Connect with us

Video Stories

അടുത്ത വര്‍ഷം ബ്ലാസ്റ്റേഴ്‌സിനൊപ്പമുണ്ടാവുമോ? കോപ്പല്‍ പറയുന്നു…

Published

on

കൊച്ചി: ഐ.എസ്.എല്‍ മൂന്നാം സീസണിലെ ഫൈനലില്‍ അത്‌ലറ്റിക്കോ ഡി കൊല്‍ക്കത്തയോട് പെനല്‍റ്റി ഷൂട്ടൗട്ടില്‍ തോല്‍വി പിണഞ്ഞതിന് പിന്നാലെ ബ്ലാസ്റ്റേഴ്‌സ് ആരാധകരോട് മാപ്പ് പറഞ്ഞ് പരിശീലകന്‍ സ്റ്റീവ് കോപ്പല്‍. ബ്ലാസ്റ്റേഴ്‌സ് നന്നായി കളിച്ചെന്നും എന്നാല്‍ മത്സരക്രമത്തില്‍ വന്ന ചില നടപടികള്‍ ടീമിനെ ബാധിച്ചുവെന്നും കോപ്പല്‍ പറഞ്ഞു. മത്സര ശേഷം നടത്തിയ വാര്‍ത്താ സമ്മേളനത്തിലാണ് കോപ്പല്‍ ഇക്കാര്യം പറഞ്ഞത്.

 

‘നിങ്ങള്‍ നല്‍കിയ പിന്തുണയ്ക്ക് മതിയായ പ്രതിഫലം നല്‍കാന്‍ കഴിയാത്തതില്‍ ദുഖമുണ്ട്, ആരാധകരോട് ക്ഷമ ചോദിക്കുന്നു. നമ്മള്‍ തോറ്റില്ല. മത്സരം സമനിലയിലാക്കി പെനാല്‍റ്റിയിലാണ് നഷ്ടമായത്. ക്ഷീണിതരായ രണ്ടു ടീമുകളുടെ ഏറ്റുമുട്ടലാണ് ഫൈനലില്‍ കണ്ടത്. എന്നിരുന്നാലും കൊല്‍ക്കത്തയെ അഭിനന്ദിക്കുന്നു.

മത്സരക്രമത്തിലെ തിരക്കിട്ട ഷെഡ്യൂള്‍ മൂലം തങ്ങള്‍ക്ക് വേണ്ടവണ്ണം പരിശീലിക്കാനുള്ള സമയം കിട്ടിയില്ല, കഴിഞ്ഞ കളിയ്ക്കും യാത്രയ്ക്കും ഇടയിലെ മൂന്ന് ദിവസം കളിക്കാരെ ക്ഷീണിപ്പിച്ചു കളഞ്ഞു. ഏഴു ദിവസത്തിനിടയില്‍ കളിക്കേണ്ടി വന്നത് മൂന്ന് മത്സരങ്ങളാണ്. ഇതിന് പുറമേ ഡല്‍ഹിയിലേക്കുള്ള നീണ്ട യാത്രകളും കോപ്പല്‍ പറഞ്ഞു.

ആരോണ്‍ ഹ്യൂസിന് പരുക്കുപറ്റി പുറത്തിരിക്കേണ്ടിവന്നതും ടീമിന് തിരിച്ചടിയായി. പക്ഷേ, അസന്തുലിതമായ ടീമായിരുന്നിട്ടും കേരളാ ബ്ലാസ്‌റ്റേഴ്‌സ് മികച്ച രീതിയില്‍ കളിച്ചു. ഫുട്‌ബോളിന് ഇത്രയധികം ആരാധകരുള്ള കേരളത്തില്‍ നിന്ന് മികച്ച കളിക്കാരെ വാര്‍ത്തെടുക്കാന്‍ കൂടുതല്‍ ശ്രമങ്ങളുണ്ടാകണമെന്നും സ്റ്റീവ് കോപ്പല്‍ പറഞ്ഞു. അതേസമയം അടുത്ത സീസണില്‍ ബ്ലാസ്റ്റേഴ്‌സിനൊപ്പമുണ്ടാവുമോ എന്ന ചോദ്യത്തിന് ടീം ഉടമകളുമായി ഒട്ടേറെ കാര്യങ്ങള്‍ ചര്‍ച്ച ചെയ്യാനുണ്ടെന്നായിരുന്നു മറുപടി.

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending