Cricket
രഹാനെയും നരെയ്നും ‘പൂജ്യം’; പതറിയ കൊൽക്കത്തയെ അർധ സെഞ്ച്വറിയുമായി കാമറൂൺ ഗ്രീൻ കരകയറ്റി
അഹമ്മദാബാദ്: കോടികള് മുടക്കി കൊണ്ടു വന്ന കാമറൂണ് ഗ്രീന് ഒടുവില് കൊല്ക്കത്ത നൈറ്റ്റൈഡേഴ്സിനായി തിളങ്ങി. ഐപിഎല്ലില് ഗുജറാത്ത് ടൈറ്റന്സിനെതിരായ പോരാട്ടത്തില് കെകെആര് 180നു പുറത്ത്. ടോസ് നേടി അവര് ബാറ്റിങ് തിരഞ്ഞെടുക്കുകയായിരുന്നു.
ബാറ്റിങിനു ഇറങ്ങിയ കെകെആറിനു കാര്യങ്ങള് അത്ര സുഖകരമായില്ല. നാല് പേര് മാത്രമാണ് രണ്ടക്കം കടന്നത്. കാമറൂണ് ഗ്രീന് ആണ് ടോപ് സ്കോറര്. താരം അര്ധ സെഞ്ച്വറി നേടി ഇന്നിങ്സിന്റെ അവസാന പന്തില് പുറത്തായി. ഓപ്പണിങ് സ്ഥാനത്തു മാറ്റം വരുത്തിയാണ് കൊല്ക്കത്ത തുടങ്ങിയത്. ഫിന് അല്ലനെ മാറ്റി ന്യൂസിലന്ഡ് ടീമിലെ തന്നെ മറ്റൊരു ഓപ്പണര് ടിം സെയ്ഫര്ടിനെ ഇറക്കിയാണ് കെകെആര് പരീക്ഷണം നടത്തിയത്. അതുപക്ഷേ പൂര്ണമായി വിജയം കണ്ടില്ല. കാമറൂണ് ഗ്രീന് 55 പന്തില് 7 ഫോറും 4 സിക്സും സഹിതം 79 റണ്സെടുത്തു. റോവ്മാന് പവലാണ് തിളങ്ങിയ മറ്റൊരാള്. താരം 20 പന്തില് 2 വീതം സിക്സും ഫോറും സഹിതം 27 റണ്സ് അടിച്ചെടുത്തു. സെയ്ഫര്ട് 2 ഫോറും ഒരു സിക്സും സഹിതം 14 പന്തില് 19 റണ്സെടുത്തു. 8 പന്തില് 2 ഫോറും ഒരു സിക്സും സഹിതം 17 റണ്സെടുത്ത രമണ്ദീപ് സിങാണ് രണ്ടക്കം കടന്ന മറ്റൊരാള്.
ക്യാപ്റ്റന് അജിന്ക്യ രഹാനെ ഗോള്ഡന് ഡക്കായി. സുനില് നരെയ്നും പൂജ്യത്തില് മടങ്ങി. റിങ്കു സിങും വീണ്ടും പരാജയമായി. താരം 1 റണ്സ് മാത്രമാണ് എടുത്തത്. ഗുജറാത്ത് നിരയില് കഗിസോ റബാഡ ബൗളിങില് തിളങ്ങി. താരം 3 വിക്കറ്റെടുത്തു. മുഹമ്മദ് സിറാജ്, അശോക് ശര്മ എന്നിവര് 2 വിക്കറ്റെടുത്തു. പ്രസിദ്ധ് കൃഷ്ണ, റാഷിദ് ഖാന് എന്നിവര് ഓരോ വിക്കറ്റെടുത്തു.
Cricket
‘ചേട്ടന് വന്നല്ലോ…’; ലോകകപ്പ് ഹീറോ സഞ്ജുവിന് തിരുവനന്തപുരത്ത് വന് സ്വീകരണം
ഇന്ത്യയുടെ മൂന്നാം ടി20 ലോകകപ്പ് കിരീടനേട്ടത്തില് നിര്ണ്ണായക പങ്കുവഹിച്ച താരമാണ് സഞ്ജു സാംസണ്.
തിരുവനന്തപുരം: 2026 ടി20 ലോകകപ്പില് ഇന്ത്യയെ കിരീടവിജയത്തിലേക്ക് നയിച്ച മിന്നും പ്രകടനത്തിന് ശേഷം മലയാളി താരം സഞ്ജു സാംസണ് ജന്മനാട്ടിലെത്തി. തിരുവനന്തപുരം അന്താരാഷ്ട്ര വിമാനത്താവളത്തില് ഭാര്യ ചാരുലതയ്ക്കൊപ്പമെത്തിയ സഞ്ജുവിന് വന് സ്വീകരണമാണ് ലഭിച്ചത്. മന്ത്രി വി. ശിവന്കുട്ടി, എ.എ. റഹീം എം.പി എന്നിവര് ചേര്ന്ന് താരത്തെ പൊന്നാട അണിയിച്ച് സ്വീകരിച്ചു.
ഇന്ത്യയുടെ മൂന്നാം ടി20 ലോകകപ്പ് കിരീടനേട്ടത്തില് നിര്ണ്ണായക പങ്കുവഹിച്ച താരമാണ് സഞ്ജു സാംസണ്. ന്യൂസിലന്ഡിനെതിരെയുള്ള ഫൈനലില് സഞ്ജുവിന്റെ ബാറ്റിംഗ് മികവാണ് ഇന്ത്യയെ കൂറ്റന് സ്കോറിലേക്ക് എത്തിച്ചത്. ഒരു ലോകകപ്പ് പതിപ്പില് ഇന്ത്യക്കായി ഏറ്റവും കൂടുതല് റണ്സ് നേടുന്ന താരം എന്ന വിരാട് കോഹ്ലിയുടെ റെക്കോര്ഡ് അങ്ങനെ സഞ്ജു സ്വന്തമാക്കി. ന്യൂസിലന്ഡിനെ 96 റണ്സിന് തോല്പ്പിച്ചാണ് ഇന്ത്യ കിരീടം നിലനിര്ത്തിയത്. ടി20 ലോകകപ്പ് നിലനിര്ത്തുന്ന ആദ്യ ടീമെന്ന റെക്കോര്ഡും ഇന്ത്യ ഇതോടെ സ്വന്തമാക്കിക്കഴിഞ്ഞു.
Cricket
‘ധോണിക്കും കോഹ്ലിക്കും രോഹിത്തിനുമുള്ള അത്രയും ആരാധകര് സഞ്ജുവിനുമുണ്ട്’: പ്രശംസയുമായി ദിനേശ് കാര്ത്തിക്
വെസ്റ്റ് ഇന്ഡീസിനെതിരായ നിര്ണ്ണായകമായ സൂപ്പര് 8 പോരാട്ടത്തില് ഇന്ത്യയെ സെമി ഫൈനലിലെത്തിച്ച സഞ്ജുവിന്റെ തകര്പ്പന് പ്രകടനത്തെ പ്രശംസിക്കുന്നതിനിടെയാണ് കാര്ത്തിക് ഇക്കാര്യം പറഞ്ഞത്.
മുംബൈ: ഇന്ത്യന് ക്രിക്കറ്റിലെ ഇതിഹാസ താരങ്ങളായ എം.എസ്. ധോണി, വിരാട് കോഹ്ലി, രോഹിത് ശര്മ എന്നിവര്ക്ക് ലഭിക്കുന്ന അതേ ജനപിന്തുണയും ആരാധക സ്നേഹവും മലയാളി താരം സഞ്ജു സാംസണും ലഭിക്കുന്നുണ്ടെന്ന് മുന് ഇന്ത്യന് വിക്കറ്റ് കീപ്പര് ദിനേശ് കാര്ത്തിക്. വെസ്റ്റ് ഇന്ഡീസിനെതിരായ നിര്ണ്ണായകമായ സൂപ്പര് 8 പോരാട്ടത്തില് ഇന്ത്യയെ സെമി ഫൈനലിലെത്തിച്ച സഞ്ജുവിന്റെ തകര്പ്പന് പ്രകടനത്തെ പ്രശംസിക്കുന്നതിനിടെയാണ് കാര്ത്തിക് ഇക്കാര്യം പറഞ്ഞത്. സഞ്ജുവിനെ ഇന്ത്യയില് ഏറ്റവും കൂടുതല് പേര് ഇഷ്ടപ്പെടുന്ന ക്രിക്കറ്റര് എന്നാണ് കാര്ത്തിക് വിശേഷിപ്പിച്ചത്.
കരിയറില് നിരവധി ഉയര്ച്ച താഴ്ചകള് നേരിട്ട താരമാണ് സഞ്ജു സാംസണ്. വലിയ പ്രതിഭയുണ്ടായിട്ടും പ്രതീക്ഷകളുടെ അമിതഭാരം എപ്പോഴും സഞ്ജുവിനെ വേട്ടയാടിയിരുന്നു. എന്നാല് കൊല്ക്കത്തയില് ലഭിച്ച അവസരം അദ്ദേഹം കൃത്യമായി വിനിയോഗിച്ചു.
വെസ്റ്റ് ഇന്ഡീസ് ഉയര്ത്തിയ 196 റണ്സ് വിജയലക്ഷ്യം പിന്തുടര്ന്ന ഇന്ത്യ ഒരു ഘട്ടത്തില് പതറിയിരുന്നു. എന്നാല് 50 പന്തില് 12 ഫോറുകളും 4 സിക്സറുകളും സഹിതം പുറത്താകാതെ 97 റണ്സ് നേടിയ സഞ്ജു ഇന്ത്യയെ ഇയര്ത്തിപ്പിടിച്ചു.
ടോപ് ഓര്ഡറിലെ ഇടംകയ്യന് ബാറ്റര്മാര് ഓഫ് സ്പിന്നര്മാര്ക്ക് മുന്നില് മുട്ടുവിറക്കുന്നത് ഇന്ത്യയ്ക്ക് തിരിച്ചടിയായിരുന്നു. സഞ്ജുവിനെ ഓപ്പണിങ്ങിലേക്ക് കൊണ്ടുവന്നത് ഈ പ്രശ്നത്തിന് പരിഹാരമായെന്ന് കാര്ത്തിക് പറഞ്ഞു.
‘സഞ്ജുവിന്റേത് വളരെ മികച്ചൊരു കഥയാണ്. വിരാടിനെയും രോഹിത്തിനെയും ധോണിയെയും പോലെ വലിയൊരു ഫാന് ഫോളോവിങ് അവനുണ്ട്,’ കാര്ത്തിക് കൂട്ടിച്ചേര്ത്തു.
Cricket
പാകിസ്താനെ തകര്ത്ത് ഇംഗ്ലണ്ട് സെമിയില്; ബ്രൂക്കിന് തകര്പ്പന് സെഞ്ച്വറി
സൂപ്പര് എട്ടിലെ രണ്ടാം മത്സരത്തില് അവസാന ഓവര് വരെ നീണ്ടുനിന്ന ആവേശപ്പോരാട്ടത്തിനൊടുവിലാണ് മുന് ചാമ്പ്യന്മാരുടെ തകര്പ്പന് വിജയം.
പല്ലേകെലെ: ടി20 ലോകകപ്പില് പാകിസ്താനെ രണ്ട് വിക്കറ്റിന് പരാജയപ്പെടുത്തി ഇംഗ്ലണ്ട് സെമിയില്. സൂപ്പര് എട്ടിലെ രണ്ടാം മത്സരത്തില് അവസാന ഓവര് വരെ നീണ്ടുനിന്ന ആവേശപ്പോരാട്ടത്തിനൊടുവിലാണ് മുന് ചാമ്പ്യന്മാരുടെ തകര്പ്പന് വിജയം. ഹാരി ബ്രൂക്കിന്റെ തകര്പ്പന് സെഞ്ച്വറിയാണ് ഇംഗ്ലണ്ടിന് കരുത്തായത്.
51 പന്തില് നിന്ന് 100 റണ്സ് നേടിയ ഹാരി ബ്രൂക്കാണ് ഇംഗ്ലണ്ടിന്റെ മി്ന്നും താരം. 10 ഫോറുകളും 4 സിക്സറുകളും അടങ്ങുന്നതായിരുന്നു ബ്രൂക്കിന്റെ ഇന്നിങ്സ്.
പാകിസ്താന് ഉയര്ത്തിയ 165 റണ്സ് വിജയലക്ഷ്യം 5 പന്തുകള് ബാക്കി നില്ക്കെ ഇംഗ്ലണ്ട് മറികടക്കുകയായിരുന്നു. 19-ാം ഓവറില് മുഹമ്മദ് നവാസ് രണ്ട് വിക്കറ്റുകള് വീഴ്ത്തി പാകിസ്താനെ മത്സരത്തിലേക്ക് തിരികെ കൊണ്ടുവന്നെങ്കിലും, അവസാന ഓവറിലെ ആദ്യ പന്ത് ഫോറടിച്ച് ജോഫ്രാ ആര്ച്ചര് ഇംഗ്ലണ്ടിനെ വിജയത്തിലേക്ക് ഉയര്ത്തി.
ആദ്യം ബാറ്റ് ചെയ്ത പാകിസ്താന്, ഓപ്പണര് സാഹിബ്സാദ ഫര്ഹാന്റെ (45 പന്തില് 63) മികവിലാണ് 164 റണ്സ് നേടിയത്. ബാബര് അസമും ഫഖര് സമാനും 25 റണ്സ് വീതം നേടി.
ഇംഗ്ലണ്ടിനായി ലിയാം ഡോസണ് മൂന്ന് വിക്കറ്റുകള് വീഴ്ത്തി.
ആദ്യ മത്സരത്തില് ശ്രീലങ്കയെ പരാജയപ്പെടുത്തിയ ഇംഗ്ലണ്ട്, ഈ വിജയത്തോടെ തുടര്ച്ചയായ രണ്ടാം ജയം സ്വന്തമാക്കി സെമിഫൈനല് ഉറപ്പിച്ചുകഴിഞ്ഞു.
-
kerala2 days agoവിഷു ആഘോഷത്തിനിടെ പടക്കം പൊട്ടിത്തെറിച്ചു; കൊയിലാണ്ടിയില് 16കാരന് ദാരുണാന്ത്യം
-
main stories1 day agoമണ്ഡല പുനര്നിര്ണയ ബില്ല് നീക്കം ദക്ഷിണേന്ത്യന് സംസ്ഥാനങ്ങളുടെ പ്രാതിനിധ്യം കുറയ്ക്കും -പി. ചിദംബരം
-
News12 hours agoഇറാൻ–യു.എസ് സംഘർഷം രൂക്ഷം; ഹോർമുസ് വിഷയത്തിൽ ലോക രാജ്യങ്ങൾ ഇന്ന് ചർച്ചനടത്തും
-
kerala10 hours agoപുനരധിവാസം പെരുവഴിയില് തന്നെ; ‘സര്ക്കാര് ഒരുക്കുന്ന ടൗണ്ഷിപ്പിലെ വീടുകള് മേയ് 20 നകം കൈമാറാണം , ആവശ്യവുമായി മുണ്ടക്കൈ – ചൂരല്മല അതിജീവിതര്
-
main stories9 hours agoവനിതാസംവരണത്തിന്റെ മറവില് ഒളിയജണ്ട; ‘കേന്ദ്ര നീക്കം ഭരണഘടനാ ലംഘനവും ജനാധിപത്യ വിരുദ്ധവും’- സമദാനി
-
main stories9 hours agoവയനാട് ടൗണ്ഷിപ് വീടിന്റെ മേല്ക്കൂരയില് വിള്ളല്, മഴവെള്ളം ചോര്ന്നിറങ്ങുന്നുവെന്ന് പരാതി
-
kerala4 hours agoകണ്ണൂരിൽ ആര്എസ്എസ് പ്രവർത്തകർക്കെതിരെ ബോംബെറ്; 10 സിപിഐഎം പ്രവർത്തകർ കുറ്റക്കാർ
-
Article3 hours agoനവോത്ഥാന നായകന്