പിസിയുടെ ലണ്ടന്‍ യാത്രയും ഹിറ്റ്

Published

7 years ago

October 27, 2016

ലണ്ടന്‍: ഒരു മുന്നണിയുടെയും പിന്തുണയില്ലാതെ ഒറ്റക്ക് മത്സരിച്ച് വിജയം നേടിയാണ് പി.സി ജോര്‍ജ് നിമയസഭയിലെത്തിയത്. ആരെയും കൂസാതെയുള്ള പി.സിയുടെ വാമൊഴി മിത്രങ്ങളെക്കാളേറെ ശത്രുക്കളെയാണ് ഒരുക്കിക്കൊടുത്തത്. പി.സി വ്യത്യസ്തനാകുന്നതും ഇങ്ങനത്തന്നെയാണ്. ഇപ്പോള്‍ പൂഞാറിന്റെ പ്രിയ എം.എല്‍.എ അങ്ങ് ലണ്ടനിലാണ്. ലണ്ടനിലായാലും എം.എല്‍.എ ബോര്‍ഡ് വെച്ചാണ് പി.സിയുടെ യാത്ര. അതും മണ്ഡലത്തിന്റെ മാത്രം പേര് വെച്ച്. സോഷ്യല്‍ മീഡിയ ആഘോഷിക്കുന്നതും ഈ ബോര്‍ഡ് വെച്ചുള്ള യാത്രയാണ്. ലണ്ടനില്‍ ഇത്തരത്തിലുള്ള യാത്രകള്‍ അസാധാരണമാണ്. മലയാളികള്‍ ഏറെയുള്ള ഇവിടെ പെട്ടെന്ന് തിരിച്ചറിയാനാണ് ബോര്‍ഡ് വെച്ചതെന്നാണ് ചിലര്‍ പറയുന്നതെങ്കില്‍ ലണ്ടനിലും കാലുകുത്തിയെന്ന് നാട്ടുകാരെ അറിയിക്കാനാണോ ബോര്‍ഡ് വെച്ച യാത്രയെന്നാണ് ചിലര്‍ ചോദിക്കുന്നത്. ലണ്ടനിലെ വിവിധ പരിപാടികളിലായി ഈ മാസം 30 വരെ പി.സി ലണ്ടനിലുണ്ടാവുമെന്നാണ് റിപ്പോര്‍ട്ടുകള്‍.

kerala

ട്രെയിനിൽ നിന്ന് ചാടിയിറങ്ങാൻ ശ്രമിച്ചു; അപകടത്തിൽ വയോധികന്‍റെ കൈ അറ്റു

ട്രെയിനിനും പ്ലാറ്റ്ഫോമിനും ഇടയിലാണ് വീണത്

Published

3 mins ago

October 2, 2023

webdesk14

കൊച്ചി: ട്രെയിനില്‍നിന്ന് ചാടിയിറങ്ങുന്നതിനിടെ ട്രെയിനിനും പ്ലാറ്റ്‌ഫോമിനും ഇടയില്‍ വീണ് വയോധികന്റെ കൈയറ്റു. കോഴിക്കോട് ചേവായൂര്‍ പറമ്പില്‍ ശ്രീ പദം ശശിധരനാണ് അപകടത്തില്‍പ്പെട്ടത്. ഇന്ന് ഉച്ചയ്ക്ക് രണ്ടരയോടെ ആലുവ റെയില്‍വേ സ്‌റ്റേഷനിലാണ് സംഭവം.

ട്രെയിനിനും പ്ലാറ്റ്ഫോമിനും ഇടയിലാണ് ശശിധരൻ വീണത്. ഓടിത്തുടങ്ങിയ ട്രെയിനിൽ നിന്നിറങ്ങാൻ ശ്രമിക്കുമ്പോഴാണ് അപകടം ഉണ്ടായത്. ശശിധരനെ ആശുപത്രിയിൽ പ്രവേശിപ്പിച്ചു.

kerala

നിപ: 223 പേരെ കൂടി സമ്പർക്ക പട്ടികയിൽ നിന്ന് ഒഴിവാക്കി

പുതുതായി ആരെയും സമ്പർക്ക പട്ടികയിൽ ഉൾപ്പെടുത്തിയിട്ടില്ല

Published

18 mins ago

October 2, 2023

webdesk14

നിപ സമ്പർക്ക പട്ടികയിൽ ഉണ്ടായിരുന്ന 223 പേരെ കൂടി പട്ടികയിൽ നിന്ന് ഒഴിവാക്കി. തിങ്കളാഴ്ച സമ്പർക്ക പട്ടികയിൽ ഉള്ളത് 44 പേർ. പുതുതായി ആരെയും സമ്പർക്ക പട്ടികയിൽ ഉൾപ്പെടുത്തിയിട്ടില്ല. കോൾ സെന്ററിൽ മൂന്ന് ഫോൺ കോളുകളാണ് വന്നത്. ഇതുവരെ 1,403 പേർ കോൾ സെന്ററിൽ ബന്ധപ്പെട്ടു.

kerala

വനിത ലോങ് ജമ്പിൽ മലയാളി താരം ആൻസി സോജന് വെള്ളി

അഞ്ചാം ശ്രമത്തില്‍ 6.63 മീറ്റര്‍ ചാടിയാണ് 19കാരി രണ്ടാം സ്ഥാനത്തേക്ക് കുതിച്ചത്

Published

41 mins ago

October 2, 2023

webdesk14

ഏഷ്യന്‍ ഗെയിംസ് അത്‌ലറ്റിക്‌സില്‍ ഒരു മലയാളി താരത്തിനു കൂടി മെഡല്‍ തിളക്കം. വനിതകളുടെ ലോങ് ജംപില്‍ ഇന്ത്യക്കായി മത്സരിച്ച ആന്‍സി സോജന്‍ വെള്ളി മെഡല്‍ നേടി. കരിയറിലെ ഏറ്റവും മികച്ച പ്രകടനം തന്നെ ആന്‍സി ഹാങ്ചൗവില്‍ പുറത്തെടുത്തു.

അഞ്ചാം ശ്രമത്തില്‍ 6.63 മീറ്റര്‍ ചാടിയാണ് 19കാരി രണ്ടാം സ്ഥാനത്തേക്ക് കുതിച്ചത്. 6.73 മീറ്റര്‍ ചാടിയ ചൈനയുടെ സിയോങ് ഷിഖിക്കാണ് സ്വര്‍ണം. 6.48 മീറ്റര്‍ ചാടിയ മറ്റൊരു ഇന്ത്യന്‍ താരം ഷൈലി സിങ് അഞ്ചാമതായാണ് ഫിനിഷ് ചെയ്തത്.

ആദ്യ ശ്രമത്തില്‍ 6.13, രണ്ടാം ശ്രമത്തില്‍ 6.49, മൂന്നാം ശ്രമത്തില്‍ 6.56, നാലാം ശ്രമത്തില്‍ 6.30 മീറ്റര്‍ എന്നിങ്ങനെയായിരുന്നു ആന്‍സിയുടെ മുന്നേറ്റം. അഞ്ചാം ശ്രമത്തില്‍ ചാടിയ 6.63 മീറ്റര്‍ താരത്തിന്റെ മികച്ച വ്യക്തിഗത പ്രകടനം കൂടിയായി മാറി.