kerala
കുട്ടികള്ക്ക് ‘കലക്ടര് മാമന്റെ’ വക നാളെയും അവധി; കൃഷ്ണ തേജയുടെ ഫേസ്ബുക്ക് പോസ്റ്റ് വീണ്ടും വൈറല്
സ്വയം ‘കലക്ടര് മാമന്’ എന്നു വിശേഷിപ്പിച്ച് കുട്ടികള്ക്ക് കൃത്യതയാര്ന്ന മാര്ഗനിര്ദേശങ്ങള് നല്കിയാണ് അവധിയാണെന്ന് അറിയിച്ചത്
ആലപ്പുഴ: ചുമതലയേറ്റ ദിവസം തന്നെ ജില്ലയിലെ ജനങ്ങളുടെ മനസ്സില് ഇടം നേടിയ കലക്ടര് കൃഷ്ണ തേജയുടെ ഫേസ്ബുക്ക് പോസ്റ്റ് വീണ്ടും വൈറല്. വ്യത്യസ്ത രീതിയില് ജില്ലയിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ച് കൊണ്ടാണ് ആദ്യദിനം കലക്ടര് ജനങ്ങളുടെ ശ്രദ്ധ നേടിയത്. മുതിര്ന്ന സഹോദരന്റെയോ രക്ഷിതാവിന്റെയോ സ്ഥാനത്ത് നിന്ന് സംസാരിക്കുന്ന രീതിയിലായിരുന്നു തേജയുടെ ആദ്യ അവധി പ്രഖ്യാപന കുറിപ്പ്.
രണ്ടാം ദിനവും ഇതേ പുതുമ നിലനിര്ത്തി കൊണ്ടാണ് കലക്ടര് സ്കൂളുകള്ക്ക് അവധി പ്രഖ്യാപിച്ചത്. സ്വയം ‘കലക്ടര് മാമന്’ എന്നു വിശേഷിപ്പിച്ച് കുട്ടികള്ക്ക് കൃത്യതയാര്ന്ന മാര്ഗനിര്ദേശങ്ങള് നല്കിയാണ് അവധിയാണെന്ന് അറിയിച്ചത്.
നാളെയും അവധിയാണെന്നും മഴക്കാലമായതിനാല് അച്ഛനമ്മമാര് ജോലിക്കു പോകുമ്പോള് അവരുടെ ബാഗില് കുടയും മഴക്കോട്ടുമുണ്ടെന്ന് ഉറപ്പാക്കണമെന്നും ആവശ്യപ്പെട്ടാണ് പോസ്റ്റ് ആരംഭിക്കുന്നത്. കൂടാതെ പോകുന്നതിനു മുമ്പ് അവരെ കെട്ടിപിടിച്ച് ഉമ്മ കൊടുക്കണമെന്നും തങ്ങള് ഇവിടെ കാത്തിരിപ്പുണ്ടെന്നും സൂക്ഷിച്ച് വണ്ടിയോടിച്ച് വൈകിട്ട് നേരത്തെ വരണമെന്നു സ്നേഹത്തോടെ പറയണമെന്നും കുട്ടികളോട് കലക്ടര് ആവശ്യപ്പെടുന്നു. നല്ല ശീലങ്ങള് പാലിച്ച് മിടുക്കരാവണമെന്ന് ആവശ്യപ്പെടുന്ന അദ്ദേഹം ഇന്നലെ പറഞ്ഞതൊന്നും മറക്കല്ലേയെന്നും സ്നേഹവാത്സല്യത്തോടെ ഉപദേശിക്കുന്നുണ്ട്.
ഫേസ്ബുക്ക് പോസ്റ്റിന്റെ പൂര്ണ രൂപം:
പ്രിയപ്പെട്ട കുട്ടികളെ,
നാളെയും അവധിയാണ് കേട്ടോ. എന്ന് വെച്ച് ഇന്നലെ പറഞ്ഞതൊന്നും മറക്കല്ലേ…
മഴക്കാലമായത് കൊണ്ട് തന്നെ അച്ഛനമ്മമാര് ജോലിക്ക് പോകുമ്പോള് അവരുടെ ബാഗില് കുട, മഴക്കോട്ട് എന്നിവ ഉണ്ടെന്ന് ഉറപ്പാക്കണം കേട്ടോ… പോകുന്നതിന് മുന്പ് അവരെ കെട്ടി പിടിച്ച് ഉമ്മ കൊടുക്കണം.
ഞങ്ങള് ഇവിടെ കാത്തിരിക്കുന്നെന്നും സൂക്ഷിച്ച് വണ്ടി ഓടിച്ച് വൈകിട്ട് നേരത്തെ വരണമെന്നും സ്നേഹത്തോടെ പറയണം. നല്ല ശീലങ്ങള് പാലിക്കണം. മിടുക്കരാകണം.
ഒരുപാട് സ്നേഹത്തോടെ
നിങ്ങളുടെ പ്രിയപ്പെട്ട
കളക്ടര് മാമന്
kerala
അലന് കൊലക്കേസ്: കൊലപാതകത്തിന് ഉപയോഗിച്ച കത്തി കണ്ടെത്തി
പ്രതി അജിന്റെ സുഹൃത്തിന്റെ വീട്ടില് നിന്നാണ് കണ്ട്രോണ്മെന്റ് പൊലീസ് കത്തി കണ്ടെത്തിയത്
തിരുവനന്തപുരം: അലന് കൊലക്കേസില് നിര്ണായക മുന്നേറ്റമായി കൊലപാതകത്തിന് ഉപയോഗിച്ച കത്തി പൊലീസ് കണ്ടെത്തി. പ്രതി അജിന്റെ സുഹൃത്തിന്റെ വീട്ടില് നിന്നാണ് കണ്ട്രോണ്മെന്റ് പൊലീസ് കത്തി കണ്ടെത്തിയത്. സംഭവത്തിന് ശേഷം അജിന് കത്തി ഇവിടെ ഒളിപ്പിച്ചതാണെന്ന് അന്വേഷണത്തില് വ്യക്തമായി.
പ്രാഥമിക ചോദ്യം ചെയ്യലില് കത്തി എവിടെയോ നഷ്ടപ്പെട്ടുവെന്നാണ് അജിന് പറഞ്ഞിരുന്നത്. എന്നാല് വിശദമായ അന്വേഷണവും തെളിവെടുപ്പും തുടര്ന്ന് ഒടുവില് ഒളിപ്പിച്ച ആയുധം പൊലീസ് കണ്ടെത്തുകയായിരുന്നു.
കഴിഞ്ഞ മാസം ഫുട്ബോള് മത്സരത്തിനിടയില് ഉണ്ടായ തര്ക്കമാണ് 18 കാരനായ ചെങ്ങല്ചൂള രാജാജി നഗര് സ്വദേശിയായ അലന്റെ കൊലപാതകത്തിലേക്ക് നയിച്ചത്. തിരുവനന്തപുരം മോഡല് സ്കൂളില് നടന്ന ഫുട്ബോള് മത്സരത്തെ തുടര്ന്ന് യുവാക്കള് തമ്മില് ഉണ്ടായ വാക്കുതര്ക്കം ക്രൂരമായ ആക്രമണത്തിലേക്ക് നീങ്ങുകയായിരുന്നു.
kerala
ഗൂഗിള് മാപ്പിട്ട് ആശുപത്രിയിലേക്ക് പോയ സംഘം കാട്ടില് കുടുങ്ങി; ഫയര്ഫോഴ്സ് എത്തി രക്ഷപ്പെടുത്തി
തൃശൂര് സ്വദേശി അലന് വര്ഗീസിന്റെ നേതൃത്വത്തിലുള്ള സംഘത്തിലാണ് സംഭവം ഉണ്ടായത്.
കണ്ണൂര്: ആശുപത്രിയിലേക്ക് പോകാനിറങ്ങിയ സംഘം ഗൂഗിള് മാപ്പിന്റെ നിര്ദ്ദേശത്തെ ആശ്രയിച്ച് യാത്ര ചെയ്തപ്പോള് നേരിട്ട് കാട്ടിനുള്ളിലേക്ക് എത്തിപ്പെട്ടതാണ് വലിയ അപകടത്തിലേക്ക് നയിച്ചത്. തൃശൂര് സ്വദേശി അലന് വര്ഗീസിന്റെ നേതൃത്വത്തിലുള്ള സംഘത്തിലാണ് സംഭവം ഉണ്ടായത്.
ജോലി സംബന്ധിച്ച് കണ്ണൂരിലെത്തിയവര്ക്ക് ഇടയില് ഒരാള്ക്ക് അസ്വസ്തത അനുഭവപ്പെട്ടതോടെ കണ്ണപുരം ഭാഗത്തുനിന്ന് പരിയാരം ഗവ. മെഡിക്കല് കോളജിലേക്ക് പോകാന് ഗൂഗിള് മാപ്പിന്റെ സഹായം തേടുകയായിരുന്നു. എന്നാല് മാപ്പ് കാണിച്ച പാത കാടിനുള്ളിലെ ഇടുങ്ങിയ കുഞ്ഞന്ചാല് ഭാഗംവഴിയായിരുന്നു. വാഹനങ്ങള് സഞ്ചരിക്കാന് ബുദ്ധിമുട്ടുള്ള ഈ വഴിയിലൂടെ ജീപ്പ് മുന്നോട്ടുപോയപ്പോള് ചെറിയ താഴ്ചയില് വാഹനം ചരിഞ്ഞ് പൂര്ണമായി കുടുങ്ങി.
നാട്ടുകാരാണ് സംഭവം ശ്രദ്ധയില്പ്പെടുത്തി അഗ്നിരക്ഷാസേനയെ വിവരം അറിയിച്ചത്. തുടര്ന്ന് തളിപ്പറമ്പ് ഫയര്ഫോഴ്സ് സംഘം സ്ഥലത്തെത്തി. നാട്ടുകാരുടെ സഹായത്തോടൊപ്പം നടത്തിയ ശ്രമത്തിലൂടെ കുടുങ്ങിയ വാഹനം വീണ്ടും റോഡിലേക്ക് വലിച്ചുകയറ്റി വലിയ അപകടത്തില് നിന്ന് ഒഴിവായി.
kerala
ഇറ്റലിയില് ജോലി വാഗ്ദാനം ചെയ്ത് അഞ്ച് ലക്ഷം രൂപ തട്ടിയ കേസ്; പ്രധാന പ്രതി പിടിയില്
ബംഗളൂരുവിലെ ജ്ഞാനഹള്ളി വിനായക നഗര് അപ്പാര്ട്ട്മെന്റിലെ തേര്ഡ് ക്രോസിലാണ് ജോസ് ഫ്രാന്സിസ് (42) എന്നയാളെ മൂവാറ്റുപുഴ ഇന്സ്പെക്ടര് ബേസില് തോമസിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
മൂവാറ്റുപുഴ: ഇറ്റലിയിലെ സൂപ്പര്മാര്ക്കറ്റില് ജോലി ലഭ്യമാക്കാമെന്ന് വാഗ്ദാനം ചെയ്ത് മൂവാറ്റുപുഴ സ്വദേശിനിയില് നിന്ന് അഞ്ച് ലക്ഷം രൂപ തട്ടിയെടുത്ത കേസില് പ്രധാന പ്രതി പൊലീസ് പിടിയിലായി. ബംഗളൂരുവിലെ ജ്ഞാനഹള്ളി വിനായക നഗര് അപ്പാര്ട്ട്മെന്റിലെ തേര്ഡ് ക്രോസിലാണ് ജോസ് ഫ്രാന്സിസ് (42) എന്നയാളെ മൂവാറ്റുപുഴ ഇന്സ്പെക്ടര് ബേസില് തോമസിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
പ്രോട്ടോ ടാലന്റ് ഹയറിങ് സര്വീസ് എന്ന പേരില് മുമ്പ് ബംഗളൂരുവില് സ്ഥാപനം നടത്തിയിരുന്ന പ്രതി ഒരു വര്ഷത്തിലേറെയായി ഒളിവിലായിരുന്നു. ഒളിസങ്കേതത്തില് നിന്നാണ് ഇയാളെ പിടികൂടിയത്. സമാന രീതിയില് കൂടുതല് ആളുകളെ ചതിച്ചിട്ടുണ്ടൊയെന്ന കാര്യത്തില് അന്വേഷണം പുരോഗമിക്കുന്നു. അന്വേഷണ സംഘത്തില് എസ്.ഐമാരായ അതുല് പ്രേം ഉണ്ണി, പി.വി. സജി, വി.സി. സജി, പി.സി. ജയകുമാര്, എ.എസ്.ഐ ബിജു, സീനിയര് സി.പി.ഒമാരായ എച്ച്. ഹാരിസ്, കെ.കെ. ജയന് എന്നിവര് പങ്കെടുത്തു.
-
News3 days agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
News15 hours agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala3 days agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
kerala3 days agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala17 hours agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
kerala3 days agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
gulf3 days agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.
-
india2 days agoപരീക്ഷാഫലത്തെ തുടര്ന്ന് ഹൈദരാബാദില് പത്താം ക്ലാസ് വിദ്യാര്ത്ഥിനി കെട്ടിടത്തില് നിന്ന് ചാടി മരിച്ചു