Connect with us

Video Stories

മരണക്കെണിയൊരുക്കി യു.എസ്: പാളിയത് 634 വധശ്രമങ്ങള്‍

Published

on

വാഷിങ്ടണ്‍: അമേരിക്കന്‍ സാമ്രാജ്യത്വത്തിനെതിരെ പോരാടി നെഞ്ചൂക്കോടെ നിന്ന എണ്ണപ്പെട്ട കുറച്ചുപേര്‍ മാത്രമേ ഇരുപതാം നൂറ്റാണ്ടിന്റെ ചരിത്രത്തിലുണ്ടാവൂ. ക്യൂബന്‍ വിപ്ലവസൂര്യന്‍ ഫിദല്‍ കാസ്‌ട്രോയാണ് അതില്‍ പ്രമുഖന്‍. യു.എസ് പിന്തുണയുള്ള ഒരു ഭരണകൂടത്തെ അട്ടിമറിച്ച് അധികാരത്തിലെത്തിയ ഒറ്റയാള്‍ പോരാളി.

ഇറാഖ് പ്രസിഡന്റ് സദ്ദാം ഹുസൈനും ലിബിയന്‍ ഭരണാധികാരി കേണല്‍ മുഅമ്മര്‍ ഖദ്ദാഫിയുമടക്കം നിരവധി നേതാക്കള്‍ അമേരിക്കയുടെ ചതിക്കുഴികളില്‍ വീണ് സ്വയം എരിഞ്ഞുതീര്‍ന്നപ്പോള്‍ കാസ്‌ട്രോ മാത്രം വീറോടെ നിന്നു. അമേരിക്കയെ വെല്ലുവിളിച്ച് കയ്പുനീര് കുടിക്കാത്തവരായി അധികം പേരില്ല. പലര്‍ക്കും മരണമായിരുന്നു വിധി. എന്നാല്‍ കാസ്‌ട്രോയും അദ്ദേഹത്തിനു കീഴില്‍ ക്യൂബയും പാറ പോലെ ഉറച്ചുനിന്നു. ഉറക്കമില്ലാത്ത രാത്രികളാണ് അധികാരം കാസ്‌ട്രോക്ക് സമ്മാനിച്ചത്. 1959 മുതല്‍ അദ്ദേഹം ജാഗ്രതയോടെ നിന്നു. ഒളിഞ്ഞും തെളിഞ്ഞും ശത്രുക്കള്‍ ചുറ്റുമുണ്ടായിരുന്നു. ക്യൂബയില്‍ കാസ്‌ട്രോയുടെ ഭരണകൂടത്തെ അട്ടിമറിക്കാന്‍ അമേരിക്ക ഒട്ടേറെ ശ്രമങ്ങള്‍ നടത്തി. എല്ലാം പരാജയപ്പെട്ടു. 10 യു.എസ് പ്രസിഡന്റുമാര്‍ക്ക് അദ്ദേഹത്തോട് പൊരുതി പിന്മാറേണ്ടിവന്നു.

അമേരിക്കന്‍ ചാരസംഘടനയായ സി.ഐ.എ കാസ്‌ട്രോയെ വധിക്കാന്‍ 643 തവണ ശ്രമിച്ചിട്ടുണ്ടെന്ന് ഔദ്യോഗിക രേഖകള്‍ സാക്ഷ്യപ്പെടുത്തുന്നു. ഒരുതവണ പോലും യു.എസ് ചാരന്മാര്‍ക്ക് അദ്ദേഹത്തെ ചതിയില്‍ വീഴ്ത്താന്‍ കഴിഞ്ഞില്ല.

ഒമ്പത് യു.എസ് പ്രസിഡന്റുമാര്‍ കാസ്‌ട്രോടെ വിധിക്കാന്‍ പദ്ധതിയിട്ടിരുന്നു. കാസ്‌ട്രോ അധികാരത്തിലെത്തി രണ്ടാം വര്‍ഷം തന്നെ അദ്ദേഹത്തെ വധിക്കാന്‍ സി.ഐ.എ രണ്ട് അധോലോക നായകന്മാരെ ഏര്‍പ്പാടാക്കിയിരുന്നുവെന്നാണ് വിവരം. സി.ഐ.എ തന്നെ പുറത്തുവിട്ട രേഖകളിലാണ് ഇതേക്കുറിച്ച് പറയുന്നത്. 1960ലായിരുന്നു അത്്. കാസ്‌ട്രോയുടെ ഭക്ഷണത്തില്‍ ചേര്‍ക്കാനുള്ള വിഷഗുളികകള്‍ അദ്ദേഹം അവരെ ഏല്‍പ്പിച്ചെങ്കിലും പദ്ധതി പരാജയപ്പെടുകയായിരുന്നു. മിയാമിയും ഫ്‌ളോറിഡയും കേന്ദ്രീകരിച്ച് അനേകം വധഗൂഢാലോചനകള്‍ നടന്നു. കോടികക്കണക്കിന് ഡോളര്‍ അതിനുവേണ്ടി യു.എസ് ഒഴുക്കി. കാസ്‌ട്രോയുടെ ജാഗ്രത ഒന്നുകൊണ്ട് മാത്രമാണ് അവയല്ലാം പരാജയപ്പെട്ടതെന്ന് പൊളിറ്റിക്കല്‍ ആക്ടിവിസ്റ്റായ ഫാബിയന്‍ എക്‌സലാന്തെ എഴുതിയ പുസ്തകത്തില്‍ പറയുന്നു. അമേരിക്കയുടെ വാള്‍ തലക്കു മുകളിലുണ്ടെന്ന് ബോധ്യമുണ്ടായിട്ടും ന്യൂയോര്‍ക്കില്‍ പോകാനും ഐക്യരാഷ്ട്രസഭയെ അഭിസംബോധന ചെയ്ത് സംസാരിക്കാനും അദ്ദേഹം തയാറായി. സി.ഐ.എയുടെ കേണല്‍ കിങ് രണ്ട് പ്രമുഖരുമായി ചേര്‍ന്ന് നടത്തിയ വധശ്രത്തില്‍നിന്ന് തലനാരിഴക്കാണ് കാസ്‌ട്രോ രക്ഷപ്പെട്ടത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending