പിഎന്‍ബി തട്ടിപ്പ്: ലോക്‌സഭയില്‍ ചര്‍ച്ച വേണമെന്ന് പ്രതിപക്ഷം

ന്യൂഡല്‍ഹി: പഞ്ചാബ് നാഷണല്‍ ബാങ്ക് കേന്ദ്രീകരിച്ച് നടന്ന സാമ്പത്തിക തട്ടിപ്പിനെ കുറിച്ച് ചൊവ്വാഴ്ച ലോക്‌സഭയില്‍ ചര്‍ച്ച വേണമെന്ന് മുഖ്യപ്രതിപക്ഷ കക്ഷികള്‍ സര്‍ക്കാറിനോട് ആവശ്യപ്പെട്ടു. സ്പീക്കര്‍ സുമിത്രാ മഹാജന്‍ വിളിച്ചു ചേര്‍ത്ത ലോക്‌സഭാ ബിസിനസ് അഡൈ്വസറി കമ്മിറ്റി യോഗത്തിലാണ് പ്രതിപക്ഷ കക്ഷികള്‍ ഈ ആവശ്യമുന്നയിച്ചത്.

കോണ്‍ഗ്രസ്, തൃണമൂല്‍ കോണ്‍ഗ്രസ്, ബിജെഡി കക്ഷികളാണ് ചര്‍ച്ച വേണമെന്ന് ആവശ്യപ്പെട്ടത്. ചൊവ്വാഴ്ച 12 മണിക്ക് ശേഷം നാല് മണിക്കൂര്‍ ബാങ്ക് തട്ടിപ്പ് സംബന്ധിച്ച ചര്‍ച്ച വേണമെന്നും മറ്റു വിഷയങ്ങള്‍ അതിന് ശേഷം ചര്‍ച്ച ചെയ്താല്‍ മതിയെന്നും പ്രതിപക്ഷ കക്ഷികള്‍ ആവശ്യപ്പെട്ടു.

SHARE