Video Stories
എസ്.ഡി.പി.ഐ സാന്നിധ്യം ഗുണം ചെയ്തത് ബി.ജെ.പിക്ക്
ബംഗളൂരു: കര്ണാടക നിയമസഭാ തെരഞ്ഞെടുപ്പ് ഫലം പുറത്തു വന്നതോടെ ഫാസിസത്തിനും ഹിന്ദുത്വ ഭീകരതക്കുമെതിരെ പോരാട്ടം നടത്തുന്നുവെന്ന് അവകാശപ്പെടുന്ന എസ്.ഡി. പി.ഐയുടെ തനി നിറം പുറത്ത്. നേരത്തെ 25 സ്ഥാനാര്ത്ഥികളെ നിര്ത്തുമെന്ന് പ്രഖ്യാപിക്കുകയും മൂന്നിടത്തൊഴികെ മറ്റെല്ലായിടത്തും സ്ഥാനാര്ത്ഥികളെ പിന്വലിക്കുകയും ചെയ്ത എസ്.ഡി.പി.ഐ ന്യൂനപക്ഷ വോട്ടുകളുടെ ഭിന്നത ഒഴിവാക്കാനെന്നായിരുന്നു വ്യക്തമാക്കിയിരുന്നത്.
കോണ്ഗ്രസ് എസ്.ഡി.പി. ഐയുടെ സഹായം തേടിയെന്ന് ബി.ജെ.പി പലയിടത്തും പ്രചാരണം നടത്തുകയും ചെയ്തിരുന്നു. എന്നാല് എസ്.ഡി.പി.ഐ മത്സരിച്ച മൂന്നിടത്തും കോണ്ഗ്രസ് സ്ഥാനാര്ത്ഥികള്ക്കു ലഭിക്കേണ്ടിയിരുന്ന ന്യൂനപക്ഷ വോട്ടുകളില് ഭിന്നതയുണ്ടാക്കാനാണ് അവര്ക്ക് സാധിച്ചത്. ബംഗളൂരു നഗരത്തിലെ ചിക്പേട്ട് മണ്ഡലത്തില് എസ്.ഡി.പി.ഐ സ്ഥാനാര്ത്ഥിയുടെ സാന്നിധ്യം ബി.ജെ.പിയുടെ വിജയത്തിന് കാരണമാവുകയും ചെയ്തു. നേരത്തെ പ്രചാരണ സമയത്ത് തന്നെ ഇവിടുത്തെ എസ്.ഡി. പി.ഐ സ്ഥാനാര്ത്ഥി മുജാഹിദ് പാഷ ബി.ജെ.പിയെ സഹായിക്കാനാണ് മത്സരിക്കുന്നതെന്ന് ആരോപണമുയര്ന്നിരുന്നു. കഴിഞ്ഞ തവണ കോണ്ഗ്രസ് 13,059 വോട്ടിന് ജയിച്ച മണ്ഡലത്തില് ഇത്തവണ ബി.ജെ.പി സ്ഥാനാര്ത്ഥി ഉദയ് ബി ഗരുഡാചര് ജയിച്ചത് 7934 വോട്ടിന്. കോണ്ഗ്രസ് സ്ഥാനാര്ത്ഥിക്ക് 49378 വോട്ടുകള് ലഭിച്ചപ്പോള് ബി.ജെ.പി സ്ഥാനാര്ത്ഥി നേടിയത് 57312 വോട്ടുകള്. എസ്.ഡി.പി.ഐ സ്ഥാനാര്ത്ഥി മുജാഹിദ് പാഷ നേടിയത് 11700 വോട്ടുകള്. കോണ്ഗ്രസ് സ്ഥാനാര്ത്ഥിക്ക് ലഭിക്കേണ്ട മുസ്്ലിം വോട്ടുകള് എസ്.ഡി.പി.ഐ സ്ഥാനാര്ത്ഥി നേടിയതോടെ മണ്ഡലം ബി.ജെ. പി സ്വന്തമാക്കി. മൈസൂരുവിലെ നരസിംഹരാജ മണ്ഡലത്തില് എസ്.ഡി.പി.ഐ സ്ഥാനാര്ത്ഥി അബ്ദുല് മജീദ് 33284 വോട്ടു നേടി മൂന്നാം സ്ഥാനത്തെത്തി. ഇവിടെ കോണ്ഗ്രസ് സ്ഥാനാര്ത്ഥി തന്വീര് സേട്ടിന് ഒരു ഘട്ടത്തില് ഭീഷണി ഉയര്ത്താന് എസ്.ഡി. പി.ഐക്ക് ആയെങ്കിലും തന്വീര് സേട്ട് കഴിഞ്ഞ തവണ കോണ്ഗ്രസ് നേടിയ 8,370 വോട്ടിന്റെ ലീഡ് 18127 ഉയര്ത്തി ബി.ജെ.പിയുടെ എസ് സതീശിനെ പരാജയപ്പെടുത്തി. എസ്.ഡി.പി.ഐയുടെ സാന്നിധ്യമില്ലെങ്കില് അര ലക്ഷം വോട്ടിന് കോണ്ഗ്രസ് സ്ഥാനാര്ത്ഥി ജയിക്കേണ്ടതായിരുന്നു ഇവിടെ. കടുത്ത പോരാട്ടം നടന്ന ഉത്തര ഗുല്ബര്ഗയില് എസ്.ഡി. പി. ഐ സ്ഥാനാര്ത്ഥിക്ക് സാന്നിധ്യം അറിയിക്കാനായില്ല.
കോണ്ഗ്രസ് സ്ഥാനാര്ത്ഥി കനീസ് ഫാത്തിമ 64311 വോട്ടുകള് നേടി വിജയിച്ചപ്പോള് ബി.ജെ.പിയുടെ ചന്ദ്രകാന്ത് ബി പാട്ടീല് 58371 വോട്ടുകള് നേടി രണ്ടാം സ്ഥാനത്തെത്തി. 2013 ല് കോണ്ഗ്രസ് 20,121 വോട്ടുകളുടെ ഭൂരിപക്ഷത്തില് ജയിച്ച ഇവിടെ ഇത്തവണ ഭൂരിപക്ഷം 5940 ആയി കുറഞ്ഞു. എസ്.ഡി. പി. ഐ സ്ഥാനാര്ത്ഥി മുഹമ്മദ് മുഹ്സിന് ഇവിടെ നേടിയത് 797 വോട്ടുകള് മാത്രമാണ്.
ബി.ജെ. പി തന്നെ സ്പോണ്സര് ചെയ്ത ഡോ നൂറ ശൈഖിന്റെ മഹിളാ എംപവര്മെന്റ് പാര്ട്ടിയ്ക്ക് കാര്യമായ നേട്ടമുണ്ടാക്കാനായില്ലെങ്കിലും കോണ്ഗ്രസ് പെട്ടിയില് വീഴേണ്ട വോട്ടുകള് ഇല്ലാതാക്കാന് ചില മണ്ഡലങ്ങളില് ഇവര്ക്കും സാധിച്ചു.
Film
‘ജയിലര്2’ന്റെ സെറ്റിലേക്ക് ‘പറന്ന്’ മോഹന്ലാല്
‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ്..
ജയിലര്2 ന്റെ ഷൂട്ടിങ് ലോക്കെഷനിലേക്ക് ‘പറന്ന്’ മോഹന്ലാല്. ‘ദൃശ്യം 3’യുടെ ഷൂട്ട് കഴിഞ്ഞയുടനാണ് താരം ‘ജയിലര്2’ന്റെ സെറ്റിലേക്ക് പോയത്. മോഹന്ലാലിന്റെ പേഴ്സനല് കോസ്റ്റ്യൂം ഡിസൈനറായ ജിഷാദ് ഷംസുദ്ദീനാണ് ഫ്ലൈറ്റില് നിന്നുള്ള ചിത്രം പങ്കുവച്ചു. മോഹന്ലാലിനൊപ്പം ഫ്ലൈറ്റില് സഞ്ചരിക്കുന്ന ചിത്രം ‘ഓഫ് ടു ജെ2’ എന്ന അടിക്കുറിപ്പോടെയാണ് ജിഷാദ് പങ്കുവച്ചത്.
ഇന്നലെയാണ് ‘ദൃശ്യം 3’ സിനിമയുടെ മോഹന്ലാലിന്റെ ഷെഡ്യൂള് പാക്കപ്പ് ആയ വിവരം പങ്കുവച്ചുകൊണ്ടുള്ള വിഡിയോ അണിയറ പ്രവര്ത്തകര് പങ്കുവച്ചത്. ഇതിന് ശേഷമാണ് ജിഷാദ് ഫ്ലൈറ്റില് നിന്നുള്ള ചിത്രം പങ്കുവയ്ക്കുന്നത്.
‘ജയിലര്’ സിനിമയില് ശ്രദ്ധേയമായ മോഹന്ലാലിന്റെ കോസ്റ്റ്യൂം ഡിസൈന് ചെയ്തത് ജിഷാദ് ഷംസുദ്ദീന് ആണ്. ചിത്രം സമൂഹമാധ്യമങ്ങളില് വൈറലായതോടെ ആരാധകരും ആവേശത്തിലാണ്. ‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ് ആരാധകര് ആവശ്യപ്പെടുന്നത്. മാത്യുവിന്റെ രണ്ടാമത്തെ വരവിനായി കാത്തിരിക്കുന്നു എന്നും ആരാധകര് കുറക്കുന്നു.
Film
ദി റൈഡിന്റെ’ ട്രെയിലര് പുറത്തിറക്കി; വെള്ളിയാഴ്ച തിയറ്ററുകളില്
ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര്..
ഒരു കാര്യാത്രക്കിടയില് എടുക്കുന്ന ഒരു കുറുക്കുവഴി ഒരു കൂട്ടം ആളുകളുടെ ജീവിതം മാറ്റിമറിക്കുന്നതാണ് ചിത്രത്തിന്റെ പ്രമേയം. ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര് പുറത്തിറങ്ങി. നിവിന് പോളിയാണ് ട്രെയിലര് റിലീസ് ചെയ്തത്. നേരത്തെ പുറത്തിറങ്ങിയ ടീസറിനും മികച്ച സ്വീകരണമായിരുന്നു ലഭിച്ചത്.
ചിത്രം വെള്ളിയാഴ്ച്ച തീയേറ്ററുകളിലെത്താനിരിക്കേയാണ് അണിയറ പ്രവര്ത്തകര് ട്രെയിലര് പുറത്തുവിട്ടത്. തങ്ങള് ചെയ്ത ചില തെറ്റുകള് ഏറ്റുപറയുന്ന ഒരു കാറിലെ യാത്രക്കാരാണ് ട്രെയിലറിന്റെ കേന്ദ്രബിന്ദു. തങ്ങളുടെ പ്രിയപ്പെട്ടവരെപ്പോലും ചതിച്ചതിനെക്കുറിച്ച് അവര് അജ്ഞാതനായ ഒരാളോട് തുറന്നു പറയുന്ന രംഗങ്ങളാണ് ട്രെയിലറില് നിറയുന്നത്.
എന്നാല് ഇതിലേറെയും പറയാനുണ്ടെന്നും ബാക്കി ആര്് പറയുമെന്നുമുള്ള അയാളുടെ ചോദ്യം പ്രേക്ഷകര്ക്ക് കൂടുതല് ആകാംഷ സമ്മാനിക്കുന്ന നിമിഷങ്ങളാണ് സമ്മാനിക്കുന്നത്.
ഡയസ്പോര് എന്റര്ടെയ്ന്മെന്റ് പ്രൊഡക്ഷന്സിന്റെ ബാനറില് ദര്പണ് ത്രിസാല് നിര്മ്മിച്ച് റിതേഷ് മേനോന് സംവിധാനം ചെയ്യുന്ന ചിത്രത്തില് സുധി കോപ്പ, ആന് ശീതള്, മാലാ പാര്വതി, ശ്രീകാന്ത് മുരളി, പ്രശാന്ത് മുരളി, ഗോപിക മഞ്ജുഷ എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ കഥ സുഹാസ് ഷെട്ടിയുടേതാണ്. റിതേഷ് മേനോന്, സുഹാസ് ഷെട്ടി എന്നിവരാണ് നിര്മ്മാതാക്കളും. ഇവര് തന്നെയാണ് ചിത്രത്തിന്റെ തിരക്കഥയും സംഭാഷണവും തയ്യാറാക്കിയിരിക്കുന്നത്. വിജേന്ദര് സിംഗ്, ഹരീഷ് ലഖാനി, ജിതേന്ദ്രയാദവ്, വി.കെ ഫിലിംസ് ആന്റ് എന്റര്ടെയ്ന്മെന്റ് എന്നിവരാണ് ചിത്രത്തിലെ സഹ നിര്മ്മാതാക്കള്.
ക്രിയേറ്റീവ് പ്രൊഡ്യൂസറായി റീന ഒബ്റോയ്, ഹെഡ് ഓഫ് പ്രൊഡക്ഷനായി ശശി ദുബൈ എന്നിവരും പ്രവര്ത്തിക്കുന്നു. ഛായാഗ്രഹണം നിര്വഹിക്കുന്നത് ബാബ തസാദുഖ് ഹുസൈന് ആണ്. ഈ വര്ഷത്തെ മികച്ച എഡിറ്റര്ക്കുള്ള സംസ്ഥാന പുരസ്കാരം കിഷ്കിന്ദകാണ്ഡത്തിലൂടെ നേടിയ സൂരജ് ഇഎസ് ആണ് ചിത്രത്തിന്റെ എഡിറ്റര്.
എക്സിക്യൂട്ടീവ് പ്രൊഡ്യൂസര് വികാശ് ആര്യ, ലൈന് പ്രൊഡക്ഷന് ഒക്ടോബര് സ്കൈ പിക്ചേഴ്സ്, കലാസംവിധാനം കിഷോര് കുമാര്, സംഗീതം നിതീഷ് രാംഭദ്രന്, കോസ്റ്റിയും മേബിള് മൈക്കിള്, മലയാളം അഡാപ്റ്റേഷന് രഞ്ജിത മേനോന്, സൗണ്ട് ഡിസൈന് അരുണ് വര്മ്മ, സൗണ്ട് മിക്സിംഗ് ഡാന് ജോസ്, കളറിസ്റ്റ് ലിജു പ്രഭാകര്, ആക്ഷന് ജാവേദ് കരീം, മേക്കപ്പ് അര്ഷാദ് വര്ക്കല, സൂപ്പര്വൈസിംഗ് പ്രൊഡ്യൂസര് അവൈസ് ഖാന്, ലൈന് പ്രൊഡ്യൂസര് എ.കെ ശിവന്, അഭിലാഷ് ശങ്കരനാരായണന് എന്നിവര് വിവിധ ചുമതലകള് വഹിക്കുന്നു.
പ്രൊഡക്ഷന് കണ്ട്രോളര് ജാവേദ് ചെമ്പ്, പ്രൊഡക്ഷന് മാനേജര് റഫീഖ് ഖാന്, കാസ്റ്റിംഗ് നിതിന് സികെ ചന്ദ്രന്, ചീഫ് അസോസിയേറ്റ് ഡയറക്ടര് വിഷ്ണു രഘുനന്ദന്, ചീഫ് അസോസിയേറ്റ് ക്യാമറാമാന് ജിയോ സെബി മലമേല്, അസോസിയേറ്റ് ഡയറക്ടര് ശരത്കുമാര് കെ.ജി, അഡീഷണല് ഡയലോഗ് ലോപസ് ജോര്ജ്, സ്റ്റില്സ് അജിത് മേനോന്, വിഎഫ്എക്സ് തിങ്ക് വിഎഫ്എക്സ്, അഡീഷണല് പ്രമോ മനീഷ് ജയ്സ്വാള്, പബ്ലിസിറ്റി ഡിസൈന് ആര്ഡി സഗ്ഗു, ടൈറ്റില് ഡിസൈന് ഹസ്തക്യാര, മാര്ക്കറ്റിംഗ് ഏജന്സി മെയിന്ലൈന് മീഡിയ, ഫോര്വേഡ് സ്ലാഷ് മീഡിയ, പിആര്ഒ സതീഷ് എരിയാളത്ത്, മാര്ക്കറ്റിംഗ് കണ്സള്ട്ടന്റ് വര്ഗീസ് ആന്റണി, വിതരണം ഫിയോക്ക് എന്നിവരാണ് ചിത്രത്തിന്റെ പിന്നണി പ്രവര്ത്തകര്.
Video Stories
പുതിയ മാറ്റത്തിനായി മെറ്റ; ഇന്സ്റ്റഗ്രാമില് ഇനി ഒരു പോസ്റ്റിന് മൂന്ന് ടാഗുകള് മാത്രം
ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള്…
കാലിഫോര്ണിയ: ഇന്സ്റ്റഗ്രാം പ്ലാറ്റ്ഫോമില് പുതിയ മാറ്റം പരീക്ഷിക്കാന് ഒരുങ്ങി മെറ്റ. ഒരു പോസ്റ്റിന് മൂന്ന് ഹാഷ്ടാഗുകള് മാത്രം എന്ന പരിധി അവതരിപ്പിനാണ്് മെറ്റ ഉടമസ്ഥതയിലുള്ള കമ്പനി എന്നാണ് റിപ്പോര്ട്ടുകള്. 2011 മുതല് ഇന്സ്റ്റഗ്രാം തുടര്ന്നുവന്നിരുന്ന നിയമത്തില് നിന്നുള്ള മാറ്റമാണിത്. 2011 മുതല് ഇന്സ്റ്റഗ്രാമില് ഉപയോക്കാള് കണ്ടന്റ് കണ്ടെത്തുന്നതിന്റെ ഒരു പ്രധാന രീതിയാണ് ഹാഷ്ടാഗുകള്. ഒരു പോസ്റ്റില് 30 ഹാഷ്ടാഗുകള് വരെ ചേര്ത്തുകൊണ്ട് കണ്ടന്റ് ക്രിയേറ്റേഴ്സിന് അവരുടെ പോസ്റ്റുകളുടെ റീച്ച് വര്ധിപ്പിക്കാമായിരുന്നു.
എന്നാല് ഇപ്പോള് ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള് ഒരു എറര് സന്ദേശം കാണുന്നതായി ചില റെഡ്ഡിറ്റ് ഉപയോക്താക്കള് റിപ്പോര്ട്ട് ചെയ്തിട്ടുണ്ട്. എങ്കിലും ഈ ഫീച്ചര് നിലവില് എല്ലാ ഉപയോക്താക്കള്ക്കും ലഭ്യമല്ല. ഇത് സൂചിപ്പിക്കുന്നത് മെറ്റ പരിമിതമായ എണ്ണം ഉപയോക്താക്കളില് ഹാഷ്ടാഗ് നിയന്ത്രണ ഫീച്ചര് ഇത് പരീക്ഷിക്കുന്നുണ്ടെന്നും പിന്നീട് പ്ലാറ്റ്ഫോമില് ഉടനീളം ഇത് നടപ്പിലാക്കും എന്നുമാണ്.
ഈ പരീക്ഷണത്തെക്കുറിച്ച് ഇന്സ്റ്റഗ്രാം ഇതുവരെ ഔദ്യോഗിക പ്രസ്താവനകളൊന്നും പുറത്തിറക്കിയിട്ടില്ല. മുമ്പ് ഘട്ടം ഘട്ടമായി പുറത്തിറക്കിയ നിരവധി ഫീച്ചറുകളെപ്പോലെ, ഈ മാറ്റവും ഒരേ പ്രക്രിയയുടെ ഭാഗമാണ് എന്നാണ് റിപ്പോര്ട്ടുകള്.
എന്നാല് കാലക്രമേണ, ഇന്സ്റ്റഗ്രാമിന്റെ റെക്കമന്ഡേഷന് സംവിധാനം മാറി. ഇപ്പോള്, എക്സ്പ്ലോര് വിഭാഗം ഉള്ളടക്കം, അടിക്കുറിപ്പുകള്, ഉപയോക്തൃ പെരുമാറ്റം എന്നിവയ്ക്ക് മുന്ഗണന നല്കുന്നു. റീച്ച് വര്ധിപ്പിക്കുന്നതില് ഹാഷ്ടാഗുകള് ഇനി അത്ര ഫലപ്രദമല്ലെന്ന് ഇന്സ്റ്റഗ്രാം മേധാവി ആദം മൊസേരി ആവര്ത്തിച്ച് പ്രസ്താവിച്ചിട്ടുണ്ട്. ഹാഷ്ടാഗുകള് ഇപ്പോള് ഉള്ളടക്കത്തെ തരംതിരിക്കുന്നതിനുള്ള ഒരു മാര്ഗമായി മാത്രം മാറിയിരിക്കുന്നു എന്നാണ് അദേഹം പറയുന്നത്.
-
kerala2 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala3 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india3 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala3 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala3 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
kerala13 hours agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News2 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
entertainment3 days agoമലയാള ചെറുചിത്രങ്ങള്ക്ക് ഗള്ഫിലും ദേശീയ തലത്തിലുമായി മാര്ക്കറ്റ് തുറക്കാന് ശ്രമിക്കുന്നു: ദുല്ഖര് സല്മാന്