kerala
കോഴിക്കോട് വിമാനത്താവളത്തിലെ പ്രശ്നങ്ങള്ക്ക് പരിഹാരം വേണം: ഇ.ടി മുഹമ്മദ് ബഷീര് എം.പി

മലപ്പുറം: മലബാറിലെ ലക്ഷക്കണക്കിന് ജനതയുടെ ആശ്രയമായ കോഴിക്കോട് അന്താരാഷ്ട്ര വിമാനത്താവളത്തിലെ വിവിധ പ്രശ്നങ്ങളില് അടിയന്തര പരിഹാരം ആവശ്യപ്പെട്ട് ഇ.ടി മുഹമ്മദ് ബഷീര് എംപി കേന്ദ്ര വ്യോമയാന മന്ത്രി കിഞ്ചരപ്പു റാം മോഹന് നായിഡുവിന് കത്ത് നല്കി. നിലവില് സര്വീസ് നടത്തുന്ന ചെറിയ ശ്രേണിയില്പെട്ട എയര് ഇന്ത്യ എക്സ്പ്രസ്, സ്പൈസ് ജെറ്റ് വിമാനങ്ങള് അടിക്കടി സര്വീസ് റദ്ദാക്കുന്നത് തടയുക, വാഹന പാര്ക്കിങ്ങിന്റെ പേരില് നടക്കുന്ന അശാസ്ത്രീ യ സംവിധാനങ്ങള് മാറ്റുക, വിമാനത്താവള റെസ വിപുലീകരണ നവീകരണ പ്രവര്ത്തനങ്ങള് വേഗത്തിലാക്കുക, പുതിയ സര്വീസ് തുടങ്ങാനിരിക്കുന്ന വിമാനക്കമ്പനികള്ക്ക് നടപടികള് പൂര്ത്തീകരിക്കുക തുടങ്ങിയ ആവശ്യങ്ങള് കത്തില് ഉന്നയിച്ചു.
പാര്ക്കിങ് ആവശ്യമില്ലാത്ത വാഹനങ്ങള്ക്ക് 11 മിനിറ്റിനകം തിരിച്ച് പോവാന് കഴിയാത്ത സാഹചര്യമാണ് ഇപ്പോള് നിലവിലുള്ളത്. ഇത് മാറ്റി പാര്ക്കിങ് ആവശ്യമില്ലാത്ത വാഹനങ്ങള്ക്കും പാര്ക്കിങ് മേഖലയിലേക്ക് പ്രവേശിക്കുന്ന വാഹനങ്ങള് ക്കും പ്രത്യേകവഴി ഒരുക്കണമെന്നും ആവശ്യപ്പെട്ടു. അടിയന്തരമായി ഇക്കാര്യങ്ങള് പരിഹരിക്കണമെന്ന് എയര്പോര്ട്ട് ഡയറക്ടറോടും ഇ.ടി നിര്ദ്ദേശിച്ചു. എയര് ഇന്ത്യ എക്സ്പ്രസ്, സ്പൈസ് ജറ്റ് ഉള്പ്പെടെയുള്ള എല്ലാ വിമാന കമ്പനികളുടെ യും പ്രതിനിധികളെയും എയര്പോര്ട്ട് ഉദ്യോഗസ്ഥരെയും ഉള്പ്പെടുത്തി അടിയന്തര യോഗം ചേരുമെന്നും എം.പി അറിയിച്ചു.
kerala
രണ്ട് ഗുളിക അധികം കഴിച്ചാല് വെള്ളാപ്പള്ളിക്ക് സുഖമാകും: പി.എം.എ സലാം
വെള്ളാപ്പള്ളി നടേശന്റെ വിവാദ പരാമര്ശങ്ങള്ക്ക് മറുപടിയുമായി മുസ്ലിം ലീഗ് സംസ്ഥാന ജനറല് സെക്രട്ടറി പിഎംഎ സലാം.

വെള്ളാപ്പള്ളി നടേശന്റെ വിവാദ പരാമര്ശങ്ങള്ക്ക് മറുപടിയുമായി മുസ്ലിം ലീഗ് സംസ്ഥാന ജനറല് സെക്രട്ടറി പിഎംഎ സലാം. രണ്ടു ഗുളിക അധികം കഴിച്ചാല് വെള്ളാപ്പള്ളിയുടെ അസുഖം മാറും എന്നും, അദ്ദേഹത്തിന്റെ പരാമര്ശങ്ങളോട് പ്രതികരിക്കേണ്ടതില്ലെന്നും പിഎംഎ സലാം പറഞ്ഞു.
വെള്ളാപ്പള്ളിയുടെ പരാമര്ശങ്ങള്ക്ക് അത് കേള്ക്കുന്നവര് തന്നെ അദ്ദേഹത്തിനുള്ള മറുപടി മനസ്സില് പറയുന്നുണ്ട്. ഇത് അധികം മുന്നോട്ടു കൊണ്ടു പോകേണ്ട ആവശ്യമില്ല. രണ്ടു ഗുളിക അധികം കഴിച്ചാല് സുഖമാകും എന്നും അദ്ദേഹം പറഞ്ഞു.
kerala
നിയമ വ്യവഹാരങ്ങളിലെ എഐ ടൂളുകളുടെ ഉപയോഗത്തില് ജുഡീഷ്യല് ഓഫീസര്മാര്ക്കും ജീവനക്കാര്ക്കും മാര്ഗനിര്ദേശവുമായി ഹൈക്കോടതി
വ്യവഹാരങ്ങളില് തീരുമാനമെടുക്കാനും വിധിന്യായങ്ങള് തയ്യാറാക്കാനും എഐ ഉപയോഗിക്കരുതെന്നും കോടതി നിര്ദേശിച്ചു.

നിയമ വ്യവഹാരങ്ങളിലെ എഐ ടൂളുകളുടെ ഉപയോഗത്തില് ജുഡീഷ്യല് ഓഫീസര്മാര്ക്കും ജീവനക്കാര്ക്കും ഹൈക്കോടതിയുടെ മാര്ഗനിര്ദേശം. സുപ്രിംകോടതിയോ ഹൈക്കോടതിയോ അംഗീകരിച്ച എഐ ടൂളുകള് മാത്രമേ ഉപയോഗിക്കാവൂ. വ്യവഹാരങ്ങളില് തീരുമാനമെടുക്കാനും വിധിന്യായങ്ങള് തയ്യാറാക്കാനും എഐ ഉപയോഗിക്കരുതെന്നും കോടതി നിര്ദേശിച്ചു.
അംഗീകാരമില്ലാത്ത എഐ ടൂളുകളിലേക്ക് കേസ് വിവരങ്ങളോ വ്യക്തി വിവരങ്ങളോ നല്കരുത്. ക്ലൗഡ് അടിസ്ഥാനമാക്കിയുള്ള സേവനങ്ങള് ഉപയോഗിക്കുന്നത് ഒഴിവാക്കണം. അംഗീകൃത എഐ ടൂളുകള് വഴി ലഭിക്കുന്ന വിവരങ്ങള് ശരിയാണോയെന്ന് പരിശോധിക്കണമെന്നും കോടതി നിര്ദേശിച്ചു.
GULF
ഷാര്ജയില് യുവതി മരിച്ച സംഭവം; അന്വേഷണത്തിന് പ്രത്യേക സംഘം
കൊല്ലം ചവറ തെക്കുംഭാഗം സ്വദേശി അതുല്യയുടെ മരണം അന്വേഷിക്കാന് പ്രത്യേക അന്വേഷണ സംഘത്തെ നിയമിച്ചു.

ഷാര്ജയില് യുവതി തൂങ്ങിമരിച്ച നിലയില് കണ്ടെത്തിയ സംഭവത്തില് അന്വേഷണത്തിന് പ്രത്യേക സംഘം. കൊല്ലം ചവറ തെക്കുംഭാഗം സ്വദേശി അതുല്യയുടെ മരണം അന്വേഷിക്കാന് പ്രത്യേക അന്വേഷണ സംഘത്തെ നിയമിച്ചു. തെക്കുംഭാഗം സിഐ ശ്രീകുമാറിന്റെ നേതൃത്വത്തിലുള്ള എട്ടംഗ സംഘം കേസ് അന്വേഷിക്കും. ഫോണ് രേഖകളും, മൊഴിയും ഉടന് ശേഖരിക്കും.
അതേസമയം അതുല്യയെ ക്രൂരമായി മര്ദ്ദിക്കുന്ന ദൃശ്യങ്ങള് ഉള്പ്പെടെ പുറത്തുവന്നിട്ടും ഭര്ത്താവ് സതീഷ് ശങ്കര് വിചിത്രവാദമാണ് ഉന്നയിച്ചത്. അതുല്യ ഗര്ഭഛിദ്രം നടത്തിയത് തന്നെ പ്രകോപിച്ചെന്നും മദ്യപിക്കുമ്പോള് അത് ഓര്മ വരുമെന്നുമാണ് പ്രതികരണം. അതേസമയം നിരപരാധിയാണെന്ന സതീഷിന്റെ വാദം അതുല്യയുടെ പിതാവ് തള്ളിയിരുന്നു.
ഭര്ത്താവുമായുള്ള ബന്ധം ഉപേക്ഷിക്കാനും വീട്ടിലേക്ക് വരാനും വീട്ടുകാര് പറഞ്ഞിരുന്നു.
കഴിഞ്ഞ ദിവസം രാത്രിയാണ് അതുല്യയെ ഫ്ലാറ്റില് തൂങ്ങിമരിച്ച നിലയില് കണ്ടെത്തിയത്. ഷാര്ജ പോലീസിലും ഇന്ത്യന് കോണ്സുലേറ്റിലും പരാതി നല്കാനാണ് അതുല്യയുടെ കുടുംബത്തിന്റെ തീരുമാനം. ഷാര്ജയിലെ മോര്ച്ചറിയിലാണ് അതുല്യയുടെ മൃതദേഹം സൂക്ഷിച്ചിരിക്കുന്നത്. നാളെയാണ് പോസ്റ്റ്മോര്ട്ടം.
-
india3 days ago
ബിഹാറില് ചികിത്സയിലായിരുന്ന കൊലപാതക കേസ് പ്രതിയെ വെടിവെച്ച് കൊന്നു
-
kerala3 days ago
ആ പയ്യന് ഷെഡിന്റെ മുകളില് വലിഞ്ഞു കയറിയതിന് അധ്യാപകര്ക്ക് എന്ത് ചെയ്യാന് കഴിയും; വിവാദ പരാമര്ശം നടത്തി മന്ത്രി ജെ ചിഞ്ചുറാണി
-
kerala2 days ago
വിദ്യാര്ഥി ഷോക്കേറ്റ് മരിച്ച സംഭവം; സ്കൂളിന് വീഴ്ച പറ്റിയെന്ന് വിദ്യാഭ്യാസ മന്ത്രി
-
india2 days ago
നിമിഷപ്രിയയുടെ മോചനം; ആറംഗ നയതന്ത്ര സംഘത്തെ നിയോഗിക്കണമെന്ന് ആക്ഷന് കൗണ്സില് ആവശ്യപ്പെടും
-
india2 days ago
ഡല്ഹിയിലെ 20-ലധികം സ്കൂളുകള്ക്ക് ഇമെയില് വഴി ബോംബ് ഭീഷണി: തിരച്ചില് നടത്തി പോലീസ്
-
kerala2 days ago
കോഴിക്കോട് മെഡിക്കല് കോളജില് ന്യൂമോണിയ ബാധിച്ച ഭിന്നശേഷിക്കാരിക്ക് ചികിത്സ നിഷേധിച്ചു; പെണ്കുട്ടി മരിച്ചു
-
News2 days ago
ട്രംപിന്റെ രോഗവിവരം സ്ഥിരീകരിച്ച് വൈറ്റ് ഹൗസ്
-
india2 days ago
നിമിഷപ്രിയക്കായി നയതന്ത്ര- മധ്യസ്ഥ സംഘത്തെ നിയോഗിക്കണമെന്ന ആവശ്യം കേന്ദ്ര സര്ക്കാരിനോട് ഉന്നയിക്കാന് സുപ്രിംകോടതി അനുമതി