india
ഹാഥറസ് ഇരയുടെ കുടുംബത്തിന്റെ സ്ഥിതി ഞെട്ടിക്കുന്നത്; ഇപ്പോഴും ഭീതിയുടെ നിഴലിൽ, തോക്കുകളുടെയും കാമറകളുടെയും നിരീക്ഷണത്തിൽ: രാഹുൽ ഗാന്ധി
ബലാത്സംഗത്തിന് ഇരയായി കൊല്ലപ്പെട്ട ദലിത് പെണ്കുട്ടിയുടെ കുടുംബത്തെ സഹോദരി പ്രിയങ്കഗാന്ധിയോടൊപ്പം സന്ദർശിച്ചതിന് പിന്നാലെ സമൂഹമാധ്യമത്തിലാണ് രാഹുൽ ഗാന്ധി ഇക്കാര്യം വ്യക്തമാക്കിയത്.
കുടുംബം മുഴുവൻ ഇപ്പോഴും ഭീതിയുടെ നിഴലിൽ കഴിയുകയാണ്. കുറ്റവാളികളെ പോലെയാണ് അവരോട് പെരുമാറുന്നത്. അവർക്ക് സ്വതന്ത്രമായി സഞ്ചരിക്കാൻ കഴിയില്ല. എപ്പോഴും തോക്കുകളുടെയും കാമറകളുടെയും നിരീക്ഷണത്തിൽ.
വീട്ടുതടങ്കലിന് സമാനമായ അവസ്ഥയിലാണ് തങ്ങൾ കഴിയുന്നതെന്ന് അവർ പറയുന്നു’ -ദേശീയ തലത്തിൽ ചർച്ചയായ യു.പിയിലെ ഹാഥറസ് കൂട്ടബലാത്സംഗ ഇരയുടെ കുടുംബം ഇപ്പോഴും അനുഭവിക്കുന്ന ഭീകരമായ വിവേചനം ലോകത്തിന് മുന്നിൽ തുറന്നുകാട്ടി ലോക്സഭാ പ്രതിപക്ഷ നേതാവ് രാഹുൽ ഗാന്ധി. ബലാത്സംഗത്തിന് ഇരയായി കൊല്ലപ്പെട്ട ദലിത് പെണ്കുട്ടിയുടെ കുടുംബത്തെ സഹോദരി പ്രിയങ്കഗാന്ധിയോടൊപ്പം സന്ദർശിച്ചതിന് പിന്നാലെ സമൂഹമാധ്യമത്തിലാണ് രാഹുൽ ഗാന്ധി ഇക്കാര്യം വ്യക്തമാക്കിയത്.
നേരത്തെ വീട്ടുതടങ്കലിന് സമാനമായ അവസ്ഥയിലാണ് തങ്ങൾ കഴിയുന്നതെന്ന് ചൂണ്ടിക്കാട്ടി ഇരയുടെ കുടുംബം രാഹുൽ ഗാന്ധി, മുഖ്യമന്ത്രി യോഗി ആദിത്യനാഥ്, അഖിലേഷ് യാദവ് അടക്കമുള്ളവർക്ക് കത്തയച്ചിരുന്നു. ഇതേത്തുടർന്നാണ് രാഹുൽ വീണ്ടും കുടുംബത്തെ കാണാനായി വ്യാഴാഴ്ച ഹാഥറസിലെത്തിയത്. സുരക്ഷക്കായി വീടിന് പുറത്ത് വിന്യസിച്ച ഉദ്യോഗസ്ഥർ തങ്ങളെ എവിടെയും പോകാൻ അനുവദിക്കുന്നില്ലെന്ന് കുടുംബം പറഞ്ഞു. കുട്ടികൾക്ക് പഠിക്കാനോ ജോലി നേടാനോ സാധിക്കുന്നില്ല. നാല് വർഷം കഴിഞ്ഞിട്ടും നീതി ലഭിച്ചില്ലെന്നും അവർ തുടർന്നു. ഇരയുടെ കുടുംബത്തിന് നീതി ലഭ്യമാക്കുന്നതിനുപകരം സർക്കാർ അവരെ പലതരത്തിൽ പീഡിപ്പിക്കുകയാണ്. മറുവശത്ത്, പ്രതികൾ സ്വതന്ത്രമായി വിഹരിക്കുന്നു.
ഇരയുടെ കുടുംബം ഇപ്പോഴും അനുഭവിക്കുന്ന കാര്യങ്ങൾ ഞെട്ടലുളവാക്കുന്നതാണെന്ന് സന്ദർശനത്തിന് ശേഷം രാഹുൽ ഗാന്ധി എക്സിൽ കുറിച്ചു. രാഹുല് ഗാന്ധിയുടെ സന്ദര്ശനം കഴിഞ്ഞ് നാല് മണിക്കൂറിന് ശേഷമാണ് മാധ്യമപ്രവർത്തകരെ പെൺകുട്ടിയുടെ കുടുംബത്തെ കാണാൻ സുരക്ഷ ഉദ്യോഗസ്ഥർ അനുവദിച്ചത്. പ്രതിപക്ഷ നേതാവിന്റെ സന്ദർശനം ആശ്വാസം നൽകുന്നതാണെന്ന് കുടുംബം പ്രതികരിച്ചു.
പ്രിയങ്കയോടൊപ്പം രാഹുൽ 2020 ഒക്ടോബറിൽ കുടുംബത്തെ സന്ദര്ശിച്ചിരുന്നു. രാഹുല് ഗാന്ധി ഇപ്പോള് ഹാഥറസ് സന്ദര്ശിക്കുന്നത് പ്രശ്നങ്ങള് കൂടുതല് വഷളാക്കാൻ വേണ്ടിയാണെന്ന് യു.പി ന്യൂനപക്ഷ മന്ത്രി കുറ്റപ്പെടുത്തി. സന്ദർശനത്തിനെതിരെ യു.പി ഉപമുഖ്യമന്ത്രി ബ്രജേഷ് പഥക്കും രംഗത്തുവന്നു.
കലാപം ആളിക്കത്തിക്കാനും ജനങ്ങളെ പ്രകോപിപ്പിക്കാനുമാണ് രാഹുലിന്റെ ശ്രമമെന്നും സന്ദർശനം യു.പിയെ വീണ്ടും കുഴപ്പത്തിലാക്കുമെന്നും പഥക് ആരോപിച്ചു. ഹാഥറസ് കേസിൽ സി.ബി.ഐ അന്വേഷണം പൂർത്തിയാക്കി റിപ്പോർട്ട് സമർപ്പിച്ചതാണ്. ആ സംഭവം ഇപ്പോൾ കോടതിയുടെ പരിഗണനയിലാണ്. രാഹുൽ ഗാന്ധിയെ തെറ്റിദ്ധരിപ്പിച്ചിരിക്കുകയാണെന്നും പഥക് പറഞ്ഞു.
യു.പിയിലെ വികസനവും നിയമപരിപാലനവും മറ്റു സംസ്ഥാനങ്ങൾക്ക് മാതൃകയാവുന്ന രീതിയിലേക്ക് വളർന്നു കഴിഞ്ഞു. അതെല്ലാം തടസ്സപ്പെടുത്തുകയും സംസ്ഥാനത്തെ കലാപത്തിലേക്ക് തള്ളിവിടുകയുമാണ് രാഹുലിന്റെ ലക്ഷ്യം. അത്തരം പ്രവർത്തനങ്ങളിൽ നിന്ന് അകന്നു നിൽക്കണം. അനാവശ്യമായ പ്രകോപനങ്ങളാൽ രാജ്യം തളർന്നിരിക്കുകയാണെന്നും യു.പി ഉപമുഖ്യമന്ത്രി കൂട്ടിച്ചേർത്തു.
എന്നാൽ രാഹുലിന്റെ സന്ദർശനത്തെ പിന്തുണച്ച് കോൺഗ്രസ് രംഗത്തുവന്നു. ഇരകൾക്ക് നീതി തേടിക്കൊടുക്കുക എന്ന പ്രതിജ്ഞാബദ്ധയുടെ പുറത്താണ് രാഹുലിന്റെയും പ്രിയങ്കയുടെയും സന്ദർശനമെന്നും കോൺഗ്രസ് വ്യക്തമാക്കി. ജനങ്ങളുടെ നേതാക്കളാണ് രാഹുലും പ്രിയങ്കയും. എവിടെ അനീതിയുണ്ടായാലും അവിടെയൊക്കെ ഇരകൾക്കൊപ്പമാണ് രാഹുലും പ്രിയങ്കയും നിലകൊണ്ടത്. -കോൺഗ്രസ് ജില്ലാ പ്രസിഡൻറ് ചന്ദ്രഗുപ്ത വിക്രമാദിത്യ പറഞ്ഞു.
2020 സെപ്റ്റംബർ 14നാണ് ഹാഥറസിലെ ദലിത് പെൺകുട്ടി കൂട്ടബലാത്സംഗത്തിനിരയായത്. ഗുരുതരമായി പരിക്കേറ്റ പെൺകുട്ടി സെപ്റ്റംബർ 29ന് മരണപ്പെടുകയും ചെയ്തു. ഈ സംഭവത്തിനെതിരെ രാജ്യവ്യാപകമായ വലിയ രീതിയിൽ പ്രതിഷേധങ്ങൾ നടന്നിരുന്നു.
സി.ബി.ഐ അന്വേഷണത്തിൽ നാലുപേർക്കെതിരെ കുറ്റം ചുമത്തി. പ്രതികളിലൊരാളായ സന്ദീപിനെ എസ്.സി/എസ്.ടി നിയമപ്രകാരം പ്രത്യേക കോടതി ജീവപര്യന്തം തടവിന് ശിക്ഷിക്കുകും 50,000 രൂപ പിഴ ചുമത്തുകയും ചെയ്തു. അതോടൊപ്പം മറ്റ് മൂന്ന് പ്രതികളെയും കോടതി കുറ്റവിമുക്തരാക്കുകയും ചെയ്തു. പ്രതികളെ വെറുതെ വിട്ട കോടതി വിധിക്കെതിരെ പെൺകുട്ടിയുടെ കുടുംബം ഹൈകോടതിയെ സമീപിച്ചു. ഗ്രാമത്തിന് പുറത്ത് താമസ സൗകര്യം നൽകണമെന്നും കുടുംബത്തിലെ ഒരാൾക്ക് സർക്കാർ ജോലി വേണമെന്നും ആവശ്യപ്പെട്ടിട്ടും സർക്കാർ ഇതുവരെ അതൊന്നും ചെവിക്കൊണ്ടിട്ടില്ല.
india
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം. റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു. വടക്കേ ഇന്ത്യയില് ന്യൂനപക്ഷ വിഭാഗങ്ങള്ക്ക് നേരെയുള്ള ഹിന്ദുത്വവാദികളുടെ അതിക്രമങ്ങള് ദിനേന വര്ധിച്ചുവരികയാണ്. ക്രിസ്ത്യാനികള് ഒറ്റുകാരാണെന്നും അവരുടെ പുസ്തകങ്ങള് വൃത്തിക്കെട്ടതാണെന്നും വിശ്വാസത്തെ തള്ളിപ്പറയാനും നിര്ബന്ധിക്കുന്ന വിഡിയോ സോഷ്യല് മീഡിയയില് വ്യാപകമായി പ്രചരിക്കുന്നു.
‘ജയ് ശ്രീറാം’, ‘ഭാരത് മാതാ കീ ജയ്’ എന്ന് ആക്രോശിച്ച് വിശ്വാസികളെ കൊണ്ടുതന്നെയാണ് പെട്രോള് ഒഴിച്ച് ബൈബിളും ഖുര്ആനും കത്തിക്കാന് നിര്ബന്ധിച്ചത്. വിശ്വാസികള് പ്രാര്ഥിക്കുന്ന ഇടങ്ങള് ആക്രമിക്കുകയും അതിക്രമ വാര്ത്തകളുടെ ദൃശ്യങ്ങള് സോഷ്യല് മീഡിയയില് പ്രചരിപ്പിക്കുകയും ചെയ്യുന്നു.
india
ജമ്മു കശ്മീരില് ക്രിസ്ത്യന് മിഷനറി സംഘത്തിന് നേരെ ബിജെപി നേതാവ് അടക്കമുള്ള ഹിന്ദുത്വവാദികളുടെ ആക്രമണം
കത്വയില് ക്രൈസ്തവ കുടുംബത്തിനൊപ്പം പ്രാര്ഥന നടത്തവെ ആയിരുന്നു ആക്രമണം.
ജമ്മു കശ്മീരില് തമിഴ്നാട്ടില് നിന്നുള്ള ക്രിസ്ത്യന് മിഷനറി സംഘത്തിന് നേരെ ഹിന്ദുത്വവാദികളുടെ ആക്രമണം. മതപരിവര്ത്തനം ആരോപിച്ചായിരുന്നു ആക്രമണമുണ്ടായത്. കത്വയില് ക്രൈസ്തവ കുടുംബത്തിനൊപ്പം പ്രാര്ഥന നടത്തവെ ആയിരുന്നു ആക്രമണം. പൊലീസ് തടയാന് ശ്രമിച്ചില്ലെന്നും നോക്കിനിന്നെന്നും മര്ദനമേറ്റവര് ആരോപിച്ചു. ആക്രമണത്തില് സ്ത്രീയടക്കം നാല് പേര്ക്ക് പരിക്കേറ്റു.
ഒക്ടോബര് 23ന് നടന്ന സംഭവം ഇപ്പോഴാണ് പുറത്തുവരുന്നത്. ഒരു കൂട്ടം ആളുകള് നിങ്ങളെ ആക്രമിക്കാന് പദ്ധതിയിടുന്നതായി മിഷനറി സംഘത്തെ എട്ട് പൊലീസ് ഉദ്യോഗസ്ഥരെത്തി അറിയിച്ചു. ഉടന് സ്ഥലംവിടാന് ആവശ്യപ്പെടുകയും ഗ്രാമത്തില് നിന്ന് സുരക്ഷിതമായി പുറത്തുകടക്കാന് സംരക്ഷണം നല്കാമെന്ന് പറയുകയും ചെയ്തു.
ഇവിടെനിന്ന് പുറപ്പെട്ട മിഷനറി സംഘത്തിന്റെ വാഹനത്തെ 500 മീറ്റര് ദൂരം പൊലീസ് സംഘം അനുഗമിച്ചു. എന്നാല് ഹിന്ദുത്വ അക്രമികള് ഇരുമ്പ് വടികളും മരക്കഷണങ്ങളുമായി ചാടിവീഴുകയും വാഹനം തടയുകയും ചെയ്തു. മിനി ബസിന്റെ വാതില് തുറക്കാനാവശ്യപ്പെട്ട അക്രമികള്, വാഹനത്തിലുണ്ടായിരുന്നവരെ അടിക്കാനും ഭീഷണിപ്പെടുത്താനും തുടങ്ങി. വാഹനത്തിന്റെ ബസിന്റെ വിന്ഡ്ഷീല്ഡും വിന്ഡോകളും തകര്ത്ത അക്രമികള് മിഷനറി സംഘത്തിനു നേരെ അസഭ്യം ചൊരിയുകയും ചെയ്തു. പ്രദേശത്തെ ഹിന്ദുക്കളെ ക്രിസ്തുമതത്തിലേക്ക് പരിവര്ത്തനം ചെയ്യാന് മിഷനറി സംഘം ശ്രമിച്ചെന്നാരോപിച്ചായിരുന്നു ആക്രമണം.
പൊലീസുകാരില് ഒരാള് മാത്രമാണ് അതിക്രമത്തിനെതിരെ ഇടപെട്ടതെന്ന് മിഷനറി സംഘം പറഞ്ഞു. മറ്റുള്ളവര് ഒന്നും ചെയ്യാതെ നോക്കിനിന്നെന്നും അക്രമിസംഘത്തെ സഹായിക്കുന്ന രീതിയിലായിരുന്നു പൊലീസുകാരുടെ പെരുമാറ്റമെന്നും അവര് ആരോപിച്ചു.
അക്രമികള്ക്കെതിരെ പരാതി നല്കാന് പൊലീസ് ഇരകളോട് ആവശ്യപ്പെട്ടു. അടുത്ത ദിവസം, കൃത്യനിര്വഹണത്തിലെ വീഴ്ചയ്ക്ക് എട്ട് ഉദ്യോഗസ്ഥരെ സസ്പെന്ഡ് ചെയ്യുകയും രവീന്ദ്ര സിങ് തേല, രോഹിത് ശര്മ എന്നീ രണ്ട് പ്രധാന അക്രമികളെ അറസ്റ്റ് ചെയ്യുകയും ചെയ്തു. ഇരുവരെയും പിന്നീട് ജാമ്യത്തില് വിട്ടു.
ഗോരക്ഷാ സംഘാം?ഗമായ പ്രാദേശിക ബിജെപി നേതാവാണ് തേല. പ്രദേശത്തെ പ്രതിഷേധങ്ങള് റിപ്പോര്ട്ട് ചെയ്യുന്നതിനിടെ ഒരു മാധ്യമപ്രവര്ത്തകനെ ആക്രമിച്ച സംഭവമുള്പ്പെടെ നിരവധി കേസുകളും ഇയാള്ക്കെതിരെയുണ്ട്. ഒരു ദിവസം കസ്റ്റഡിയിലായിരുന്ന പ്രതികള്ക്കെതിരെ തെളിവില്ലെന്ന് പറഞ്ഞ് അടുത്തദിവസം തന്നെ ജഡ്ജി ജാമ്യം നല്കുകയായിരുന്നു.
അതേസമയം, ജാമ്യം ലഭിച്ചതിനു പിന്നാലെ ഇരകള്ക്കെതിരെ അക്രമിസംഘവും പരാതി നല്കി. ഭക്ഷണവും പണവും നല്കി ഹിന്ദു ഗ്രാമീണരെ ക്രിസ്തുമതം സ്വീകരിക്കാന് പ്രലോഭിപ്പിച്ചെന്നാരോപിച്ചാണ് ഹിന്ദുത്വ സംഘം പരാതി നല്കിയത്.
india
ബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
ബിഹാര് നിയമസഭാ തിരഞ്ഞെടുപ്പില് ദേശീയ ജനാധിപത്യ സഖ്യം (എന്ഡിഎ) 243 സീറ്റുകളില് 202 എണ്ണം നേടി വന് വിജയം നേടിയെങ്കിലും, പോസ്റ്റല് വോട്ടുകളുടെ ഫലം തികച്ചും വിപരീതമായിരുന്നു. തേജസ്വി യാദവ് നയിക്കുന്ന മഹാഗഠ്ബന്ധന് (എംജിബി) 142 മണ്ഡലങ്ങളില് പോസ്റ്റല് വോട്ടുകളില് മുന്നിലായിരുന്നു, എന്ഡിഎ 98 മണ്ഡലങ്ങളില് മാത്രമാണ് മുന്തൂക്കം നേടിയത്. ഈ വൈരുദ്ധ്യം തിരഞ്ഞെടുപ്പ് പ്രക്രിയയിലെ അനിഷ്ട സംഭവങ്ങള്ക്ക് സൂചനയാണോ എന്ന ചോദ്യമുയര്തുന്നതായി ദേശീയ മാധ്യമങ്ങള് റിപ്പോര്ട്ട് ചെയ്തു.
പ്രതിപക്ഷ നേതാവ് രാഹുല് ഗാന്ധി ഹരിയാന തിരഞ്ഞെടുപ്പ് ഫലത്തിലെ അട്ടിമറി ചൂണ്ടിക്കാട്ടി പ്രസ് കോണ്ഫറന്സില് പോസ്റ്റല് വോട്ടുകളുടെ ഉദാഹരണം നല്കിയിരുന്നു. ഹരിയാനയില് കോണ്ഗ്രസ് 73 മണ്ഡലങ്ങളില് പോസ്റ്റല് വോട്ടുകളില് മുന്നിലായിരുന്നെങ്കിലും, മൊത്തം ഫലത്തില് 37 സീറ്റുകള് മാത്രം നേടി; ബിജെപി 17 മണ്ഡലങ്ങളില് മാത്രം പോസ്റ്റല് മുന്തൂക്കം നേടിയെങ്കിലും 48 സീറ്റുകള് കരസ്ഥമാക്കി. ബിഹാറിലെ ഈ ഡാറ്റ ഹരിയാനയുമായി താരതമ്യം ചെയ്യുമ്പോള് പ്രസക്തമാണ്.
ബിഹാറിലെ ഡാറ്റ പരിശോധിച്ചാല്, എന്ഡിഎ ഇവിഎം വോട്ടുകളില് മുന്നിലായ 110 മണ്ഡലങ്ങളില് എംജിബി പോസ്റ്റല് വോട്ടുകളില് മുന്തൂക്കം നേടി. ഉദാഹരണമായി, ജെഡി(യു) 25,000-ത്തിലധികം വോട്ടുകള്ക്ക് വിജയിച്ച ലൗകാഹ മണ്ഡലത്തില് ആര്ജെഡി 664 പോസ്റ്റല് വോട്ടുകള് നേടിയപ്പോള് ജെഡി(യു)ക്ക് 346 മാത്രമായിരുന്നു. മറുവശത്ത്, എംജിബി ഇവിഎം മുന്തൂക്കം നേടിയെങ്കിലും പോസ്റ്റല് വോട്ടുകളില് പിന്നിലായ മണ്ഡലങ്ങള് വെറും 7 മാത്രം.
പോസ്റ്റല് വോട്ടുകള് ആരാണ് ചെയ്യുന്നത്?
പ്രധാനമായും സൈന്യം, പാരാമിലിട്ടറി ഉദ്യോഗസ്ഥര്, തിരഞ്ഞെടുപ്പ് ഡ്യൂട്ടിയിലുള്ള സര്ക്കാര് ഉദ്യോഗസ്ഥര്, പൊലീസ് എന്നിവരാണ്. 85 വയസ്സിന് മുകളിലുള്ളവര്, വികലാംഗര്, അടിയന്തര സേവനങ്ങളിലുള്ളവര് (ഫയര്, ആരോഗ്യം, വൈദ്യുതി മുതലായവ), മാധ്യമപ്രവര്ത്തകര് എന്നിവര്ക്കും പോസ്റ്റല് വോട്ടിങ് അവകാശമുണ്ട്.
കോവിഡ് കാലത്ത് ചില വിഭാഗങ്ങള്ക്ക് കൂടി ഇത് വ്യാപിപ്പിച്ചു.
പോസ്റ്റല് വോട്ടുകള് സാധാരണയായി സര്ക്കാര് ജീവനക്കാരുടെയും സൈനികരുടെയും മനോഭാവത്തെ പ്രതിഫലിപ്പിക്കുന്നു.
-
GULF11 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം
-
Video Stories23 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു