Connect with us

More

യു.എസ് നഗരങ്ങളിലെ മുസ്‌ലിം വിരുദ്ധ മാര്‍ച്ചുകളില്‍ സംഘര്‍ഷം

Published

on

വാഷിങ്ടണ്‍: അമേരിക്കയിലെ പ്രമുഖ നഗരങ്ങളില്‍ വലതുപക്ഷ തീവ്രവാദികളുടെ മുസ്്‌ലിം വിരുദ്ധ മാര്‍ച്ച്. ശരീഅത്തിനെതിരെ ദേശീയ മാര്‍ച്ച് എന്ന പേരില്‍ ആക്ട് ഫോര്‍ അമേരിക്കയുടെ ആഹ്വാന പ്രകാരം രാജ്യത്തെ 28 നഗരങ്ങളില്‍ റാലികള്‍ നടന്നു. മുസ്്‌ലിം വിരുദ്ധ മുദ്രാവാക്യങ്ങള്‍ മുഴങ്ങിയ ചില റാലികളില്‍ ഉന്തുംതള്ളുമുണ്ടായി. വാഷിങ്ടണ്‍, സിയാറ്റില്‍ തുടങ്ങിയ നഗരങ്ങളില്‍ റാലിക്കാരും ആന്റിഫ എന്ന ഫാസിസ്റ്റ് വിരുദ്ധ സംഘടനയുടെ പ്രവര്‍ത്തകരും തമ്മില്‍ ചെറിയ തോതില്‍ ഏറ്റുമുട്ടി.

അക്രമാസക്തരായ ജനക്കൂട്ടത്തെ പിരിച്ചുവിടാന്‍ പൊലീസ് കുരുമുളക് സ്‌പ്രേ പ്രയോഗിച്ചു. ചിലയിടങ്ങളില്‍ ആന്റിഫ സമാന്തര റാലികള്‍ നടത്തി. മുസ്്‌ലിംകള്‍ക്കെതിരെ അക്രമങ്ങള്‍ ഇളക്കിവിടുകയാണ് റാലിക്കാരുടെ ലക്ഷ്യമെന്ന് കൗണ്‍സില്‍ ഓണ്‍ അമേരിക്കന്‍-ഇസ്‌ലാമിക് റിലേഷന്‍സ് ആരോപിച്ചു. ഡൊണാള്‍ഡ് ട്രംപ് പ്രസിഡന്റായതോടെ അമേരിക്കന്‍ സമൂഹത്തില്‍ ഇസ്‌ലാമോഫോബിയ കൂടുതല്‍ ശക്തിപ്പെട്ടിരിക്കുകയാണെന്ന് സാമൂഹിക പ്രവര്‍ത്തകനായ അലിയ സാലിം അഭിപ്രായപ്പെട്ടു. 2007ലാണ് ആക്ട് ഫോര്‍ അമേരിക്ക സ്ഥാപിതമായത്. തങ്ങള്‍ക്ക് അഞ്ചു ലക്ഷത്തിലേറെ അനുയായികളുണ്ടെന്നാണ് സംഘടനയുടെ അവകാശവാദം. പ്രസിഡന്റ് തെരഞ്ഞെടുപ്പ് കാലത്ത് ട്രംപിന് ഉറച്ച പിന്തുണ നല്‍കിയ ഗ്രൂപ്പുകളിലായിരുന്നു ഈ സംഘടന.

Continue Reading
Advertisement
Click to comment

Leave a Reply

Your email address will not be published. Required fields are marked *

india

പരീക്ഷാ പേടി: വിദ്യാർഥി കോളേജ് കെട്ടിടത്തിന് മുകളിൽ നിന്നും ചാടി ജീവനൊടുക്കി

മണിപ്പാൽ യൂണിവേഴ്‌സിറ്റിയിലെ രണ്ടാം വർഷ ബിഎസ്സി വിദ്യാർഥിയാണ് 6 നിലയുള്ള കെട്ടിടത്തിന്റെ മുകളിൽ നിന്നും ചാടിയത്

Published

on

കർണാടകയിൽ കോളജ് കെട്ടിടത്തിൽ നിന്ന് ചാടി വിദ്യാർഥി ജീവനൊടുക്കി. മണിപ്പാൽ യൂണിവേഴ്‌സിറ്റിയിലെ രണ്ടാം വർഷ ബിഎസ്സി വിദ്യാർഥിയാണ് 6 നിലയുള്ള കെട്ടിടത്തിന്റെ മുകളിൽ നിന്നും ചാടിയത്. പരീക്ഷാഭയമാണ് ഇരുപതുകാരനായ വിദ്യാർഥിയുടെ ആത്മഹത്യക്ക് പിന്നിലെന്ന് നിഗമനം.

ബിഹാർ സ്വദേശി സത്യം സുമൻ എന്ന വിദ്യാർഥിയാണ് മരിച്ചത്. കോളജ് ക്യാമ്പസിലെ 6 നിലയുള്ള കെട്ടിടത്തിന് മുകളിൽ നിന്ന് സത്യം താഴേക്ക് ചാടുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരീക്ഷാഭയമാണ് ആത്മഹത്യാ കാരണമെന്നാണ് നിഗമനം.

കോളജിൽ നടന്നുകൊണ്ടിരുന്ന പരീക്ഷ എഴുതാൻ സുമന് ഭയമായിരുന്നുവെന്ന് സഹപാഠികൾ പൊലീസിനോട് പറഞ്ഞു. സംഭവവുമായി ബന്ധപ്പെട്ട് മണിപ്പാൽ പൊലീസ് കേസെടുത്തിട്ടുണ്ട്.

Continue Reading

india

ബേലൂർ മഖ്‌ന ദൗത്യം: സംയുക്ത കർമ പദ്ധതി തയ്യാറാക്കാൻ ഹൈക്കോടതി നിർദേശം

വയനാട് കലക്ടർ, ജില്ല പൊലീസ് മേധാവി, എഡിജിപി, അഡീഷനൽ ചീഫ് സെക്രട്ടറി, ചീഫ് കൺസർവേറ്റർ ഓഫ് ഫോറസ്റ്റ് എന്നിവർ ഓൺലൈൻ വഴി ഹാജരായി നിലവിലെ സ്ഥിതിഗതികൾ വിശദീകരിച്ചു

Published

on

വയനാട്ടിൽ ജനവാസ മേഖലയിലേക്കു കാട്ടാന ഉൾപ്പെടെയുള്ള വന്യമൃഗങ്ങൾ കാട്ടുന്ന അതിക്രമങ്ങൾ നേരിടാനായി കേരളം, കർണാടക, തമിഴ്‌നാട് അഡീഷനൽ ചീഫ് സെക്രട്ടറിമാരുടെ തലത്തിൽ സംയുക്ത കർമപദ്ധതി തയാറാക്കണമെന്നു ഹൈക്കോടതി നിർദേശിച്ചു.

വയനാട്ടിൽ ആക്രമണം നടത്തിയ ബേലൂർ മഖ്‌നയെ മയക്കുവെടി വയ്ക്കാൻ കേരള വനം പ്രിൻസിപ്പൽ ചീഫ് കൺസർവേറ്റർ ഉത്തരവിട്ടിട്ടുണ്ടെങ്കിലും ആന കർണാടക വനാതിർത്തിയിലേക്കു മാറിയാൽ ഉണ്ടാകുന്ന നിയമാധികാര പ്രശ്‌നത്തിന്റെ പശ്ചാത്തലത്തിലാണു ജസ്റ്റിസ് എ.കെ.ജയശങ്കരൻ നമ്പ്യാർ, ജസ്റ്റിസ് പി.ഗോപിനാഥ് എന്നിവരുൾപ്പെട്ട ഡിവിഷൻ ബെഞ്ച് നിർദേശിച്ചത്.

വയനാട് കലക്ടർ, ജില്ല പൊലീസ് മേധാവി, എഡിജിപി, അഡീഷനൽ ചീഫ് സെക്രട്ടറി, ചീഫ് കൺസർവേറ്റർ ഓഫ് ഫോറസ്റ്റ് എന്നിവർ ഓൺലൈൻ വഴി ഹാജരായി നിലവിലെ സ്ഥിതിഗതികൾ വിശദീകരിച്ചു.

Continue Reading

crime

84000 രൂപ കൈക്കൂലിയുമായി പിടിയിലായപ്പോള്‍ പൊട്ടിക്കരഞ്ഞ എഞ്ചിനീയറുടെ വീട്ടില്‍ 4 കിലോ സ്വര്‍ണവും 65 ലക്ഷം രൂപയും

തെലങ്കാന ട്രൈബല്‍ വെല്‍ഫെയര്‍ എന്‍ജീനിയറിംഗ് ഡിപ്പാര്‍ട്ട്‌മെന്റിലെ എക്‌സിക്യൂട്ടീവ് എന്‍ജീനിയറായ കെ. ജഗ ജ്യോതിയെയാണ് 84000 രൂപ കൈക്കൂലി വാങ്ങുന്നതിനിടെ പിടികൂടിയത്.

Published

on

കൈക്കൂലി വാങ്ങുന്നതിനിടെ സര്‍ക്കാരുദ്യോഗസ്ഥയെ ആന്റി കറപ്ക്ഷന്‍ ബ്യൂറോ കൈയ്യോടെ പിടികൂടി. തെലങ്കാനയിലാണ് സംഭവം നടന്നത്. തെലങ്കാന ട്രൈബല്‍ വെല്‍ഫെയര്‍ എന്‍ജീനിയറിംഗ് ഡിപ്പാര്‍ട്ട്‌മെന്റിലെ എക്‌സിക്യൂട്ടീവ് എന്‍ജീനിയറായ കെ. ജഗ ജ്യോതിയെയാണ് 84000 രൂപ കൈക്കൂലി വാങ്ങുന്നതിനിടെ പിടികൂടിയത്.

ജഗ ജ്യോതി കൈക്കൂലി ആവശ്യപ്പെട്ടുവെന്ന പരാതിയുമായി ഒരാള്‍ ആന്റി കറപ്ക്ഷന് ബ്യൂറോയെ സമീപിച്ചിരുന്നു. ഇതേത്തുടര്‍ന്ന് നടത്തിയ ഓപ്പറേഷനിലാണ് ഇവരെ കൈയ്യോടെ പിടികൂടിയത്.

ഇവരുടെ വീട്ടിലും പൊലീസ്‌ പരിശോധന നടത്തിയിരുന്നു. ഈ പരിശോധനയില്‍ 65 ലക്ഷം രൂപയും 4 കിലോ സ്വര്‍ണ്ണവും കണ്ടെത്തി. രണ്ട് കോടിയിലധികം മൂല്യം വരും ഇവയ്ക്ക്. നിയമവിരുദ്ധമായാണ് ഇവര്‍ ഇത്രയധികം സ്വത്ത് സമ്പാദിച്ചതെന്നും പൊലീസ്‌
പറഞ്ഞു.

ഫിനോഫ്തലീന്‍ ലായനി പരിശോധനയിലൂടെയാണ് ജഗ ജ്യോതി കുറ്റക്കാരിയാണെന്ന് കണ്ടെത്തിയത്. കെ. ജഗ ജ്യോതി അനര്‍ഹമായ പണം നേടാന്‍ ഔദ്യോഗിക പദവിയിലിരുന്ന് സത്യസന്ധതയില്ലാതെ പ്രവര്‍ത്തിച്ചുവെന്നും ആന്റി കറപ്ക്ഷന്‍ ബ്യൂറോ പറഞ്ഞു.

Continue Reading

Trending