Connect with us

india

താടി, തൊപ്പി; സുദര്‍ശന്‍ ടിവി മുസ്‌ലിംകളെ നിന്ദ്യമായി ചിത്രീകരിക്കുന്നുവെന്ന് ആവര്‍ത്തിച്ച് സുപ്രീംകോടതി

അഭിപ്രായ സ്വാതന്ത്ര്യം പോലെ പ്രധാനമാണ് മനുഷ്യരുടെ ആത്മാഭിമാനമെന്ന് കോടതി നിരീക്ഷിച്ചു

Published

on

 

ന്യൂഡല്‍ഹി: സുദര്‍ശന്‍ ടി.വിയുടെ ‘യുപിഎസ്‌സി ജിഹാദ്’ പരിപാടിയില്‍ മുസ്‌ലിങ്ങളെ ദുരൂഹമായാണ് ചിത്രീകരിച്ചിരിക്കുന്നതെന്ന് ആവര്‍ത്തിച്ച് സുപ്രീംകോടതി. കേസില്‍ സുദര്‍ശന്‍ ടി.വിയോട് പുതിയ സത്യവാങ്മൂലം സമര്‍പ്പിക്കാനും കോടതി ആവശ്യപ്പെട്ടു. ജസ്റ്റിസുമാരായ ഡി.വൈ ചന്ദ്രചൂഢ്, കെ.എം ജോസഫ്, ഇന്ദു മല്‍ഹോത്ര എന്നിവരടങ്ങിയ ബെഞ്ചാണ് കേസില്‍ വാദം കേട്ടത്. അഭിപ്രായ സ്വാതന്ത്ര്യം പോലെ പ്രധാനമാണ് മനുഷ്യരുടെ ആത്മാഭിമാനമെന്ന് കോടതി നിരീക്ഷിച്ചു.

‘വിവിധങ്ങളായ ആശയങ്ങള്‍ ഇന്ത്യയില്‍ സമൃദ്ധമാകട്ടെ. അടിയന്തരാവസ്ഥക്കാലത്ത് എന്താണ് സംഭവിച്ചതെന്ന് നമുക്കറിയാം. പക്ഷെ അഭിപ്രായസ്വാതന്ത്ര്യം പോലെ തന്നെ മനുഷ്യരുടെ ആത്മാഭിമാനവും കാത്തുസൂക്ഷിക്കാനുള്ള ഭരണഘടനാപരമായ കര്‍ത്തവ്യം ഞങ്ങള്‍ക്കുണ്ട്’, ചന്ദ്രചൂഢ് ചൂണ്ടിക്കാട്ടി.

പ്രകോപനപരമായ രീതിയിലാണ് പരിപാടി ചിത്രീകരിച്ചിരിക്കുന്നതെന്നും കോടതി പറഞ്ഞു.

‘മുസ്‌ലിങ്ങളെ പ്രതിനിധീകരിക്കാന്‍ നിങ്ങള്‍ താടി, തൊപ്പി, പച്ചമുഖം, പശ്ചാത്തലത്തില്‍ അഗ്‌നിനാളങ്ങള്‍ എന്നിവയാണ് ഉപയോഗിച്ചിരിക്കുന്നത്. നിങ്ങള്‍ സിവില്‍ സര്‍വീസുകളെ പരാമര്‍ശിക്കുമ്പോഴെല്ലാം, ഐഎസിനെ പരാമര്‍ശിക്കുന്നു, ഇത് മുസ്‌ലിങ്ങളുടെ ഗൂഢാലോചനയാണെന്ന് നിങ്ങള്‍ കാണിക്കുന്നതിനാല്‍ തന്നെ അത് ഗൗരവതരമാണ്’, ചന്ദ്രചൂഢ് പറഞ്ഞു.

അന്വേഷണാത്മക പത്രപ്രവര്‍ത്തനം നടത്താമെന്നും എന്നാല്‍ ഏതെങ്കിലും തരത്തിലുള്ള പ്രത്യാഘാതം സൃഷ്ടിക്കുമെങ്കില്‍ അത് അനുവദിക്കാന്‍ തങ്ങള്‍ക്കാകുമോയെന്നും കോടതി ചോദിച്ചു.

ചാനലിന്റെ റിപ്പോര്‍ട്ട് ചില ഗുരുതര സുരക്ഷാപ്രശ്‌നങ്ങള്‍ ചൂണ്ടിക്കാണിക്കുന്നുവെങ്കിലും അതിനൊപ്പം മനുഷ്യരുടെ മഹത്വത്തെക്കുറിച്ചുള്ള ആശങ്കകളും ഉന്നയിക്കുന്നുവെന്നും കോടതി നിരീക്ഷിച്ചു.

നേരത്തേ യു.പി.എസ്.സിയിലേക്ക് മുസ്ലിങ്ങള്‍ നുഴഞ്ഞുകയറുന്നുവെന്നാരോപിച്ച് സുദര്‍ശന്‍ ടി.വി പ്രക്ഷേപണം ചെയ്യാനിരുന്ന വാര്‍ത്താധിഷ്ഠിത പരിപാടിക്ക് കേന്ദ്രസര്‍ക്കാരിന്റെ അനുമതി നല്‍കിയിരുന്നു. തുടര്‍ന്ന് പരിപാടി മുസ്ലിം വിദ്വേഷം പരത്തുന്നതാണെന്ന പരാതിയില്‍ ദല്‍ഹി ഹൈക്കോടതി സ്റ്റേ ചെയ്തിരുന്നു.

 

india

സാരിയിലും സല്‍വാറിലും സുന്ദരി,ധരിക്കാതിരുന്നാലും സ്ത്രീകളെ കാണാന്‍ നന്നായിരിക്കും; വിവാദമായി രാംദേവിന്റെ അഭിപ്രായം

മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസ് ക്യാമ്പില്‍ പങ്കെടുത്തിരുന്നു.

Published

on

വിവാദമായി യോഗാ ഗുരു രാംദേവിന്റെ അഭിപ്രായപ്രകടനം.സാരിയിലും സല്‍വാറിലും സത്രീകള്‍ സുന്ദരിയായിരിക്കും.
ധരിക്കാതിരുന്നാലും സ്ത്രീകളെ കാണാന്‍ നന്നായിരിക്കും എന്ന പരമാര്‍ശമാണ് വിവാദമായിരിക്കുന്നത്.
താനെയില്‍ യോഗാ ക്യാമ്പില്‍ സംസാരിക്കവെയാണ് വിവാദ പരാമര്‍ശം ഉണ്ടായത്.

രാംദേവിന്റെ അഭിപ്രായപ്രകടനത്തിന്റെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. പരാമര്‍ശത്തെ അപലപിച്ച് ഡല്‍ഹി വനിതാ കമ്മീഷന്‍ മേധാവി സ്വാതി മലിവാള്‍ വീഡിയോ പങ്കുവെച്ചു. സ്ത്രീകളെ അപമാനിക്കുന്ന തരത്തില്‍ നടത്തിയ പരാമര്‍ശത്തില്‍ രാംദേവ് മാപ്പ് പറയണം, സ്വാതി മലിവാള്‍ ട്വീറ്റ് ചെയ്തു.

‘മഹാരാഷ്ട്ര ഉപമുഖ്യമന്ത്രിയുടെ ഭാര്യക്ക് മുന്നില്‍ സ്ത്രീകളെ കുറിച്ച് സ്വാമി രാംദേവ് നടത്തിയ പരാമര്‍ശം അപലപനീയമാണ്. ഈ പ്രസ്താവന എല്ലാ സ്ത്രീകളെയും വേദനിപ്പിച്ചു, ഈ പ്രസ്താവനയ്ക്ക് ബാബാ രാംദേവ്ജി രാജ്യത്തോട് മാപ്പ് പറയണം!’ സ്വാതി മലിവാള്‍ ട്വീറ്റ് ചെയ്തു.

 

 

Continue Reading

india

കോഴിക്കോട് നിന്ന് ബിഹാറിലേക്ക് പോയ ആംബുലന്‍സിന് നേരെ ആക്രമണം

കഴിഞ്ഞ നവംബര്‍ 23ന് കോഴിക്കോട് ട്രെയിന്‍ തട്ടി മരിച്ചയാളുടെ മൃതദേഹവുമായി ബീഹാറിലേക്ക് പോയ ആംബുലന്‍സിന് നേരെയാണ് ആക്രമണം ഉണ്ടായത്.

Published

on

കേരളത്തില്‍ നിന്നും ബീഹാറിലേക്ക് പോയ ആംബുലന്‍സിന് നേരെ ആക്രമണം. മധ്യപ്രദേശിലെ ജബല്‍പൂരില്‍ വച്ചാണ് ആക്രമണം ഉണ്ടായത്. കഴിഞ്ഞ നവംബര്‍ 23ന് കോഴിക്കോട് ട്രെയിന്‍ തട്ടി മരിച്ചയാളുടെ മൃതദേഹവുമായി ബീഹാറിലേക്ക് പോയ ആംബുലന്‍സിന് നേരെയാണ് ആക്രമണം ഉണ്ടായത്. എയര്‍ഗണ്‍ ഉപയോഗിച്ചാണ് വെടിവെച്ചതയാണ് സംശയം.

ബീഹാര്‍ പോലീസിനോട് സഹായം ആവശ്യപ്പെട്ടെങ്കിലും നടപടി ഉണ്ടായില്ലെന്ന് ഡ്രൈവര്‍ പറയുന്നു. നിലവില്‍ മൃതദേഹവുമായി ബീഹാറില്‍ കുടുങ്ങിക്കിടക്കുകയാണ് ആംബുലന്‍സ്.

Continue Reading

india

യുകെ പ്രധാനമന്ത്രി ഋഷി സുനക്കിന്റെ മകള്‍ കുച്ചിപ്പുടി അവതരിപ്പിച്ചു

യുണൈറ്റഡ് കിംഗ്ഡത്തിന്റെ 57-ാമത് പ്രധാനമന്ത്രിയും ഈ പദവിയിലെത്തുന്ന ആദ്യ ഇന്ത്യന്‍ വംശജനുമായ ഋഷി സുനകിന്റെ മകള്‍ കുച്ചിപ്പുടി അവതരിപ്പിച്ചു.

Published

on

 

യുകെ പ്രധാനമന്ത്രി ഋഷി സുനക്കിന്റെ മകള്‍ അനൗഷ്‌ക സുനക് ലണ്ടനില്‍ നിരവധി കുട്ടികള്‍ക്കൊപ്പം കുച്ചിപ്പുടി അവതരിപ്പിച്ചു.
യുകെയിലെ ഏറ്റവും വലിയ അന്തര്‍-തലമുറ ഉത്സവമായ ‘രംഗ്’- ഇന്റര്‍നാഷണല്‍ കുച്ചിപ്പുടി ഡാന്‍സ് ഫെസ്റ്റിവല്‍ 2022-ന്റെ ഭാഗമായിരുന്നു ഒമ്പതു വയസ്സുകാരിയുടെ പ്രകടനം.

തത്സമയ സംഗീതജ്ഞര്‍, പ്രായമായ സമകാലീന നൃത്ത കലാകാരന്മാര്‍ (65 വയസ്സിനു മുകളിലുള്ള നൃത്ത സംഘം), പഠന വൈകല്യമുള്ള വീല്‍ചെയര്‍ നര്‍ത്തകി, പോളണ്ടിലെ നടരാംഗ് ഗ്രൂപ്പിലെ അന്താരാഷ്ട്ര ബര്‍സറി വിദ്യാര്‍ത്ഥികള്‍ എന്നിവരുള്‍പ്പെടെ 4-85 വയസ്സിനിടയിലുള്ള 100 ഓളം കലാകാരന്മാര്‍ പരിപാടിയുടെ ഭാഗമായി. .
ഋഷി സുനക്കിന്റെ മാതാപിതാക്കള്‍ക്കൊപ്പം ഇന്‍ഫോസിസ് സഹസ്ഥാപകന്‍ നാരായണ മൂര്‍ത്തിയുടെ മകളും അനൗഷ്‌കയുടെ അമ്മ അക്ഷത മൂര്‍ത്തിയും നൃത്ത പരിപാടിയില്‍ പങ്കെടുത്തു.

യുണൈറ്റഡ് കിംഗ്ഡത്തിന്റെ 57-ാമത് പ്രധാനമന്ത്രിയും ഈ പദവിയിലെത്തുന്ന ആദ്യ ഇന്ത്യന്‍ വംശജനുമാണ് ഋഷി സുനക്.200 വര്‍ഷത്തെ ഏറ്റവും പ്രായം കുറഞ്ഞ ബ്രിട്ടീഷ് പ്രധാനമന്ത്രിയാണ് 42 വയസ്സുള്ള സുനക്.

 

 

Continue Reading

Trending