kerala
സ്വപ്‌നയ്‌ക്കൊപ്പം ശിവശങ്കര്‍ ഗള്‍ഫില്‍ കറങ്ങിയത് ഔദ്യോഗിക യാത്രയെന്ന പേരില്‍; യാത്രാ രേഖകള്‍ പുറത്ത്
സംസ്ഥാന സര്‍ക്കാറിന്റെ അനുമതിയോടെ നടത്തിയ ഔദ്യോഗിക യാത്രകളാണ് ഇതെന്നാണ് രേഖകള്‍ പറയുന്നത്
തിരുവനന്തപുരം: സ്വര്‍ണക്കടത്ത് കേസിലെ പ്രതി സ്വപ്‌ന സുരേഷിന് ഒപ്പം യു.എ.ഇയിലും ഒമാനിലും ശിവശങ്കര്‍ നടത്തിയ യാത്രകളുടെ രേഖകള്‍ പുറത്ത്. സംസ്ഥാന സര്‍ക്കാറിന്റെ അനുമതിയോടെ നടത്തിയ ഔദ്യോഗിക യാത്രകളാണ് ഇതെന്നാണ് രേഖകള്‍ പറയുന്നത്. 2017 ഏപ്രിലില്‍ സ്മാര്‍ട് സിറ്റി പദ്ധതിക്കായും 2018 ഏപ്രിലില്‍ നിക്ഷേപക സംഗമത്തില്‍ പങ്കെടുക്കാനുമാണ് സര്‍ക്കാര്‍ അനുമതി നല്‍കിയത്.
ഈ രണ്ട് യാത്രയും ദുബായിലേക്കായിരുന്നു. ഈ യാത്രയില്‍ സ്വപ്‌ന കൂടെ ഉണ്ടായിരുന്നതായി എന്‍ഫോഴ്‌സ്‌മെന്റ് ഡയറക്ടറേറ്റ് പറയുന്നു. 2017 ഏപ്രില്‍ 10 മുതല്‍ 13 വരെ ആയിരുന്നു ആദ്യ സന്ദര്‍ശനം. ഏപ്രില്‍ മൂന്നിനാണ് യാത്രയ്ക്ക് സംസ്ഥാന സര്‍ക്കാര്‍ അനുമതി നല്‍കിയത്. 2018ല്‍ ഏപ്രില്‍ ഒമ്പത് മുതല്‍ 11 വരെ ആയിരുന്നു യാത്ര. ദുബൈയിലെ നിക്ഷേപ സംഗത്തില്‍ ശിവശങ്കറിന് പുറമേ, ജിഎഡി പ്രിന്‍സിപ്പല്‍ സെക്രട്ടരി ബിശ്വനാഥ് സിന്‍ഹയും പങ്കെടുത്തിരുന്നു.
ഏപ്രില്‍ 12 മുതല്‍ 15 വരെയായിരുന്നു ഒമാന്‍ സന്ദര്‍ശനം. ഒമാന്‍ യാത്രയ്ക്കിടെ സ്വപ്‌ന അവിടെ എത്തി ശിവശങ്കറിനെ കാണുകയായിരുന്നു. രണ്ടു പേരും ഒന്നിച്ചായിരുന്നു മടക്കം. വിഷയത്തില്‍ എന്‍ഫോഴ്‌സ്‌മെന്റ് വീണ്ടും ശിവശങ്കറിനെ ചോദ്യം ചെയ്യും.
kerala
പാലക്കാട് യുവാവിനെ വീട്ടില്‍ കയറി കൊലപ്പെടുത്തി
പ്രതി മൂങ്കില്‍മട സ്വദേശി ആറുച്ചാമിയെ പൊലീസ് പിടികൂടി.
പാലക്കാട്: പാലക്കാട് കൊഴിഞ്ഞാമ്പാറയില്‍ യുവാവിനെ വീട്ടില്‍ കയറി കൊലപ്പെടുത്തി. കരംപ്പൊറ്റ സ്വദേശി സന്തോഷാണ് കൊല്ലപ്പെട്ടത്. പ്രതി മൂങ്കില്‍മട സ്വദേശി ആറുച്ചാമിയെ പൊലീസ് പിടികൂടി.
ഇന്നലെ രാത്രിയായിരുന്നു സംഭവം. കൊലപാതകത്തിനുശേഷം രക്ഷപ്പെട്ട പ്രതിയെ അര്‍ധരാത്രിയോടെയാണ് പിടികൂടിയത്. മുന്‍ വൈരാഗ്യമാണ് കൊലപാതകത്തിന് കാരണം എന്നാണ് പൊലീസ് നിഗമനം.
kerala
സംസ്ഥാനത്ത് ഇടത്തരം മഴ തുടരാന്‍ സാധ്യത
മലയോര മേഖലകളില്‍ ഒറ്റപ്പെട്ട ശക്തമായ മഴയ്ക്കും സാധ്യതയുണ്ട്.
സംസ്ഥാനത്ത് ഇടത്തരം മഴ തുടരാന്‍ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മലയോര മേഖലകളില്‍ ഒറ്റപ്പെട്ട ശക്തമായ മഴയ്ക്കും സാധ്യതയുണ്ട്. എന്നാല്‍ ഒരു ജില്ലയിലും പ്രത്യേക മഴ മുന്നറിയിപ്പ് നല്‍കിയിട്ടില്ല.
ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല്‍ കര്‍ണാടക തീരത്ത് മത്സ്യബന്ധനത്തിന് വിലക്കേര്‍പ്പെടുത്തി.കേരള ലക്ഷദ്വീപ് തീരങ്ങളില്‍ ഇന്ന്, മത്സ്യബന്ധനത്തിന് തടസ്സമില്ല എന്നും കേന്ദ്ര കാലാവസ്ഥ വകുപ്പ് അറിയിച്ചു.
രാവിലെ കോഴിക്കോട്, വയനാട്, കണ്ണൂര്‍, കാസറഗോഡ് ജില്ലകളില്‍ ഒറ്റപ്പെട്ടയിടങ്ങളില്‍ നേരിയ മഴയ്ക്കും മണിക്കൂറില്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
kerala
ആശാവര്‍ക്കേസിന്റെ സമരം അടുത്ത ഘട്ടത്തിലേക്ക്; എന്‍.എച്ച്.എം ഓഫീസിലേക്ക് മാര്‍ച്ച്
ഇന്ന് ആശ ഹെല്‍ത്ത് വര്‍ക്കേഴ്സ് അസോസിയേഷന്‍ എന്‍. എച്ച്.എം. ഓഫീസ് മാര്‍ച്ച് സംഘടിപ്പിക്കും.
ആശാവര്‍ക്കേസിന്റെ സെക്രട്ടറിയേറ്റ് പടിക്കലെ സമരം അടുത്തഘട്ടത്തിലേക്ക്. ഇന്ന് ആശ ഹെല്‍ത്ത് വര്‍ക്കേഴ്സ് അസോസിയേഷന്‍ എന്‍. എച്ച്.എം. ഓഫീസ് മാര്‍ച്ച് സംഘടിപ്പിക്കും. ഓണറേറിയം വര്‍ദ്ധിപ്പിക്കുക, കേന്ദ്രസര്‍ക്കാര്‍ പ്രഖ്യാപിച്ച ഇന്‍സന്റീവും മറ്റ് ആനുകൂല്യങ്ങളും ഉടനടി ലഭ്യമാക്കുക, വിരമിക്കല്‍ ആനുകൂല്യമായി 5 ലക്ഷം രൂപ പ്രഖ്യാപിക്കുക, ഉത്സവ ബത്ത 10,000 രൂപ നല്‍കുക തുടങ്ങിയവയാണ് മുന്നോട്ട് വയ്ക്കുന്ന ആവശ്യങ്ങള്‍.
മാര്‍ച്ച് നടത്തുമെന്ന് ചൂണ്ടിക്കാട്ടി നേരത്തെ നോട്ടീസ് നല്‍കിയിട്ടും എന്‍ എച്ച് എം സംസ്ഥാനത്തുടനീളം ആശ മാര്‍ക്ക് പരിശീലന പരിപാടികള്‍ വെച്ചത് പ്രതിഷേധത്തിനിടയാക്കിയിരുന്നു. ഇതോടെ പരിശീലന പരിപാടി ഉച്ചയ്ക്ക് ശേഷമാക്കി ക്രമീകരിച്ചു.
കഴിഞ്ഞ ഫെബ്രുവരി മാസം 10നാണ് ആശ വര്‍ക്കര്‍മാര്‍ സെക്രട്ടറിയേറ്റ് പടിക്കല്‍ സമരം ആരംഭിച്ചത്. ആവശ്യങ്ങള്‍ സര്‍ക്കാര്‍ അംഗീകരിക്കുന്നതുവരെ സമരം നിര്‍ത്തില്ലെന്നാണ് ആശാ വര്‍ക്കേഴ്സ് പറയുന്നത്. 1
-
Film19 hours agoപൂര്ണ ആരോഗ്യത്തോടെ മമ്മൂട്ടി തിരിച്ചു വരുന്നു; ഫെയ്സ്ബുക്ക് പോസ്റ്റിലൂടെ പങ്കുവെച്ച് ജോര്ജും ആന്റോ ജോസഫും
-
india3 days agoഎസ്.ഐ.ആറില് നിന്ന് പിന്മാറില്ല; ആരോപണങ്ങളില് അന്വേഷണമില്ല -തെരഞ്ഞെടുപ്പ് കമ്മീഷന്
-
kerala3 days agoകണ്ണൂരില് എംഡിഎംഎയുമായി ഷുഹൈബ് കൊലക്കേസ് പ്രതി ഉള്പ്പടെ ആറ് പേര് പിടിയില്
-
kerala3 days agoകോട്ടയത്ത് റിട്ടയേര്ഡ് എസ്ഐയെ ലോഡ്ജില് മരിച്ച നിലയില് കണ്ടെത്തി
-
india3 days agoജമ്മു കശ്മീരില് വീണ്ടും മേഘവിസ്ഫോടനം; ഏഴ് പേര് മരിച്ചു
-
kerala2 days agoസുല്ത്താന് ബത്തേരിയില് ഒമ്പതാം ക്ലാസ് വിദ്യാര്ത്ഥി വീട്ടില്‍ മരിച്ച നിലയില്
-
kerala3 days agoവനിതകള് അമ്മയുടെ തലപ്പത്തേക്ക് വരണമെന്നത് നേരത്തെയുള്ള അഭിപ്രായമായിരുന്നു; ആസിഫ് അലി
-
Film2 days agoവീണ്ടും ഞെട്ടിക്കാൻ മമ്മൂട്ടി; “കളങ്കാവൽ” പുത്തൻ പോസ്റ്റർ പുറത്ത്