ഷാര്‍ജ: ബന്ധുനിയമന വിവാദത്തില്‍ തനിക്കെതിരെ ഉയര്‍ന്ന വിമര്‍ശനങ്ങള്‍ക്ക് മറുപടിയുമായി യൂത്ത്‌ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസ്. തനിക്കെതിരെ കോടതിയില്‍ പോവാന്‍ തയ്യാറുണ്ടോയെന്ന് നിരന്തരം വീമ്പിളക്കിയ കെ.ടി ജലീല്‍ കോടതി വിശദീകരണം ചോദിച്ചപ്പോള്‍ പഠിക്കാന്‍ ഒരാഴ്ച സമയം ചോദിച്ചത് എന്തിനാണെന്ന് ഫിറോസ് ചോദിച്ചു. ഷാര്‍ജയില്‍ കെ.എം.സി.സി സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം.
അഴിമതിയില്‍ മുഖ്യമന്ത്രിക്കും സി.പി.എമ്മിനും പങ്കുണ്ടെന്ന് വ്യക്തമായതോടെ പ്രതിരോധിക്കാന്‍ എല്ലാ അടവുകളുമായി സി.പി.എം രംഗത്തിറങ്ങിയിരിക്കുകയാണ്. എന്തൊക്കെ എതിര്‍പ്പുകളുണ്ടായാലും പിണറായി സര്‍ക്കാറിന്റെ എല്ലാ അഴിമതികളും പുറത്തുകൊണ്ടുവരുമെന്നും ഫിറോസ് വ്യക്തമാക്കി.