്പ് അനാലിസിസ് അയക്കണമെന്ന് കേന്ദ്ര ആരോഗ്യ മന്ത്രാലയം ആവശ്യപ്പെടുന്നു. സ്വാഭാവികമായും അന്നത്തെ എം.പി ശ്രീ കെ.സി വേണുഗോപാലിന്റെ ശുപാര്‍ശ കത്തും ഒപ്പം ഉണ്ടായിരുന്നു. 2 വര്‍ഷത്തിന് ശേഷം 2014 ല്‍ ഡല്‍ഹിയില്‍ ആരോഗ്യ സെക്രട്ടറി വിളിച്ചുകൂട്ടിയ ചര്‍ച്ചയില്‍ ഈ റിപ്പോര്‍ട്ട് പരിഗണിച്ചു. കേന്ദ്ര ആരോഗ്യമന്ത്രി, കേന്ദ്ര ജോയിന്റ് സെക്രട്ടറി, സംസ്ഥാന ആരോഗ്യ സെക്രട്ടറി ഇളങ്കോവന്‍ ഐ.എ.എസ്, ഇപ്പോഴത്തെ ആലപ്പുഴ മെഡിക്കല്‍ കോളേജ് പ്രിന്‍സിപ്പളും അന്നത്തെ നോഡല്‍ ഓഫീസറും ആയിരുന്ന ഡോ. ടി.കെ.സുമ എന്നിവര്‍ ഈ പരിപാടിയില്‍ പങ്കെടുത്തിരുന്നു.

അവിടെ 200 ബെഡുകളും 50 ഐ.സി.യു ബഡുകളും 8 ഓപ്പറേഷന്‍ തീയറ്ററുകളും 9 സൂപ്പര്‍ സപെഷ്യാലിറ്റി ഡിപ്പാര്‍ട്ട്‌മെന്റുകളും നിര്‍മിക്കാനുള്ള പ്രോജക്ട് അംഗീകരിച്ചു. ആദ്യം 5 നിലയും പിന്നീട് 6 നിലയും നിര്‍മ്മിക്കാന്‍ തീരുമാനിച്ചു. 120 കോടി രൂപ കേന്ദ്രവും 30 കോടി സംസ്ഥാനവും വിഹിതമായി നല്‍കണം. കൂടാതെ ഉപകരണങ്ങള്‍ വാങ്ങാനുള്ള പണം സംസ്ഥാനം നല്‍കണം. ഇപ്പോള്‍ നിര്‍മ്മാണം പൂര്‍ത്തിയാകുമ്പോള്‍ കേന്ദ്രം 120 കോടിയും ഉപകരണങ്ങള്‍ അടക്കം സംസ്ഥാനം 53.18 കോടിയും അടക്കം മൊത്തം 173.18 കോടി രൂപ ചിലവഴിച്ചു.

2015 ഡിസംബര്‍ 19 ന് നിര്‍മ്മാണം ടെണ്ടര്‍ ചെയ്തു. 2016 ജൂണില്‍ നിര്‍മ്മാണത്തിനുള്ള കരാര്‍ നല്‍കി. എന്നാല്‍ 2016 ഫെബ്രുവരി 20 ന് തന്നെ ശിലാസ്ഥാപനം നടത്തി. നടത്തിയത് കേന്ദ്ര ആരോഗ്യ മന്ത്രി ശ്രീ നദ്ദയായിരുന്നു (ഇപ്പോള്‍ ബി ജെ പി പ്രസിഡന്റ്). ആദ്യഘട്ടത്തില്‍ കേന്ദ്രത്തില്‍ യു.പി.എ സര്‍ക്കാരും സംസ്ഥാനത്ത് യു.ഡി.എഫ് സര്‍ക്കാരും ആയിരുന്നു. 2014 മുതല്‍ കേന്ദ്രത്തില്‍ ബി.ജെ.പി സര്‍ക്കാരാണ് . 2016 മെയ് മുതല്‍ കേരളത്തില്‍ എല്‍.ഡി.എഫ് സര്‍ക്കാരുമാണ്. നിര്‍മാണ സമയത്തു ധനകാര്യമന്ത്രി ഡോ. തോമസ് ഐസക് ആയിരുന്നു.

Continue Reading

Trending