Connect with us

Culture

ചോദ്യപേപ്പര്‍ ചോര്‍ച്ച: ഹര്‍ജികള്‍ സുപ്രീംകോടതി തള്ളി

Published

on

ന്യൂഡല്‍ഹി: സി.ബി.എസ്.ഇയുടെ പത്താം ക്ലാസ് കണക്ക്, പന്ത്രണ്ടാം ക്ലാസ് ഇക്കണോമിക്‌സ് ചോദ്യപേപ്പറുകള്‍ ചോര്‍ന്നതുമായി ബന്ധപ്പെട്ട എല്ലാ ഹര്‍ജികളും സുപ്രീംകോടതി തള്ളി.

പരീക്ഷാ നടത്തിപ്പും മറ്റും സി.ബി.എസ്.ഇയുടെ അധികാരപരിധിയിലുള്ളതാണെന്നും അതില്‍ ഇടപെടുന്നില്ലെന്നും സുപ്രീംകോടതി വ്യക്തമാക്കി. ചോദ്യപേപ്പര്‍ ചോര്‍ച്ചയില്‍ സി.ബി.ഐ അന്വേഷണം ആവശ്യപ്പെട്ടുള്ള ഹര്‍ജിയും കോടതി തള്ളി.

അതേസമയം, പത്താം ക്ലാസ് കണക്ക് പരീക്ഷ വീണ്ടും നടത്തേണ്ടതില്ലെന്ന് സി.ബി.എസ്.ഇ ഇന്നലെ തീരുമാനിച്ചിരുന്നു. നേരത്തെ ഡല്‍ഹി ദേശീയ തലസ്ഥാന മേഖലയിലും ഹരിയാനയിലും വീണ്ടും പരീക്ഷ നടത്തുമെന്നാണ് സി.ബി.എസ്.ഇ അറയിച്ചിരുന്നത്.

മാനവവിഭവശേഷി മന്ത്രാലയവും സി.ബി.എസ്.ഇയും നടത്തിയ ചര്‍ച്ചയിലാണ് പുനഃപരീക്ഷ വേണ്ടെന്ന് തീരുമാനിച്ചത്.

Culture

കാന്താര 400 കോടി ക്ലബില്‍

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്.

Published

on

ഇന്ത്യന്‍ സിനിമയില്‍ ആകെ തരംഗമായ കന്നട ചിത്രം കാന്താര 400 കോടി ക്ലബ്ബില്‍. 400.09 കൂടിയാണ് കാന്താരിയുടെ കളക്ഷന്‍.ട്രേഡ് അനലിസ്റ്റ് ആയ തരന്‍ ആദര്‍ശാണ് ഇക്കാര്യം ഫീറ്റ് ചെയ്തത്.

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്. ചിത്രം വന്‍ വിജയമായതോടെ മറ്റു ഭാഷകളിലേക്കും ഡബ്ബ് ചെയ്തു. ഇന്ന് ഇന്ത്യയില്‍ അഞ്ചോളം ഭാഷകളില്‍ ചിത്രം ലഭ്യമാണ്.

ആര്‍ ആര്‍ ആര്‍, കെജിഎഫ് ചാപ്റ്റര്‍ ടു, പൊന്നിയന്‍ സെല്‍വന്‍1, ബ്രഹ്മാസ്ത്ര, വിക്രം എന്നീ ചിത്രങ്ങള്‍ക്ക് ശേഷം 400 കോടി ക്ലബ്ബില്‍ എത്തുന്ന ആറാമത്തെ ഇന്ത്യന്‍ ചിത്രമാണിത്.ഋഷഭ് ഷെട്ടി കഥയെഴുതി സംവിധാനം ചെയ്ത ചിത്രത്തില്‍ അദ്ദേഹം ത്‌ന്നെയാണ് അഭിനയിച്ചിരിക്കുന്നത്.

Continue Reading

Culture

ഗോവ അന്താരാഷ്ട്ര ചലച്ചിത്രോല്‍സവത്തിന് വര്‍ണാഭമായ തുടക്കം

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും.

Published

on

അമ്പത്തിമൂന്നാമത് ഗോവ അന്താരാഷ്ട്ര ചലച്ചിത്രോല്‍സവത്തിന് തിരശീല ഉയര്‍ന്നു.

പ്രമുഖ താരങ്ങള്‍ പങ്കെടുത്തു. സില്‍ ഷെട്ടി ,അജയ് ദേവഗണ്‍, പങ്കജ് ത്രിപാഠി തുടങ്ങിയവര്‍ പങ്കെടുത്തു. ഗോവ ചലച്ചിത്രമേളയെ ലോകസിനിമാനിര്‍മാണ വേദിയാക്കി ഉയര്‍ത്തുമെന്ന് വാര്‍ത്താവിതരണ പ്രക്ഷേപണമന്ത്രി അനുരാഗ് ഠാക്കൂര്‍ പറഞ്ഞു. ഡീറ്റര്‍ ബെര്‍ണര്‍ സംവിധാനം ചെയ്ത ഓസ്ട്രിയന്‍ ചിത്രം ‘ അല്‍മ ആന്റ് ഓസ്‌കര്‍ ‘ ആണ് ഉദ്ഘാടനചിത്രം.

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും. 28ന് മേള സമാപിക്കും. ഫ്രാന്‍സ് ആണ് കണ്‍ട്രി ഫോക്കസില്‍. ഇന്ത്യന്‍ പനോരമയില്‍ മഹേഷ് നാരായണന്റെ മലയാളത്തിലെ ‘അറിയിപ്പ്’ പ്രദര്‍ശിപ്പിക്കും.

Continue Reading

Art

സംസ്ഥാന സ്‌കൂള്‍ കലോത്സവം ജനുവരി 3 മുതല്‍ കോഴിക്കോട്ട് അരങ്ങ് കുറിക്കും

239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും

Published

on

അറുപത്തിയൊന്നാമത് കേരള സംസ്ഥാന സ്‌കൂള്‍ കലോത്സവത്തിന് തീരുമാനമായി. കോഴിക്കോട് ജില്ലയിലാണ് ഇപ്രാവശ്യത്തെ സ്‌കൂള്‍ കലോത്സവം. ജനുവരി 3 മുതല്‍ 7 വരെയാണ് കലോത്സവം സംഘടിപ്പിക്കുന്നത്. 239 ഇനം കലാപരിപാടികളിലായി 14000 ത്തോളം വിദ്യാര്‍ത്ഥികളാണ് പങ്കെടുക്കുന്നത്.

വെസ്റ്റ്ഹില്‍ വിക്രം മൈതാനിയാണ് കലോത്സവത്തിന്റെ പ്രധാന വേദി. ജില്ലയിലെ വിവിധ സ്‌കൂളുകളിലായി 24 ഓളം വേദികളാണ് ഒരുക്കുക. 239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും. കൂടാതെ ദിശ ഹയര്‍ എജുക്കേഷന്‍ എക്‌സ്‌പോയും എക്‌സിബിഷനുകളും സംസ്‌കാരിക കലാ പരിപാടികളും ദൃശ്യവിസ്മയവും സംസ്ഥാന കലോത്സവത്തിന്റെ ഭാഗമായി നടക്കും.

Continue Reading

Trending