india
വിരമിച്ച പി.ഡബ്ല്യുഡി എഞ്ചിനീയറുടെ വസതികളില് കോടികളുടെ സ്വത്ത് പിടികൂടി
റെയ്ഡുകള് ലോകായുക്ത ഡയറക്ടര് ജനറല് യോഗേഷ് ദേശ്മുഖയുടെ മേല്നോട്ടത്തില് നടന്നതായി പൊലീസ് അറിയിച്ചു.
ഭോപ്പാല് മധ്യപ്രദേശ് ലോകായുക്ത പൊലീസ് വ്യാഴാഴ്ച ഭോപ്പാലിലും നര്മ്മദാപുരം ജില്ലയിലും നടത്തിയ റെയ്ഡില് കോടികളുടെ സ്വത്ത്, സ്വര്ണം, വെള്ളി, ആഡംബര വാഹനങ്ങള് എന്നിവ പിടികൂടി. വിരമിച്ച പി.ഡബ്ല്യുഡി എഞ്ചിനീയര് ജി.പി. മെഹ്റയുടെ വസതികളിലാണ് ഇവ കണ്ടെത്തിയത്.
റെയ്ഡുകള് ലോകായുക്ത ഡയറക്ടര് ജനറല് യോഗേഷ് ദേശ്മുഖയുടെ മേല്നോട്ടത്തില് നടന്നതായി പൊലീസ് അറിയിച്ചു. മെഹ്റയുടെ സര്വീസിലായിരുന്ന കാലത്ത് അഴിമതിയിലൂടെ വന്തോതില് സ്വത്ത് സമ്പാദിച്ചതാണ് അന്വേഷണത്തിന്റെ അടിസ്ഥാനമെന്ന് എസ്പി ഡി. റാഥോഡ് വ്യക്തമാക്കി. അഴിമതി നിരോധന നിയമപ്രകാരം കേസ് രജിസ്റ്റര് ചെയ്തിട്ടുണ്ട്.
ഭോപ്പാല് ഗോവിന്ദ്പുര ഇന്ഡസ്ട്രിയല് ഏരിയയിലുള്ള കെ.ടി ഇന്ഡസ്ട്രീസ് ഫാക്ടറിയില് നിന്നും ഫാക്ടറി ഉപകരണങ്ങള്, അസംസ്കൃത വസ്തുക്കള്, ഉടമസ്ഥാവകാശ രേഖകള് എന്നിവ കണ്ടെടുത്തു. മെഹ്റയുടെ മകന് രോഹിതിന്റെയും കൈലാഷ് നായിക് എന്നയാളുടെയും സംയുക്ത ഉടമസ്ഥതയിലുള്ളതാണ് പിവിസി പൈപ്പ് നിര്മാണ യൂണിറ്റ് എന്നാണ് റിപ്പോര്ട്ട്. സൈനി ഗ്രാമത്തിലുള്ള മെഹ്റയുടെ ഫാം ഹൗസില് നിന്നും 17 ടണ് തേന്, ആറ് ട്രാക്ടറുകളും കാര്ഷിക യന്ത്രങ്ങളും പിടിച്ചെടുത്തു. നിര്മാണത്തിലിരിക്കുന്ന 32 കോട്ടേജുകളും പൂര്ത്തിയായ ഏഴ് കോട്ടേജുകളും ഇയാള്ക്കുണ്ട്. രണ്ട് മത്സ്യ ഫാമുകള്, രണ്ട് പശുത്തൊഴുത്തുകള്, രണ്ട് വലിയ കുളങ്ങള്, ഒരു ക്ഷേത്രം എന്നിവയും മെഹ്റയുടെ ഉടമസ്ഥതയിലുണ്ട്.
ഫോര്ഡ് എന്ഡവര്, സ്കോഡ സ്ലാവിയ, കിയ സോണറ്റ്, മാരുതി സിയാസ് എന്നിവയുള്പ്പെടെയുള്ള ആഡംബര വാഹനങ്ങളെല്ലാം മെഹ്റയുടെ കുടുംബാംഗങ്ങളുടെ പേരിലാണ് രജിസ്റ്റര് ചെയ്തിരിക്കുന്നത്.പിടിച്ചെടുത്ത രേഖകളും ഡിജിറ്റല് രേഖകളും പരിശോധിക്കുന്നതിനായി ഫോറന്സിക് സംഘങ്ങളെ നിയോഗിച്ചിട്ടുണ്ട്.
india
ചെങ്കോട്ട സ്ഫോടനം; സംസ്ഥാനത്ത് പരിശോധന ശക്തമാക്കി ബോംബ് സ്ക്വാഡ്
കോഴിക്കോട്, മലപ്പുറം, എറണാകുളം, പാലക്കാട്, ആലപ്പുഴ തുടങ്ങിയ സ്ഥലങ്ങളിലാണ് പരിശോധന നടത്തുന്നത്
കോഴിക്കോട്: ഡൽഹി സ്ഫോടനവുമായി ബന്ധപ്പെട്ട് സംസ്ഥാനത്ത് വിവിധ ഇടങ്ങളിൽ പരിശോധന. കോഴിക്കോട്, മലപ്പുറം, എറണാകുളം, പാലക്കാട്, ആലപ്പുഴ തുടങ്ങിയ സ്ഥലങ്ങളിലാണ് പരിശോധന നടത്തുന്നത്. കോഴിക്കോട് റെയിൽവേ സ്റ്റേഷൻ, ബീച്ച്, ksrtc ബസ്റ്റാന്റ് എന്നിവിടങ്ങളിൽ ബോംബ് സ്ക്വാഡ് പരിശോധന നടത്തുന്നു. റെയിൽവേ സ്റ്റേഷൻ, ബസ് സ്റ്റാൻഡ്, ബീച്ച് തുടങ്ങി ജനങ്ങൾ കൂടുതൽ വരാൻ സാധ്യതയുള്ള സ്ഥലങ്ങളിലാണ് പരിശോധന നടത്തുന്നതെന്ന് പൊലീസ് അറിയിച്ചു.
ഡൽഹി സ്ഫോടനത്തെ തുടർന്ന് കൊച്ചിയിലും വ്യാപക പരിശോധന. എറണാകുളം സൗത്ത് റെയിൽവേ സ്റ്റേഷനിലും മറ്റ് ജനങ്ങൾ കൂട്ടമായി വരാൻ സാധ്യതയുള്ള സ്ഥലങ്ങളിലുമാണ് പരിശോധന നടത്തുന്നത്. ആർപിഎഫും പൊലീസും ചേർന്നാണ് പരിശോധന നടത്തുന്നത്. പാലക്കാട്ട് റെയിൽവേ സ്റ്റേഷനുകളിലും പരിശോധന നടന്നു. ഡോഗ്-ബോംബ് സ്ക്വാഡുകളുടെ നേതൃത്വത്തിലാണ് പരിശോധന. പാലക്കാട് ജംഗ്ഷൻ, ഷൊർണൂർ തുടങ്ങിയ പ്രധാനപ്പെട്ട സ്റ്റേഷനുകളിൽ പരിശോധന തുടരുകയാണ്. ആലപ്പുഴ ജില്ലയിൽ റെയിൽവേ സ്റ്റേഷനിൽ ബോംബ് സ്ക്വാഡും കെ – 9 സ്ക്വാഡും പരിശോധന നടത്തി.
അതേസമയം, ഡൽഹി സ്ഫോടനത്തിന്റെ പശ്ചാത്തലത്തിൽ എയർപോർട്ടുകളുടെ സുരക്ഷ വർധിപ്പിക്കാൻ നിർദേശം. ബ്യൂറോ ഓഫ് സിവിൽ ഏരിയേഷൻ സെക്യൂരിറ്റി ഡിജിയാണ് നിർദേശം നൽകിയത്. സംസ്ഥാന പോലീസ് മേധാവിമാർക്ക് കത്തയച്ചു. സുരക്ഷ വർധിപ്പിച്ച് തിരുവനന്തപുരം അന്താരാഷ്ട്ര വിമാനത്താവളം. യാത്രക്കാരുടെ സ്ക്രീനിങ് നടപടികൾ ശക്തമാക്കി. സുരക്ഷാ നടപടികളുമായി സഹകരിക്കണമെന്ന് യാത്രക്കാർക്ക് നിർദേശം.
india
മാംസാഹാരം കഴിച്ചെന്ന് ആരോപണം; തിരുമല തിരുപ്പതി ദേവസ്ഥാനം ജീവനക്കാരെ പുറത്താക്കി
അലിപിരിക്ക് സമീപം മാംസാഹാരം കഴിച്ചതായി കണ്ടെത്തിയതിനാല് രണ്ട് ഔട്ട്സോഴ്സ് ജീവനക്കാരെ പിരിച്ചുവിട്ടതായി തിരുമല തിരുപ്പതി ദേവസ്ഥാനം (ടിടിഡി) അറിയിച്ചു.
തിരുപ്പതി: അലിപിരിക്ക് സമീപം മാംസാഹാരം കഴിച്ചതായി കണ്ടെത്തിയതിനാല് രണ്ട് ഔട്ട്സോഴ്സ് ജീവനക്കാരെ പിരിച്ചുവിട്ടതായി തിരുമല തിരുപ്പതി ദേവസ്ഥാനം (ടിടിഡി) അറിയിച്ചു. രാമസ്വാമി,സരസമ്മ എന്ന രണ്ടു ജീവനക്കാരെയാണ് പുറത്താക്കിയത്. സംഭവവുമായി ബന്ധപ്പെട്ട് ടിടിഡി തിരുമല രണ്ട് നഗര് പൊലീസ് സ്റ്റേഷനില് പരാതി നല്കിയതിനെ തുടര്ന്ന് ആന്ധ്രാപ്രദേശ് ചാരിറ്റബിള് ആന്ഡ് എന്ഡോവ്മെന്റെസ് ആക്ട് സെക്ഷന് 114 പ്രകാരം പൊലീസ് കേസ് രജിസ്റ്റര് ചെയ്തു. ശ്രീ വെങ്കിടേശ്വര ക്ഷേത്രത്തിന്റെ ഔദോഗിക സൂക്ഷിപ്പുകാരായ ടിടിഡി പത്രക്കുറിപ്പിലൂടെ സംഭവത്തില് കര്ശന നടപടി സ്വീകരിച്ചിട്ടുണ്ടെന്ന് വ്യക്തമാക്കി.
-
kerala2 days agoതദ്ദേശ തിരഞ്ഞെടുപ്പ് പ്രഖ്യാപനം നാളെ ?, 20ന് മുന്പ് വോട്ടെണ്ണല്
-
india3 days agoമകന് പഠനത്തില് മോശമെന്ന് പിതാവിനോട് അധ്യാപകര്; പിന്നാലെ വിദ്യാര്ഥി ജീവനൊടുക്കി
-
News2 days agoകെട്ടിട അവിശിഷ്ടങ്ങള്ക്കടിയില് നിന്ന് ഇസ്രാഈലി സൈനികന്റെ മൃതദേഹം കണ്ടെടുത്ത് ഹമാസ്
-
india2 days agoഡോക്ടര്മാര് മരിച്ചതായി വിധിയെഴുതി; സംസ്കാര ചടങ്ങിനിടെ ശ്വസിച്ച് യുവാവ്
-
india3 days agoഹെല്മറ്റ് ധരിക്കാത്തതിന് സ്കൂട്ടര് ഉടമയ്ക്ക് 20 ലക്ഷത്തിലേറെ രൂപ പിഴ ചുമത്തി യുപി പൊലീസ്
-
kerala2 days agoകേരളത്തില് ശക്തമായ മഴയ്ക്കും ഇടിമിന്നലിനും സാധ്യത: നാല് ജില്ലകള്ക്ക് യെല്ലോ അലര്ട്ട്
-
News2 days agoന്യൂയോര്ക്ക് പരിപാടിയില് സൊഹ്റാന് മമദാനി ഉമര് ഖാലിദിന്റെ ജയില് ഡയറി വായിച്ചപ്പോള്
-
kerala2 days agoകുഞ്ഞിന്റെ മരണം കൊലപാതകമെന്ന് പിതാവ്; അമ്മയും ലെസ്ബിയന് പങ്കാളിയും അറസ്റ്റില്