Connect with us

Video Stories

ഷോപ്പ് ഖത്തര്‍ വാണിജ്യോത്സവം; വിനോദപരിപാടികള്‍ ശ്രദ്ധേയമാകുന്നു

Published

on

ദോഹ: ഷോപ്പ് ഖത്തര്‍ വാണിജ്യോത്സവത്തിന്റെ ഭാഗമായുള്ള വിനോദ പരിപാടികള്‍ ശ്രദ്ധേയമാകുന്നു. ഖത്തര്‍ നാഷണല്‍ കണ്‍വെന്‍ഷന്‍ സെന്ററില്‍ നടക്കുന്ന ദോഹ കോമഡി ഫെസ്റ്റിവല്‍, ഷെറാട്ടണ്‍ പാര്‍ക്കിലെ വിനോദപരിപാടികള്‍ എന്നിവ ആസ്വദിക്കാന്‍ കുട്ടികളും കുടുബങ്ങുമായി നിരവധിപേരാണ് എത്തുന്നത്. ഫെബ്രുവരി ഏഴ് വരെ തുടരുന്ന ഷോപ്പ് ഖത്തറില്‍ ഈ രണ്ടു പരിപാടികളും ഇന്ന് സമാപിക്കും. കോമഡി ഫെസ്റ്റിവലിന്റെ ആദ്യ രണ്ട് ദിവസങ്ങളിലും കാഴ്ചക്കാരുടെ എണ്ണം പതിവിലുമധികമായിരുന്നു.

ഒന്‍പത് രാജ്യങ്ങളില്‍നിന്നായി പ്രശസ്തരായ പതിനഞ്ച് ഹാസ്യതാരങ്ങളുടെ പരിപാടികളായിരുന്നു ഇത്തവണത്തെ ആകര്‍ഷണം. വിഖ്യാത ഖത്തരി ഹാസ്യതാരം ഹമദ് അല്‍ അമരി ഉള്‍പ്പടെയുള്ളവരുടെ പരിപാടികളും കോമഡി ഫെസ്റ്റിവലിന്റെ ഭാഗമായി അരങ്ങേറി. കോമഡി ഫെസ്റ്റിവലിന്റെ ഒന്നാം ദിനമായ വ്യാഴാഴ്ച അറബിക് നൈറ്റില്‍ നെമര്‍(ലബനാന്‍), രാജെ ഖവാസ്(ജോര്‍ദ്ദാന്‍), നിക്കോളസ് ഖൗരി(ജോര്‍ദ്ദാന്‍), മുഹന്നദ് അല്‍ ഖത്താബ്(സിറിയ), വൊന്‍ഹോ ചുങ്(കൊറിയ), മുഹമ്മദ് സലേം(ഈജിപ്ത്) എന്നിവരാണ് പരിപാടികള്‍ അവതരിപ്പിച്ചത്.

ഇന്നലെ ഖലീജി നൈറ്റില്‍ ബാദര്‍ സലേഹ്, ഇബ്രാഹിം അല്‍ ഖയ്‌റല്ല, മൊഅയദ് അല്‍ നിഫാഈ(മൂന്നുപേരും സഉദി അറേബ്യ), അഹമ്മദ് അല്‍ ശമ്മാരി, അബ്ദല്ല അല്‍ സെയ്ദാന്‍, ബാഷര്‍ അല്‍ ജസഫ്(മൂന്നു പേരും കുവൈത്ത്) തുടങ്ങിയവരുടെ പരിപാടികള്‍ അറബ്- ഖത്തരി പ്രേക്ഷകരെ ശരിക്കും രസിപ്പിച്ചു. ഇന്നു നടക്കുന്ന രാജ്യാന്തര കോമഡി ഷോക്കുള്ള ടിക്കറ്റുകള്‍ മുഴുവന്‍ വിറ്റഴിഞ്ഞിട്ടുണ്ട്.ഡെയ്‌ലി ഷോയുടെ അവതാരകന്‍ ട്രെവര്‍ നോഹ്, അമേരിക്കയുടെ ഗോട്ട് ടാലന്റ് പോള്‍ സെര്‍ദിന്‍ എന്നിവര്‍ ഇന്ന് പരിപാടികള്‍ അവതരിപ്പിക്കും.

വിഖ്യാത ദക്ഷിണാഫ്രിക്കന്‍ ഹാസ്യതാരം ട്രെവര്‍ നോഹും ബ്രിട്ടീഷ് കൊമേഡിയന്‍ പോള്‍ സെര്‍ദിനും ഇതാദ്യമായാണ് ദോഹയില്‍ പരിപാടി അവതരിപ്പിക്കാനെത്തുന്നത്. ഷോപ്പ് ഖത്തറിന്റെ ഭാഗമായി ഷെറാട്ടണ്‍ ദോഹ പാര്‍ക്കില്‍ തുടരുന്ന വാരാന്ത്യ ആഘോഷപരിപാടികളും ഇന്ന് സമാപിക്കും. വ്യാഴാഴ്ച തുടങ്ങിയ പരമ്പരാഗത കലാ, സാംസ്‌കാരിക പരിപാടികളില്‍ നല്ല ജനപങ്കാളിത്തം അനുഭവപ്പെടുന്നുണ്ട്. ഇത് രണ്ടാം തവണയാണ് ഷോപ്പ് ഖത്തറിന്റെ ഭാഗമായി പൊതുജനങ്ങള്‍ക്കായി ആഘോഷപരിപാടികള്‍ സംഘടിപ്പിക്കുന്നത്.

നേരത്തെ ജനുവരി ആദ്യം കോര്‍ണീഷില്‍ ത്രിദിന പരിപാടികള്‍ ഒരുക്കിയിരുന്നു. ഇരുപത് ഭക്ഷണ ട്രക്കുകളും രാത്രിയിലെ വെടിക്കെട്ട് പ്രദര്‍ശനവുമാണ് ആഘോഷത്തിന്റെ സവിശേഷത. വൈകിട്ട് നാല് മുതല്‍ രാത്രി പത്ത് വരെയാണ് ഷെറാട്ടണ്‍ ദോഹ പാര്‍ക്കില്‍ ആഘോഷം നടക്കുന്നത്. രാത്രി എട്ട് മണിയോടെ വര്‍ണാഭമായ വെടിക്കെട്ടും സംഘടിപ്പിച്ചിട്ടുണ്ട്. ലഗൂണമാളില്‍ വ്യാഴാഴ്ച രാത്രി നടന്ന ഓറിയന്റല്‍, അറേബ്യന്‍ ഫാഷന്‍ ഷോയില്‍ പത്ത് ഖത്തരി ഫാഷന്‍ ഡിസൈനര്‍മാര്‍ക്കു പുറമെ കുവൈത്ത്, പാകിസ്ഥാന്‍, ഇന്ത്യ, ഹോങ്കോങ് എന്നിവിടങ്ങളിലെ പ്രമുഖ ഡിസൈനര്‍മാരും പങ്കെടുത്തു.

തെരഞ്ഞെടുക്കപ്പെട്ട അറേബ്യന്‍, ഓറിയന്റല്‍ ഫാഷന്‍ ശ്രേണിയിലെ നൂറോളം വസ്ത്രങ്ങളാണ് പ്രദര്‍ശിപ്പിച്ചത്. വിവിധ മാളുകളില്‍ നടക്കുന്ന വിനോദപരിപാടികള്‍ക്കും മികച്ച പ്രതികരണം ലഭിക്കുന്നുണ്ട്. ഖത്തര്‍ നാഷണല്‍ കണ്‍വെന്‍ഷന്‍ സെന്ററില്‍ തുടരുന്ന മ്യൂസിക്കല്‍ ക്യാറ്റ് പ്രദര്‍ശനവും ഇന്ന് സമാപിക്കും. നാളെ വൈകിട്ട് ഖത്തര്‍ നാഷണല്‍ കണ്‍വെന്‍ഷന്‍ സെന്ററില്‍ പ്രമുഖ യുഎഇ സൂപ്പര്‍സ്റ്റാര്‍ ഹുസൈ്ന്‍ അല്‍ ജാസ്സിമിന്റെ ഖലീജി നൈറ്റ് അരങ്ങേറും.

മില്യണയറെ കണ്ടെത്തുന്നതിനുള്ള അവസാന നറുക്കെടുപ്പ് മേളയുടെ അവസാന ദിവസമായ ഫെബ്രുവരി ഏഴിന് നടക്കും.15 വിജയികള്‍ക്കായി 15.7ലക്ഷം ഖത്തര്‍ റിയാലാണ് സമ്മാനം. അവാര്‍ഡ് ജേതാവായ ഇറാഖി ഗായകന്‍ മജീദ് അല്‍മുഹന്‍ദെസിന്റെ സംഗീതപരിപാടിയോടെ ഷോപ്പ് ഖത്തര്‍ വാണിജ്യോത്സവത്തിന്റെ ഒന്നാം എഡീഷന് കൊടിയിറങ്ങും.

Continue Reading
Advertisement
Click to comment

Leave a Reply

Your email address will not be published. Required fields are marked *

Health

ജാഗ്രത വേണമെന്ന് ആരോഗ്യവകുപ്പ് വേനല്‍ കനത്തതോടെ ചിക്കന്‍ പോക്‌സ് പടരുന്നു

സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം.

Published

on

തിരുവനന്തപുരം: സംസ്ഥാനത്ത് ചൂട് തുടരുന്ന സാഹചര്യത്തില്‍ ചിക്കന്‍ പോക്സിനെതിരെ ജാഗ്രത പാലിക്കണമെന്ന് ആരോഗ്യ വകുപ്പ്. സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം. ശിശുക്കള്‍, കൗമാരപ്രായക്കാര്‍, മുതിര്‍ന്നവര്‍, ഗര്‍ഭിണികള്‍, പ്രതിരോധശേഷി കുറഞ്ഞവര്‍, കാന്‍സര്‍ ബാധിതര്‍, അവയവമാറ്റ ശസ്ത്രക്രിയ കഴിഞ്ഞവര്‍, കീമോതെറാപ്പി, സ്റ്റീറോയിഡ് മരുന്നുകള്‍ ഉപയോഗിക്കുന്നവര്‍, ദീര്‍ഘകാലമായി ശ്വാസകോശ/ ത്വക്ക് രോഗമുള്ളവര്‍ എന്നിവര്‍ക്ക് രോഗം ഗുരുതരമാകാന്‍ സാധ്യതയുള്ളതിനാല്‍ പ്രത്യേകം ശ്രദ്ധിക്കണം.

എന്താണ് ചിക്കന്‍ പോക്സ്

വേരിസെല്ലാ സോസ്റ്റര്‍ എന്ന വൈറസ് മൂലമുളള പകര്‍ച്ചവ്യാധിയാണ് ചിക്കന്‍ പോക്സ്. ഇതുവരെ ചിക്കന്‍ പോക്സ് വരാത്തവര്‍ക്കോ, വാക്സിന്‍ എടുക്കാത്തവര്‍ക്കോ ഈ രോഗം വരാന്‍ സാധ്യതയുണ്ട്.
രോഗപ്പകര്‍ച്ച

ചിക്കന്‍ പോക്സ്, ഹെര്‍പ്പിസ് സോസ്റ്റര്‍ രോഗമുളളവരുമായി അടുത്ത സമ്പര്‍ക്കത്തിലൂടെയും കുമിളകളിലെ സ്രവങ്ങളിലൂടെയും ചുമ, തുമ്മല്‍ എന്നിവയിലൂടെയുള്ള കണങ്ങള്‍ ശ്വസിക്കുന്നത് വഴിയും ചിക്കന്‍ പോക്സ് ബാധിക്കാം. ശരീരത്തില്‍ കുമിളകള്‍ പൊന്തി തുടങ്ങുന്നതിന് രണ്ട് ദിവസം മുന്‍പ് മുതല്‍ അവ ഉണങ്ങുന്നതു വരെ രോഗം പകരാം. 10 മുതല്‍ 21 ദിവസം വരെ രോഗലക്ഷണങ്ങള്‍ പ്രകടമാകും.

രോഗ ലക്ഷണങ്ങള്‍

പനി, ക്ഷീണം, ശരീരവേദന, വിശപ്പില്ലായ്മ, തലവേദന, ശരീരത്തില്‍ കുമിളകള്‍ എന്നിവയാണ് രോഗ ലക്ഷണങ്ങള്‍. മുഖം, ഉദരഭാഗം, നെഞ്ച്, പുറം, കൈകാലുകള്‍ എന്നിവിടങ്ങളില്‍ തടിപ്പുകളായി ആരംഭിച്ച് പിന്നീട് വെള്ളം കെട്ടിനില്‍ക്കുന്ന കുമിളകള്‍ വന്ന് നാലു മുതല്‍ ഏഴ് ദിവസത്തിനുള്ളില്‍ അവ പൊട്ടുകയോ ഉണങ്ങുകയോ ചെയ്യും.

കൂടുതല്‍ ശ്രദ്ധിക്കേണ്ടത്

4 ദിവസത്തില്‍ കൂടുതലുളള പനി, കഠിനമായ പനി, കുമിളകളില്‍ കഠിനമായ വേദന/ പഴുപ്പ്, അമിതമായ ഉറക്കം, ആശയകുഴപ്പം, സംഭ്രമാവസ്ഥ, നടക്കാനുള്ള ബുദ്ധിമുട്ട്, കഴുത്ത് വേദന, അടിക്കടിയുളള ഛര്‍ദ്ദില്‍, ശ്വാസംമുട്ട്, കഠിനമായ ചുമ, കഠിനമായ വയറുവേദന, രക്തസ്രാവം എന്നീ രോഗ ലക്ഷണങ്ങള്‍ കാണുന്നെങ്കില്‍ വളരെ ശ്രദ്ധിക്കണം. ഇവ ചിക്കന്‍ പോക്സിന്റെ സങ്കീര്‍ണതകളായ ന്യുമോണിയ, മസ്തിഷ്‌കജ്വരം, കരള്‍ വീക്കം, സെപ്സിസ് തുടങ്ങിയവയുടെ ലക്ഷണങ്ങളായതിനാല്‍ എത്രയും വേഗം ചികിത്സ തേടേണ്ടതാണ്.

രോഗം വന്നാല്‍ ശ്രദ്ധിക്കേണ്ടവ

വായു സഞ്ചാരമുളള മുറിയില്‍ പരിപൂര്‍ണമായി വിശ്രമിക്കുക. ധാരാളം വെളളം കുടിക്കുക. പഴവര്‍ഗങ്ങള്‍ കഴിക്കുക. മറ്റുളളവരുമായി നേരിട്ടുള്ള സമ്പര്‍ക്കം ഒഴിവാക്കുക. രോഗി ഉപയോഗിച്ച വസ്ത്രങ്ങളും മറ്റ് വസ്തുക്കളും മറ്റുളളവരുമായി പങ്കിടരുത്. അവ ബ്ലീച്ചിംഗ് ലായനി പോലുള്ള അണുനാശിനി ഉപയോഗിച്ച് അണുവിമുക്തമാക്കുക. ചൊറിച്ചിലുള്ള ഭാഗത്ത് കലാമിന്‍ ലോഷന്‍ പുരട്ടുക. ശരീരം മൃദുവായ നനഞ്ഞ തുണി കൊണ്ട് ഇടയ്ക്കിടെ ഒപ്പിയെടുക്കുക.ചിക്കന്‍ പോക്സ് ചികിത്സയിലാണെങ്കിലും സ്ഥിരമായി ഉപയോഗിച്ചു കൊണ്ടിരിക്കുന്ന മരുന്നുകള്‍ ഒന്നും തന്നെ നിര്‍ത്തരുത്.

Continue Reading

india

അരവിന്ദ് കെജ്രിവാളിന്റെ അറസ്റ്റ്: മാര്‍ച്ച് 31ന് ഇന്ത്യ മുന്നണിയുടെ മഹാറാലി

മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

Published

on

ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി നേതാവുമായ അരവിന്ദ് കെജ്രിവാളിനെ എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തതില്‍ പ്രതിഷേധിച്ച് മഹാറാലിയുമായി ഇന്ത്യ മുന്നണി. മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

രാജ്യത്ത് പ്രധാനമന്ത്രി നരേന്ദ്ര മോദിയുടെ ഏകാധിപത്യമാണ്. പ്രതിപക്ഷ പാര്‍ട്ടികളെ തകര്‍ക്കാന്‍ പ്രധാനമന്ത്രി അന്വേഷണ ഏജന്‍സികളെ ഉപയോഗിക്കുന്നു. അറസ്റ്റ് മാത്രമല്ല ബി.ജെ.പി ചെയ്തത്. ആം ആദ്മി പാര്‍ട്ടിയുടെ ഓഫീസ് സീല്‍ ചെയ്യുകയുമുണ്ടായി. നേതാക്കള്‍ക്ക് പാര്‍ട്ടി ആസ്ഥാനത്ത് എത്താന്‍ പോലും സാധിച്ചില്ല.

രണ്ട് വര്‍ഷമായി ഡല്‍ഹി മദ്യനയ അഴിമതിയില്‍ അന്വേഷണം നടത്തിയിട്ടും ഒന്നും കണ്ടെത്തിയിട്ടില്ല. ഇലക്ടറല്‍ ബോണ്ട് വിവരങ്ങള്‍ പുറത്തുവന്നപ്പോള്‍ അഴിമതി പണം എവിടെപ്പോയെന്നു വ്യക്തമായതാണ്. ബി.ജെ.പിക്കാണ് എല്ലാ അഴിമതി പണവും ലഭിച്ചത്. ബി.ജെ.പി ഇലക്ടറല്‍ ബോണ്ടിലൂടെ അഴിമതി നടത്തുകയായിരുന്നുവെന്നും അദ്ദേഹം പറഞ്ഞു.

ജനാധിപത്യത്തെ സംരക്ഷിക്കാനുള്ള പോരാട്ടമാണിതെന്ന് കോണ്‍ഗ്രസ് നേതാവ് അരവിന്ദര്‍ സിങ് ലൗലി പറഞ്ഞു. പ്രതിപക്ഷ സഖ്യത്തിലെ എല്ലാ പാര്‍ട്ടികളും ഒറ്റക്കെട്ടാണ്. ഞായറാഴ്ച നടക്കുന്ന റാലിയില്‍ ഇന്ത്യ സഖ്യത്തിലെ മുതിര്‍ന്ന നേതാക്കള്‍ പങ്കെടുക്കും. രാജ്യത്തെ സംരക്ഷിക്കാനാണ് റാലി.

ജനാധിപത്യവും സ്വാതന്ത്ര്യവും അട്ടിമറിക്കപ്പെടുകയാണ്. കോണ്‍ഗ്രസിന്റെ ബാങ്ക് അക്കൗണ്ടുകള്‍ മരവിപ്പിച്ചു. മുഖ്യമന്ത്രിമാര്‍ അറസ്റ്റിലാകുന്നു. എല്ലാ വിഭാഗം ജനങ്ങളെയും റാലിയിലേക്ക് സ്വാഗതം ചെയ്യുകയാണെന്നും അരവിന്ദര്‍ സിങ് ലൗലി കൂട്ടിച്ചേര്‍ത്തു.

Continue Reading

kerala

സ്വർണവില 50,000ലേക്ക്; പവന് 800 രൂപയാണ് ഇന്ന് വർധിച്ചത്

ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി.

Published

on

സംസ്ഥാനത്ത് സ്വര്‍ണവില 50,000ലേക്ക്. ഓരോ ദിവസം കഴിയുന്തോറും റെക്കോര്‍ഡുകള്‍ ഭേദിച്ച് മുന്നേറുന്ന സ്വര്‍ണവില ഇന്ന് 49,000 കടന്നു. ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി. ഗ്രാമിന് 100 രൂപയാണ് വര്‍ധിച്ചത്. 6180 രൂപയാണ് ഒരു ഗ്രാം സ്വര്‍ണത്തിന്റെ വില.

ഈ മാസത്തിന്റെ തുടക്കത്തില്‍ 46,320 രൂപയായിരുന്നു സ്വര്‍ണവില. മൂന്നാഴ്ചയ്ക്കിടെ 3000 രൂപയിലധികമാണ് വര്‍ധിച്ചത്. ഒന്‍പതിന് 48,600 രൂപയായി ഉയര്‍ന്നാണ് ആദ്യം സര്‍വകാല റെക്കോര്‍ഡിട്ടത്. ചൊവ്വാഴ്ച 48,640 രൂപയായി ഉയര്‍ന്ന് റെക്കോര്‍ഡ് തിരുത്തി. ഈ റെക്കോര്‍ഡ് മറികടന്നാണ് ഇന്ന് സ്വര്‍ണവില പുതിയ ഉയരം കുറിച്ചത്.

Continue Reading

Trending