Connect with us

gulf

യുഎഇയില്‍ 883 പേര്‍ക്കു കൂടി കോവിഡ്; രണ്ടു മരണം

യുഎഇയില്‍ ബുധനാഴ്ച 883 പേര്‍ക്ക് കോവിഡ് 19 സ്ഥിരീകരിച്ചു. 416 പേര്‍ രോഗമുക്തരായതായും രണ്ടു പേര്‍ മരണത്തിന് കീഴടങ്ങിയെന്നും രോഗപ്രതിരോധ മന്ത്രാലയം വ്യക്തമാക്കി

Published

on

 

ദുബായ്: യുഎഇയില്‍ ബുധനാഴ്ച 883 പേര്‍ക്ക് കോവിഡ് 19 സ്ഥിരീകരിച്ചു. 416 പേര്‍ രോഗമുക്തരായതായും രണ്ടു പേര്‍ മരണത്തിന് കീഴടങ്ങിയെന്നും രോഗപ്രതിരോധ മന്ത്രാലയം വ്യക്തമാക്കി. ഇതോടെ രാജ്യത്തെ മൊത്തം മരണം 393 ആയി ഉയര്‍ന്നു. 8229 പേരാണ് ഇപ്പോള്‍ കോവിഡ് ബാധിച്ച് ചികിത്സയില്‍ ഉള്ളത്.
75,981 പേരാണ് രാജ്യത്ത് ഇതുവരെ രോഗബാധിതരായവര്‍. ഇതില്‍ 67359 പേര്‍ക്ക് രോഗമുക്തി കൈവന്നു. 24 മണിക്കൂറിനിടെ 85,000 പേര്‍ക്ക് കോവിഡ് പരിശോധന നടത്തിയതായും മന്ത്രാലയം അറിയിച്ചു. ഇതുവരെ 7.7 ദശലക്ഷം പേര്‍ക്കാണ് രാജ്യത്ത് കോവിഡ് പരിശോധന നടത്തിയത്.
രാജ്യത്ത് ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്ത ദിനങ്ങളിലൊന്നാണ് ഇന്ന്. മെയ് 27നാണ് ഇതിനു മുമ്പ് 883 കേസുകള്‍ റിപ്പോര്‍ട്ട് ചെയ്തത്. മെയ് 21ന് 894 ഉം മെയ് 20ന് 941 ഉം മെയ് 22ന് 994 ഉം കേസുകള്‍ റിപ്പോര്‍ട്ട് ചെയ്തു.
77 ലക്ഷം കോവിഡ് പരിശോധനയില്‍ ഇതുവരെ 75098 പേര്‍ക്കു മാ്ത്രമാണ് രോഗം സ്ഥിരീകരിച്ചത്. അതായത് പരിശോധന നടത്തിയതില്‍ 1% പേര്‍ക്കു മാത്രമാണ് കോവിഡ്. കോവിഡ് സ്ഥിരീകരിച്ച മുക്കാല്‍ ലക്ഷത്തിലേറെ പേരില്‍ 90%വും രോഗമുക്തി നേടി ആശുപത്രി വിട്ടവരാണ്. മരണ നിരക്ക് 0.5%ല്‍ മാത്രം.
അതിനിടെ, പകര്‍ച്ച വ്യാധിയില്‍ നിന്ന് ജനങ്ങളെ രക്ഷിക്കുന്നതിന്റെ ഭാഗമായി ദേശീയ വാക്‌സിനേഷന്‍ നയത്തിനും കഴിഞ്ഞ ദിവസം യുഎഇ മന്ത്രിസഭ രൂപം നല്‍കിയിരുന്നു. നിലവാരം ഉറപ്പുവരുത്തി കോവിഡ് വാക്‌സിന്‍ ലഭ്യമാക്കാനും പദ്ധതിയുണ്ട്. രാജ്യത്ത് കോവിഡ് വാക്‌സിന്റെ പരീക്ഷണം മൂന്നാംഘട്ടത്തിലാണ്.

 

gulf

അബുദാബിയില്‍ പ്രാദേശിക ഉത്പന്നങ്ങള്‍ സംഭരിക്കാന്‍ ലുലു ഗ്രൂപ്പ്

പ്രകൃതി സഹൃദ പാക്കിങ് വ്യാപകമാക്കും.

Published

on

അബുദാബി: അബുദാബിയില്‍ നിന്നുള്ള കാര്‍ഷിക ഉല്‍പ്പന്നങ്ങള്‍ കൂടുതലായി സംഭരിക്കാന്‍ പ്രമുഖ യു എ ഇ സ്ഥാപനമായ സിലാലുമായി ലുലു ഗ്രൂപ്പ് ധാരണ പാത്രത്തില്‍ ഒപ്പ് വെച്ചു.

ഇതനുസരിച്ചു പ്രാദേശിക കാര്‍ഷികോത്പ്പന്നങ്ങള്‍ കൂടുതലായി സംഭരിച്ച് ലുലു ഹൈപ്പര്‍മാര്‍ക്കറ്റുകളില്‍ ലഭ്യമാക്കുന്നതോടൊപ്പം പ്രകൃതി സഹൃദ പാക്കിങ് വ്യാപകമാക്കുകയും ചെയ്യും.

അബുദാബി അന്താരാഷ്ട്ര ഭക്ഷ്യമേളയില്‍ നടന്ന ചടങ്ങില്‍ യു എ ഇ കാലാവസ്ഥ വ്യതിയാന പരിസ്ഥിതി വകുപ്പ് മന്ത്രി മറിയം അല്‍ മെഹെരി, എം എ യൂസഫലി എന്നിവരുടെ സാന്നിധ്യത്തില്‍
സിലാല്‍ ചീഫ് എക്‌സിക്യൂട്ടീവ് ഓഫിസര്‍ സല്‍മീന്‍ ഉബൈദ് അല്‍ അമെരി, ലുലു ഗ്രൂപ്പ് ഡയറക്ടര്‍ എം എ സലിം എന്നിവരാണ് ധാരണാപത്രത്തില്‍ ഒപ്പ് വെച്ചത്.

ലുലു ബ്രാന്‍ഡ് ഉല്‍പ്പന്നങ്ങള്‍ പുറത്തിറക്കി

ലുലു ബ്രാന്‍ഡിലുള്ള വിവിധ ഭക്ഷ്യ ഉല്‍പ്പന്നങ്ങള്‍ ഇതോടനുബന്ധിച്ച് പുറത്തിറക്കി. ലുലു ബ്രാന്‍ഡിലുള്ള പുതിയ ഉല്‍പ്പന്നമായ ലുലു നെയ്യ് ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ മന്ത്രി മറിയം അല്‍ മെഹെരി, എം എ യൂസഫലിയുടെ എന്നിവരുടെ സാന്നിധ്യത്തില്‍ വിപണിയിലിറക്കി.

Continue Reading

gulf

അബുദാബി അന്താരാഷ്ട ഭക്ഷ്യമേള ആരംഭിച്ചു

യു എ ഇ ഉപപ്രധാനമന്ത്രിയും പ്രസിഡന്‍ഷ്യല്‍ കാര്യ മന്ത്രിയും അബുദാബി കാര്‍ഷിക ഭക്ഷ്യ സുരക്ഷാ അതോറിട്ടി ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്റെ രക്ഷാകര്‍തൃത്വത്തിലാണ് മൂന്ന് ദിവസത്തെ മേള നടക്കുന്നത്

Published

on

അബുദാബി: അബുദാബി അന്താരാഷ്ട്ര ഭക്ഷ്യമേളക്ക് അബുദാബി എക്‌സിബിഷന്‍ സെന്ററില്‍ തുടക്കമായി. യു എ ഇ സഹിഷ്ണത വകുപ്പ് മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ മേളയുടെ ഔദ്യോഗിക ഉദ്ഘാടനം നിര്‍വ്വഹിച്ചു.

യു എ ഇ കാലാവസ്ഥ വ്യതിയാന പരിസ്ഥിതി വകുപ്പ് മന്ത്രി മറിയം അല്‍ മെഹെരി, അബുദാബി ചേംബര്‍ വൈസ് ചെയര്‍മാനും ലുലു ഗ്രൂപ്പ് ചെയര്‍മാനുമായ എം എ യൂസഫലി എന്നിവരും സംബന്ധിച്ചു.

യു എ ഇ ഉപപ്രധാനമന്ത്രിയും പ്രസിഡന്‍ഷ്യല്‍ കാര്യ മന്ത്രിയും അബുദാബി കാര്‍ഷിക ഭക്ഷ്യ സുരക്ഷാ അതോറിട്ടി ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്റെ രക്ഷാകര്‍തൃത്വത്തിലാണ് മൂന്ന് ദിവസത്തെ മേള നടക്കുന്നത്.

വിവിധ രാജ്യങ്ങളില്‍ നിന്നും ഭക്ഷ്യ രംഗത്ത് പ്രവര്‍ത്തിക്കുന്ന സ്ഥാപനങ്ങളുടെ പവിലിയനുകളും മേളയിലുണ്ട്. മേളയോടൊപ്പം എട്ടാമത് അബുദാബി ഡേറ്റ്‌സ് ഫെസ്റ്റിവലും നടത്തുന്നുണ്ട്.

Continue Reading

gulf

കെ.യു കബീര്‍ ഹാജി സ്മാരക പ്രഥമ പുരസ്‌കാരം മുഹമ്മദ് ഫൈസി ഓണമ്പിള്ളിക്ക്

ഷാര്‍ജയില്‍ നടന്ന ചടങ്ങില്‍ ലുലു ഗ്രൂപ്പ് മാനേജിംഗ് ഡയറക്ടറൂം ചെയര്‍മാനുമായ എം.എ യൂസഫലി സമ്മാനിച്ചു.

Published

on

പ്രബോധന മേഖലയിലെ മികവാര്‍ന്ന പ്രവര്‍ത്തനങ്ങള്‍ക്ക് യു എ ഇ നാട്ടിക മഹല്ല് വെല്‍ഫയര്‍ കമ്മിറ്റി ഏര്‍പ്പെടുത്തിയ
കെ.യു കബീര്‍ ഹാജി സ്മാരക പ്രഥമ പുരസ്‌കാരം പ്രമുഖ പ്രഭാഷകനും പണ്ഡിതനുമായ മുഹമ്മദ് ഫൈസി ഓണമ്പിള്ളിക്ക്
ഷാര്‍ജയില്‍ നടന്ന ചടങ്ങില്‍ ലുലു ഗ്രൂപ്പ് മാനേജിംഗ് ഡയറക്ടറൂം ചെയര്‍മാനുമായ എം.എ യൂസഫലി സമ്മാനിച്ചു.

ടി എന്‍ പ്രതാപന്‍ എംപി,പ്രമുഖ പ്രഭാഷകനും എഴുത്തുകാരനുമായ പി എം എ ഗഫൂര്‍,സി.എ.മുഹമ്മദ് റഷീദ്
തുടങ്ങിയവരും ചടങ്ങില്‍ സംബന്ധിച്ചു.

Continue Reading

Trending